معمل الرواد للتحاليل الطبية

11/08/2020

ليه محتاج تعمل صوره دم كاملة «CBC» 🩸

لو بقالك فتره طويلة عندك خمول ومش مركز وبيشتكي من الصداع قبل ما تاخد اي دواء 💊 محتاج تطمن علي نفسك

وتعمل تحليل صوره دم كاملة علشان تقتدر تكتشف:-
1 ] نسبة الهيموجلوبين ودي 👈 بتعرفك اذا كان عندك انيميا ونوع الانيميا لو موجوده ومن خلالها نقدر نعرف سبب الدوخه والصداع.
2 ] نسبة صفائح الدم ودي 👈 هتقدر تطمن من خلالها علي سرعه النزف بشكل سليم .
3 ] كرات الدم البيضاء ودي 👈 من خلالها هتقدر تطمن علي جهاز المناعه وقدرته علي مواجهه اي ميكروب هيهاجم جسمه .


🌺

23/05/2020

كل عام وانتم بخير

22/04/2020

27/02/2020

آخر حاجه عن فيروس كورونا إن المرض هيوصل للذروه في أول مارس ، النهاردة عدد الحالات المصابه بفيرس كورونا داخل علي 83 ألف حاله في 48 دوله حتي اليوم

- عدد الوفيات 2801
بالنسبه للدول العربيه المسجل بها اصابات الفيرس :-
الكويت 43 - الامارات 13 - البحرين 33 - العراق 5 - لبنان 2 - عمان 4 - الجزائر 1 - مصر 1 و السعوديه النهارده أعلنت إيقاف رحلات العمره
ربنا يسترها على مصر تحديدا لأنها مش حمل مواجهه أي وباء حقيقي بعيدا عن الشعارات وربنا يسترها علي بلاد الله جميعا وتعدي المحنه دي علي خير
إن شاء الله مع منتصف مارس يبدأ الفيروس في الإنتقاص و في خلال شهر هيكون متوفر فى معامل التحاليل الكشف عن الاصابه وخلال شهرين يكون المصل جاهز للعلاج..من صفحه أخبار الطب
.......
🌺
للتحاليل الطبية وابحاث الدم والهرومونات ودلالات الاورام والمناعة💫🌏✨

24/02/2020

"عندما أراد الصينيون القدامى أن يعيشوا في أمان؛ بنوا سور الصين العظيم .. واعتقدوا بأنه لايوجد من يستطيع تسلقه لشدة علوه، ولكن ..!

خلال المئة سنة الأولى بعد بناء السور تعرضت الصين للغزو ثلاث مرات !
وفى كل مرة لم تكن جحافل العدو البرية فى حاجة إلى اختراق السور أو تسلقه ..!

بل كانوا في كل مرة يدفعون للحارس الرشوة ثم يدخلون عبر الباب.

لقد انشغل الصينيون ببناء السور ونسوا بناء الحارس .. !

فبناء الإنسان .. يأتي قبل بناء كل شيء وهذا ما يحتاجه طلابنا اليوم ..
يقول أحد المستشرقين:
إذا أردت أن تهدم حضارة أمه فهناك وسائل ثلاث هي:
1/ أهدم الأسرة
2/ أهدم التعليم.
3/ أسقط القدوات والمرجعيات.

*لكي تهدم اﻷسرة:عليك بتغييب دور (اﻷم) اجعلها تخجل من وصفها ب"ربة بيت"

*ولكي تهدم التعليم: عليك ب(المعلم) لا تجعل له أهمية في المجتمع وقلل من مكانته حتى يحتقره طلابه.

*ولكي تسقط القدوات: عليك ب (العلماء) اطعن فيهم قلل من شأنهم، شكك فيهم حتى لايسمع لهم ولا يقتدي بهم أحد.

