25/02/2024
نصايح هامة قبل ما تركب كاميرات مراقبة :
1-- مفيش حاجة اسمها أعلى جودة بأقل سعر
إنت عمرك ما هتركب مرسيدس 2023 ب 50 الف جنية
ولا عمرك هتشيل Iphone X ب 2000 ج
فخليك واقعى واعرف انت بتشترى ايه
* فيه حاجة اسمها جودة مناسبة على أد فلوسك .
* وفيه حاجة اسمها جودة عالية بفلوس عالية برضةطه .
2-- مفيش حاجة اسمها خصم 30 % و 40 % و 50 % .. فيه حاجة ب 100 جنيه اتكتب عليها إنها ب 200 جنيه واتعملك خصم 50 % فرجعت لسعرها الأصلى ..
" مفيش حد هيبيع بخسارة"
3-- لما تيجى تختار كاميرات المراقبة حدد هدفك مظبوط ..
* عاوز تتابع الدنيا وخلاص ..
* ولا عاوز تشوف تفاصيل ووشوش بنى أدمين ..
* ولا عاوز تجيب أرقام العربيات ، وكمان حدد العربيات دى ثابتة ولا متحركة ولو متحركة بتتحرك بسرعة كام ؟ ..
كل العوامل دى بتفرق مع المهندس اللى هيصمملك السيستم ..
4-- دايما اهتم أن يكون فيه سيستم يشغل الكاميرات لما الكهرباء بتقطع لأن أول حاجة بيعملها الحرامى إنه يفصل الكهرباء عن المكان عشان يكون على راحته ..
5-- اهتمامك بالسعر على حساب الكواليتى هيلبسك فى الحيط .. بلاش توفر فى الكاميرات بالذات وركب حاجة محترمة ..
" هى مرة فى العمر "
6-- مش معنى ان عم عبده البقال بقا شغال فى الكاميرات إن الموضوع بقا سهل ومش مستاهل -- الفيس بوك مليان فيديوهات لعمليات سرقة وخطف وسطو مسلح وكل الفيديوهات مشترك فيها إن وش المجرم مش باين :D -- وده مش ذنب عم عبده بس -- ده ذنبك إنت إنك ركبت حاجة رخيصة وده طلبك وكل اللي إنت عايزه 4 كاميرات بكام ده المهم بالنسب لك وغير مطابقة للمواصفات ومش متناسبة مع المكان اللى إنت فيه ..
7 -- التركيب والفنش للسيستم يعتبر عامل كبير فى سلامة النظام وعمله بشكل سليم وده اللى بيفرق من فني للتاني -- ودايما اهتم بحماية الكابلات جوة مواسير PVC أو على الأقل مواسير حراري ..
لازم تعرف كمان ان العنصر المسئول عن التسجيل هو #الهارد ديسك وده بيركب جوة جهاز التسجيل "الدى فى آر " والهارد منه أنواع كتير ، فيه هارد بيانات بيركب فى الكمبيوتر وهارد فيديو بيركب مع كاميرات المراقبة جوة ال دى فى ار .. متروحش تركب هارد كمبيوتر للكاميرات عشان مش هيعمر اكتر من 6 شهور .. وتقول الكلمة الشهيرة أنا سألت على الهارد لقيته بكذا .. إنت سألت على نوعه ولا أي حاجة والسلام اللهم بلغت :D
8-- قبل ما تفكر تمارس هواية الفصال -- من حقك كعميل تاخد حاجة اسمها عرض أسعار وده عبارة عن ورقة فيها مكونات السيستم وكل مكون أمامه رقم الموديل بتاعه بالكامل عشان تقدر تلف وتسأل عن طريق رقم الموديل وتوصل لأقل سعر وده حقك --
لو أخدت عرض سعر بدون أرقام الموديلات وبيان مختصر للمواصفات فدى حاجة من الاتنين يا إما فني جاهل يا إما نصاب - وفى كلتا الحالتين متتعاملش معاه ..
مهو برضه مينفعش أروح أسأل الموبايل السامسونج بكام !
سامسونج عملت أكتر من 100 موبايل المفروض تحدد الموديل بالظبط عشان على أساسه هتوصل لأفضل سعر ..
مثلا كاميرا 2 ميجا من 500 إلى 1400 حسب الموديل
وإمكانياتها
نفس الكلام فى كاميرات المراقبة كلهم شبه بعض تقريبا بس الموديل بيفرق فى المواصفات وجودة الصورة وبالتأكيد بيفرق فى السعر
9 -- لازم تبقى عارف إنت عايز إيه بالظبط ..
10-- اهتم ان يكون جهاز التسجيل مستخبي لأنه شبه الرسيفر وأول حاجة بتتسرق :D
11-- مفيش كاميرا تنفع مكان التانية -- كل مكان له كاميرات معينة - اللى يركب فى محل .. غير اللى يركب على طريق .. غير اللى يركب على بوابة .. غير اللى يركب جوة فرن ..
أحمد مش زى الحاج أحمد فى الحالة دى ..
12-- متهتمش الكاميرات صيني ولا تايواني ولا بتنجاني لأن كله متقفل فى الصين ..
اهتم بالمواصفات وشوف بعينك قبل ما تركب ..
13 -- كاميرات المراقبة قبل ما بتكون عامل ردع فى بعض الأوقات -- بتكون عامل ارتياح نفسي واطمئنان على نفسك وأسرتك ..
14-- مفيش حد هيبيعلك بالرخيص ويديك ضمان استبدال لمدة سنة .. الحداية مش بترمي كتاكيت 😂
15-- لو محتار تختار الكواليتى ولا السعر .. دايما اختار نفسك :)
في النهاية
16-- ومعلومه اخيرا من حقك تاخد جميع بياناتك الخاصه بجهاز الكاميرات الخاص بك ومش من حق اى شخص اخر احتكار هذه البيانات
يشرفنا تواصلكم معانا وانت بتختار الكاميرات حتى لو مش انا اللي هركبها وحد تاني هيركبها
بس تختار صح واسئل وشوف بنفسك
ودى ارقامنا
01069301011 - م/محمد مسعد
01000053769- أ / محمد المغربى
