Dr.Amal Ayoub د.أمل أيوب

Dr.Amal Ayoub د.أمل أيوب عيادة الأطفال و حديثي الولاده
استشاري دولي الرضاعه الطبيعيه
Neonatologist & pediatrician / IBCLC

💙 أكتر حاجة بتسعدني مش مجرد إن الكشف يبقى كويس…لكن إنكم تحسّوا براحه واطمئنان وإن التجربة نفسها تفضل لطيفة في بالكم.كتير...
30/11/2025

💙 أكتر حاجة بتسعدني مش مجرد إن الكشف يبقى كويس…
لكن إنكم تحسّوا براحه واطمئنان وإن التجربة نفسها تفضل لطيفة في بالكم.

كتير بنسمع كلام جميل من أهلنا اللي بيزورونا… كلام بسيط، لكنّه بيفكّرنا ليه بدأنا 👩🏻‍⚕️:
و ده عشان نطمّن قلوب، ونخفف قلق، ونكون سبب فرحه حتى لو صغيرة. 🌸

إحنا يمكن منشوفش اللي بتشوفوه فينا…
بس وجودكم وثقتكم هو اللي بيخلّي كل يوم في العيادة أحلى وأخفّ. 🤍🙂

شكرًا لكل كلمة طيّبه…
وشكرًا لكل حد بيختارنا ويعتبر وجودنا حاجة “جميلة” في يومه💙

#كتاكيت

❄️ من النهارده أطفالنا يلبسوا الشتوي!والشتا جاي ومعاه وصايا مهمة علشان نحافظ عليهم 🌦️1️⃣ الاستحمام بماء فاتر ، ونخلي بال...
13/11/2025

❄️ من النهارده أطفالنا يلبسوا الشتوي!
والشتا جاي ومعاه وصايا مهمة علشان نحافظ عليهم 🌦️

1️⃣ الاستحمام بماء فاتر ، ونخلي بالنا مفيش تيار هوا بعد الحمام، والأفضل الطفل ما يخرجش بعده على طول

2️⃣ قبل الخروج: كوباية ميّه + وش مغسول + شباك مفتوح شوية = مناعة أقوى 💪

3️⃣ اللبس: الصوف والبوليستر لأ ، بتعطي حراره زايده للجسم
القطن أريح وأأمن.

4️⃣ عسل ولمونه 🍯🍋
معلقة عسل + عصرة ربع ليمونة = مناعة وشهية أحسن.

5️⃣ المدرسة: لو في عدوى أو تعب.. الطفل يرتاح في البيت، مش لازم يتعدي أو يعدي زمايله.

"الترم الأول فى الحضانه كله أمراض الشتاء يعنى لو الجو مش حلو بلاش نزول أفضل”

6️⃣ ممنوع تقبيل الأطفال:ضروري جدًا لتجنب العدوى.

7️⃣ في البرد الشديد: لو الجو تلج ❄️ خليه في البيت، الصحّة أهم من الحضور.

8️⃣ لو ابنك عنده حساسية: بلاش صوف، ولا دباديب، ولا زرع، ولا قطه ولا طيور في البيت 🐥
ولو الحساسية متكررة → لازم اختبار حساسية وعلاج مناعي بالأمصال .

9️⃣ الخروج: نأجل المشاوير البدري اوي أو المتأخر اوي ، لأن تيارات الهوا الباردة مضره جدا لطفلك .

🔟 المناعة: فيتامين D وC وA مهمين جدًا في الشتا ☀️🍊🥕
والتهابات الشتا أغلبها فيروسية يعني بلاش مضاد حيوي من نفسك.

💧العناية بالأنف ضرورية: محلول ملح + شفاط + بخاخ لو الطبيب وصفه.

💊 البرونكوفاكسيوم: أول 10 أيام من كل شهر ولمدة 3 شهور مفيد جدًا للمناعة.

💉 تطعيم الإنفلونزا والالتهاب الرئوي مهم جدًا، وناخد بالنا البرد غير الانفلونزا ، فماتقوليش بياخد التطعيم و بيجيله البرد عشان البرد حاجه والانفلونزا حاجه !!

ومتنسوش تطعيم الروتا، علشان النزلات المعوية ممكن تيجي في الشتا واحيانا اكتر من الصيف .