فإذا اختفت (اﻷم الواعية)
واختفى (المعلم المخلص)
وسقطت (القدوة والمرجعية)

فمن يربي النشئ على القيم !!
كتاب قراءة المستقبل
الدكتور مصطفى محمود رحمهُ اللَّه

🌺✨
للتحاليل الطبية وابحاث الدم والهرومونات والاورام السرطانيه والأمراض المناعية🌐💫🌏🌃

19/02/2020

تحليل الذئبة الحمراء

يصف مرض الذئبة عدداً من الأمراض المناعيّة المُتشابهة بالخصائص المُختبريّة، والحالة السريريّة، ويُعَدُّ مرض الذئبة الحمراء أحد أكثر أنواع مرض الذئبة شيوعاً، ويُعَدُّ تشخيص مرض الذئبة تحدِّياً كبيراً؛ نظراً لتعدُّد الأعراض، وتغيُّرها مع مرور الوقت، وفي الحقيقة، يعتمد تشخيص الإصابة بمرض الذئبة بشكلٍ أساسيّ على تقييم الأعراض، والعلامات التي تظهر على المريض، إضافةً إلى إجراء عدد من التحاليل اللازمة التي تُؤكِّد التشخيص، وتستثني المشاكل الصحِّية الأخرى التي قد تتسبَّب في ظهور الأعراض نفسها على المريض.

اختبارات تحليل الذئبة الحمراء
يتضمَّن تحليل الذئبة الحمراء إجراء عدد من الاختبارات المُختلفة على الدم، والبول، وبعض الأنسجة، ومن هذه الاختبارات ما يأتي:
سرعة ترسُّب الدم: (Erythrocyte sedimentation rate) في حال كانت سرعة ترسُّب الدم أعلى من الحدِّ الطبيعيّ، فإنّ ذلك يُشير إلى وجود أحد الأمراض الجهازيّة، كالذئبة، إلا أنَّ هذا الاختبار لا يُعَدُّ من الفحوصات المُحدِّدة لمرض الذئبة.
تحليل خزعة من الكلى أو الجلد:
ففي حالة الإصابة بالذئبة تتعرَّض الكلى للضرر، وهنا تكمن أهمّية تحديد المُشكلة التي تتعرَّض لها الكلى، وعلاجها، ويكون ذلك بأخذ خزعة من نسيج الكلى وتحليلها، وفي بعض الحالات يتمّ أخذ خزعة من الجلد؛ لتشخيص الذئبة التي تُؤثِّر في الجلد.
العدُّ الدمويّ الشامل: Complete blood count) يُمكن من خلال إجراء هذا الفحص الكشف عن الإصابة بالأنيميا، وهي من المشاكل الصحِّية الشائعة عند مرضى الذئبة.
تحليل البول: يتمّ فحص عيِّنة من البول، فارتفاع نسبة البروتين، أو خلايا الدم الحمراء في البول يُشير إلى تعرُّض الكلى للضرر.
تحليل الضدِّ الذاتيّ: ( Autoantibodies)، ومنها: الأجسام المُضادّة لسميث ( Anti-Smith antibody)، وعادةً ما يُوجد هذا النوع من الأجسام المُضادّة فقط عند مرضى الذئبة الحمراء.
اختبار العامل المُضادّ للنواة ( Anti-nuclear antibody).
الأجسام المُضادّة لمُضادّ الكروماتين.
الأجسام المُضادّة لمُضادّ الفوسفولبيد ( Antiphospholipid antibodies). اختبار الأجسام المُضادّة تجاه الحمض النوويّ المُضاعَف (Anti-double stranded DNA)؛ فوجوده بنِسبة مُرتفعة يُشير إلى نشاط الذئبة الحمراء.
الأجسام المُضادّة للهستون؛ ويُستخدَم لتحليل الذئبة الناتجة عن تناول الأدوية.
التحاليل الاستقلابيّة الشاملة: ( Comprehensive metabolic panel)، ويُمكن من خلالها الكشف عن حالة الكبد والكلى، وتوازن الكهرل، والحموض، والقواعد، ومستوى الجلوكوز، والبروتين في الدم.

C-reactive protein
وهو أحد مُؤشِّرات الالتهاب التي ترتفع في حالة الإصابة بالذئبة.

