Dr. Khaled Yahia Nutrition

03/03/2025

إزاي تعمل سحور يشبعك وما يعطشكش طول اليوم؟ 💥

بص، السحور مش مجرد وجبة والسلام... ده هو "الوقود" اللي هيشغلك طول اليوم، فخليني أقولك على شوية حاجات بسيطة بس هتفرق معاك جدًا:

الفول ملك السحور🍲... وطبعاً دي حاجة احنا كلنا عارفينها وده لأنه غني بالبروتين والألياف، بيشبعك وبيهضم ببطء، بس خليه بزيت الزيتون والليمون، مش بالسمنة والملح الكتير عشان ما تعطشش.

تاني حاجة مهمة جداً هي البروتين🥚... زي البيض المسلوق أو الجبنة القريش أو الزبادي، عشان تشبع لفترة أطول.

كمان ضيف الخضار والألياف🥦... خيار، خس، فلفل... بتساعد جسمك يحتفظ بالمياهوما تحسش بالجفاف.

وخلي بالك من السكريات💥... العصاير المحلاة والمشروبات الغازية بتجوعك بعد فترة قصيرة.

العيش من العناصر الرئيسىة في السحور، العيش الأسمر أو البلدي أحسن بكتير من العيش الأبيض، بيهضم ببطء وبيفضل في معدتك وقت أطول.

وأهم حاجة... المية!💧اشرب كوبايتين مية ولكن مش محتاج تشرب أكتر من كدة لأن كدة كدة الكلى بتتخلص من المياه الزيادة، وخفف من المخللات والملح.

السحور الصح = صيام مريح بدون عطش أو جوع! ❤️

27/02/2025

أقبلَ وأقبلَ معهُ الخير. 🌙🕌

مستعدين لرحلة رمضانية مليئة بالمعلومات الصحية؟

خلال شهر رمضان، هنقدملكم معلومات عن التغذية الصحيحة وازاي نقدر نوازن بين الصيام وأنواع الاكل المختلفة والمتنوعة واللي عدم تنظيمها بيسببلنا مشاكل وزيادة فالوزن.

انتظرونا وخلوا رمضانكم في الفورمة! 🌙

رمضان كريم. ❤

12/02/2025

كتير مننا بيكون محتار وهو بيسمع اشاعات وكلام كتير وآراء مختلفة عن المكملات وأضرارها وفوايدها وهل هي فعلاً ممكن تكون مضرة للجسم؟ 🤔

تعالا أقولك إزاي تختار مكملات الجيم صح 💥💪

لو بتفكر تستخدم مكملات غذائية عشان تحسن أدائك في الجيم، أو عايز تضيف بروتينات لروتينك اليومي، لازم تعرف الفرق بين المفيد والمضر علشان تبقى عارف إيه الصح.

⬅️ • أول حاجة وهي البروتين:

البروتين هو اللي هيساعدك تبني عضلاتك بعد التمرين، لو عايز حاجة سريعة وسهلة، بروتين مصل الحليب هو الخيار المثالي لأنه بيتشرب بسرعة، لكن خلي بالك ⚠️ لو استخدمته بكميات كبيرة ممكن يؤثر على كليتك على المدى الطويل.

⬅️ • الكرياتين:

لو عايز قوة أكتر في التمرين وعايز تحسن أدائك، الكرياتين هيساعدك وده لأنه بيديك طاقة فورية، لكن لو استخدمته بطريقة غلط أو بكميات زيادة، ممكن يأثر على الكلى على المدى البعيد بالسلب خصوصًا لو الشخص عنده مرض في الكلى او فشل كلوي، عشان كدة خلي بالك من جرعات الكرياتين واللي لا تتعدى ال 20 جرام ⚠️ يوميًا.

⬅️ • الأحماض الأمينية (BCAAs):

دي مفيدة لو بتتمرن ساعات طويلة أو بشكل قوي، لأنها بتساعد عضلاتك تتعافى بسرعة ولكن لو أكلك فيه بروتين كفاية، مش هتحتاجها قوي.

