مريم هلالي Mariam Helaly

20/10/2025

شهادات إجتياز دفعة جديدة لمجموعة متميزة من المتدربين من مختلف المحافظات للبرنامج التدريبي للمهارات النفسية والإجتماعية بعنوان التعاطف والمشاركة 🎓✨

قدّم التدريب محتوى نظري وتطبيقي بالإضافة إلى نقاشات تفاعلية للمواقف الحياتية التي يمر بها المتدربون من مشاكل وحلول✍️

تجربة غنية أضافت لي كتير كـمدربة، وأتمنى أن تكون فتحت أبواب جديدة للمشاركين نحو فهم أعمق لمشاعرهم ومشاعر الآخرين وكيفية التعامل معها 🌱💫

مبروك لكل الخريجين، فخورة بيكم 🎓✨

28/08/2025

لما بيكون عندك مهام كتيرة في يوم واحد...
تختار إيه؟

A) تبدأ بالصعب الأول وتخلصه
B) تبدأ بالأسهل عشان تتحمس وتكمل

26/08/2025

▪️آراء المشاركين في كورس فهم وإدارة المشاعر للمراهقين – أونلاين✨
كلمات من القلب من أولياء الأمور والطلاب بعد ما خلصنا الرحلة سوا.💙

▪️للاستفسار أو الحجز في الدفعة الجاية، تقدروا تبعتوا على رسائل الصفحة مباشرة 📩



#مراهقين

22/08/2025

✨ اليوم أنهيت رحلتي مع أكاديمية
في كورس ،
رحلة مليئة بالمعرفة والمناقشات والتطبيقات العملية.❤️

على مدار اللقاءات تنقلنا ما بين:
🔹 الوعي الذاتي: فهم الطباع وتكوين الشخصية بإستخدام تحليل Enneagram وJohari Window.
🔹 مهارات التواصل: كيف أتجنب عوائق التواصل وأبني حوار فعّال مدعوم ب ال Body language.
🔹 الدوافع الستة للإنسان: المهاجم والمسالم وكيف نوازن بينهم في حياتنا اليومية.
🔹 السلوك والاستدلال: الفرق بين الفعل نفسه وتفسيرنا له.
🔹 إدارة الخلافات: أنواع الصراع، استراتيجيات Win-Lose، وكيف يكون الخلاف صحيًا.
🔹 أنماط الـDISC: طرق التعامل مع كل نمط بما يحافظ على التفاهم والعلاقات.

تجربة ثرية أضافت لي الكثير وأتمنى أن تكون فتحت أبواب جديدة للمشاركين نحو فهم أعمق لأنفسهم ولمن حولهم 🌱💫

شكرًا لكل من شاركني الرحلة، وبإذن الله محطتنا القادمة تكون أكبر وأثرها أعمق 🙏

11/08/2025

عمرك حسيت إنك انفجرت فجأة… بسبب موقف تافه؟😡

الحقيقة… إن اللي حصل مش فجأة خالص!🤫

فيديو النهاردة هتكتشف فيه السر ورا تراكم المشاعر اللي بتدفنها جواك يوم بعد يوم…
وإزاي بتتحول لقنبلة موقوتة 💣 ممكن تنفجر في أي لحظة!

📍 رحلة قصيرة… بس هتغير طريقة فهمك لنفسك ❤️‍🔥

06/08/2025

😵‍💫 أحيانا كتير بنختار نكتم مشاعرنا علشان نحافظ على توازننا أو نكمل الحجات ال ورانا.
😮‍💨 لكن لما الكبت يتحول لعادة، بيأثر على صحتنا النفسية، وعلاقاتنا، وحتى قراراتنا.

🌱 الخطوة الأولى للتحرر؟
إننا نعترف بالمشاعر دي.
مش لازم نشاركها مع الكل، لكن لازم نسمح لنفسنا نحسها، نفهمها، ونتعامل معاها.

📌 في تدريبات الذكاء العاطفي، بنشتغل على:
- تسمية المشاعر بوضوح.
- التعبير عنها بأساليب صحية.
- بناء مساحة داخلية آمنة للتعامل معاها بدون جلد ذات.

لما نسمح لمشاعرنا تطلع للنور، بنكتشف جوانب جديدة من نفسنا… جوانب أقوى، أهدى، وأكثر وعيًا.💙

02/08/2025

عمرك سألت نفسك ليه بتحس الإحساس ده بالذات في الموقف ده؟

في الفيديو ده، هقولك على السر!🤫

رحلة بسيطة وممتعة هتفهمك إزاي مشاعرنا بتتكون خطوة بخطوة🔥

01/08/2025

التدريب هو قصة حب لا تنتهي🤍
في كل مرةٍ أدخلُ فيها قاعة التدريب، أشعر وكأنني أتهيئ إلى رحلة جديدة، مليئة باللقاءات الإنسانية مع أشخاص من جنسيات وثقافات وأعمار مختلفة👥️
أُشاركهم ما أعلم، وأتعلم منهم أكثر💙
ويا له من شعور عظيم...
أن تكون سببًا في إضاءة عقل أو تغيير مسار للأفضل
وأن تترك أثراً طيباً خلفك في النهاية🫆
هنا أشعر بأني لا أريد شيئا آخر إلا
أن ألقى الله بقلب سليم💙

01/08/2025

تصالح مع فكرة إنك رجعت تتلخبط تاني في حياتك، بعد ما كنت فاكر إنك خلاص وقفت على رجلك.. 💙

تصالح مع فكرة إنك ماطلعتش اتعلمت كل دروس الدنيا زي ما كنت مفكر من أخر تجربة عديت بيها..💙

