Dr Ahmed Fouad-kids clinic

03/10/2022

😂😂

22/12/2021

15/01/2021

يارب ارفع عنا البلاء .. عاجل غير آجل يارب

14/11/2019

فُتِح المَحضر في ساعَتُه و تاريخُه ⁦🕵🏻‍♂️⁩

س سؤال يا سِت ماما :-

مغرقاني بودرة تلك و برفانات ليه ...؟؟!!

أنا أصلاً من غير حاجة ريحتي حلوة لإن معنديش غُدد عرقية زيكم إنتم الكُبار .. غير إن بودرة التلك بأي نوع ممكن على المدى الطويل تسببلي حساسية على صدري و البرفانات الكتير بتخلليني مش عارف أشم ريحتك و دا بيقلب مزاجي و بيضايقني كمان ممكن تسببلي حساسية جيوب أنفيه .. من فضلك تكتفي بالشاور و هدومي تكون نظيفة غير كده أنا مش محتاج حاجه 😎

س سؤال تاني يا أمي :-

بتشيلي إيدي من بُقي ليه .... بتضايقيني ليه .... أنا ضايقتك في حاجه يا ستي ؟؟!!
أقوى خلايا حسية عندي و أنا صغير بتكون في الفم و بتكون أقوى كمان من الخلايا اللي في أطرافي ... علشان كده باستخدم فمي في الإستكشاف و كل حاجه هحطها في بقي لِعب ... إيدي ... رجلي ...أنا حر يا ناس
كُل اللي عليكي تبعدي عني الحاجات الصغيرة علشان ما تسببليش إختناق لا قدر الله .... و لو ...لو ... لو.... إستمريت في مص صوابعي لِعُمر ٣ سنوات إبقى إبدأي دوري على حل ... أظن مفيش أسهل من كده 😎

س سؤال تاني يا ماما يا مجنناني :-

مِش بتقصي أظافري بإنتظام ليه .... هاه .... ليه ؟؟؟
يا مامتي يا حبيبتي أنا ضوافري بتطول أسرع منكم إنتم الكُبار بمعدل الضعف يعني ضافرك لو بيحتاج يطول في إسبوع بيطول عندي في ٣ أيام بس لإن التمثيل الغذائي عندي أسرع ف ياريت تخللي بالك من النقطة دي لإني خرشمت وشي و بقى شكلي شوارِع ..😎

س سؤال لمامتي :-

هو ليه بتضايقي لما بأقرصك و الا بألسوعك و الا بأمسك صوابعك و إنت بترضعيني .... أنا بالطريقة دي بقولك بحبك ... مش بأعرف أتكلم يا ناس و دي طريقتي في التعبير ...إفهموها بأه 😄

س سؤال لوالدتي الحبيبة :-

ليه كُل الجيران يعرفوا إني مسهرك طول الليل .. ليه الفضايح دي ؟؟!!
أولاً أنا بأنزل من بطنك مش عارف ليل من نهار و دا لإن ساعتي البيولوجية لسه مش شغاله .. كمان المواد اللي جسمي بيفرزها علشان أنام بيبقى إفرازها غير منتظم ... و كل دا بيبدأ يتظبط عند الشهر السادس و بشوية تنظيم منك بإنك تهدي الجو بالليل و تضلمي الدنيا و تساعديني أنام ... هاعرف الليل من النهار و أنام زي الناس .... بس لو ماعملتش كده إستحمليني إبنك بردُه و واجب عليكي 😄😄😄

دا مش سؤال دا طلب من الغالية 😄:-

من فضلك لو فتحتيلي قصة مصورة علشان تقرئيهالي ما تتضايقيش إن إتحمست و بخبط على الصفحات و تزهقي و تقفلي القصة .... أنا في السن الصغير بشوف الصور ثلاثية الأبعاد و ببقى فاكر إني هاقدر أمسكها زي اللعب .... أصبري عليا و كملي قراءة و فرجيني على الصور لإن دا هايساعدني أوسع مداركي و أبقى أذكى و أتطور بسرعة و أنا أوعدك بعد السنة هشوف الصور ثنائية الأبعاد و مع الوقت هاسمع القصة و أنا عاقل 😌😄

