مرسى مطروح الآن

23/12/2022

💥💥 كوبرا فاشون💥💥
📌شارع اسكندريه مول دبي شارع الرئيسي ثاني محل يمين
01283996511. 📱📞01025851006

22/12/2022

💢 كوبرا فاشون 💢
انتظروا معنا أحدث الموديلات فى العام الجديد 🤗
2023 👌

👈افضل الموديلات
👈وجميع المقاسات
👈بأقل الاسعار
💥💥من كوبرا فاشون💥💥
📌شارع اسكندريه مول دبي شارع الرئيسي ثاني محل يمين
01283996511. 📱📞01025851006

21/12/2022

أى قطعة ملابس بـ ٥ جنيه فقط فى حديقة الغزاله يوم الجمعه ٢٣ / ١٢ / ٢٠٢٢

10/12/2022

دعاء فك السحر للشيخ محمد متولى الشعراوى ☺️

نونيه يا نونيه 😺
وحشتينى يا نونيه 😽
حبيبتى يا قطتى 😍

دعاء فك السحر يا نونيه 😺
من على لسان شيخنا الجليل يا توته 🤗

الشيخ محمد متولى الشعراوى يا نونيه 😺

الحمدلله يا توته ربنا مش بيسيب عباده الصالحين زى ما أنزل السحر أنزل دعاء فك السحر 😄

سبحانه وتعالى الرحمن الرحيم بعباده
وهو خير الحافظين 😺

{{{ دعاء فك السحر }}}
اللهم إنك أقدرت بعض خلقك على السحر والشر ولكنك احتفظت بذاتك بإذن الضر
فأعوذ بما احتفظت به مما أقدرت عليه بحق قولك
” وما هم بضارين به من أحد إلا بإذن الله “

03/12/2022

سبب نزول الملكين هاروت وماروت السحر ☺️

مساء الفل يا نونيه 😺
مساء الورد يا قطتى 😘

سبب نزول هاروت وماروت ايه بئا يا نونيه 😺

اليهود يا توته لما سابوا كتابهم واتوجهوا للسحر والشعوذه في زمن ملك سيدنا سليمان عليه السلام كانت الشياطين هى الـ بتعاونهم على السحر كانت تطلع للفضاء فتوصل للسحاب والغمام وتسرق السمع وتنقل أخبار الملائكة وحديثهم لكهنة بنى إسرائيل الكافرين ☺️

أيوا يا نونيه الكهنه الـ بيقولوا أنهم يعلمون الغيب ويقولولهم إنهم يعرفوا مستقبلهم فى ايه 🐱

وكمان يا توته الكهنة كانوا بيدخلوا كلام كدب في أخبارهم ويكتبوها في كتب لدرجة انهم بقوا يأروها ويعلموها للناس
الـ بيحسبوا إن الجن والشياطين تعرف الغيب 😕

وكمان قالوا يا نونيه إن علم سيدنا سليمان عليه السلام مش بيكمل غير بمساندتهم 🐱

وقتها يا توته نزل الله الملكين هاروت وماروت في أرض بابل ليعلموا الناس السحر لأسباب ☺️

▪️أهمها كسر احتكار الكهنه لعلمهم المزيف
▪️السحر نزل ابتلاء من الله لهم
▪️للتمييز بين السحر والمعجزة ومعرفة الفرق بين كلام
الأنبياء عليهم السلام وكلام السحره

أما هاروت وماروت يا توته عرضوا السحر على الناس
الناس وحبوا يتعلموه بس قبل ما يعلموه للناس كانوا ينصحوهم ويعرفوهم إنه ابتلاء من الله عز وجل

وإن كل الـ بيتعلم السحر واعترفوا به وعمل به هو بيكون كافر يخسر آخرته

والـ يتعلم السحر وما يعملش بيه حاجه وتوفي ثابت على الإيمان ربنا يجازيه خير على صبره على المعصيه يا توته

طيب ازاى يا نونيه السحر بيأذى وهو مش حقيقى 😺

السحر يا توته الـ الناس اتعلمته من الملكين هاروت وماروت كان فيه القدره على التفريق بين الزوجين بإذن الله باستخدامه وتسخيره للإضرار بالناس فيتعلم الناس ما يضرهم ويضر غيرهم ومش بينفعهم بحاجه فى الآخره

لكن يا توته ميعرفوش يضروا حد إلا بإذن الله سبحانه وتعالى لأن السحر لا يؤثر بنفسه بس يؤثر بأمر الله ومشيئته بخلقه ☺️

والغريبه يا نونيه اليهود عرفوا إن الـ يبدل تلاوة الشياطين بكلام الله سبحانه وتعالى مش هيكون ليه نصيب فى الجنه لكن اختاروا إنهم يشغلوا نفسهم بالسحر 🐱