⬅️ • الفيتامينات والمعادن:

فيتامين D والكالسيوم مهمين لصحة عظامك وأدائك في الجيم. لو مش عندك كفاية منهم، هتحس بتعب أو إرهاق لكن قبل ما تبدأ أي مكمل فيتامين، يفضل تسأل دكتور أو خبير تغذية.

🚫🚫🚫 المكملات اللي لازم تبعد عنها واللي فعلاً ممكن تتسبب في ضرر كبير ليك:

⚠️ الهرمونات والمكملات المش مش موثوقة: دي ممكن تضر جسمك وتسبب مشاكل صحية كبيرة في المستقبل.

⚠️ المحفزات القوية: زي الكافيين بجرعات كبيرة، لأنها ممكن تسبب مشاكل في النوم أو زيادة في التوتر.

النصيحة: خلي أكلك وتدريبك هما الأساس، وأي مكملات تستخدمها لازم تكون بوعي وتكون بعد مشورة من دكتور أو مختص في التغذية وتأكد إنها صحية ومتاحة.💖

30/01/2025

الكاربوهيدرات مش هي السبب في زيادة الوزن! 🤔

كثير من الناس بيعتقدوا إن الكاربوهيدرات بتسبب السمنة، لكن ده مش صحيح. الفكرة المنتشرة دي هي نوع من الـ''Fake News'' اللي مش مبنية على دليل علمي قوي فخليني أوضحلك أكتر.

السبب في زيادة الوزن مش هو الكاربوهيدرات ولكن
المشكلة الحقيقية هي في الإفراط في تناول الطعام بشكل عام، مش النوع الواحد من الأطعمة.

الكاربوهيدرات هي المصدر الأساسي للطاقة في الجسم، ولما تاخد كميات مناسبة منها، هتساعد جسمك يشتغل بشكل طبيعي 🔋، لكن زي أي حاجة تانية، لما تفرط فيها، ممكن تزيد الوزن.

الأبحاث العلمية بتأكد:

دراسة من
Harvard T.H. Chan School of Public Health.
بتوضح إن الكاربوهيدرات بحد ذاتها مش هي سبب السمنة، لكن السعرات الحرارية الزائدة هي السبب الرئيسي لزيادة الوزن، سواء كانت من الكاربوهيدرات، البروتينات، أو الدهون.

وفقاً لدراسة نشرتها
The American Journal of Clinical Nutrition.
الزيادة في الوزن بتعتمد على توازن السعرات الحرارية، مش على نوع الأطعمة بشكل محدد

طب هل الكاربوهيدرات بس اللي ممكن تسبب المشكلة دي؟
الاجابة: لا !

البروتين مش معصوم من السمنة! 😯

البروتين مفيد لبناء العضلات وحرق الدهون، لكن لما تتناول كميات كبيرة منه دون الحاجة، ممكن يتحول لدهون داخل الجسم.

في دراسة من National Institutes of Health (NIH)، أظهرت إن الإفراط في البروتين يؤدي لتخزين الدهون في الجسم لما تتجاوز احتياجات الجسم.

السر هو التوازن. 💖

الفكرة الأساسية هنا هي التوازن. مش مهم نوع الغذاء قد ما هو مهم الكمية اللي بتتناولها لأنك لو تناولت كميات مناسبة من الكاربوهيدرات، البروتين، والدهون، وكنت بتراقب إجمالي السعرات الحرارية، هتقدر تحافظ على وزنك بشكل صحي.

خد بالك من السعرات الحرارية. ⬅️
أي زيادة في الوزن هي نتيجة للموازنة الغير صحيحة بين السعرات الحرارية اللي بتاخدها والسعرات اللي بتحرقها. لو تناولت سعرات أكتر من اللي جسمك بيحرقها، هيتم تخزينها على شكل دهون. الموضوع مش مرتبط بنوع الطعام، بل بالمجموع الكلي للسعرات.