🩵 خلي شتانا دافي وصحي ومن غير تعب 🤍

أحلى حاجة لما الأطفال نفسهم يبقوا فاكرين اسم الدكتور اللي بيتابعهم ومش بيرضوا ياخدوا الدوا غير لما يتأكدوا إنه هو اللي ق...
12/11/2025

أحلى حاجة لما الأطفال نفسهم يبقوا فاكرين اسم الدكتور اللي بيتابعهم ومش بيرضوا ياخدوا الدوا غير لما يتأكدوا إنه هو اللي قال عليه!

وريناد بقى مش بس فاكره ، دي كمان عايزاني أبقي دكتورة أسنانها 😄

ربنا يخليكم يا أجمل أمهات وأطفال، محبتكم دي أغلى حاجة ❤️

#كتاكيت

“أحيانًا كلمة واحدة بتوقف حياة أم…وتخليها تحس إنها لوحدها في عالم كبير وصعب.”كتير من الأمهات لما يسمعوا كلمة تشخيص التوح...
03/11/2025

“أحيانًا كلمة واحدة بتوقف حياة أم…
وتخليها تحس إنها لوحدها في عالم كبير وصعب.”

كتير من الأمهات لما يسمعوا كلمة تشخيص التوحد بيعيشوا صدمة حقيقية…
دماغها بتسأل ألف سؤال في لحظة:
هيعيش إزاي؟ هيتكلم؟ هيفهمني؟ مستقبله؟
ومفيش حد يقدر يوصف الشعور ده غير اللي مرّت بيه فعلًا 💔

لكن…
عايزة أطمن كل أم من قلب لقلب:
التوحد مش نهاية ولا حكم مسبق على مستقبل الطفل.
هو طريقة مختلفة في التواصل وطريق محتاج فهم وصبر…
ومع التدخل المبكر والعلاج السلوكي المناسب، الأطفال دول بيتقدموا بشكل يفرّح ويُبهج ويملي القلب أمل 💚

ووارد طبعا يكون التشخيص مش سليم من البدايه ، ف مهم نتأكد منه و نستبعده الاول

إحنا هنا…
مش بس عشان العلاج،
لكن عشان نكون سند.
ولأن محدش يمشي الرحلة دي لوحده 🌿✨

لو مافيش علامة واضحة لتطعيم الدرن (BCG) في كتف الطفل، فده معناه احتمال من اتنين: 1.يا إما الطفل أخد التطعيم فعلاً لكن مك...
03/11/2025

لو مافيش علامة واضحة لتطعيم الدرن (BCG) في كتف الطفل، فده معناه احتمال من اتنين:

1.يا إما الطفل أخد التطعيم فعلاً لكن مكانه التأم من غير ما يسيب أثر واضح (وده بيحصل أحيانًا، لأن مش كل الأطفال بيظهر عندهم الندبة بنفس الشكل).

2.يا إما التطعيم ما اتاخدش أصلاً أو ما وصلش بشكل كافي تحت الجلد وقت الحقن، وبالتالي ماعملش المناعة المطلوبة.

🎯 الحلّ ايه :
•الأفضل ترجعي لوحدة التطعيمات
و هناك يتم عمل اختبار بسيط اسمه اختبار مانتو (Mantoux test)، وهو اختبار جلدي بيكشف إذا كان الطفل عنده مناعة ضد الدرن ولا لأ

✍🏻لو الاختبار طلع سلبي → الطفل ماعندوش مناعة كافية، وساعتها الطبيب ممكن يقرر إعادة تطعيمه بلقاح الدرن.

✍🏻أما لو الاختبار إيجابي → يبقى التطعيم القديم فعّال ومفيش داعي للتكرار.

🧡 ملحوظة مهمة:
تطعيم الدرن لا يُعاد تلقائيًا بدون اختبار، لأن تكراره في وجود مناعة ممكن يعمل تفاعل جلدي أو مضاعفات بسيطة

حافظي عليها مع



الكحة اليومين دول مجنّنة الكل؟ جربتوا العسل؟ 🍯بجد يا جماعة ، العسل من الحاجات اللي بتعمل فرق كبير جدًا في تهدئة الكحة — ...
29/10/2025

الكحة اليومين دول مجنّنة الكل؟
جربتوا العسل؟ 🍯
بجد يا جماعة ، العسل من الحاجات اللي بتعمل فرق كبير جدًا في تهدئة الكحة — خصوصًا قبل النوم

العسل بيغلف الحلق كده زي طبقة مريحة وبيقلل الالتهاب، وكمان طعمه بيخلي الأطفال يقبلوا عليه بسهولة

💛 الجرعات المناسبة:
👶 من 1 لـ 5 سنين: نص معلقة صغيرة قبل النوم (≈ 2.5 مل)
🧒 من 6 لـ 11 سنة: معلقة صغيرة (≈ 5 مل)
👦 أكبر من 12 سنة: لحد معلقتين صغيرتين (10 مل)
حسب التوصيات (زي من الـ WHO و الـ American Academy of Pediatrics)

🕓 خلوه قبل النوم بنص ساعة علشان يساعدهم يناموا من غير كحه ولا تعب.

