24/04/2026
داء الملوك 🤴🏻
كان دايما وانا صغير اسمع والدتي (الله يرحمها )بتقول كعبه بيوجعه اصل عنده مرض الملوك
😂 ووقتها كنت عبيط وبتمني ابق ملك زيهم زي ما كنت متخيلهم 🤷🏻♂️
فهنتكلم انهارده عن دااء العظمه داااء الملووك ولغز الاسم ده اي ؟!
📌 تعالوا هنتكلم عن النقرس
-نعم؟! نقرس اي يا عم انت
-اه متستغربش النقرس هفهمك براحه تعاالي بس😂
-وده بيجي من ايه بق ان شاء الله ؟!
-بص يا سيدي 👀
-النقرس نوع من الالتهابات الي بتصيب المفاصل وبيحصل فجاه وبيبتدي بصباع الرجل الكبير ده والمناطق الي حواليه بق كعب الرجل والقدم والركبه كمان
-طب اي سببه ؟!
- بيجي بسبب زياده وتراكم بلورات حمض اليوريك وده بيزيد بسبب تكسير البيورين فالجسم وده الي موجود فمعظم الاطعمه الي بتاكلها حضرتك
-ايوا مال كل الكلام ده و وانه اسمه داء الملوك ؟!
-جايلك فالكلام اهو استني😂
-كنت لسا بقولك بيجي من الاطعمه ومن اكتر الاطعمه دي هي اللحوم وصلتك المعلومه ؟
-لا لسا
-طب بص هو زمان يمعلم الملوك بس هي الي بتاكل لحمه كل يوم والفقرا ميعرفوش طعمها اي فعشان كده كان يصاب الملوك عاده بالنقرس ده فاطلق عليه داء الملوك
-يااااه بق هو ده السبب 😂
-تعالي هقولك معلومه معدل اصابه الرجال بيه ٣اضعاف معدل اصابه النساء بعد سن الاربعين
-طب ازاي اتجنبه بسرعاااه ؟؟؟!
-هقولك هقولك
1️⃣ تشرب ماء وسوايل كتير من ٢-٤لتر كل يوم
2️⃣ تحافظ علو وزنك وتبعد عن السمنه (يا طخين بكلمك انت اه لازم تخس )
3️⃣ طبعا حاول تتابع بانك تحلل نسبه اليوريك فالدم كل فتره
متنسوناش فدعاوتكم ودعمكم المستمر