تصالح مع فكرة إنك مش جامد طول الوقت وإنك أحن وأضعف من الصورة ال كنت راسمها لنفسك..💙

تصالح مع فكرة انك شايف الناس ماشية أسرع منك، وإنك واقف في محطات محتار فيها...💙

تصالح من غير ما تلوم نفسك،
من غير ما تجلد ذاتك،
من غير ما تقلل من محاولاتك💙

خد نفس..
وحب نفسك وهي متخلبطة، وهي بتتعلم، وهي بتحاول تقوم من تاني🫶🏻

19/07/2025

بإنتظاركم يا مبدعين 💪🤍🤍🤍

🧩 بنعلم ولادنا يقروا ويكتبوا...
بس مين بيعلمهم "يبدؤوا كلام"؟ أو "يتصرفوا وسط الناس"؟
مين بيعلمهم "يقولوا لأ للغلط"؟ أو "يختاروا أصحابهم"؟

👀 المهارات الاجتماعية دايمًا بتتفهم على إنها هتجي مع الوقت
لكن الحقيقة؟
👶 اللي ما يتعلّمش صغير… بيعاني كبير

🌴 برنامج فراسة – لتنمية المهارات الاجتماعية
برنامج تربوي عملي، مدته 6 شهور
للفئة العمرية من 6 إلى 17 سنة
مصمم علشان يساعد الأبناء يتعاملوا مع الناس بثقة، اتزان، وذكاء اجتماعي حقيقي

🧠 ويقدَّم بأسلوب مناسب لكل مرحلة عمرية، على إيد تربويين محترفين

🟠 المحاور الستة للبرنامج:

💬 المبادرة والتواصل الفعّال
⬅️ يعرف يتكلم، يسمع، ويعبر عن رأيه بوضوح

🚫 وضع الحدود
⬅️ يتعلم يقول "لا" بدون ما يكون وقح… ولا منساق

👫 تكوين الصداقات
⬅️ يختار صح، ويتعلم يحافظ عليها، ويعرف يفهم الخلافات

🗣 حل النزاعات والتفاوض
⬅️ يتصرف بحكمة وقت الخلاف بدل ما يهرب أو ينفجر

👥 القيادة والعمل الجماعي
⬅️ يشتغل ضمن فريق، ويقود وقت ما يحتاج

🌈 أنماط الشخصية والتعامل معها
⬅️ يفهم التنوع، ويتقبل الآخرين، ويتعامل من غير حساسية أو صدام

🎯 ليه برنامج فراسة مختلف؟
علشان بيعلم مهارات عمرها ما كانت في المنهج الدراسي… لكنها بتحدد شكل علاقاته ومستقبله وحياته

📆 التدريب مستمر لمدة 6 شهور بتفاعل عملي وتمثيل مواقف واقعية في بيئة آمنة، ودعم مستمر

✅ سجّل لابنك دلوقتي… وابدأ اديله المهارات الحيقيقة اللي هتفرق في كل يوم من حياته:
https://forms.gle/9uBsfRDV5MbNabBt9

أكاديمية مهارة... نُعلِّم ما لا يُعلَّم

19/07/2025

"كل مرة بتخانق مع الناس، أرجع أقول: يمكن أنا اللي فيا حاجة!"
وكل مرة بفشل فيها في حوار، أو يحصل سوء تفاهم، ألوم نفسي أو ال قدامي من غير تفكير…

🔑 والحقيقة هي؛ إننا مختلفين في أنماط شخصياتنا، وطريقة تفكيرنا، واحتياجاتنا.

🌟 علشان كده حبيت أقولكم على فرصة حقيقية هتساعدكم تفهموا نفسكم، واللي حواليكم،
وتتعلموا تتعاملوا بذكاء ومرونة مع كل شخصية في حياتكم.

📢 كورس أونلاين مجاني بعنوان:
"أنماط الشخصيات وفن التعامل معها"
🗓️ كل يوم جمعة لمدة 4 أسابيع.
⏰ من 8 إلي 10 مساء

💡 هنتكلم عن:
🔹 اكتشاف نمط شخصيتك بعمق.
🔹 مفاتيح التواصل مع كل نمط في الحياة وبيئة العمل.
🔹 حل النزاع والتفاوض حسب نمط الشخصية.
🔹 كيف تحمي حدودك وتبني علاقات صحية.
🔹 مواقف تمثيلية وتمارين تفاعلية.

مع المدربة مريم هلالي :
- أخصائي علاج معرفي سلوكي.
- مدرب معتمد من المجلس الأعلى للجامعات.
- مدرب معتمد من وحدة الصحة النفسية – الهلال الأحمر المصري.

📩 ادخل الجروب ومتفوّتش الفرصة!
📎 [ https://chat.whatsapp.com/JiYvXYtl0e3Du6u5YIzQ9v?mode=ac_t ]

🧠 "فهمك لنفسك هي أول خطوة في طريقك لفهم العالم."

16/10/2024

4th International Conference of Pharmaceutical Sciences-MU-Pharm 2024
أتقدم بجزيل الشكر لكم ولجميع أعضاء هيئة التدريس والطلاب في ب على هذه الدعوة🥰
كان من دواعي سروري أن أشارككم بعض الأفكار والنقاشات حول موضوع و
وأتمنى أن تكون المعلومات التي شاركناها سوياً قد لامست قلوبكم كما لمست قلبي💙
وتذكروا دائماً أنني هنا لدعمكم في أي خطوة وشكرًا لكم لأنكم كنتم جزءًا من هذا اللقاء وأتمنى لكم كل التوفيق في مساعيكم🤲