أخصائية نفسية / أميرة محمود

أخصائية نفسية / أميرة محمود ماجستير العلاج النفسي الاكلينيكي

17/01/2026

في جزء مظلم من التفكير
هو أنك بتفقد متعه اللحظة
بكره بيخوف أي شخص لأنه مجهول
وعمرك بيتسرق منك في تخيلات بكره
دلوقتي والآن هتعيشه امتى بنفس راضية مطمئنة؟!
لو التفكير الإيجابي والخطط والأهداف خلوك عبد عند أفكارك المستقبلية
يبقي أنت لعبت اللعبة غلط
احنا بناخد من بكره أمل نعيش بيه الحاضر
مش بناخد منه روحنا وصحتنا
في النهايه ماتنساش كلنا بنفذ أقدار مكتوبه
السعي فقط والنتيجة كما يريد لنا الله
خليك دايما هنا ودلوقتي
حاضر بكل حواسك
دي اللحظه الوحيدة اللي أنت بتمتلكها فعلا
فكر في بكره لو هتاخد منه أمل
وفكر في امبارح لو هتاخد منه درس
واشتغل دلوقتي بكل ماتملك

16/01/2026

تأجيل الأهداف والتسويف ؟
ايه اسبابه
تفاصيل صغيرة في يومك بتخليك واقف مكانك وبتخسر كل يوم وانت بتقول هبدأ من بكره
زي أنك تكون بتهلك نفسك في الكلام طول اليوم مع أصحابك أو أهلك أو حتى نفسك في أمور كتير مش ليها لازمه فتضيع طاقتك في الكلام وعند الفعل بتحس بإنعدام طاقة
أو أنك بتبدأ بأهداف كبيرة بعد فتره كبيرة من الخمول فتحس أن الهدف مش على مقاس قدراتك وتتخلي عنه
أو ان تفكيرك مثالي بزياده عايز لما تبدأ تكون البداية صح ومش متقبل غلط ومع كل غلطه بسيطة تتخلى عن المهمة تماما لحين ما تبدأ فيها من جديد
أو أنك بتشارك هدفك مع شخص مش داعم ليك ودايما ينقل ليك كلام سلبي عن انك مش هتقدر واشهر الأمثله هنا مشاركة الأصدقاء في قرار الرياضه والدايت او تعليم لغه

الحل ايه
قسم اهدافك بشكل متدرج من السهل للأصعب
تقبل وجود خطأ في التنفيذ وكمل مهما وقعت
اختار ناس نفس هدفك ونفس طاقتك النفسية
ماتتكلمش كتير لأنه بياخد من طاقتك دون وعي
أبدأ لو عندك ١٠٠ سنه مافيش حاجه اسمها بدأت متأخر
المتأخر هو تفكيرك لو مقتنع بكده
❤️جمعة مباركه❤️

31/12/2025

أستقبل السنه الجديدة أزاي؟
أنك أولا تعترف وتدرك أنها زيها زي أي سنه
وأن التغيير مش بيحصل مع السنه الجديده ولكن مع الفكر الجديد
وأنك لو عشتها بنفس عقليه امبارح هتشوف نفس النتيجه النهاردة
وأن التغيير مش فيها ..هو فيك انت
وانك ماتحاسبش نفسك علي جهل الماضي بخبرة الحاضر ..تقبل وكمل باللي اتعلمته
وأنك لو عايز تشوف نتيجة مختلفة ..لازم تضع نفسك في بيئة مختلفة وفكر مختلف
وأخيرا راجع دوائر علاقاتك جيدا وتأكد أنها تبني فيك كل جميل


اقترب العام الجديد،فأدخلوه بغربال الوعي لا بسعة العاطفة؛احملوا معكم فقط من صمد حين كنتم بلا قوة،وبقي حين لم يكن البقاء م...
22/12/2025

اقترب العام الجديد،
فأدخلوه بغربال الوعي لا بسعة العاطفة؛
احملوا معكم فقط من صمد حين كنتم بلا قوة،
وبقي حين لم يكن البقاء مريحًا.
الذين لم يسألوا: ماذا سأربح؟
بل سألوا: كيف أكون سندًا؟
من ثبت حضوره في أوقات الشح،
لا في مواسم الوفرة.
فهؤلاء ليسوا عابرين في أعماركم،
بل جزءٌ من نجاتكم…
وما عداهم دروسٌ أتمّت دورها وانتهت.