أعراض الذئبة الحمراء
يُمكن إجمال بعض من الأعراض التي تظهر على المرضى الذين يُعانون من مرض الذئبة الحمراء على النحو الآتي:
الإصابة بالصُّداع.
انتفاخ المفصل.
الإصابة بالأنيميا.
اضطرابات تخثُّر الدم.
الإعياء الشديد.
تساقط الشعر.
ألم المفصل.
الطفح الجلديّ على الأنف، والوجنتَين.
الإصابة بظاهرة رينو Raynaud’s phenomenon

🌺💙
للتحاليل الطبيه وابحاث الدم والهرمونات✨

15/02/2020

بوست مش هيعجب ناس كتير بس اهو ناخد فكره

هقولكم خبر وحش ومرعب..جدًا جدًا للأسف...(أكتشاف اول حاله من فيروس كورونا في مصر)

من دقايق بسيطه طلعت وزارة الصحه والسكان ومنظمه الصحه العالميه...وأعلنت أكتشاف أول حاله مصابه بفيروس كورونا بمصر..!!
والكارثه انه ظهر في واحد أجنبي عايش بداخل مصر هنا وسطنا...

وكمان طلع الدكتور خالد مجاهد..وده مستشار وزيره الصحه والسكان..والمتحدث الرسمي للوزاره..

وقال..ان الوزاره نجحت في أكتشاف اول حاله لشخص أجنبي مصاب بفيروس "كورونا"
وقال ان ده بفضل الخطه الاحترازية الوقائيه التي تطبقتها مصر من خلال البرنامج الألكتروني لتسجيل ومتابعه القادمين من الدول الي ظهر فيها المرض ""كورونا""
وقال انهم عملوا للمريض تحاليل واترعبوا لما لقوا انه مصاب وبحاله متأخره من الفيروس..!!!

وقال انه فوراً بلغوا منظمه الصحه العالميه واتخذوا كافه الاجراءات الوقائيه للحاله وده بالتعاون مع منظمه الصحه العالميه..
وبسرعه نقلوا الحاله في احد سيارات الأسعاف..ل المستشفي
وطبعاً تم عزله ومتابعته صحيًا..
وقال كمان ان الحاله ناقله وحامله للمرض..بس الغريب انه مش ظاهر علي صاحبها اي اعراض وانه كويس تماماً زي اي شخص طبيعي..!!

وكمان أشاد الدكتور جون جابور، ممثل منظمة الصحة العالمية بمصر، بسرعة وشفافية الحكومة المصرية في التعامل مع الموقف، وحرصها على إبلاغ المنظمة بالحالة فور الاشتباه بها، مشيدًا بالإجراءات الوقائية التى اتخذتها وزارة الصحة والسكان...

وقال "جون" أن مصر من أوائل الدول التي وضعت خطة وقائية جيدة للتصدي لفيروس كورونا المستجد وكيفية التعامل مع الحالات المصابة حال اكتشافها، كما أن مصر من أوئل الدول بإقليم شرق المتوسط التى أمدتها المنظمة بكواشف دقيقة للكشف عن المصابين بفيروس كورونا المستجد....

طريقه الوقايه..

١_لازم المدارس تتقفل تماماً..!
مينفعش شغل (الكمامه) والحاجات دي انا مش بقولك انلفونزا طيور هنا..انت عندك في المدارس الحكوميه الفصل بيبقا فيه 70طفل مثلاً..!!!
وده فيروس كوروناااااااا !!!!!

احنا في خطر والبلد مش حاسه بكده..
الصين مات فيها لحد دلوقتي اكتر من الف واحد
وفيها اكتر من 90الف مصاب...
المرض بينتشر بسرعه الصاروخ والله بين الناس والمرض ملهوش علاج..
وأقوي الدول خايفه منه..ومش عارفه توصل للعلاج لحد دلوقتي...!!!!

فلازم لازم نحد ونقلل من التجمعات بين الناس سواء في (المترو او قطارات السكه الحديد او الاتوبيسات)....
لان ده اخطر شئ..

طب وأيه الي احنا ممكن نعمله علشان المرض ده مينتقلش لينا..؟!

شوف انا هقولك الحل البسيط جدًا..
طول ما أنت في الشارع وبالذات لو دخلت(دوره مياه) مثلاً او مطعم..
بعد ما تخلص لازم وضروري تغسل أيدك كويس..

