عيادة د. نشوى زين الدين لعلاج الأورام

12/02/2026

كل عام وانتم بخير 🌷🌷🌷
للإجابة عن السؤال المهم ... نقدر نصوم في رمضان ولا لأ

🕕 غداً تبدأ أعظم الأيام عند الله
🌹 العشر من ذي الحجة 🌹

👨‍👩‍👦كثير من أهالينا بيحب يصوم في الأيام المباركة دي وبيصر على الصيام حتى أثناء المرض 💁‍♂️

فهل مريض السرطان يقدر يصوم ولا لأ 🤷‍♂️ ❓️❗️

💬في نقط مهمة لو إنت مريض سرطان محتاج تعرفها :

🔹️ لازم تستشير الطبيب 🧑‍🔬 الي متابع حالتك وهو يحدد هل الصيام مسموح بيه ليك ولا لأ

🗯️ لو إنت متعافي من السرطان تقدر تصوم بأمان لو مافيش مانع طبي تاني

🔹️️ المريض الي بياخد علاج كيماوي لازم يفطر يوم الجلسه وعالأقل يوم أو يومين بعدها

🗯️ ممكن تصوم بين الجلسات لو الحالة مستقرة وخاصة اليوم الي قبل الجلسة ، دا فيه دراسات بتقول إن الصوم قبل الجلسه ممكن يقلل من الأعراض الجانبية للعلاج 🤔

🚫🍸💧 أهم نقطة المريض ياخد باله منها ضرورة الحفاظ على جسمه رطب وشرب الكثير من المياه والسوائل والبعد عن التعرض للشمس المباشرة و الأماكن الحارة

🗯️️ لو المريض ماشي على علاج هرموني فقط لا مانع من الصيام

🔹️️ الحفاظ على أكل صحي متوازن غني بالفيتامينات والمعادن والبروتينات بيساعد الجسم في تحمل العلاج ومقاومة المرض

🗯️ السمنة وأكل الدهون الضارة أو الكثيرة بتقلل مقاومة الجسم للمرض

🔹️ الصيام لفترات مع الإفطار على غذاء صحي متكامل يزيد من مناعة الجسم وتخلصه من السموم

🗯️ أكل البروتينات مهم للحفاظ على الكتلة العضلية للمريض

🔹️️ استشر طبيبك بخصوص الأدوية الأخرى التكميلية الي بتتاخد بين الجلسات لضبط مواعيدها مع الصيام

🗯️ في حالات معينة لازم نبعد عن الجفاف فيها والصوم زي الحالات المعرضة اكثر لتكوين جلطات وحالات الإسهال الشديد ..

💥 👍عشان كدا كل حالة لازم الطبيب المعالج يقيم حالتها قبل قرار الصوم

تقبل الله منا ومنكم ودمتم سالمين 🌹❤️

د.نشوى زين الدين استشاري طب الأورام

10/12/2025

🤔⁉️"هو السرطان معدي؟"
الإجابة طبعاً لأ!

السرطان مش مرض معدي ولا ينتقل بالتنفس ، اللمس ، الأكل أو عن طريق الدم

⚠️ لكن الغريب إنه ممكن يحدث بسبب عدوى

✨ فيه عدوى معينة ممكن تزود احتمال ظهور أورام مع الوقت وعشان كدا لازم تتعالج وأحصل على التطعيمات المناسبه ليها لو موجودة

مش لأنها "تنقل السرطان"، لكن لأنها بتسبب التهاب مزمن يهيّأ البيئة المناسبة للمرض.

🔍 من الأمثلة المهمة لازم كلنا نعرفها:

🎗 HPV → ممكن يسبب سرطان عنق الرحم وبعض سرطانات الرأس والرقبة.

🎗 HBV & HCV → مرتبطين بسرطان الكبد.

🎗 الميكروب الحلزوني (H. pylori) → يزيد احتمال سرطان المعدة وليمفوما المعدة.

🎗 EBV → له علاقة ببعض أنواع الليمفوما وسرطان البلعوم الأنفي.

🎗 HIV → يضعف المناعة فيزود فرصة ظهور أورام زي Kaposi sarcoma.