20/12/2025

مافيش حاجه بتزعلني في رحلة عملي في العلاج النفسي
غير أن اشوف شخص ايجابي بيحاول ينجح ويذاكر ويلعب رياضه ويسافر
ومحاط بدائره أصحاب أو أهل بتقلل من كل خطوة بيعملها
فاهم يعني ايه كم المجهود اللي عمله عشان يبدأ كورس أو رياضه ؟
وكم الاحباط منك وأنت بتقوله مش فارقه !!!
فاهم أن انا كمعالج نفسي بشوف في الاخر الشخص الايجابي هو ال محتاج مساعدتي !!!
والسلبي في البيت بيعيش فرحان !!!
اللحظة دي أنا براهن فيها علي أن تأثير البيئة الغير متكافئة أصعب وأخطر من تأثير المرض النفسي ذاته أحيانا
سرطان عدم التكافؤ بيهد أي شيئ ايجابي
عشان كده رحله العلاج بتبدأ أنه يختار دائرة علاقات صحيه ويصدق نفسه وقدراته كنجاه من الموت بالبطيئ

19/12/2025

أكتر الأسئله اللي بتسأل فيها في العياده من الرجال والبنات
هي أيه الشروط المناسبه لتكافؤ العلاقات
وأيه المواصفات اللي لازم تكون موجودة ؟
الاجابه هنا اللي محتاج أدربك عليها
ان مافيش شروط ومواصفات ثابته لأننا شخصيات وأفكار مختلفه تماما
دي أمور بيتحكم فيها بيئه وثقافه وميول ودرجات تعليم ونمط عمل وتفكير أهل ووسط ثقافي وسمات شخصية خاصه
الصح الوحيد باختصار
أنك تفهم نفسك كويس
محتاج ايه من الزواج
بتتقبل ايه وبترفض ايه

كل المطلوب منك تفهم محتاج ايه وتكون صريح مع غيرك راجل أو بنت في كل اللي هتقدمه وكل اللي مش هتقدر تقدمه
وهنا بس تطمئن أنك اختيارك سليم
الاعتراف بالقدرات وعدمها هو دايما المدخل الآمن

12/12/2025

قبل ما تشكو من سوء الحظ وعدم التوفيق في الدنيا
راجع معتقداتك صحيحة أم خاطئة
راجع علاقاتك تشبهك أم ليس لها صله بك
راجع أهدافك تخدم تطورك أم تضعك في خانه الصفر
راجع بيئة المعيشه تناسب تحقيق هدفك أم تعطله
راجع صحتك واهتمامك بنفسك
راجع تعلقك بكل شيئ صحي أم سام
والله لن يخلق الوجع عبثا
فأحيانا علينا فهم كواليس الأمر
وماوراء الحدث مهيب لمن يتحقق
ستكتشف أسبابا تضعك علي قبول النتائج ومنطقيتها

08/12/2025

ومع موجات التنميه البشريه
وانتشار حيل علم النفس الأسود
لا يوجد ما يبرر للبنت أن تسعي وراء رجل !!
خلقها الله في عزه وصان وجودها
باختصار الرجل الذي لا يسعى ليكي بوضوح إما غير مهتم أو متلاعب يتلذذ بلعبة الاشارات المزدوجة ووضعك في خانه عدم فهم المكانه
الطريق الوحيد السوي في العلاقات هو تسميه العلاقه وهدفها والسعي لتحقيقه بشكل مباشر قولا وفعلا
فيما عدا ذلك لا يليق بمكانه الأنثي ولا يجب أن يدخل ضمن مهارات تتعلمها !

08/12/2025

بتفق مع الشباب أن البنات أغلبهم فيك في الطبع والشكل
وبتفق مع البنات أن الشباب أغلبهم غير واضح وغير مسؤل عن كلامه وأفعاله
عشان كده فئه الحقيقين من الجنسين بيعانوا
احنا نسينا ان الطبيعي ان البنت تكون أنثي بسلوكها قبل شكلها وطباعها وان ده مش ميزه ده الأساس
ونسينا أن الراجل قوام في التصرف والقوامه ماديا ونفسيا وده مش ميزه ده الطبيعي والفطره
الزمن ده خلانا نشوف حقوقنا راجل وست علي أنها معجزه ويارب تتحقق !!
ماتتجوزوش ناس مش سويه ومش حقيقيه ومش مسؤله عن دورها
ماتدخلوش حياة ناس تخربوها لو فيكوا الصفات دي
الزواج شراكه زي مابتاخد منها حاجه حلوة
زي ما بتدفع تمن الحاجه دي في سلوك

من عدم النضج راجل او ست
تعدد كل الصفات الحلوة ال انتم محتاجينها وتنسوا اصلا انتم المفروض تقدموا ايه
عايز زوجه جميله وناجحه ورياضيه ومثقفه وأنثي ..أنت كده في المقابل؟
عايزه زوج ناجح ووسيم ويعرف ربنا ومسؤل . أنتي كده في المقابل وهتوفري ليه عوامل استمرار نجاحه ؟

اسئله لازم كل واحد يواجه نفسه بيها ويفهم ان الاجابه هي ال هتحدد الاختيار وده عدل ربنا

08/12/2025

لو علمت كيف لعزيز النفس يستغنى
لما وضعته في اختبارا لأحتياجه
يعيش دهرا في حرم نواقصه بعزه
يبدل الأشخاص بمهام تغنيه
ولن يفهم هذا الشعور من يلهث وراء المصالح

Address

Mansoura

Opening Hours

Monday 10am - 11pm
Tuesday 10am - 11pm
Wednesday 10am - 11pm
Thursday 10am - 11pm
Friday 11am - 11pm
Saturday 9am - 5pm
Sunday 10am - 11pm

Website

Alerts

Be the first to know and let us send you an email when أخصائية نفسية / أميرة محمود posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category