للأسف يا توته اشتروا الكفر بالإيمان والحق بالباطل والمعصيه على الطاعه واختاروا بديل لكتاب الله الحق وفضلوه على الإيمان 😕

{ ولو أنّهم آمنوا لكان خيرًا لهم }

كان سبب عذاب هاروت وماروت فى الدنيا ايه يا نونيه 🐱

دا الـ هنعرفه المره الجايه يا توته ☺️
إن شاء الله يا نونيه 😺

01/12/2022

علاقة سيدنا سليمان عليه السلام بالسحر ☺️

مساء الفل يا نونيه 😺
مساء الورووووود يا توته 😘

نونيه ايه علاقة السحر بسيدنا سليمان عليه السلام 😺

سيدنا سليمان يا توته لما عرف إن الشياطين لهم فى موضوع السحر جمع كل كتب السحر وحطها فى مكان فى الأرض علشان يقضى على السحر وأعمال الشياطين ☺️

ولما سيدنا سليمان أتوفى يا توته الشياطين عرفت الناس المكان الـ فيه كتب السحر

وكمان يا نونيه قالوا على سيدنا سليمان عليه السلام
كان بيسخر الجن والإنس والريح وكل حاجه كان بيعملها بالسحر 😺

يعنى يا توته كذبوا على سيدنا سليمان وحولوا المعجزات إلـ ربنا أعطاها لسيدنا سليمان عليه السلام بإنه سحر 😔

لكن ربنا سبحانه وتعالى برئ نبيه سيدنا سليمان عليه السلام فى كتابه الكريم وقال
[وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ (102) وَلَوْ أَنَّهُمْ آمَنُوا وَاتَّقَوْا لَمَثُوبَةٌ مِّنْ عِندِ اللَّهِ خَيْرٌ ۖ لَّوْ كَانُوا يَعْلَمُونَ (103)

ومعنى السحر ايه يا نونيه 😺

السحر يا توته هو بين الحقيقه والخيال يعنى حقيقى وكذب يكون الـ بيظهر للناس حقيقى و هو فى الأصل كذب يا توته

وربنا سبحانه وتعالى يا توته ادا الشياطين القدرة على التشكل فى أى صوره ومش ممكن يظهر على حقيقته أبداً يا توته ☺️

ليه يا نونيه ميقدرش يظهر على صورته الحقيقيه وكمان ليه لما بيظهر على صور تانيه بيختفى بسرعه 😺

الشياطين لو ظهرت على حقيقتها يا توته أو على أى صوره تانيه وحد مسكه وكتفه يبئا خلاص مش ممكن يقدر يختفى وممكن يتعمل فيه اى حاجه يتعذيب أو يتقتل وهو عارف كدا علشان لما بيظهر بيختفى بسرعه ☺️

وبكره نكمل يا توته ☺️
إن شاء الله يا نونيه 😺

28/11/2022

مقدمة قصة هاروت ومارت من سورة البقرة ☺️

مساء الفل يا نونيه 😺
مساء الوروووود يا توته 😘

قصة الملكين هاروت وماروت يا نونيه 😺
بصراحه يا توته كنت متردده إنى اتكلم فى القصه دى 😒

ليه يا نونيه دى من قصص القرآن وما فيش حاجه تمنعنا اننا نتكلم فيها ونعرف أصدقائنا عليها 🐱

أصل أتصدمت لما عرفت هى عن ايه والملكين نزلوا ليه وعلموا الناس ايه يا توته 😔

ومكنتش عارفه أصدق وطبعاً مش هعرف اتكلم عن قصه مش مصدقها 😒

ركزت شويه كدا وابتديت أبحث 🧐
والحمد لله ربنا هدانى لفضيلة الشيخ محمد متولى الشعراوى

فعلاً يا نونيه الشيخ الجليل أكتر إنسان نثق فيه ونصدق كل كلمه بيقولها من غير تفكير 😺

ممكن تقولى ايه اللى صدمك وعرفتى ايه عن قصة الملكين هاروت ومارت يا نونيه 😺

لما ابتديت اقرا عن قصة الملكين هاروت ومارت يا توته ☺️
عرفت إن ربنا سبحانه وتعالى نزلهم علشان يعلموا الناس السحر طبعاً ذوهلت 😕

بحثت لقيت الكلام عن نفس الموضوع وفى كلام تانى مصدق وغير مصدق فلجأت لكلام الشيخ الشعراوى ☺️

وفى المقدمه عرفت إن قبل مولد سيدنا محمد صل الله عليه وسلم كانت الشياطين بتستمع لكلام الملائكه وينقلوه للكهنه ويزودو عليه كلام من عندهم كلام خرافى وكدب