ولو لمست اي حاجه برا البيت برضه سواء وانت في المواصلات او الشغل..زي مثلاً (مقابض)الباب..
برضه أغسل أيدك بشكل كويس..
ولو انت في مكان فيه فيروس كورونا لقدر الله لازم تمشي بكمامات الوجه...
وخلي معاك دايماً مناديل..
أبعد عن أي حد عنده برد..
اوعي تاكل اي حاجه مكشوفه من برا البيت..
ولا أقولك خلي أكلك كله من البيت الفتره دي أحسن ليك...
وبس هيا الحاجات البسيطه دي الي هتفرق والله...
- لأن أكتر الفيروسات نقدر ندمرها بسهولة عن طريق النظاقة الشخصية ..
وأي حالة تظهر عليها أعراض زي أعراض الإنفلونزا.. توقّع إنها أعراض لفيروس كورونا..إلى أن يثبت العكس.. وخاصة لو إنت في منطقة انتشر فيها المرض..
وأهم لما تيجي تكح أو تعطس...إعطس في منديل وإرميه... لأن في كل كحه بيخرج ما يقرب من 3500 فيروس ومع كل عطسه بيخرج مليون فيروس ..!!!!!!
ولو إنت في منطقة هينتشر فيها الوباء..لازم تلبس ماسك طبي ، ويا ريت تلبسه صح....
وأكثر فئة هتتعرض للفيروس دا الفترة الجايه هما (الأطباء) فإدعيلهم ربنا يسترها معاهم..والفترع دي تعدي علي خير
وربنا يستر علينا كلنا..
وياريت الناس بتاعت الميمز والهزار تخف شويه..هزرنا اه وكل حاجه بس الموضوع بقا بجد..
احنا عددنا 100مليون!!!
ولو أنتشر لقدر الله يبقا الله يرحمنا من دلوقتي...
ولازم لازم لازم تاني المدارس تتلغي واي تجمعات للسكان عموماً

تعديل بسيط...
ايه هيا الأعراض..؟!

تبدأ الأعراض بحمى...متبوعة بسعال (كحة) جاف...

وبعد حوالي أسبوع، يشعر المصاب بضيق في التنفس، ما يستدعي علاج بعض المرضى في المستشفى. ونادرا ما تأتي الأعراض في صورة عطس من الأنف.

وتستمر فترة حضانة الفيروس - ما بين الإصابة وظهور الأعراض - لحوالي 14 يوما، وفقا لمنظمة الصحة العالمية، لكن بعض الباحثين يقولون إن هذه الفترة قد تستمر حتى 24 يوما....

طب ايه هيا خطوره المرض...؟!

بتقول منظمة الصحة العالمية، وفقا لبيانات جمُعت من 17 ألف مصاب بالفيروس:أن

82 في المئة يصابون بأعراض طفيفة
15 في المئة يصابون بأعراض قوية
3 في المئة يمرضون بشكل خطير
وتتراوح احتمالات الوفاة نتيجة الإصابة بالفيروس (الذي أصبح اسمه كوفيد 19) ما بين واحد واثنين في المئة، لكن هذه النسب غير مؤكدة....

تعديل كمان..أعلنت السلطات الصحية في هوبي في بيان نشرته على موقعها...
إنه تم تسجيل 14840 إصابة جديدة، ما يرفع عدد الماصبين إلى أكثر من 48 ألفا في مقاطعة هوبي وحدها، وأكثر من 58 ألف إصابة في عموم الصين...!!!

ربنا يستر..!!!

ومكان ظهور الأصابه لحد دلوقتي مش معروف لكل الناس..لأن بيان وزارة الصحة الصادر ...اكتفي فيه بذكر أن الحالة تم اكتشافها من جانبها داخل البلاد (مصر-)دون تحديد في اي محافظة أو مدينة أو منطقة أو حي عثر على أول حالة مصابة بفيروس كورونا....!!
ده غير ان البيان يعتبر لغز حرفياً..
وزاره الصحه مش عايزه تعلن الحاله دي منين بالظبط..ومن اي مدينه...!!!
ومش عايزه تعلن مين معاه..وهل كان عايش وسط مصريين ولا لأ...!!!
البيان فيه لغز محدش يعرفه..!!

