Enas Elbanna/wellness and nutrition coach

04/01/2026

ممتنة جدًا لانضمامي إلى ICF Egypt Chapter Board في دور Marketing Director،
وممتنة أكتر إني وسط مجموعة متميزة من الناس اللي بثق في خبرتهم وقيمهم.

أتمنى من قلبي تكون الخطوة دي مساحة أقدر أقدّم فيها دوري الحقيقي في الكوتشينج،
وأنقل خبرتي بطريقة تخدم مجتمع الكوتشينج وتوصل رسالة ICF بشكل أبسط وأقرب للناس.

فترة جديدة بتبدأ، ومعاها نية صادقة للتعلّم، المشاركة، وصناعة أثر له معنى.

04/01/2026

04/01/2026

بسنة جديدة من عمري…
مش داخلة بأهداف كبيرة قد ما داخلة بفهم أعمق لنفسي.

السنة اللي فاتت علمتني إن
الصحة مش رفاهية،
والهدوء مش كسل،
وإن القوة الحقيقية
إنك تسمع لجسمك قبل ما يضطر يعلّي صوته.

اتعلمت إن:
• مش كل تعب محتاج مقاومة… بعضه محتاج رحمة
• وإن التوازن أهم من المثالية
• وإن الامتنان مش عادة بنعملها الصبح… ده أسلوب حياة
• وإن أبسط اللحظات، أصدقها

دي خلاصة سنة عدّت،
ودي الحاجات اللي داخلة بيها السنة الجديدة 🌱
بنية أهدى،
وعي أكتر،
واحترام أكبر لجسمي وروحي.

ولو في درس واحد حابة أفتكره طول السنة:
إني أعيشها صح…

16/12/2025

ليه كتير مننا يبدأ عادة جديدة
وبعد شوية يوقف؟

مش لأنك ضعيف،
ولا لأنك مش منضبط،
لكن لأن محدش قالك إن التقل اللي بتحسّه في الأول
جزء طبيعي جدًا من أي تغيير حقيقي.

المخ بيحب المألوف،
وأي حاجة جديدة—even لو في صالحك—
بيتعامل معاها كأنها حمل زيادة.

في الكاروسيل ده
حاولت أحكي لك القصة زي ما بشوفها
في جلسات الكوتشينج والتغذية يوميًا،
وأفهمك ليه الالتزام أحيانًا بيكون صعب
وإزاي نعدّي المرحلة دي بهدوء ومن غير جلد ذات.

لو حسّيت إن الكلام لمس حاجة جواك،
أو فكّرك بمحاولات بدأت وما كملتش…
اعرف إنك مش لوحدك.

💬 قولي في كومنت:
إيه أكتر عادة حاولت تبدأها قبل كده
وحسّيت إنها كانت تقيلة عليك؟

📩 ولو حابب تبدأ من جديد
بجلسات كوتشينج أو تغذية
بطريقة تناسب حياتك فعلًا،
ابعتلي رسالة وقولي: جاهز أبدأ 🌱

07/12/2025

في فترة كنت مش قادرة أرجع فيها للجيم…
مش كسل، لكن ضغط وتفكير وتشتيت خلّوا أبسط خطوة تبان تقيلة.

وقتها افتكرت استراتيجية “أكل الضفدع الكبير”،
وبدأت أطبّقها:
خلّيت التمرين أول حاجة في يومي…
قبل أي مشتت… قبل أي تفكير.

مجرد ما بدأت اليوم بأتقل مهمة،
الالتزام رجع بالتدريج،
والعادة بقت أسهل مما توقّعت.

الحقيقة؟
أي عادة جديدة—أو عادة راجع لها—
طبيعي تقابل مقاومة.
لكن مع تدريب الوعي + الصبر + الاستمرارية…
العادة بتتشكل من جديد.

ولو حاسس/حاسّة إنك محتاج دعم في تنظيم يومك أو بناء عادات صحية…
أنا هنا أساعدك.
يلا بينا… احجز جلستك، وابدأ أول خطوة فعليّة للتغيير. 🌿✨

01/12/2025

التعامل مع الالم ،مرتبط بأفكارك وهل انت هتختار تكون ضحيه ولا مسؤول
لو بتمر وقت صعب في حياتك ومش قادر تتخطي
اتواصل معانا واحنا نساعدك 🌸🌸 #دايت #وعي #صحه