عشان كدا فيه خطوات بسيطه ممكن تقدملنا وقاية كبيرة من بعض السرطانات زي :

✔️ التطعيم
✔️ الكشف المبكر
✔️ علاج أي عدوى في وقتها

… هي خط الدفاع الأول لحمايتك وحماية أسرتك ❤️

15/11/2025

زوميتا – برووليا – إكسجيفا: الفرق بينهم في دقايق 🔎

٣ أدوية مهمة جداً لصحة العظام في مرضى الأورام… وكل واحد ليه دور مختلف، لكن في نفس الوقت بيجتمعوا في شوية نقاط مشتركة👇

---

🔸 نقاط الاتفاق بين الأدوية الثلاثة

1. كلهم بيأثروا بشكل مباشر على العظام.

2. كلهم ممكن يعملوا نقص في الكالسيوم → لازم المريض ياخد كالسيوم + فيتامين د.

3. كلهم ممكن يسببوا نخر عظام الفكين (ONJ) وهو عرض نادر لكنه خطير →
لذلك لازم زيارة طبيب الأسنان قبل بدء العلاج.

بيختلفوا في المادة الفاعلة أو الجرعة والاستخدام وبعض الأثار الجانبية

---

💊 1) Zometa (Zoledronic Acid)

📌 الاستخدامات

علاج البؤر العظمية في السرطا (مثل الثدي والبروستا👈 والمايلوما).

تقليل Fractures الكسور– Bone pain 👈 الألم–Hypercalcemia زيادة الكالسيوم بالدم

يُستخدم👈 Adjuvant في سرطان الثدي لتقليل الانتكاسة وتحسين الـ DFS بعد سن اليأس

حماية العظام من الهشاشة الناتجة عن العلاج الهرموني 👈 (خاصة الـ AI).

✨ الجرعة

كل 4 أسابيع في الـ mets

ويمكن تحويلها إلى كل 12 أسبوع بعد فترة

كل 6 شهور في الـ adjuvant

فعّال جداً في تقليل مضاعفات العظام.🔎

⚠️ العيوب

يحتاج وظائف كلى جيدة.

ممكن يسبب أعراض تشبه الإنفلونزا بعد الجرعة.

---

💉 2) Prolia (Denosumab 60 mg)

📌 الاستخدامات

علاج هشاشة العظام الناتجة عن العلاج الهرموني في👈 سرطان الثدي والبروستاتا

لا يُستخدم كـ Adjuvant👈 لعلاج السرطان

جرعة كل 6 شهور ✨

مناسب لمرضى الكلى.🔎

⚠️ العيوب

الإيقاف المفاجئ قد يسبب زيادة سريعة في الهشاشة.

---

💉 3) Xgeva (Denosumab 120 mg)

📌 الاستخدامات

علاج البؤر العظمية في السرطان (مثل الثدي والبروستاتا👈 والمايلوما).

تقليل Fractures الكسور– Bone pain 👈
الألم–
Hypercalcemia زيادة الكالسيوم بالدم👈

✨ المميزات

آمن في مرضى الكلى.

فعّال جداً في تقليل مضاعفات العظام.



⚠️ العيوب

جرعة كل 4 أسابيع ✨

الإيقاف المفاجئ قد يسبب زيادة سريعة في الهشاشة

🦴🦴🦴🦴🦴🦴🦴

👩‍⚕️ د. نشوى زين الدين

📍 المنصورة – شارع جيهان-برج الانصار - الدور التالت
📞 0502948700 - 0502948600 - 01000080944

25/10/2025

💙 سرطان الغدة الدرقية مش بس للسيدات!

صحيح بيظهر أكتر عند النساء، لكن كمان ممكن يصيب الرجال 👨‍⚕️
والأهم إن نسبة الشفاء عالية جدًا لما نكتشفه بدري 💪

📍 خليك منتبه لأي:
🔹 كتلة أو تضخّم في الرقبة
🔹 تغيّر في الصوت أو بحة مستمرة
🔹 صعوبة في البلع أو النفس
🔹 تضخّم في الغدد الليمفاوية

🩺 التشخيص سهل:
سونار بسيط + تحاليل + ممكن خزعة بالإبرة.

💡 العلاج في أغلب الحالات ناجح جدًا 🙏

⏰ متأجلش الفحص... خطوة صغيرة ممكن تنقذ حياتك!

📞 د. نشوى زين الدين
استشاري علاج الأورام – المنصورة
📍 شارع جيهان – برج الأنصار – الدور الثالث

11/10/2025

🫁 سرطان الرئة من أكثر أنواع السرطان انتشارًا في العالم، لكنه في نفس الوقت من أكثرهم قابلية للوقاية لو اكتشفناه بدري.