فـ طبعاً جزء من الكلام بيكون حقيقى وجزء بيكون كدب
والله سبحانه وتعالى كان مديهم القدره إنهم يسمعوا كلام الملائكه فى السماء أو وهما نازلين للأرض يا توته

وبمولد سيدنا محمد عليه أفضل الصلاة والسلام يا توته
ربنا سبحانه وتعالى منعهم عن سمع كلام الملائكه ( حتى لا يلتمس أمر السماء بمنهج الشياطين )

فلما كانوا الشياطين يصعدوا للسماء علشان يسرقوا الكلام بعد مجيئ سيدنا النبى عليه أفضل الصلاة والسلام مقدروش يسمعوا كلامالملائكه ولاقوها مليانه حرص وشُهب ولما يحاولوا ربنا ينزل عليهم الشُهب

ليه يا نونيه منعهم بعد مجيئ النبى عليه أفضل الصلاة والسلام 😺

علشان يا توته منهج القرآن معجزه من ربنا سبحانه وتعالى وكلام ربنا لا يمكن إفساده لا من إنس ولا من جن يا توته ☺️

يعنى يا نونيه السحر يعتبر كدب 😺

براڤو عليكى يا توته 😄
انتى لفتى نظرى لحاجه مهمه إن السحر فعلاً كدب 👌

يعنى مثلاً زى ما حد يتبلى على حد بالكدب فيقول كلام صح وكلام كدب فطبعاً المكدوب عليه يصدق علشان كلامه ليه منه صح بس بيكون مش كل الكلام صح يا توته ومن هنا يبدأ التوقيع والمشاكل بين الناس وخصوصا الناس الـ بينهم محبه وود والحال يتقلب من فرح لحزن ومن خير لشر وهو دا السحر يا توته 😒

طيب ايه علاقة السحر يانونيه بمُلك سيدنا سليمان عليه السلام 😺

دا اللى هنعرفه بكرا يا توته ☺️
إن شاء الله يا نونيه 😺

27/11/2022

نهاية قصة بقرة بنى إسرائيل ☺️

مساء الفل يا توته 😄
أهلاً يا نونيه 😺

نونيه قتيل بنى إسرائيل الـ ابن أخوه قتله البقرة بعد ما مات إزى بقى حى 😺

لما اشتروا التجار البقرة من صاحبها دبحوها زى ما أمرهم سيدنا موسى عليه السلام ودا امر من الله سبحانه وتعالى يا توته ☺️

بعد كدا طلب منهم يا توته أن يضربوا القَتيل بجزء من البقرة فضربوه بجزء من بين كتف البقرة

واختلفوا هنا يا توته فى ناس قالت بذيل البقرة وناس قالت بجزء من جنب البقرة

وبعد ما ضربوا القتيل الراجل القتيل رجع تانى للحياه وطبعاً دا بإذن الله يا توته

فسألوه من قتلك؟ فقال لهم ابن أخي وشاور عليه ورجع مات تانى وخدو ابن أخوه وقتلوه لقتل عمه

سبحان الله يا نونيه ربنا أحيا الميت وقال على مين الـ قتله سبحانه قادر على كل شيئ يا نونيه 😺

استفدتى ايه يا توته من قصة بقرة بنى إسرائيل ☺️

طبعاً يا نونيه 😺

▪️بر الوالدين أجره عظيم ربنا سبحانه وتعالى أكرم الرجل الصالح كرم عظيم ببره لأبوه

▪️ عظمة قدرة الله سبحانه و تعالى أنه قادر على كل شيء بأنه أحيا الراجل بعد ما مات

▪️عظمة وقيمة الأنبياء يا نونيه وأنهم مش ممكن ينسبوا لله إلا الـ يوحى من الله ليهم وكمان لا يعصون الله ابداً

▪️الاسئله الكتير الـ صعبة عليهم الموضوع وكلفتهم كتير من المال والوقت

وبكرا نقول قصه جديده من قصص سورة البقرة 😄
إن شاء الله يا نونيه 😺

26/11/2022

شراء بقرة بنى إسرائيل من الرجل الصالح ☺️

نونيه فينك 😺
بقالك كام يوم غيبه فينك يا نونيتى😽

حببتى يا قطتى 😄
معلش الدنيا اتلغبطت فجأه ☺️

الراجل صاحب البقرة يانونيه 😺
ليه رفض يبيع البقرة للتجار

دا ابتلاء من ربنا عليهم يا توته ☺️
أولاً : لتشددهم على سيدنا موسى عليه السلام وسؤالهم المتكرر بمواصفات البقرة
وكمان قبل كدا سمعت من شيخ والله أعلم إن قوم بنى إسرائيل قوم خبيث راجل من بنى إسرائيل راح لصاحب البقرة وقاله إنهم محتاجين البقرة دى ضرورى وهما ناس أغنيه جداً أطلب فيها مال كتير

