22/06/2025
السلام عليكم 🫡
صباحكم خير وبركة وشفاء من رب العالمين
مين فينا ما سمعتي حد قريب له اتكعبل في سجادة وانكسر او بيترسب وبيغسل رجله علي الحوض وانكسر او ماشي في الشارع ووقع وانكسر
بدون خبطة او لا قدر الله حادثة
كل دي مقدمات بتقولك خلي بالك في هشاشة
مستخبية وبتعلن عن نفسها
المرض ده من الأمراض الوقائية
يعني ممكن نتقي اشراره لو عرفت تعمل ايه ؟؟
وتتوقعوا قبل ما يحصل
فكرني بوست جميل امبارح لقمرنا الغالي
د ميرفت عيسي Mervat Eissa استاذ م الروماتيزم بالقصر العيني الجميل عن الهشاشة بالفيديو ده كنت نشرته من فترة طويلة وقد ايه المرض ده يسهل اننا نتلافاه ونتقي شروره ويمكن من الأمراض اللي بلاقيها فرص للتعافي لو تم التشافي منها قبل حدوث مضاعفات 😔
وواجب علينا كلنا كاطباء مختصصين نوعي الناس منه ومين اكتر ناس عرضة للإصابة بيه
ويمكن الاعتقاد السائد عن كتير من الناس ان ده مرض السن الكبير ولكن للاسف احنا ممكن نشوفه في الاطفال وفي سن الشباب لانه بيبقي مرض ثانوي لمرض مناعي موجود زي الروماتويد والذئبة والتيبس الفقاري المناعي وده لان الأمراض دي بطبيعتها في الأصل بتضعف من متانة العظام
وكل ما نسيطر عليها بشكل قوي بالأدوية بعد فضل ربنا المريض بيكون محمي بفضل الله من مضاعفات المرض ده والهشاشة كمان
لو مهتم اسمع الفيديو ده 👌
شفي الله الجميع وجعلنا سببا ونحن جميعا من زملائنا الكرام
🫡🫡🫡🫡🫡🫡