🔹 الأسباب والعوامل اللي بتزود الخطر:

التدخين بجميع أنواعه (حتى الشيشة والسجائر الإلكترونية)

التعرّض لدخان المدخنين

التعرّض لمواد كيميائية أو غازات ضارة في بيئة العمل

التاريخ العائلي للإصابة

🔹 ايه الأعراض اللي محتاجة متابعة ؟؟

كحة مستمرة أو بتسوء مع الوقت

كحة بدم

ضيق نفس أو ألم بالصدر

فقدان وزن غير مبرر

بحة صوت أو تعب مستمر

🎯 الفحص المبكر بينقذ حياة
في الأشخاص الأكثر عرضة (زي المدخنين أو اللي أقلعوا من قريب)، ممكن نعمل أشعة مقطعية منخفضة الجرعة (Low-dose CT) لاكتشاف الورم في مرحلة مبكرة وقابلة للعلاج.

🔹 نصيحة من د. نشوى زين الدين:

الإقلاع عن التدخين أهم خطوة لحماية نفسك وأهلك، والفحص الدوري لأي عرض مش طبيعي هو مفتاح العلاج المبكر ❤️

23/09/2025

المكسرات🥜 الفواكه المجففة🍇 منتجات الألبان🥛⠀
⠀
⠀
هل تعرف إن الأطعمة دي ممكن تسبب السرطان؟ 😧😲
⠀
⠀
⠀
مش لأن فيها مشكلة في ذاتها، لكن لأنها أحيانًا بتكون ملوثة بسم قاتل اسمه الأفلاتوكسين.


⠀
🧪 ايه هو الأفلاتوكسين ده؟ 🧑‍⚕️🤔

الأفلاتوكسين مادة سامة مسرطنة بتنتجها بعض أنواع العفن الي ينمو على الأطعمة المخزنة في حرارة ورطوبة عالية.
⠀
ممكن يؤثر على الكبد وممكن يسبب تليف أو أورام كبدية
⠀
تراكم كميات صغيرة منه على المدى الطويل بيزود خطر الإصابة بالسرطان

المشكلة أنه ما بيتشافش بالعين المجردة أحيانًا، يعني ممكن تاكل حاجة شكلها طبيعي جدًا لكن ملوثة.
⠀
⠀

🔍🧐 العلامات اللي تخليك تشك

🚫 تغير لون الحبوب أو المكسرات (أصفر، بني، أخضر).

🚫 وجود بقع أو عفن ظاهر.

🚫 ريحة غريبة أو معفنة.

🚫 قوام هش أو متفتت.
⠀
⠀

🍴 الأطعمة الأكثر عرضة

📈 المكسرات: فول سوداني، لوز، جوز.

📈 الحبوب: ذرة، قمح، أرز.

📈 البذور الزيتية: سمسم، عباد الشمس.

📈 الفواكه المجففة: زبيب، مشمش، تمر.

📈 الألبان: لو الحيوانات اتغذت على أعلاف ملوثة.
⠀
⠀
⠀
✅ ازاي تحمي نفسك

✔️ اشتري من مصادر موثوقة ومعروفة.

✔️ ما تشتريش كميات كبيرة تخزنها لفترات طويلة.

✔️ خزّن الأكل في مكان بارد وجاف أو في الثلاجة/الفريزر.

✔️ تخلص فورًا من أي طعام شكله أو ريحته غريبة، ولا تعتمد على قطع الجزء التالف منه.

✔️ التنظيف الدائم لأماكن التخزين.

🛑 افتكر: التحميص أو الطهي ما بيقضيش على الأفلاتوكسين.


⠀

🪧 الخلاصة:
⠀
الأفلاتوكسين خطر حقيقي، لكن الحل بسيط: الوعي + التخزين السليم.
حافظ على نفسك وأسرتك باختيار أكل آمن وتخزين ذكي.
⠀
⠀

🌒 د. نشوى زين الدين 🌘
استشاري علاج الأورام
⠀
⠀
قولنا، كنت تعرف عن الأفلاتوكسين ده قبل كده... وبتخزن البقوليات والحبوب ازاي في البيت ؟

21/09/2025

💌 من القلب لأهل مرضى السرطان 💌

يمكن كتير ما حدش بيشوفكم.. بس إحنا عارفين قد إيه وجودكم بيفرق 🌷
أهل المريض هما السند الحقيقي.. اللي شايلين الهم معاه خطوة بخطوة.