✨ ممكن تديه لوحده، أو في شوية ميه دافية، أو مع عصرة ليمون بسيطة

🚫 بس خدي بالك:
ماينفعش للأطفال أقل من سنة
ولا للي عندهم حساسية من العسل أو منتجات النحل
ولو في سكر، نسأل الطبيب اللي بتتابعي معاه

وطبعا ده لايغني عن الفحص الطبي و اعطاء العلاج المناسب

ربنا يشفي ولادنا كلهم ويعدّي الشتاء ده على خير 🤍
#الكحة #العسل



كلام زي ده بيفكرني دايمًا ليه بحب شغلي ❤️ربنا يديم المحبة والثقة الجميلة بينا 🙏
26/10/2025

كلام زي ده بيفكرني دايمًا ليه بحب شغلي ❤️
ربنا يديم المحبة والثقة الجميلة بينا 🙏

واضح طبعا إنها مامي جديده جميله 🤱🏻😇🤍 مع 🩺👩🏻‍⚕️ #أطفال #بيبي #سنه #كتاكيت
21/10/2025

واضح طبعا إنها مامي جديده جميله 🤱🏻😇🤍

مع
🩺👩🏻‍⚕️



#أطفال #بيبي #سنه #كتاكيت

10/10/2025

🌸 خلي بالك من الأنفلونزا اليومين دول! 🤧

الجو متقلب، وده وقت انتشار الفيروسات خصوصًا بين الأطفال في المدارس 💬
عشان كده يا ماما خدي بالك من شوية حاجات بسيطة هتفرق كتير:

🧼 خلي ابنك يغسل إيده دايمًا قبل الأكل وبعد ما يرجع من المدرسه
🚫 ما يبدلش زجاجة الميه أو أدواته مع أصحابه
🌡️ لو بدأ يكح أو حرارته عليت، ريّحيه في البيت يومين أحسن من ما يتعب أكتر
🌬️ افتحي الشبابيك كل يوم للتهوية
💉 وماتنسيش تطعيم الأنفلونزا ، مهم جدا ، بيحمي بنسبة كبيرة من العدوى والمضاعفات

خلي دايمًا شعارنا 💕
“نحافظ عليهم دلوقتي.. عشان ما يتعبوش بعدين.”

#الأنفلونزا



ماتتكلموش فيديو كول مع أطفال تاني الأطفال أحباب الله 😇 🩺👶🏻
30/09/2025

ماتتكلموش فيديو كول مع أطفال تاني

الأطفال أحباب الله 😇

🩺👶🏻

24/09/2025

✍🏻 الصف الثاني ، والرابع الابتدائي هياخدوا >> تطعيم الثنائي ( الدفتيريا والتيتانوس )

✍🏻 ك جي١ ، و أولي ابتدائي ، و أولي اعدادي هياخدوا >> التطعيم السحائي
ماحدش يغيب من المدرسه اليومين دول

🔹 الباراسيتامول (أسيتامينوفين / Tylenol) هو دواء آمن للأطفال والحوامل عند استخدامه بالجرعات الموصى بها.🔹 يُستخدم لتخفيف ...
24/09/2025

🔹 الباراسيتامول (أسيتامينوفين / Tylenol) هو دواء آمن للأطفال والحوامل عند استخدامه بالجرعات الموصى بها.
🔹 يُستخدم لتخفيف الحمى وتقليل الألم، وهو من أكثر الأدوية شيوعًا في العالم.
🔹 الأبحاث على مدار عقود أثبتت عدم وجود أي علاقة بين استخدام الأسيتامينوفين وزيادة خطر الإصابة بالتوحد.

❌ الإشاعات اللي بتربط الدواء بالتوحد غير صحيحة وبتنقل رسالة مقلقة للأهل بدون أساس علمي.

📌 المصدر: الأكاديمية الأمريكية لطب الأطفال (American Academy of Pediatrics)

Address

Mansoura

Website

Alerts

Be the first to know and let us send you an email when Dr.Amal Ayoub د.أمل أيوب posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Amal Ayoub د.أمل أيوب:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category