وقصة قتل الرجل حصلت فى سنوات التيه الأربعين وإن شاء الله لينا معاها وقفه يا توته ☺️

ثانياً: تكريم ربنا لصاحب البقرة علشان هو كان بار جداًجداً بأبوه بموقف حصل

فى يوم أبوه كان موجود عنده فى الشغل وكان فى صندوق بيشيل فيه الفلوس والده نام عليه فجه واحد معاه بضاعه صاحب البقرة كان خلاص هيشترى البضاعة بعد ما فصلها بـ ٧٠ ألف وكان سعر معقول

لما شاف باباه نايم على صندوق الفلوس رفض انه يقلق نوم أبوه ويصحيه من شدة بره لأبوه يا توته ☺️

والبايع فضل يلح عليه انه يجيب الفلوس ويمشى وكمان فضل ينزل فى السعر لحد ما وصل لـ ٢٠ ألف بس لكن برده صاحب البقرة موافقش يقلق نوم أبوه ويصحيه علشان ياخد الفلوس من الصندوق ومشى البايع والأبن الصالح مأخدش البضاعه

ودى حاجه طبعا زعلته فى نفسه إنه خسر بضاعه كانت لقطه بالنسباله بس كان عنده راحة أبوه أهم من أى فلوس

وعرضوا عليه كام يا نونيه 😺

بعد ما رفض إنه يبعها يا توته عرضوا يشتروها منه ببقرتين ورفض برده وبئوا يزودوا فى الأبقار لحد ما وصلوا لعشره من الأبقار وبردا رفض

أيوا يا نونيه علشان كدا أخدوه واشتكوه لسيدنا موسى عليه السلام 😺

ولما سأل سيدنا موسى عليه السلام الراجل يا توته ☺️
ليه رافض تبيع البقرة قال لسيدنا موسى عليه السلام انه تاجر ومن حقه يبعها بالسعر الـ يعجبه

فـ سيدنا موسى عليه السلام أمرهم إنهم يراضوا صاحب البقرة
فعرضوا عليه إنهم يشتروها بوزنها دهب ورفض برده
وأخيراً وصلوا إنهم اشتروها منه بوزنها دهب عشر مرات فوافق الراجل صاحب البقرة يا توته وبعها لهم ☺️

وبكرا نكمل يا توته ☺️
إن شاء الله يا نونيه 😺

23/11/2022

اللهم رده سالما يارب العالمين 🤲

22/11/2022

من قصص سورة البقرة قصة بقرة بنى إسرائيل ☺️

مساء الورد يا نونيه 😺
مساء الفل يا قطتى ☺️

هى موصفات البقرة كانت ايه يا نونيه 😺

لما بنى إسرائيل استغربوا انهم يذبحوا بقرة علشان يثبتوا بيها براءتهم من قتل الرجل يا توته ☺️

فضلوا يسألوا سيدنا موسى عليه السلام عن مواصفات البقره وعلى شان إلححم دا قالوا لسيدنا موسى
{ادْعُ لَنَا رَبَّكَ يُبَيِّن لَّنَا مَا هِيَ}
سيدنا موسى عليه السلام قالهم
إن الله عز وجل يأمركم أن تذبحوا بقرة لا بكر ولا هرمه
يعنى يا توته لا صغيره ولا كبيره فى السن

وكمان يا نونيه سألوه عن لونها 🐱
وقالهم يا توته لونها أصفر فاقع تشد نظر كل اللى يشوفها ☺️

ويارتهم سكتوا يا نونيه دول طلبوا منه مواصفات أكتر على شان خايفين لحسن يجيبوا بقرة تانيه بالغلط ناس عجيبه🐱

ربنا عاقبهم يا توته وشدد عليهم وأمرهم بمواصفات معينه وفضلوا يدورا عليها ☺️

قالهم سيدنا موسى ربنا يأمركم أنها بقرة لم يذللها العمل فى الحقول ولا تثير الأرض ولا تعمل في الحراثة وهي سالمه من العيوب ولا بياض فيها

يعنى يا توته متبهدلتش فى الشغل يعنى ولا شالت ولا جرت ولا لفت فى ساقيه ومفهاش عيب ولا لون أبيض

ولقوها على طول يا نونيه 🐱
لا طبعاً يا توته لفوا عليها ودوروا فى كل مكان وداخوا عليها وملقوهاش بسهوله ☺️

وهما بيدورا عليها يا توته مروا على ولد صالح معروف ببره لأبوه ولقوا عنده البقره المطلوبه بجميع المواصفات اللى ربنا قال عليها لسيدنا موسى عليه السلام

أيوا يا نونيه دى بقرة الرجل الصالح اللى مات وسابها لأبنه فى المرعى 😺

وبكرا نكمل يا توته ☺️
إن شاء الله يا نونيه 😺