أنتم اللي بتشيلوا الضغوط والتكاليف، وبتخفوا تعبكم علشان ترفعوا معنوياته.
أنتم اللي بتضحكوا علشان هو يضحك، وبتحاولوا تخففوا عنه مهما كان جواكم ألم.

🙏 شكرًا من القلب.. أنتم القوة اللي بتخلي رحلة العلاج أهون وأقوى.
وجودكم هو الدوا اللي ما يتعوضش 💚

18/09/2025

"سيب الورم في حاله عشان يسيبك في حالك"!

كانت جاية للعيادة ماسكة إيد ابنها… عينين حزينة وخطوات بطيئة

بتقول: "ده مش مرض، ده وجع قلب وحزن... وأنا حاسة ان صدري بيتقبض".
وبابتسامة رضا: "الحمد لله".

لكن الإبن ما سكتش.
اتحرك مباشرة يكشف، خوفا على أمه

الأم فكرت: مش مهم… هو كشف وخلاص عشان أطمن ابني

التحاليل جات وشافتها الدكتورة…

📄 النتيجة واضحة: فيه كتلة مريبة..
قالت: "لازم نعمل خزعة (عينة) عشان نتأكد"

بس كان رد الأم:
"سمعت أن العينة هي الي بتزود المرض وتخلي السرطان ينتشر ويخليني أخد كيماوي… أنا راضية بقضاء ربنا و مش هعملها"

⏳ وهنا السؤال ... هل الكلام دا حقيقي أو مبني على أساس علمي ؟

الحقيقي أنه لأ

✅ الخزعة لا تنشر السرطان.
✅ الخزعة هي اللي بتكشف الحقيقة…
هي الي بتحدد العلاج… وهي الي ممكن تنقذ حياة.

الرضا لا يعني أننا نرفض الدواء.

التسليم لله يكون بالأخذ بالأسباب 🤲🏻… مش بتصديق كلام مجهول على الإنترنت.

القصة دي مش على مريضة واحدة…
القصة دي عن كل بيت ممكن يضيع بسبب كلمة غلط أو فيديو مضلل.

⚠️ خلي بالك…
الوعي مش رفاهية. الوعي حياة.

والغريب أن المعلومة دي ما جاتش من فراغ…
واضح إنها بتتكرر في فيديوهات أو منشورات منتشرة على النت.

❓حابين نعرف منكم:
هل صادفتم قبل كده أي فيديو أو محتوى من نصابين وجدالين بيقول أن الخزعة (العينة) بتنشر السرطان في الجسم؟

💬 شاركونا في التعليقات…

كلامكم هيساعدنا نعرف ايه الي بيتكرر على الناس، ونوضح الحقيقة أكتر في منشورات قادمة 🔗📝





🌒 د. نشوى زين الدين 🌘
استشاري علاج الأورام

01/09/2025

🎀 وجود طبيبة في مجال علاج الأورام بيشجع جدًا السيدات والبنات على الاهتمام بصحتهم 👩‍⚕️
⠀
ممكن واحدة مننا تلاحظ أعراض أو كتل غير مؤلمة تقلقنا…

لكن للأسف بنكمل حياتنا ونأجل فكرة الكشف 😔
⠀
متجاهلين أن الكشف المبكر، خصوصًا عن أورام الثدي، بيعمل فرق كبير في فرص العلاج والشفاء بإذن الله 🌸
⠀
⠀
وبعض السيدات ممكن يتحرجوا أو يترددوا في الكشف عند طبيب رجل، خصوصًا في غياب ضرورة أو ألم واضح…
وده طبيعي جدًا وحقهم 💯
⠀
علشان كده من حقك برده وجود طبيبة متخصصة 🧕🧑‍⚕️
وجودها يديك راحة وأمان، ويشجع أكتر على خطوة الكشف بدون حرج أو تردد 🌷
⠀
⠀
لو لاحظتي أي أعراض غير معتادة، متأجليش… صحتك أولى 💕



لحجز موعدك مع الدكتورة
🏥 ش جيهان - برج الأنصار - الدور الثالث - أعلى مطعم بريمر
📱 01000080944 - 0502948600 - 0502948700
-----
🏥 عيادة مجمع الإيمان بالمنصورة
☎️ 0502354245
-----
🏥 مركز لين لعلاج الأورام
☎️ 0502399904



🌒 د. نشوى زين الدين 🌘
استشاري علاج الأورام

27/08/2025

✨ العُقد الليمفاوية (الحيل) ✨

العُقد الليمفاوية عبارة عن أعضاء صغيرة كروية مليانة بخلايا مناعية، وهي جزء مهم من الجهاز الليمفاوي والمناعي. دورها الأساسي إنها تساعد جسمنا في مكافحة العدوى والأمراض عن طريق تصفية السائل الليمفاوي اللي بيكون محمَّل بالبكتيريا والفيروسات.