إزاي توازن غذائك؟
حساب احتياجك اليومي للسعرات الحرارية: علشان تقدر تسيطر على وزنك، لازم تعرف كم سعر حراري بتحتاج يومياً. ده بيعتمد على العمر، النشاط البدني، والوزن الحالي.

1. اختيار الكاربوهيدرات الصحية: مش كل الكاربوهيدرات بتسبب زيادة الوزن. اختر الكاربوهيدرات المعقدة زي الحبوب الكاملة والخضروات اللي غنية بالألياف.

2. تناول البروتينات بحذر: البروتين مهم لكن زي ما قولنا، الإفراط فيه ممكن يؤدي إلى تخزين الدهون. حاول تاخد الكمية المناسبة ليك حسب مستوى نشاطك.

3. ممارسة الرياضة: النشاط البدني هو العامل الأساسي في حرق السعرات. حافظ على التمارين الرياضية لتحقق توازن بين ما تأكله وما تحرقه.

الخلاصة:
الكاربوهيدرات مش هي اللي بتخلي الناس تتخن، بل الإفراط في تناول الطعام بشكل عام هو السبب.

سواء كانت كاربوهيدرات، بروتين، أو دهون، توازن السعرات هو العامل الأساسي لزيادة الوزن أو الحفاظ عليه.

اتبع نظام غذائي متوازن وكن واعياً لكمية الطعام اللي بتتناوله علشان تحافظ على وزنك بطريقة صحية.💪💖

02/01/2025

"سانتا قرر ينزل الجيم! 🎅🏼💪

كلنا منتظرين السنة الجديدة علشان تكون فرصة نتغير للأحسن ونحقق أهدافنا، لكن فيه حاجة مهمة لازم مننساش نركز عليها، وهي صحتنا!

السنة دي، خلي صحتك تكون على رأس أولوياتك، وابدأ يومك بالحركة والنشاط. سواء كنت بتحب الرياضة أو لسه مبتدئ، خلي الجيم جزء من روتينك اليومي، وخليك زي سانتا، دايمًا مليان طاقة وحيوية!

خلي السنة الجديدة بداية لتغيير إيجابي في حياتك. انزل الجيم، خلي جسمك وصحتك أولوية، وابدأ السنة بكل حماس!

Happy New Year! 🥳"

Sport and Clinical Nutrition
Obesity Specialist (SCOPE)
Clinical Pharmacist
Dm for Online coaching and Diet plans

31/10/2024

أشهر أدوية للتخسيس و منع امتصاص الدهون Part 2

لو زهقت من شكل جسمك ونفسك تتغير !! ابعت رساله عالخاص وهغيرك ١٨٠ درجه ويلا بينا نبدا التجربة ✅️
المتابعه يوميا من خلال برنامج تدريبي وغذائي مخصص على حسب هدفك سواء عايز تخس دهون او تزيد عضلات 🔥

Lose weight ✅️
Gain muscle ✅
Best transformation ✅

14/09/2024

مشكلة بتقابل معظمنا في بدايتنا مع الدايت🤔 ولكن حلها سهل.🔥

تعالوا نعرف أكتر عنها. 👈✨

06/09/2024

عاوز تقلل وزنك بطرق سهلة ويومية؟

متفوتش الفيديو ده⬇️🔥

02/09/2024

هل نوع الرياضة اللي بتمارسها ممكن يحدد طريقة التغذية اللي بتحتاجها؟ 🤔

اتعرف مع د. خالد على نوع الرياضات المختلفة ويا ترى ازاي ممكن تحدد نظام غذائي مناسب ليها. 💪

تابعونا على انستجرام ⬇️
https://feji.us/ci02qv

09/08/2024

"𝙀𝙭𝙚𝙧𝙘𝙞𝙨𝙚 𝙞𝙨 𝙠𝙞𝙣𝙜. 𝙉𝙪𝙩𝙧𝙞𝙩𝙞𝙤𝙣 𝙞𝙨 𝙦𝙪𝙚𝙚𝙣. 𝙋𝙪𝙩 𝙩𝙝𝙚𝙢 𝙩𝙤𝙜𝙚𝙩𝙝𝙚𝙧 𝙖𝙣𝙙 𝙮𝙤𝙪 𝙬𝙞𝙡𝙡 𝙝𝙖𝙫𝙚 𝙖 𝙠𝙞𝙣𝙜𝙙𝙤𝙢."