نِرجع للأسئلة 🤨....س سؤال للست ماما العزيزة :-

هو لازم خالتو دينا و طنط زينب و أنكل فرحات و أنّا بهيجة يعرفوا إني بريّل و مفاصلي بتطقطق.... لازم ؟؟!! و الله ما لازِم و لا حاجه 😄
أنا بريّل علشان جهازي العصبي لسه ما إكتملش و قدرتي على البلع لسه ضعيفة و بالتالي مش بقدر أبلع كُل اللعاب و دا مش شرط يكون تسنين و لا فطريات ... أنا كِده خلقتي كِده و مع الوقت و بعد عُمر سنة الأمور بتتحسن .... ماشي 😉

نيجي بأه للطقطقة و اللي بتبقى بسبب إن أوتاري بتتزحلق على بعضها يعني حاجه طبيعية في سنّي و لا هي خشونة و لا تٱكل في المفاصل دي حاجات تجيلكم إنتم الكُبار 😜😜
تقلقي بس لو لقيتي مِفصل الفخذ هو اللي بيطقطق و في الحالة دي خالتو دينا و طنط زينب و أنكل فرحات و أنّا بهيجة مش هاينفعوكي 😄😄.... هتختصري و تروحي بيا على دكتور عظام أطفال يطمنك إني معنديش خلع في مِفصل الفخذ ... ألف بعد الشر عليا طبعاً 😌

تعالي هنا ....جوابتي على أي سؤال من اللي فاتوا و الا شاطرة بس تشتكي مني في كُل المحافِل العائلية .... مش كِده يا حاجه برستيجي إتبعتر خاااالص 🤨🤔

أمهات غريبة و الله 😄😄

#قفّل_المحضَر_يابني ⁦🤚🏻⁩
منقول من صفحه الدكتوره مروة

01/03/2018

البوست ده عن المواد الشديدة السمية للأطفال والتى قد
تؤدى إلى الوفاة بجرعات قليلة ودى مشهورة عندنا فى الأطفال ب ONE PILL CAN KILL بمعنى إن قرص واحد قد يكون قاتل لطفل وزنه 10 كيلو :

