عيادة د/محمد صبحي الديب أخصائي الباطنة والكبد والجهاز الهضمي

31/10/2025

لما الدكتور يجيب من الآخر مع المريض بتاعه 🙊😂
شخصه صح وعرف العلاج فين 😉☑️

30/10/2025

فيه طفل سوري ما.ت مخنوق بسبب حبه رمان قفلت مجرى التنفس بتاعه.
ياجماعه قلنا ميه مره لو طفلك أصغر من أربع سنوات مينفعش ياكل الرمان صحيح ممكن نقدمه ليه في صوره عصير ، عرفوا غيركم!

30/10/2025

جالي مريض عنده قرحة في المعدة ومدخن
المفاجاه بقوله كام سجاره في اليوم
قالي 5 علب في اليوم
من الصدمه معرفتش اقوله ايه

27/10/2025

24/10/2025

للأسف الدور منتشر جدا
والمدارس والجامعات والدروس
بقت أكبر ناقل للعدوى حاليا

20/10/2025

الناس كلها حاليا 🤦‍♂️

15/10/2025

دور البرد حصله تضخم 10 اضعاف زي الأسعار بالضبط، الدور اللي كان بيقعد 3 ايام بقى يقعد 30 يوم

06/10/2025

تلت اسباب يخلو شكل البطن كبير من غير م يبقي في تضخم في الأعضاء او حاجة مرضية كبيرة
رقم ١ الدهون سواء كانت شوية حوالين الأعضاء او تحت الجلد
رقم ٢ القولون المنتفخ ال مخزن براز ومليان غازات
رقم ٣ ودا ال كتير مش بياخد باله منها وهي ضعف عضلات البطن

01/10/2025

.. لكل اللى سالنى على الانسولين بالاستنشاق inhaled insulin اللى هو AFFREZA هو مش جديد وواخد FDA approval موافقة من هيئة الدواء والغذاء الامريكية من يونيه 2014 ومتاح فى الولايات المتحدة الامريكية من حوالى 9 سنوات وسبقه فى المجال دا دوا كان اسمه exubera مملوك لشركة فايزر من 2007 بس فشل لانه ماحققش الارباح المرجوة واتسحب سريعا من السوق...هو بديل فقط للانسولين المائى وليس المعكر او طويل المفعول زى اللانتوس..وبيستخدم مع الوجبات فى بخاحة شبيه ببخاخة اللى مستخدمة فى حساسية الصدر بيبدا يشتغل onset بعد 12 دقيقة ويوصل لقمته peak بعد 35 الى 45 دقيقة وبيغطى duration من ساعة ونص الى 3ساعات.
..زي مااحنا شايفين سريع جدا فى شغله فبيجنبنا الارتفاع اللى بيحصل مع المائى العادى اللى بيشتغل بعد نص ساعة وبينتهي مفعوله ايضا بسرعة ودى ميزة فى صغار السن بيقلل الهبوط بس عيب فى الاطفال فى سن المدرسة اللى بياخدوا سناك وجبة خفيفة ممكن السكر يعلى.. متاح فى 3 تركيزات الخراطيش الزرقاء تساوى 4 وحدات انسولين وخراطيش خضراء تساوى 8 وحدات وخراطيش صفراء تساوى 12 وحدة..لو مريض سكر جديد يبقى هنبدا ب 4 وحدات مع الوجبات وبنعدل عليه..لو مريض على انسولين بالفعل بيكون فيه جداول للتحويل من المائى او السريع لانسولين للاستنشاق..البخاخة بتستخدم لمدة 15 يوم وتتغير..ولابد ان تستخدم بطريقة صحيحة لتحقيق الاستفادة الكاملة...بيكون متاح فى card دا فيه خمس صفوف 5blisters كل صف فيه 3 خراطيش cartridges يعنى كل card فيه 15خرطوشة وغالبا كل تركيز بيتباع 2cards على الاقل سوا يعنى 30 خرطوشة..ومممكن لو مريض بيحتاج اكتر من 12 وحدة بياخذ خراطيش من تركيزات مختلفة..بيكون ملفوف فى foil وطوال فترة تواجده فى الفويل بيكون متاح حتي تاريخ انتهاء صلاحياته طوال ماهو محفوظ فى التلاجة بين 2 الى 8 درجات مئوية..ولو اتفتح الفويل يبقى متاح لمدة شهر فقط..لو بره الثلاجة وفى فويل يقعد 10 ايام فقط ولو مفتوح يبقى 3 ايام فقط..هو لايصلح لاى حالة تعاني مرض مزمن بالصدر مثل حساسية الصدر وامراض COPD امراض الرئة المزمنة او المدخنين..اخيرا من عدة سنوات ال FDA اصدرت تعليق انه ممكن استخدأمه فى الجرعات التصححية عند ارتفاع السكر لانه سريع جداا فى عمله..باختصأر هو دواء فيه ميزات انه استنشاق هيوفر 3 شكات على مريض النوع الاول..ايضا سريع المفعول بيشتغل بسرعة...عيوبه انه غالى ومش متوفر اوى وماينفعش فى اى طفل عنده حساسية..هو خطوة على الطريق فى مجال الانسولين.

منقول من صفحة د عمرو عمر

25/09/2025

تكسير في الجسم مع رعشه و ملازمة الفراش وعطس ورشح واحتقان انف وحلق وسخونه..
دي اعراض دور البرد اللي موجود عند معظم الناس حاليا
الف سلامه للجميع

24/09/2025

المواعيد من ٣ ل ١٢ مساءاً