Enas Elbanna/wellness and nutrition coach

24/01/2026

سر خطييير🥰

24/01/2026

مش كل حاجة بسيطة تبقى ضعيفة.
أوقات كتير أقوى تغيير بييجي من عادات صغيرة بنعملها كل يوم من غير ضغط ولا تعقيد.
مش محتاجة قلب حياتك ولا تمشي ورا تريندات…
خطوة بسيطة، تتكرر، وتكمّل عليها، ممكن تفرق في صحتك وطاقة يومك أكتر مما تتخيلي.

افتكري دايمًا:
الاستمرارية أهم من المثالية،
والبسيط لما يستمر… بيغيّر

10/01/2026

الـ positive self-talk مش مجرد تفكير إيجابي، لكنه طريقة واعية لإعادة صياغة الحوار الداخلي.
لما تغيّر الجُمل اللي بتكررها لنفسك من لوم وانتقاد لدعم وفهم، ده بيأثر مباشرة على ثقتك بنفسك وتقديرك لذاتك.
مع الوقت، الكلام الإيجابي الواقعي مع النفس بيساعد المخ يكوّن استجابات أهدى، ويقوّي الإحساس بالكفاءة والجدارة.

07/01/2026

قول اللي انت عاوزه وانا هعمل المناسب 😅😅 #دايت #جيم

04/01/2026

ممتنة جدًا لانضمامي إلى ICF Egypt Chapter Board في دور Marketing Director،
وممتنة أكتر إني وسط مجموعة متميزة من الناس اللي بثق في خبرتهم وقيمهم.

أتمنى من قلبي تكون الخطوة دي مساحة أقدر أقدّم فيها دوري الحقيقي في الكوتشينج،
وأنقل خبرتي بطريقة تخدم مجتمع الكوتشينج وتوصل رسالة ICF بشكل أبسط وأقرب للناس.

فترة جديدة بتبدأ، ومعاها نية صادقة للتعلّم، المشاركة، وصناعة أثر له معنى.

04/01/2026

04/01/2026

بسنة جديدة من عمري…
مش داخلة بأهداف كبيرة قد ما داخلة بفهم أعمق لنفسي.

السنة اللي فاتت علمتني إن
الصحة مش رفاهية،
والهدوء مش كسل،
وإن القوة الحقيقية
إنك تسمع لجسمك قبل ما يضطر يعلّي صوته.

اتعلمت إن:
• مش كل تعب محتاج مقاومة… بعضه محتاج رحمة
• وإن التوازن أهم من المثالية
• وإن الامتنان مش عادة بنعملها الصبح… ده أسلوب حياة
• وإن أبسط اللحظات، أصدقها

دي خلاصة سنة عدّت،
ودي الحاجات اللي داخلة بيها السنة الجديدة 🌱
بنية أهدى،
وعي أكتر،
واحترام أكبر لجسمي وروحي.

ولو في درس واحد حابة أفتكره طول السنة:
إني أعيشها صح…