24/12/2025
من يومين جالنا ولد وأخوه دخلوا المعمل مع بعض.
الاتنين جايين يعملو تحليل مخدرات بعد م الوالد المسافر كلمني ونسق معايا نعملهم التحليل من غير ما يعرفو.
واحد فيهم عنده 15 سنة.
الأب مسافر.
القلق كان واضح في صوته قبل ما يبعتهم.
النتائج طلعت.
والمفاجئة إن الصغير إيجابي آيس – Methamphetamine.
خلّيني أقولها بهدوء:
ابنك ممكن يشرب مخدر
من غير ما أنت تشوف أي علامة واضحة.
لا شقاوة زيادة،
لا انهيار مفاجئ.
المشكلة إن الآيس تحديدًا
بيأثر على المخ
قبل ما يبان على السلوك.
وده أخطر سن…
لأن المخ لسه في مرحلة تكوين زي ما اتكلمنا كدة ودة كان سبب نشر فيديوهات المخدرات.
اللي زعلنا جداً إن الطفل
ماكانش مدرك حجم اللي دخله جسمه.
البوست ده مش اتهام لأي أب أو أم.
هو تنبيه:
المتابعة مش تضييق،والسؤال مش تجسس،والتحليل بدري
ممكن يمنع كارثة.
لو فاكر إن الموضوع بعيد…
القصة دي حصلت في معملنا هنا في البلد،
ومع أولاد شبه ولادنا.
ابنك مش بيبوظ فجأة، ولا بتقوم الصبح لقيته مدمن
النتيجة دي جت بعد مدة مش قصيرة وحضرتك مش متابع ولا مهتم.
حافظ على نفسك وأولادك.
“كلكلم راعٍ وكلكم مسؤلٌ عن رعيته”