1- أدوية الضغط زى الكونكور و الإنديرال و دول بينزلوا الضغط و ضربات القلب و السكر بالدم والإييبيلات و الأيسوبتين ودول بيسببوا هبوط حاد فى الضغط والدورة الدموية وطبعا مفيش بيت بيخلو من أدوية الضغط لانتشار المرض .
2- أدوية السكر زى الأماريل و الديامايكرون ودى موجودة برضه فى بيوت كتيرة بسبب انتشار مرض السكر من النوع التانى ودى بتعمل هبوط فى نسبة السكر بالدم و غيبوبة و تشنجات وخطورة الأدوية دى إن انخفاض السكر ممكن يحصل متأخر فى أول 24 ساعة عشان كده الطفل لازم يتحجز حتى لو مفيش أعراض و سكره كويس فى البداية لمتابعة السكر كل ساعة إلى ساعتين .
3- الأدوية المضادة للاكتئاب Tricyclic antidepressant زى الأنافرانيل و التوفرانيل والتريبتيزول ودى طبعا بتستخدم لعلاج الاكتئاب بس ليها استخدامات تانية فممكن تكون موجودة فى البيت و منعرفش فبتستخدم فى علاج بعض حالات التبول اللارإدى فى الأطفال و لعلاج سرعة القذف و الصداع النصفى والتسمم بالأدوية دى فى الأطفال ممكن يسبب إختلال فى ضربات القلب و غيبوبة و تشنجات و هبوط فى الضغط .
4- الأدوية المضادة للذهان اللى بتستخدم لعلاج أمراض نفسية زى الفصام .
5- الأدوية المضادة للملاريا زى الكلوروكين و الحمد لله أهو فى مرض مش منتشر فى مصر و معظم الحالات بتكون جاية من برة لكن الأدوية دى ليها إستخدامات تانية فى علاج بعض أمراض المناعة الذاتية زى الذئبة الحمراء و الروماتويد .
6- الأدوية المخدرة زى المورفين و الترامادول وحدث و لا حرج عن الترامادول و انتشاره حاليا وشفنا حالات أطفال كتيرة واخدة ترامادول وبتبقى المشكلة إنكار الأهل عشان المسؤولية وطبعا الترامادول ممكن يعمل غيبوبة و فشل كلوى و توقف بالتنفس .
7- ومن الأعشاب ما قتل مادة الكامفور Camphor ودى مادة عشبية بتستخدم فى الكريمات المسكنة للألم زى آلام الظهر و العضلات و طبعا مشهورة جدا و موجودة فى كل البيوت كريم زى الجازون أو مووف مساج وده ممكن بكميات بسيطة يعمل ترجيع و اسهال و غيبوبة و تشنجات .
8- المبيدات الحشرية بتختلف درجة السمية على حسب النوع و الكمية و طريقة التعرض لكن فى بعض الأنواع شديدة السمية بكميات بسيطة وممكن تؤدى إلى الوفاة .
9- مادة البنزوكين Benzocaine و هى مادة مخدرة بتستخدم فى جيل تخفيف آلام الأسنان زى الدنتوكالم و الدنتوكين الشهيرين لتخفيف آلام ظهور الأسنان عند الأطفال ممكن تسبب حالة نادرة اسمها Methemoglobinemia خاصة عند الأطفال أقل من سنة و المصابين بأنيميا الفول و أعراضها زرقة ونقص بأكسجين الدم و صعوبة بالتنفس و تشنجات ودمهم بيقى غامق زى الشيكولاتة .
10- أخيرا فى حاجتين ممكن يكونوا موجودين فى أى بيت و فى متناول الأطفال و إحنا مش عارفين خطورتهم وإنهم ممكن يسببوا الوفاة :
أولا صبغة الشعر و ما أدراك ما صبغة الشعر مادة قاتلة تسبب تورم فى اللسان و الحنجرة و ضيق فى مجرى التنفس و فشل كلوى حاد و تشنجات ومشهورة فى بعض الأماكن باستخدامها للانتحار و الكلام ده شفته بنفسى فى الفترة اللى اشتغلت فيها فى أسوان أشهر محافظة فى موضوع الصبغة و تقريبا كل الحالات اللى ظهرت عليها الأعراض كانت بتموت حتى لو دخلت العناية وفى قريب طفل 3 سنين مامته استخدمت الصبغة و نسيت تتخلص منها الطفل أكل من الصبغة واتنقل المستشفى و إتوفى .
ثانيا بطارية الليثيوم و دى بتبقى موجودة فى بعض الأجهزة و ألعاب الأطفال و سهل الطفل يطلعها و يبلعها و دى خطيرة جدا لأنها ممكن فى خلال ساعتين تسبب حرق و ثقب فى بطانة المرىء حيث تصنع دائرة كهربائية فى وجود اللعاب وتبدأ البطارية عملها على نحو يصدر منها مادة قلوية تتسبب في تكوين صودا كاوية تؤدى إلى حدوث تآكل في جدار المرىء وحدوث ثقب والتهاب حاد بالصدر و تسرب للهواء حول الرئة وإذا واجهت البطارية طريقا مختلفا، حينئذ يمكنها أن تحدث حرقا في الأورطى والأوعية الدموية الرئيسية، وتوجد حالات سجلت ينزف فيها الطفل حتى الوفاة وفى كتير من الحالات بيحصل معاها ضيق فى المرىء أو ناسور بين المرىء و القصبة الهوائية و تحتاج عمليات لتوسيع المرىء أو استئصال جزء منه .
التصرف فى حالة بلع الطفل لبطارية ليثيوم التوجه للمستشفى مباشرة لعمل أشعة و فى حالة وجودها فى المرىء لازم تتشال فورا بالمنظار من غير تاخير .
يا رب يكون البوست مفيد ونشيره عشان الناس تستفيد وممكن ننقذ
حياة طفل بالمعلومات دي .....

