مركز كيان للتخاطب- Kayan Speech Center

18/05/2024

كلام مهم جدا لكل ام 👩‍👦

١. مفيش حاجة اسمها سيبيه وهو هيتكلم لوحده ( وهنا تكمن اهميه التدخل المبكر لدي الطفل يجب تشخيصه تشخيص سليم ومباشرة الجلسات بما يناسب لتشخيص)
٢. مفيش حاجه اسمها انه ابنك مابيتكلمش عشان عنده رابط لسان (رابط اللسان لا يؤخر لغة وإنما في بعض الحالات وليست كلها يخلق مشكله في صوتي اللام والراء فقط اي يحدث عيب نطق وليس تأخر لغوي)
٣. مفيش حاجه اسمها علاج هيخلي طفلك يتكلم (مفيش اي علاج ف العالم هيخلي ابنك يتكلم ال يساعد الطفل على تنميه اللغة لديه هي جلسات التخاطب فقط .

التخاطب من أولى الخطوات اللي هيحتاجها طفلك في بداية العلاج

⬅️طفلك لو مش قادر يعبر عن أحتياجاته وبيعبر عنها بالإشارة او الصراخ
⬅️لو الطفل عنده صعوبه في فهم كلامك أو الأوامر البسيطة لو فيه مشاكل في النطق وبينطق حروف غلط!
الطفل مش بيفرق بين الجمع والمفرد
كلام الطفل كثير وغير مفهوم🤔

⬅️الطفل منطوي ومش عارف يندمج مع الأطفال في نفس سنه
علشان كده لازم جلسات التخاطب

⬅️بنساعدك تعرفي سبب تأخر اللغة عند أبنك و أزاى تتعامل معاه فى الحياة اليومية ...

18/05/2024

إعتذارنا لولادنا مش معناه موافقتنا علي تصرف خاطئ خرجنا عن شعورنا مثلا

إعتذارنا معناه إننا بنعلمهم

يحافظوا على كرامتهم

ان الضرب او الاهانة مش مبرر للانسان وقت الغضب لأننا فعل مش رد فعل ولأننا مسؤلين عن ادارتنا لمشاعرنا مش بنسيب الآخرين يحركونا ان مش حقنا نحمل الآخرين نتيجة خطأنا او تجاوزنا ان الاعتذار والاعتراف بالخطأ شجاعة مش حاجة تقلل من قيمتنا

وطبعا طبيعي جدا بعد ما نهدي كلنا ونتجاوز خطأنا اللي. حصل نتفاهم في الخطأ او في سلوك الطفل اللي بدأنا بيه المشكلة من الاول ونتفاهم بطريقة محترمة بينا ونطبق العواقب عادي جدا

بتعتذروا لولادكم واللا لا؟🫣

18/05/2024

ازاي تعلم طفل التوحد الانتباه لاسمه؟؟......؟؟؟؟؟
اول حاجه بيكون موجود في مكان التدريب الاب والام والطفل
مثلا الطفل اسمه محمد

الام بتكون موجوده على اول الغرفه والطفل بيكون موجود اخر الغرفه والاب واقف ورا الطفل
الام تفضل تقول احمد تعالى محمد تعالى محمد تعالى والاب واقف وراء الطفل بيوديه ناحيه امه لحد الطفل ما يوصل لامه طبعا الطفل هيصرخ ويعيط ويقع ف الأرض احنا بنتجاهل كل ده ونكمل تدريب وكل مره يوصل فيها الطفل للام بعد المناداه بياخد فيها معزز

بعد كده نعكس يعني الاب يكون واقف في اول الغرفه والطفل في اخر الغرفه والام واقفه وراء الطفل الاب يقول محمد تعالى احمد تعالى والام واقفه ورا الطفل بتوديه ناحيه الاب وبرده اول ما يوصل الطفل بياخد معزز

التدريب ده بنعمله مع الطفل لوحده وبعدها نعمل له تعميمم يعني الاخ والاخت يعملوه الجد والجده اي مكان الطفل بيكون موجود فيه بيتم معاه التدريب بنفس النظام هتلاقي ابنك انتبه لاسمه واول لما تنادي عليه هيبص عليك ويجي لك

18/05/2024

امهات كتير بتسال ابني مش بيتكلم اعرف ازاي هو عنده توحد ولا تاخر كلام
📌الفرق بين التوحد و تأخر الكلام

