17/11/2025
ليه جسمك بيعمل حرف S أو C 🤸♂️
الكلمة دي ممكن تكون جديدة عليك بس ممكن تكون بتوصف حالة شخص تعرفه الجنف أو Scoliosis
هنتكلم النهارده علي نوع منه :
الجنف ببساطة هو انحناء غير طبيعي في العمود الفقري على شكل حرف S أو C بدل ما يكون مستقيم زي ما المفروض يكون.
إيه أسبابه:
السبب غير معروف (Idiopathic): وده أكتر نوع منتشر خصوصا في سن المراهقة ومابيكونش ليه سبب واضح ودي نسبة كبيرة جدا من الحالات
عيوب خلقية (Congenital): بتحصل لما يكون فيه نمو غير طبيعي في الفقرات من وقت الولادة
مشاكل عصبية أو عضلية (Neuromuscular): زي حالات الشلل الدماغي أو ضمور العضلات
مشاكل وظيفية (Functional): ودي بتكون بسبب وضعية جسم غلط لفترة طويلة أو يكون فيه فرق في طول الرجلين
إزاي أعالجه بالعلاج الطبيعي
العلاج الطبيعي هو الحل الأساسي في كتير من الحالات خصوصا في الدرجات البسيطة والمتوسطة والهدف منه هو
تمارين تقوية (Strengthening Exercises): بنركز على تقوية عضلات الجذع والظهر عشان ندعم العمود الفقري ونقلل من الانحناء.
تمارين إطالة (Stretching): عشان نشتغل على العضلات اللي بتكون مشدودة بسبب الانحناء ونرجع المرونة للجسم.
تمارين التنفس (Breathing Exercises): الجنف ممكن يأثر على القفص الصدري وده ممكن يأثر على الرئة فبنشتغل على تمارين تنفس معينة لتحسين وظائف الرئة.
إعادة تأهيل الوضعية (Postural Retraining): بنتعلم ازاي نقعد ونقف ونمشي بشكل صحيح عشان نقلل الضغط على العمود الفقري.
الدعامة (Bracing): في بعض الحالات خصوصا عند الأطفال والمراهقين ممكن الدكتور يقرر استخدام دعامة عشان يمنع الانحناء من الزيادة لحد ما يخلص نمو العظم.
الجنف مش نهاية العالم بس التشخيص بدري مهم جدا عشان نبدأ في العلاج الصح
لو لاحظت انحناء في جسمك أو جسم طفلك زي ما يكون كتف أعلى من التاني أو لوح كتف بارز أو الحوض مش متساوي لازم تستشير دكتور مختص في العمود الفقري أو دكتور علاج طبيعي علطول عشان تاخد الخطوة الصح وتعيش حياتك بشكل طبيعي ومريح
للحجز والاستفسار الاتصال على/
01208242881
010 62927983
العنوان/ منوف -شارع الزراعة -خلف حلواني علي بابا الجديد