#منقول

25/12/2017

الحقنى يا دكتوووور ابنى وقع من ع الكرسي 😥😫😖 وقالولى اروح اعمله اشعه مقطعيه اطمن بيها على مخه.....أروح ولا لا؟؟؟
بصى يا ماما .... بالدراسات والابحاث وجدوا ان نص الاطفال اللى بيتعرضوا لخبطات ف الرأس وبيتعمل ليهم اشعه مقطعيه اظهرت لا شئ.
معلش مش مشكله يا دكتور اهو اطمن
بس يا ماما وجدوا ان مخ الاطفال شديد الحساسيه للاشعه ده وانها بعدين ممكن تتسبب ف اورام
ايه😟 اورام 😢😭 طب أعمل ايه علشان اطمن طيب؟؟؟
بصى يا ماما ... شبكة البحوث التطبيقيه لرعاية الاطفال فى حالات الطوارئ pecarn
قسمت اصبات الرأس ل ٣ انواع ...الخطيره والمتوسطه والبسيطه
وحددت مواصفات اصابات الرأس البسيطه واللى لا تحتاج الى عمل اشعه مقطعيه
طب الحقنى بالمواصفات ده يا دكتور...
اولا...لو الطفل وقع على راسه تكون مسافة الوقوع اقل من متر لو طفل اقل من سنتين او اقل من متر ونص لو طفل اكبر من سنتين
ثانيا...لو كانت اصابة الراس نتيجة تصادم
اشترطوا علشان تكون الاصابه بسيطه ان التصادم ده ما يكون نتج عنه موت احد الركاب ولا نزول احد الركاب بره العربيه نتيجة التصادم.
ثالثا..ما يكونش الطفل فقد الوعى مده أكتر من خمس ثوانى فقط
رابعا .. ما يحصلش تغير ف شخصية الطفل زى انه نايم اكتر من اربع ساعات بعد الوقعه متواصلين او انه عمال بيسأل اسيله كتير او انه بيرد ببطئ شديد كأنه سكران.
خامسا....مفيش ترجيع مستمر اكتر من مرتين ولا صداع مستمر بعد الخبطه.
سادسا ....مايكونش حصل كسر ف الجمجمه وده ببساطه بنعرفه عن طريق اما حته عضمه بارزه م الجمجمه او دم او سائل نخاعى نازل من الانف او الاذن.
سابعا...كدمة جبهة الرأس او التجمع الدموى ف الجبهه ده لا يمثل اى خطوره
انما اى كدمه ف الرأس غير الجبهه تمثل خطوره.

وبكده دول ٧ شروط اول لما يتوافروا ف اى طفل تعرض لخبطه ف الرأس لازم نهدى ونطمن وما نعملش اى حاجه الا لو حصل تغيير ف الطفل
البوست ده ممكن يحمى اولاد الناس اما من التطمين الكاذب بعد الخبطه او من التعرض لاشعه مقطعيه تسبب الاورام بعد كده....لذلك ارجو النشر حمية لاولادنا..
علشان نكمل باقى سلسلة طوارئ الاطفال ...اعمل متابعه وتم ....ليصلك الجديد

08/12/2017

الموضوع ده مهم. وخطير جدا .. أعمل شير أو كوبي بيست ع صفحتك ... ومنشن للأمهات

🚩 ممنوع منعا باتا🚫 اعطاء الطفل حقنة العضل في عضلة الفخذ الخلفية او الإليةGluteus maximus قبل ثلاثة سنوات 💉💉💉💉

❔ هو دا الموضوع الخطير 😒😒؟!!
اها خطير واخطر مما تتخيل تعالي نشوف ليه

✔ أولا حسب توصيات منظمة الصحة العالمية WHO مينفعش تدي الطفل الحقنة في عضلة الفخد الخلفيه( الاليه) قبل ما يتم 4سنين

❔ طيب يادكتور الطفل لابد ياخد تطعيمات كتير قبل 4سنين نديهاله ازاي🤔🤔؟

⏪أفضل مكان لإعطاء الحقن للأطفال من عمر يوم وحتى 4سنوات هو الورك أو العضلة الامامية الجانبيه للفخذ (vastus lateralis muscle)والطفل نائم على ظهره حضرتك بتقسم منطقة الورك 3اقسام وتدي الحقنه في القسم اللي ف النص زى ما باين في الصوره تحت👇👇
❔طاب هل دا المكان الوحيد؟ 😃
⏪ لا من عمر سنه حتي 4 سنوات يمكن اعطاء الطفل الحقنة العضل في عضلة الكتف(Deltoid muscle) من الخارج لو كان وزن وحجم الطفل كويس زى ما موضح في الصوره 👇👇بس متديش ف الكتف قبل سنه

❔ طاب ليه مينفعش ندي الحقنه قبل ف عضلة الفخذ الخلفية قبل 4سنين 😃😃؟

⏪الفكرة ان عضلة الفخذ الخلفية مش بتتكون قبل سنتين على الاقل لما الطفل بيمشي ويجري .. وده سبب رفض دول العالم لكده لأن عضلة الفخذ الخلفية مش بتكون مكتملة وبيكتمل نموها عند سنتين على الأقل لما يمشي الطفل ولما بنحقن الطفل في منطقة الإلية وخصوصا بحقن مضادات حيوية أحيانا بيظهر ورم وعدم قدره علي التحرك