تعديل في البوست مهم جدًا..
انا والله ما قصدي اخوفكم ولا حاجه...انا عايزكم بس تخلوا بالكم لأن المرض خطير مش أكتر...وإن شاء الله ربنا هيسترها والموضوع هيعدي علي خير في مصر وفي كل الدول العربيه..وربنا يشفي كل مريض..

تعديل..وده كلام نهائي..
وزيره الصحه طلعت من شويه في مكالمه مع عمرو اديب علي قناه MBC مصر..وقالت باختصار يعني..
ان المريض ده كان عايش في مصر وبشكل مباشر مع ٦ اشخاص...
وكان بيتعامل مع ٨ اشخاص كمان غير ال٦
يعني اجمالي ١٤ شخص...
المريض ده عندوا ٣٣سنه
ولما نزل مصر من الصين عمل تحليل وطلع سلبي..وعاش في مصر وبقا عنده محل إقامه..
ولاكن بعد فتره عملوه ليه التحليل ده تاني وطلع ايجابي..
وعملوا التحليل تاني علشان يتأكدوا وطلع ايجابي برضو..!!!
وساعتها خدوه وحولوه للمستشفي هو وال ١٤ شخص
والمفروض هيفضوا هناك لمده١٤ يوم تقريباً...!!
ده غير انهم اخلوا المبني الي كان عايش فيه بالكامل..
وطهروه ولحد دلوقتي شغالين علي كده..بس مش عارفين فيه حد اتصاب تاني ولا لأ
المعلومه مؤكده 100%..وهسبلكم لينك مكالمه وزيره الصحه في الكومنتات....!!!!

المهم في النهايه متنساش تعمل شير في كل حته وفي كل الجروبات علشان الناس تعرف وتفهم....وتعمل منشن لكل الناس الي عندك..وتفاعل علشان البوست يوصل لكل الناس
واعمل منشن لكل شخص عندك...ولو انت جديد هنا أعمل متابعه..

04/02/2020

** مواجهة الكورونا في مصر .. متابعة وتقييم **

- العالم كله بيتابع مشكلة انتشار فيروس كورونا، اللي حتى الآن ظهر في ٢٦ دولة، وأصاب على الأقل ٢٠ الف حالة مؤكدة منها ٤٢٧ وفاة، ومنظمة الصحة العالمية أعلنت حالة طوارئ دولية.
- لحد دلوقتي الاصابات خارج الصين قليلة نسبيا، ومفيش إصابات بالفيروس في مصر، لكن ضروري نعرف إيه مدى خطورة الفيروس؟ ايه الأعراض؟ ايه طرق الوقاية؟ ونشوف المجهود اللي بتعمله وزارة الصحة والحكومة المصرية لمواجهة الخطر ده.

*****

إيه هو فيروس كورونا ؟

- "كورونا" هوا اسم مجموعة من الفيروسات اللي بتصيب الجهاز التنفسي تصل إلى ٢٠٠ فيروس، وكان منها سابقا مرض "السارس" اللي حصد أرواح كتير من الصينيين في ٢٠٠٣، حاليا بنواجه نوع جديد من نفس السلالة، مصدره بعد البحث اتضح إنه من سوق بمدينة ووهان، والمرضى الأوائل كانوا من العاملين في السوق.
- السوق بيبيع حيوانات حية بعضها حيوانات برية زي الخفافيش وثعابين الكوبرا، وتم اكتشاف ان الفيروس بدأ منهم، لكن لسه العلماء شغالين على فهم آلية بدء انتقاله للبشر.

- ظهر بمنطقتنا من نفس السلالة سابقا فيروس كورونا لمتلازمة الشرق الأوسط التنفسية، وده مرض قديم ظهر في السعودية سنة 2012 وكان السبب فيه انتقال الفيروس من الجمال للبشر.