1️⃣ لو الطفل عنده تأخر الكلام بيكون عنده لغة استقبالية يعني بيفهم الاوامر وبينفذها .. لكن طفل التوحد بيواجه مشاكل في دة

2️⃣ لو الطفل عنده تأخر الكلام بيقدر يشاور بـ صباعة علي اللي محتاجة .. لكن طفل التوحد مبيشاورش و ممكن ياخد صباعك يشاور بيه

3️⃣ لو الطفل عنده تأخر الكلام بيتفاعل ويلعب مع الاطفال ومفيش مشكلة في التواصل مع الآخرين وبيهتم لغياب الام ولما ترجع بيعبر أنة مبسوط .. لكن طفل التوحد مش بيهتم بالاخرين ولا بيلعب ولا بيتفاعل

4️⃣ لو الطفل عنده تأخر الكلام بيتعلم من الآخرين مهارة التقليد .. لكن طفل التوحد عنده مشاكل كبيرة في التقليد

ناخد بالنا ان التدخل المبكر يساعد في سرعه تاهيل ابنك ان كان طفل توحد او تاخر كلام

شخص ابنك صح

18/05/2024

معلومات للامهات عن حالات التأخر اللغوي .
اعتمدي علي السماع
علشان يتكلم
علي كل الحواس
ربنا رزقنا خمس حواس
سمع
اغاني وموسيقى وقصص
بصر
اشارات مع كلام
مع مسطره
.
احضري فواكهه واعملي سلطة فواكه
واعطيه شوكه يتذوق واخبريه
هذا مالح طعمه مالح
هذا مسكر
طعمة مسكر
هذه فراولة
لونها احمر
هكذا ده التذوق
وواحده واحده هيعرف ويتكلم

05/04/2024

💥💥💥 الأسئلة والفضول سمة من سمات مرحلة الطفولة ودليل على ذكاء الطفل وبتساعد الطفل على تنمية مهاراته وقدراته.......

✅✅✅ لو طفلك بيسأل دايما متزهقيش منه شجعيه على أسئلته واتناقشوا فيها أو اعملوا search 🔍🔍🔍 مع بعض ودورا على الاجابات......

❌❌❌ ولو طفلك مش بيسأل اسأليه انتى........

فيه ٢ من أدوات التربية الإيجابية الإيجابية بتشجع الطفل وبتنمى ذكاؤه وهما :-

⚜️الأسئلة الاستفهامية
⚜️ الأسئلة الفضولية

05/04/2024

👈 الافضل ليكي إنك متجربيهاش 👉

05/04/2024

❤️ ازاى اتعامل مع الطفل المتأخر فى الكلام وانا فى البيت
وايه هو دور البيت والأسرة لو لقوا أن ابنهم متأخر الكلام؟

وأمتي أبدأ في الكلام مع طفلي👶 ؟

علشان احقق نتيجة كويسة مع الطفل المتاخر فى الكلام لازم يكون فى تعاون ومساعده من الأسرة كلها مش الام لوحدها بس

لازم عشان اقدر أبنى لغه مع الطفل يكون عندى صبر وانا بعلمه وبتكلم معاه سواء من الام او من الأسرة

وعلشان نكون فاهمين كأسرة أن مفيش حاجة اسمها انا هخليه ياخد دوا عشان يتكلم أو أعمله عمليه علشان يتكلم الام والاب افضل أخصائي لطفلهم بالكلام واللعب والتفاعل معاه محدش يضحك عليك ويقولك خد الدوا😟 ده عشان يتكلم إلا فى حالات معينه بيكون عندها مشاكل تانية لكن احنا هنا بنتكلم عن الطفل اللى عنده تاخر فى الكلام بس 😊

لازم نكون فاهمين أن الطفل إذا فاهم ومدرك للبيئة اللى حواليه وبينفذ الأوامر كويس وهو فاهم وأنه ذكى وبيفهم برضة مش مبرر أنه يتكلم ع طول لازم نكون فاهمين أن لازم يكون فى تفاعل ولغه وحوار مع الطفل وحتلاقيه من نفسه اكتسب الكلام واللغه 🗣️👶

- وفي حالة الطفل الذي يعاني من ضعف السمع فلازم نخلى بالنا :
👇
أن تكون عين الطفل علي مستوي أفقي مع فم الأم.
الضوء في وجه الأم.
المسافة بين الأم والطفل في حدود متر.
نبعد أن الكلام مع الطفل من الجانب أو الخلف