❔ إزاى بيحصل الورم في عضلة الإلية من الحقن😏 ؟

⏪ فى السن الصغير ده بتكون الأعصاب فى عضلة الفخد غير مكتملة النمو ويصعب تحديد مكان الأعصاب الرئيسية وكذلك الأوردة وأى خطأ أثناء إعطاء الحقنة سواء في العصب أو الأوردة بيعمل تجمعات دموية وكلكعة وورم في فخد الطفل وأحيانا بيسبب تليف في جزء من عضلة الإلية أو بيسبب حفرة في الفخد وتشوهات وساعات بيحصل شلل 😓

❔ إزاى ممكن يحصل شلل بسبب حقنة الإلية 😣؟

⏪ عضلة الفخد الخلفية قبل 3 سنين بتكون صغيرة و بتكون قريبة من الجلد ودا بيخلليها عرضة إنها تتجرح من سن الإبرة وده بيعمل إلتهاب شديد وفى حالات قليلة ممكن يصيب بالشلل لا قدر الله

❔ طيب ليه مسموح فى عضلة الورك(vastus lateralis) والكتفDeltoid بس😃؟

⏪ لانهم قبل 4سنين بيكونوا أكثر سماكة وكمان مفيش فيهم أوردة رئيسية💪

🔘 بنشوف أطفال بيمشوا وزى الفل ولما بيأخدوا حقن مضادات حيوية في عضلة الفخذ الخلفية بيعملهم ورم جامد وعدم قدره على المشي بالإضافة الي ان فائدة الدواء أقل لأنه مش بيمتص كويس😢

أنا بطمئن الجميع مفيش ضرر من اللي اخذها قبل كده إن شاء الله .. والمشاكل بتحصل مع حالات قليلة 💙🖒💙بس ابتدت تزداد ف الفتره الاخيره وبتسبب معاناه شديده للطفل والاهل اخر حاله انا شوفتها شخصيا كانت طفله داخله تعمل عملية اللوز بعد العمليه ممرضة اديتها حقنه ف عضلة الفخذ الخلفيه الطفله مبقتش بتمشي بعد العمليه وحاليا بتتجهز لعمليه بمبلغ كبير عشان يقدرو يخففو الضرر فحافظ وحافظي علي طفلك
أعمل منشن لكل الأمهات
شير أو انسخ لتعم الفائدة ❤❤

07/12/2017

ردا علي اكتر سؤال او طلب بيتقال لطبيب الاطفال...

يا دكتور بنتي او ابني مش بياكل كويس وعاوزة فاتح شهيه يفتح نفسه علي الاكل ويخليه ياكل كويس

الاجابه ... حضرتك مافيش فاتح شهية للاطفال كلها للاسف خدع
تجاهلي هذا الامر
اولا اوزني طفلتك لو خاسة بكتير عن الطبيعي بتاعها
يبقي هاتعملي :
- صورة دم كاملة.
- تحليل براز.
- مسحة لفتحه الشرج .

دول اعشان لو في انيميا تتعالج ولو في ديدان او طفيليات كمان تتعالج بطريقه صح لان دول اقوي مسببهات عضوية لقلة الشهية عند الاطفال
وغيرها لو كانت مرت بكذا دور تعب شديد وخست زي النزلات المعوية والاسهال والترجيع محتاجه صبرررررر وطولة بال لان الطفل بيكون قرفان وخايف من الاكل
ده بالنسبة للجانب العضوي .

بالنسبة للجانب النفسي طبعا ممنوع اي ضرب او اهانه او تكتيف او غصب او التحدث عن الطفل امام اقاربه بانه مش بياكل ومغلبك ومقرف ورفيع وضعيف والي اخرها من الصفات المنفرة في وجود الطفل

-الطفل بيسمع وفاهم وبتترسخ جواه الفكرة ومنظور سلبي عن نفسه

-حاولي تاخدي معاكي اكل في اوقات الخروج

-في التجمعات العائلية وخصوصا في وجود اطفال

-خليها تلعب وتتنطط وتعمل رياضه في البيت او بره هاتجوع وتطلب تاكل.

-منع تاااااااام للشيبسي والمياه الغازية والحلويات والعصائر الجاهزة واكل الشارع.