*******

إيه مدى خطورة الفيروس؟
- لحد دلوقتي الفيروس خطورته مش من معدل الوفيات العالي من إجمالي الاصابات، العدد محدود نسبيا خاصة انه ظهر إن أغلب الوفيات كان عندها أمراض تانية أو كبار سن أو أطفال، وكلهم في الصين باستثناء وفاة واحدة في هونج كونج ووفاة في الفلبين، لكن فيه خوف كبير من طفرة تخليه أكتر خطورة.
- المرض مخيف بسبب انتشاره السريع، بحسب تقديرات لبعض الخبراء معدله ممكن يوصل ل 3.1، يعني الشخص المصاب بينقل العدوى ل 3 أشخاص آخرين.
- الفيروس لسه ملوش علاج، والمصابين بيتعزلوا ويدوهم علاجات لتخفيف الأعراض، ويخلوهم يرتاحو في بيئة صحية، أغلبهم بعدها بيخف لوحده بفضل مناعة الجسم الطبيعية، لكن بالتأكيد يظل مخيف انه ملوش أي علاج محدد حتى الآن.
- المرض أكثر خطورة مع أصحاب المناعة الضعيفة وأمراض السكر والالتهابات الرئوية.

****

الفيروس بيتنشر إزاي؟ إيه أعراض الاصابة؟

- الانتشار بيكون من إفرازات الجهاز التنفسي، يعني العطس والزكام وغيره طرق رئيسية، بالظبط زي انتشار الانفلونزا الموسمية.
- لكن كمان وارد مثلا رذاذ من شخص مصاب ييجي على شيء يمسكه شخص سليم بعدها ياكل بايده مثلا فتصيبه العوى.
- الأعراض مش بنمط واحد، البعض كانت اعراض دور برد عادي شديد شوية، لكن كتير كان العرض الرئيسي هوا البداية بكحة وضيف تنفس وبعد أيام ييجي ارتفاع درجة حرارة.

- من أكتر مشاكل المرض ده ان "فترة حضانة الفيروس" طويلة، ١٤ يوم، يعني الشخص يبقى مصاب ومفيش أي حدا بما فيهم هوا نفسه واخد باله، ولما يكتشف يكون بالفعل عدى الناس.

- بحسب منظمة الصحة العالمية الفيروس خرج من الصين ووصل بعض الحالات في لبعض الدول، زي أمريكا وتايلاند والإمارات، وتايلاند، كوريا الجنوبية.

****
إيه طرق الوقاية؟
حسب نصائح منظمة الصحة العالمية والأطباء:
١- مزيد من الاهتمام بالنظافة الشخصية.
٢- غسل اليدين بدقة بالمياه والصابون بالذات بعد العطس وبعد الأكل والشرب.
٣- الحرص على عدم المجاورة اللصيقة للمصابين بالانفلونزا، ومن الممكن استخدام كمامة للحماية.
٤- التأكد من تغطية الأنف والفم بالمناديل في حالة العطس.
٥- الحرص على أكل طعام مطبوخ بشكل جيد.
٦- عدم السفر لأماكن ظهور المرض، وعدم ملامسة الحيوانات المريضة.
٧- لو إيدك مش نضيفة متلمسش بيها بقك أو عينيك أو ودانك.

*****
مصر بتواجه الفيروس ده ازاي؟

١- شركة مصر للطيران قررت تعليق رحلاتها للصين بداية من 4 فبراير، بعد مغادرة فوج صيني موجود في مصر. لكنها رجعت أكدت إن الرحلات هيتم استئنافها وفقا لمعايير الطلب وحجم الحجوزات الواردة.

٢- فيه 350 مصري موجودين في مدينة ووهان الصينية مركز الفيروس، وزارة الصحة المصرية وسفارة مصر في الصين بيأكدوا سلامتهم، لكن لازم ليهم متابعة طبية، للسبب ده اتقرر إرسال طيارة مجهزة طبياً لإجلاء الراغبين، ووصلوا بالفعل ومحدش ظهرت عليه الأعراض لحد دلوقتي سواء في الكشف المبدأي في الصين أو الكشف الحالي في مصر.

٣- وزارة الصحة بتقول إنها مجهزة سيارات إسعاف مجهزة لنقل الحالات المحتملة للحجر الصحي وهتتبع الإجراءات الوقائية التي تم مراجعتها مع منظمة الصحة العالمية.

