25/10/2022
🖤🍁
✨ مساء الخير يارب تكونوا بخير وباحسن حال جميعا 😊، النهارده كبسولتنا مرنه ولطيفه هنتكلم فيها عن مصدر المرونه في جسمنا والي بيحافظ ع جسمنا كله بنشاطه وحيويته 🥱
💥 هنتكلم النهارده عن #الكولاجين 🫵 هنعرف فوائده ايه ومصادره وازاي نقدر نستغله صح ❤
✨ خلينا نعرف ايه هو الكولاجين: الكولاجين هو واحد من اكتر البروتينات المعقده في جسمنا ومعقده هنا معناه سعوبه الامتصاص في الجسم وبيكون موجود ف اماكن كتيره جدا ف جسمنا اهمهم:
1) الانسجه الضامه.
2) الجلد.
3) المفاصل والغضاريف.
✨ وزي ما اتفقنا انه بروتين معقد صعب الامتصاص ف لازم يكون ف شروط معينه عشان امتصاصه يتم بشكل كويس :
1) العصارات الهاضمه ف الجسم تكون متوفره بكثره.
2) فيتامين C الي بيزود امتصاص الكولاجين ف الجسم.
3) النحاس.
4) فيتامين A.
📍 وهنا جه دور كلامنا ع فوائد الكولاجين ف جسمنا :
1» المسئول الاول عن مرونه الجسم وده بيفيد طبقه الجلد والبشره جدا في جزئيه انه بيحفظ طبقه الجلد ع طول سطحه ناعم بالاضافه انه بيقلل فقد الماء من طبقه الجلد Low Dehydration rate فيحافظ عليها مرطبه.
2» بيفيد العظام جدا عن طريق انه بيقلل احتكاك العظام لوجوده ف المفاصل والغضاريف.
3» بيساعد ف تقويه العظام وخصوصا مع الكالسيوم.
4» بيؤثر بالايجاب علي الاوعيه الدمويه والقلب عن طريق انه برضو بيحفظ مرونتها وبيسهل حركه الدم خلالها.
5» زي ما قولنا انه بروتين فيعتبر مصدر مهم جدا للطاقه وعدم فقد العضلات ف الجسم.
6» اخيرا يستخدم احيانا ف حاله السمنه عن طريق استخدامه كسادد للشهيه لأنه بروتين معقد زي ما قولنا صعب هضمه.
📍 مصادر الكولاجين:
1) بنلاقيه ف عضم البقر بكميات رهيبه.
2) جلد الحيوانات.
3) كبسولات في الصيدليه بتركيزتت مختلفه. Dulagen.
4) كمان موجود كدهانات موضعيه للبشره Eva collagen.
📣 اخيرا لازم نتفق ان الكولاجين بيحتاج وقت محترم عشان نلاحظ نتيجه فيما لا يقل عن شهرين بإذن الله 😊
«دمتم سالمين غانمين»
💙🌷
