09/08/2025
مهم جدا علشان لو حصل لك أو لحد من أسرتك عضة أو خربوش من أي حيوان اليف (كلب، قطة، او حتى قرد، خفاش… إلخ) لازم تعرف إن وزارة الصحة عدّلت البروتوكول، وبقى في فرق كبير عن النظام القديم 👇
⸻
🔹 أول خطوة (ده لكل الحالات):
1. اغسل الجرح فورًا بالصابون والمياه الجارية لمدة لا تقل عن 15 دقيقة.
2. حط مطهّر (بيتادين لو متاح).
3. ماتخيطش الجرح إلا لو الطبيب قال، وخد تطعيم التيتانوس لو محتاج.
4. اتوجّه فورًا للوحدة الصحية أو الطوارئ – ما تستناش أي أعراض.
⸻
🔹 عدد الجرعات دلوقتي حسب نوع الحيوان وقدرتك تتابعه:
✅ لو الحيوان منزلي ومعروف وهنقدر نتابعه 10 أيام:
• هتاخد 3 جرعات بس: يوم التعرض (0) – اليوم 3 – اليوم 7.
• لو الحيوان فضِل سليم طول العشرة أيام → خلاص مش هتكمل الرابعة.
• لو الحيوان مات أو ظهرت عليه أعراض → تكمل الجرعة الرابعة (اليوم 14) فورًا.
✅ لو الحيوان ضال أو مجهول أو حتى على السلم ومش هنعرف نتابعه:
• هتاخد 4 جرعات: يوم (0) – 3 – 7 – 14.
💡 النظام القديم بتاع 5 جرعات ما بقاش هو الأساس… دلوقتي 3 أو 4 بس حسب المتابعة.
⸻
🔹 متى تحتاج “المصل” (Rabies Immunoglobulin)؟
لو العضة أو الخربوش كانت:
• عميقة أو نزيفها شديد.
• في الوجه، الرقبة، الرأس، الأصابع أو الأعضاء التناسلية.
• متعددة أو ممزقة الأنسجة.
• لطفل صغير أو شخص مناعته ضعيفة.
🛑 المصل مش لكل الحالات… لازم تقييم طبي في مركز مخصّص، وبيتحقن حوالي الجرح قدر الإمكان.
⸻
🔹 ملاحظات مهمة:
• التسجيل دلوقتي إلكتروني وبيطلع لك كود لازم تحتفظ بيه لو هتتحوّل لمستشفى فيها مصل.
• حتى لو عدى وقت على التعرض، خد الجرعة الأولى فور ما تروح المركز.
• لو كنت واخد التطعيم كامل قبل كده واتعرضت تاني → غالبًا جرعتين بس (اليوم 0 و3) ومن غير مصل – الطبيب بيقرر.