٤- واضح ان التطبيق اتأخر شوية، وبعض العائدين من الصين قالوا ان الحجر الصحي مكشفش عليهم ولا اتقالهم أي تعليمات طبية، لكن ده تم تداركه بعدها.
٥- مشهد الممرضة اللي بتستخدم جهاز قياس الحرارة عن بعد في المطار هوا اجراء سليم لمسح عدد كبير من القادمين بسرعة، ومكانش فيه داعي لأي سخرية من انسانة محترمة بتقوم بعملها زي ما شفنا للأسف على بعض صفحات فيس بوك!

٦- وزيرة الصحة حددت بشكل رسمي إنه تم اختيار فندق ومستشفى النجيلة في مطروح، اللي وزيرة الصحة زارتها مرتين خلال الأيام اللي فاتت بدون إعلان مسبق.

- فيه اعتراضات على اختيار المستشفى دي تحديدا للعزل، خصوصا إنها في منطقة سكنية وقريبة من أحد الأسواق الرئيسية، وإن وزيرة الصحة خدت القرار بشكل منفرد بدون التنسيق مع المحافظ أو نواب المجلس.

- النائب سليمان العميرى عضو مجلس النواب بمحافظة مطروح، قدم بيان عاجل لرئيس الوزراء، ووزيرة الصحة، طالبهم فيه باستخدام الحجر الموجود في السلوم، واللي الوزيرة تفقدته من أيام أيضا، لأن مستشفى النجيلة هي الوحيدة في المنطقة، وبتخدم سكان 3 مراكز، وأقرب مستشفى للأهالي هي مستشفى مطروح العام، وتبعد حوالي 70 كيلو متر.

- في الصين مثلاً الجيش قفل مدينة ووهان، وخلى أماكن الحجر الصحي هي ثكنات عسكرية مش مستشفى عامة، وبعدها تم بناء مستشفى جديد بسعة ١٠٠٠ سرير خاص لعزل المرضى فقط، وبيبنو حاليا مستشفى تانية.
- كمان الطريقة اللي الوزارة اختارت بيها الطواقم الطبية كانت مخادعة ومسيئة وغير لائقة، لأنها مكانتش بالموافقة المسبقة. الوزارة أعلنت إنها محتاجة أطباء وممرضين في تخصصات مختلفة للعمل في مستشفى النجيلة لمدة 15 يوم - بدون تحديد لطبيعة المهمة اللي رايحين لها- بمقابل يصل ل 20 ألف جنيه، مع إقامة فندقية، وذهاب وعودة بالطيران، ولما راحو هناك اكتشفوا إنهم هيقيمو مع العائدين في الحجر الصحي حسب محمود عرفة عضو مجلس نقابة الأطباء، وكمان مأخدوش أي تدريب كافي.

- مصدر طبي بمنطقة النزهة قال لموقع مدى مصر إن الوزارة طلبت مهم اختيار أطباء وممرضين ذكور، لمهمة في مطروح، وأكدت لهم إن مافيش علاقة بين سفرهم، وبين استعدادات الوزارة لمواجهة كورونا، وبالفعل سافر أكتر من 100 شخص أغلبهم من وحدات "تنظيم الأسرة".

*****

- بحسب شهادات المصريين اللي رجعو من الصين المنتشرة على الفيسبوك فإدارة الأزمة كانت جيدة ومميزة، سواء مراحل مساعدتهم للعودة، أو اللي حصل معاهم هنا، يمكن ساعد في ده إن المصريين اللي في ووهان عددهم مش كبير أوي وكلهم باحثين في جامعات ومراكز بحثية وبالتالي عندهم وعي مسبق.
- بشكل عام ورغم مشاكلنا الضخمة بقطاع الصحة اللي ناقشناها أكتر من مرة، لكن مصر عندها خبرات جيدة في التعامل مع بعض الأوبئة والأمراض المنتشرة سابقا زي البلهارسيا وانفلونزا الخنازير وأخيرا الحملة الناجحة لعلاج فيرس سي.
- كل الشكر طبعاً للسفارة المصرية في الصين وعلى رأسهم السفير محمد البدري على حسن إدارتهم للأزمة. ونتمنى مجهودات وزارة الصحة تكلل بالنجاح ونشوف التزام كامل بمعايير منظمة الصحة العالمية في الكشف على الوافدين من المطارات، وفي الحجر الصحي.