📍 أماكنها في الجسم كتير، لكن اللي ممكن نلاحظها أكتر:

في الرأس والرقبة: خلف الأذنين، حول الفك، وتحت الذقن

تحت الإبطين

في الفخذين

مناطق تانية زي : الحلق والبطن والصدر والحوض والساقين

🔹 الطبيعي إن العقد دي ماتكونش محسوسة.. لكن أي تضخّم بيخليها بارزة أو ملموسة. وده غالبًا سببه: عدوى بكتيرية، فيروسية، أو أحيانًا أورام.

🚨 امتى لازم أقلق وأتوجه للكشف فورًا؟
1️⃣ لو لقيت أكتر من واحدة متضخمة وفي أكتر من مكان.
2️⃣ لو في أعراض مصاحبة زي:

سخونية مستمرة (حتى لو بتروح وترجع)

فقدان وزن ملحوظ

تعرق شديد بالليل
3️⃣ لو ظهرت في مكان مميز زي أعلى الكتف أسفل الرقبة ناحية الشمال (عقدة Virchow ← ممكن تشير لورم مخفي في البطن).
4️⃣ لو العقد صلبة، مش بتتحرك، أو ملتصقة بالأنسجة اللي حواليها.

👨‍⚕️ بالفحص الجيد وأخذ التاريخ المرضي ممكن نحدد إذا فيه فحوصات إضافية مطلوبة.

⚠️ لو ظهرت أي من العلامات أو لقيت "كلاكيع" غريبة في جسمك → لا تهمل وتوجه للكشف فورًا. صحتك أهم حاجة 💙

د. نشوى زين الدين
استشاري الأورام

📍 المنصورة – شارع جيهان-برج الانصار - الدور التالت
📞 0502948700 - 0502948600 - 01000080944

22/08/2025

من تعليقات المتابعين الي بتجيلنا العيادة 📩👥👥
⠀
⠀
تعليق بيقول أنه معلوماتنا مش صحيحة، والميكروويف فعلا غلط وان فيه باحث سنة 2008 أكد العكس! 😮🫣😵
⠀
⠀
واحنا بنسمع الرأي، وبنرحب بالنقاش المثمر من المتابعين 🎤🗣
⠀
لكن عشان كلامنا يكون مبني على علم حقيقي مش مجرد رأي 👩🏻‍🔬🕵🏻
⠀
⠀
📍 الصحة مش مكانها التخمينات بل الحقيقة.💯💯
⠀
🔹 خلينا نشرح ببساطة إزاي الميكرويف بيشتغل:
⠀⠀
الميكرويف بيصدر موجات معينة بتحرك جزيئات المياه اللي في الأكل حركة اهتزازية؛ والاهتزاز ده بينتج عنه حرارة بتسخن الأكل.🔥

🔴 إذا طريقة العمل دي لا تؤدي للسرطان ولا بينهم ترابط أصلا كما تؤكد العديد من المصادر 🔴
⠀
✅✅ طبعا في حالة أنك تستخدمه بالطريقة الصحيحة الموصى بها، وفي حالة أنك بتستخدم الأواني المخصصة للاستخدام في الميكرويف؛ لأنها بتكون مصممة بحيث متتفاعلش مع الأكل ولا تتحلل بفعل موجات المكرويف أو الحرارة الناتجة.
⠀
⠀
🚫 لكن لو استخدمنا أواني غير آمنة، ساعتها ممكن الحرارة تسبب تفاعلات أو تطلع مواد مضرة… وده اللي بيشكل خطر حقيقي. ❌♨️
⠀⠀
⠀
📌 خلاصة القول: الخطر مش في الميكرويف نفسه… الخطر في ازاي بنستخدمه.⠀




🌒 د. نشوى زين الدين 🌘
استشاري علاج الأورام