- تقسيم وجبات الطفل علي مدار اليوم بمواعيد محدده بفارق 3 او 4 ساعات بين الوجبة والاخري
ووقت الوجبة لا يزيد عن نصف ساعه يعني مانحطش الاكل بالساعات او طول اليوم قدام الطفل كده هايطمن انه موحود علطول وماياكلش

- تشجيع الطفل علي بذل نشاط حركي

رأي احد اطباء الاطفال المحترمين جدا

الطفل الذى يرفض الطعام ما العمل ؟

الكثير من الاطفال يتعمدون رفض الطعام عند تقديم وجبه الطعام كنوع من اثارة الاهتمام وتجربة قدرتهم على السيطرة فللطفل قدرة كبيرة على الملاحظة والتنبه لمشاعر والديه، فعندما تكون الام مهتمة ومتوترة كثيرا بشأن تغذية طفلها فان الطفل يشعر بهذا الاهتمام والقلق ناحيته ويعلم جيدا ان الام ترغب فى ان ياكل بأى طريقة فتكون هذه نقطة ضعف للام يستغلها ليفرض شروطه ويحصل على ميزات اكثر فمثلا الطفل الذى يصر على رفض الاكل ستقوم الام القلقة بتقديم بعض الحلويات او الشيكولاتة وكانها تكافئه مما يجعله يستمر فى ذلك ليحصل على مكاسب

ماذا تفعل الام فى هذه الاحوال
اولا يقوم الطبيب بالتاكد من انه لا يوجد سبب عضوى وان الوزن والطول فى الحدود الطبيعية ويتم متابعتهما دوريا والتاكد من عدم وجود انيميا او نقص فى الفيتامينات وتلك تؤدى الى فقدان للشهية وكذلك التاكد من انه لا توجد اى التهابات فى الفم وعلى الام ان تمتنع عن الاجراءات السلبية مثل الضرب اوالتكتيف اوالعقاب باى صورة
بل على العكس تتظاهر الام بعدم الاهتمام بالتغذية فمن المؤكد ان الطفل سيجوع ويطلب الاكل من نفسه وقد يكون من المفيد ان يشارك الطفل مع اطفال آخرين فى تناول الطعام فى تشجيعه على الاكل
اما ادوية فتح الشهية فتاثيرها محدود

#ادمن

30/09/2017

Foremilk syndrome

طفلك دئما جعان , طفلك عاوز يرضع علطول , طفلك بيرضع ويمص الحلمه بقوه دقائق قليله ويسيب صدرك وينام ويرجع بعد ساعه يصرخ ويرضع دقايق وينام ,طفلك بيتفتف وبيكشط لبن بعد الرضعه , طفلك عنده مغص شديد ,طفلك بيحزق وبيجييب رغاوى براز بسيطه أووى فى البامبرز , طفلك متسلخ باستمرار ..
دكاتره هتقولك عنده مغص ودكاتره هتقولك رضعيه كويس ودكاتره هتقولك حساسيه البان ومامتك هتقول ممزوق وحماتك هتقول لبنك خفيف مبيشبعوش وعمتك هتقول ادهنى كيناكومب وسلفتك هتقول رضعيه كروايه ونعناع ويانسون .هتسمعى كتير ! ومش هتعرفى السبب ؟
السبب فى اللبن بس مش فى تكوينه لا فى طريقه رضاعه الطفل ازاى ؟
اللبن نوعين لبن المقدمه (foremilk) بينزل اول الرضعه ولبن المؤخره (hindmilk ) بينزل اخر الرضعه .
لبن المقدمه دا خفيف عباره عن سكر اللبن ( اللاكتوز ) سكر اللبن سريع الهضم بيعدى بسرعه من المعده (short gastric emptying time) وده اللى بيخلى الطفل كل شويه عاوز يرضع ولآنه لسه راضع من ساعه بيرضع كميه قليله( اللى هى برضه لبن المقدمه) وبرضه الطفل يكشط كتير ويتفتف لبن سخن ونتيجه ان اللبن فيه سكر كتير وحمام براز كتير فالطفل بيتسلخ .. لو طفلك كده يبقى لازم تعملى التالى ترضعى من صدر واحد مده مش اقل من 15 دقيقه وتتأكدى ان صدرك فرغ تماما من اللبن وتحاولى تعملى ابعاد ساعتين من الرضعه للتانيه ونعرف ان كل بكاء للطفل مش معناه ان الطفل جعان .لو طفلك مش كده يبقى الطفل رضاعته عند الحاجه زى مايحب وقت مايحب (by demand)
اكيد البوست ده وضح كتير من المعلومات اللى غايبه عننا ..