التغذية الرياضية هي المفتاح السري اللي ممكن يحوّل أدائك الرياضي من متوسط لأعلى مستوى. لأنها الأساس اللي بيعتمد عليه الأبطال عشان يحققوا القوة، التحمل والتركيز في كل لحظة من رحلتهم نحو القمة! 🥇

🚀 التغذية الرياضية طريقك للقمة.

لو بتسعى لتحسين أدائك والوصول لل Top Level في الرياضة بتاعتك يبقا لازم تهتم بالتغذية الرياضية السليمة.✨

وخلينا ناخد بعض النصايح اللي ممكن تساعدنا: ✨

🔋 الوقود الأمثل للطاقة:

متستهينش بتأثير التغذية الصحيحة لأن الطعام هو الوقود اللي بيحرك جسمك، فاختر الأغذية التي تمنحك الطاقة والقوة.

عندك مثلاً الكربوهيدرات الصحية زي الشوفان والبطاطا الحلوة بتمنحك طاقة مستمرة خلال التمارين، على غير البروتينات زي البيض والدجاج اللي بتبني عضلات قوية.

💧 الماء هو صديقك الدائم:

الترطيب هو الأساس عشان كدة تأكد من شرب الماء قبل وأثناء وبعد التمرين عشان تحافظ على نشاطك وتمنع الجفاف.

🥗 التوازن هو المفتاح:

منقدرش ننسى الخضروات والفواكه الطازجة. فهي بتعزز مناعتك وتساعدك في التعافي السريع بعد التمارين.

🚀 خليك جاهز لكل تحدي:

التغذية السليمة مش بس للطاقة، لكنها كمان بتعزز التركيز والروح المعنوية. فاختر وجباتك بذكاء واستمتع بكل لحظة في رحلتك الرياضية.

🔥 جاهز لتحطيم أرقامك القياسية؟

شاركونا في الكومنتات تجاربكوا في التغذية الرياضية وازاي فرقت معاكوا في مستوى الأداء.✨🔥

04/08/2024

"𝙏𝙝𝙚 𝙛𝙞𝙧𝙨𝙩 𝙬𝙚𝙖𝙡𝙩𝙝 𝙞𝙨 𝙤𝙪𝙧 𝙝𝙚𝙖𝙡𝙩𝙝."

وعشان الصحة تاج على رؤوس الأصحاء، لازم هدفنا الأول دايمًا يكون الحفاظ عليها.

كتير من الناس بيتخيلوا ان التغذية السليمة واتِّباع نظام غذائي سليم بيقتصر فقط على الرياضيين أو الأشخاص اللي بيعانوا من السمنة ولكن ده مفهوم خاطئ لأن التغذية السليمة لازم تكون من ضمن أولويات أي انسان عاوز يعيش بشكل صحي. ✨

وعشان كدة هدفنا دايماً هيكون تقديم محتوى شامل عن التغذية والنظم الغذائية بجانب النصائح الي هتساعدك تبدأ نظام قوي، وكمان هتقدر تتدرب اونلاين. ✨

كل ده هيقدمه د. خالد يحيى:

- Specialist Certification of Obesity Professional Education (SCOPE).

- Clinical Nutrition Diploma, Faculty of pharmacy Mansoura University.

- Mansoura University Faculty of Clinical Pharmacy graduate.

تابعونا وانتظروا مفاجآت كتير الفترة القادمة.✨