🌺
✨

26/11/2019

لو أنت مريض سكر أو تعرف مريض سكر ف غالباً هتلاقيه مهتم بأكله كويس وبيقيس مستوى السكر في الدم كل يوم.
وديه علامة مهمة جداً يقدر من خلالها يحافظ على جسمه بشكل صحي..لكن ده مش كفاية !

تعرف أن أي مريض سكر لازم يحافظ على رجله دايمًا ويحميها من أي إصابة !
عدم انتظام مستوى السكر في الدم بيأثر على الأعصاب والأوعية الدموية في القدم وممكن يؤدي لفقد الأحساس فيها تمامًا وبالتالي المريض مش هيحس بأي أصابه أتعرض لها.😔

ممكن تبقي رجله أتجرحت وبتنزف وهو مش حاسس بأي ألم ! مش بس كده.. مرض السكر ممكن يسبب جفاف في الجلد وتشققات في القدم.

كل الخوف من المشاكل اللي بتحصل في القدم هي أن ممكن أي جرح يسبب دخول عدوى للجسم وللأسف المريض مش بيبقى حاسس بيها..العدوى دي ممكن توصل للبتر ! 💔

عشان تقدر تتفادى أي مشكلة في شوية خطوات لازم تعملها:
1- دايماً ألبس شراب تقيل وصحي عشان تحمي نفسك من أي خطر وأنت ماشي.
2- ألبس حذاء مريح لقدمك ومناسب لحجمها .. تجنب أي حذاء ضيق ممكن يسبب جروح.
3- أغسل قدمك كل يوم كويس جدًا وجففها.
4- تجنب وجود جفاف في الجلد .. ممكن تدهن كريم مرطب.
5- خصص وقت كل يوم تفحص فيه قدمك كويس جداً والأفضل تستخدم كشاف أو مصدر للضوء عشان تطمن أن مفيش أي إصابة.
6- أفحص قدمك كويس بين الأصابع تجنباً لوجود أي بكتريا أو جروح.

نصيحة أخيرة: تجنب أنك تمشي حافي أبدًا حتي لو في البيت .. لو أتبعت الخطوات ديه كل يوم هتتجنب أي مشكلة ممكن تحصل للقدم وتقدر تعيش حياتك بشكل طبيعي. 💖

دمتم سالمين 🌺⁦
مع تحيات للتحاليل الطبيه وابحاث الدم والهرمونات 💫🌍✨🌠

14/11/2019

بمناسبة دخول الشتاء أنصح بالإهتمام بتناول الأطعمة التي تحتوي على فيتامين C

قد يظن البعض أن البرتقال والليمون والموالح هي أغنى الأطعمة بفيتامين C وهذا خطأ

أغنى الأطعمة بفيتامين C هي الفلفل الحار ثم الفلفل البارد ثم الجوافة ثم الخضروات وأخيرا البرتقال والموالح

سبحان الله مع بداية الشتاء تتوافر الجوافة والموالح لتساعد الإنسان على رفع المناعة

🌺

13/11/2019

الأسماء العلميه وسنينها😅
خمسه سياحه😌

🌺😍

06/11/2019

العمل ليس مجرد تشريف ولا هو منصب للمفاخره بل هو تكليف وامانه..... و خير من يحمل الامانه ويصونها✨
ف لطالما تعلمنا منكم ان للنجاح اسرار وان الافكار الملهمه تحتاج لمن يغرسها بعقول حكيمه وواعيه...🌟
------------------------------------------------------
فقط وحصري في
اقوي واحدث جهاز لعمل تحاليل المناعه والهرمونات والكواشف السرطانيه بأدق نتائج وسرعه فائقه🌠
🌟 جهاز i-flash 1800 immunoassay Analyzer 🌟
- جهاز Full-Auto
- يعمل اكثر من 180 فحص منوع ، منها فحوصات نادرة مثل :- "inhibin B"
- للجهاز مرونة عالية حيث يعمل 22 فحص في الساعة
-عملاق الهرمونات والمناعه والكواشف السرطانيه🌠🌍
-------------------------------------------------------
🌺
مع تحيات للتحاليل الطبيه وابحاث الدم والهرمونات 💫🌍✨🌠