Circles Makerspace

27/09/2020

لايك وشير وهنزلكوا حاجات سمارت مفيد في الحياة اليومية والبيوت والمحلات باسعار رخيصة جدا

we offer robotics, smart home solutions, medical devices, and software appliactions (android- ios-we

18/08/2018

باذن الله التذاكر بتاعت مسابقة walking robots اللي منظمها IEEE هتكون موجودة في Grind من بكرة الساعة 12
والعنوان بالتفصيل في البيدج بتاعتهم وده اللينك
https://www.facebook.com/Grind10/

شركة تقدم حلول هندسية وخدمات طلابية هندسية في مجال الميكانيكا والميكاترونيكس وورشة عمل متكاملة للطلاب

14/08/2018

الـWalking robot competition السنادي تعود وبقوة!

التحدي بقى أقوى والجوايز بقت أكبر ;)

- المركز الأول: 5000 جنيه
- المركز الثاني: 3500 جنيه
- المركز الثالث: 2500 جنيه

بالإضافة لشهادات تقدير من IEEE Zewail City.

اللي ميعرفش IEEE فهي أكبر منظمة عالمية بتهتم بالتكنولوجيا، فيها أكتر من 420 ألف عضو من أحسن المهندسين في 160 بلد على مستوى العالم، المنظمة دي بتساعد في التقدم التكنولوجي عن طريق الResearch و الConferences والPublications و غيره
و IEEE-Zewail City هي فرع من فروع الأنشطة الطلابية لIEEE في مصر.

هل هتقدر تكون أنت وفريقك قد التحدي؟

طيب علشان نعرف أكتر الأول، إيه اللي هستفيده لما أشارك في الـWalking robot competition - غير الجوايز؟

مبدأيًا ممكن نقول إنه الـWalking robot بالنسبة للي بيعمله زي "ابنه" بالظبط!

كلنا عارفين إنه من أسعد اللحظات في حياة الأهل لما يشوفوا ابنهم بيمشي لأول مرة، وبرضو من أسعد اللحظات لصانع الـwalking robot هي لما يشوفه بيمشي لأول مرة.

طب تخيل لو ممشيش بس، تخيل لو الـrobot بتاعك كسب مسابقة!

للسنة التانية IEEE Zewail City هتديلك الفرصة إنك تجرب الإحساس ده في الـwalking robot competition!

طيب الأول قبل ما نتكلم عن المسابقة، لازم نحدد للي ميعرفش إيه هو الـwalking robot وإيه الفرق بينه وبين أي robot تاني...

باختصار الـWalking robot هو روبوت بيمشي على رجليه زي البني آدم أو أي كائن حي تاني، لو سمعت عن شركة Boston Dynamics مثلا فهي شركة شغالة في النوع ده من الRobots، و عملت روبوت بيحاكي مشية الفهد.

طيب بالنسبة للمسابقة، إيه اللي هيحصل فيها بالظبط؟

أول حاجة هنعمل الـwalking machine بتاعتنا، واللي هتكون معتمدة على موتور واحد بس.
الـrobot هيكون بسيط، بيمشي في اتجاه واحد بس: "لقدّام"، ومالوش controller. هو هيشتغل عن طريق switch، يعني مش هينفع يغير اتجاهه مثلًا ولا يقف غير لو قفلنا الـswitch بتاعه.

التحدي هيكون عبارة عن سباق، الفائز هيكون هو اللي الـrobot بتاعه هيقدر يعدي الـtrack في أقل وقت، و طبعا لازم يتخطي كل العوائق الصعبة الي قدامه، هيقابل منحدر لازم يطلعه، و صخور لازم يمشي عليها و مينحرفش و بوابة لازم يخرج منها، كسبان!

كل اللي شاركوا معانا السنة الي فاتت عارفين ازاي التحدي كان قوي، وبنوعدكم إنه أقوى السنادي! :D

لو عايزين تعرفوا التفاصيل هتلاقوها في الـrule book من هنا: https://goo.gl/1hthtL

لو فكرت كويس و مستعد خلاص املى الفورم دي: https://goo.gl/a12SGw
رسوم المسابقة: الفريق 400 جنيه، والفريق ميقلش عن 3 أعضاء و ميزيدش عن 5

التسجيل هيقفل الساعة 12