☠️ من اسباب أن الطفل بيتأخر فى الكلام

😟 هى أن الاب والام بينشغلوا عن الطفل ومش بيدوه وقت خاص ليه لوحده عشان يلعبوا معاه أو يتكلموا معاه
😟 إن عشان اقعد مع نفسى شوية احلى الطفل يقعد قدام الشاشة والكرتون والموبايل يقعد يستقبل ويكتسب سلوكيات غير تقليدية زى مثلا أنه قاعد شايف حيوانات بتتكلم أو فواكه بتلعب أو انسان بيطير وبيرمى ايده عشان يضرب نار 🙄😏
😟 تدليل الطفل دائما برضة وأنه اخليه معتمد عليا مش ع نفسه وأنه بيشاور ع الحاجة واجيبهاله من غير ما يطلبها أو يحاول يقولها بالكلام

الطفل لازم نبدأ نتكلم معاه من بداية ما يتولد
ونحكى معاه عشان ننمى السمع عنده وأنه يخزن وأنه يميز الأصوات اللى حواليه

05/04/2024

👇 أسباب ضعف شخصية الطفل 👇

*معاملة الوالدين السلبية له مثل الانتقاد الدائم ولومه على كل شيء
*مقارنة الاهل بين اطفالهم والتمييز في المعاملة
*عدم تشجيع الاهل للطفل بكلمات وعبارات ايجابية وتحفيزية
*التنمر عليه من الاخرين خصوصا في المدرسة على شكله او شخصيته او طريقة لبسه
*مع كثرة الضغوطات على الطفل تضعف ثقته بنفسه ويصبح يلوم نفسه على كل شيء ويصبح يتعامل بهذا النفس دوما

05/04/2024

05/04/2024

📌 إزاى اعرف ان ابني عنده صعوبات تعلم
ومحتاج جلسااات
لو لاحظتم على أولادكم .....مايلى..:-

1️⃣الهروب اثناء المذاكرة و كتابة الواجبات .

2️⃣كتابة الحروف بالمقلوب .

3️⃣كتابة الارقام بالمقلوب .

4️⃣ الحفظ بالترتيب .

5️⃣الكتابة من الشمال لليمين .

6️⃣كتابة جزء من الكلمة فى سطر و الجزء الثانى فى سطر اخر .

7️⃣حفظ شكل الكلمة .

8️⃣ صعوبة التفريق بين الحروف المتشابهة ( ج ح خ ) .

9️⃣الخلط اثناء الإملاء بين الحروف المتشابهة سمعياً ( ذ ظ ) ( ق ك ) ( د ت ) .

🔟-الميل الى حل الاسئلة البسيطة ( صح او خطأ ) ، الاختياري ، التوصيل و البعد عن الاسئلة المقالية .

1️⃣1️⃣التحدث اثناء المذاكرة فى موضوعات اخري .

1️⃣2️⃣نطق الكلمة سريعاُ كلمة اخري مثل : كتب تنطق كتاب .

1️⃣3️⃣انخفاض فى الانتباة للمهمة المطلوبة .

1️⃣4️⃣عدم القدرة على متابعة التعليمات و الإرشادات خاصة اذا كانت اكثر من امر .

1️⃣5️⃣إبدال مواقع الحروف و عدم القدرة على إدارك هذا الابدال كأن يقرأ كلمة سيارة – رياسة و هكذا .

1️⃣6️⃣اضطراب الإداراك البصري و فقدانه القدرة على التمييز بين الارقام فقد يقرأ 1984 مثلا 1948 .

1️⃣7️⃣صعوبة فى التنسيق الحسي و الحركى اى عدم قدرتة على ربط ما يراه بعينيه و ما يؤدية من عمل .

1️⃣8️⃣صعوبة فى النقل من الكتاب او السبورة .

1️⃣9️⃣بطىء فى النقل و الانتهاء من المهام المكلف بها .

2️⃣0️⃣صعوبة فى إداراك العلاقات بين الاشياء .

2️⃣1️⃣صعوبة فى إداراك الاتجاهات و الاماكن ( يمين – يسار ) .

2️⃣2️⃣صعوبة فى إداراك العلاقات المكانية .

2️⃣3️⃣صعوبة فى إداراك العلاقات الزمانية .

2️⃣4️⃣المعاناه من الاحساس بالفشل نتيجة ردود الفعل المحيطة

كل دى أعراض بتقول ان الطفل عنده صعوبات تعلم ومحتاج جلسات على يد أخصائي متمرس ...