د . محمد عادل - عيادة طب الأطفال و حديثي الولادة - We Care Clinic

29/08/2025

معقول كل طفل يسخن لمدة أسبوع أو اكتر يبقي عنده حمي البحر المتوسط؟
ياللا بينا نفهم

29/08/2025

https://instagram.com/82moadel

29/08/2025

https://www.youtube.com/

قناة متخصصة في طب الأطفال وحديثي الولادة

26/08/2025

لازم كل الناس تستفيد من المبادرة دي 👏👏

22/08/2025

تعالي أقولك لو طفلك سخن ازاي تعملي كمادات بطريقة صحيحة 🥵🥵

21/08/2025

مين يعرف ايه هي الفترة الذهبية؟
وليه اتسمت كدا؟

20/07/2025

👶💥 "ابنك مش شقي... ده عالِم صغير بيكتشف الحياة!"

في يوم من الأيام، هتلاقي ابنك ماسك معجون الأسنان ومفضيه كله على الأرض...
هتدخل تلاقيه لابس الجزمة فوق راسه، ومقلب علبة البهارات في الغسالة😂ومفضي التلاجه في الأرض😂

لكن خليني أقولك الحقيقة اللي كتير مننا بيغفلها:

طفلك مش شقي... هو بس بيحب يفهم الدنيا ويكتشف العالم الجديد بتاعه.

* لما يمسك المعلقة ويخبطها في الأرض، هو بيجرب الصوت.
* لما يحط رجله في المية يوسخ بيها السجادة، هو بيستكشف الإحساس.
* لما يدوّر في الدرج ويفركشة، هو بيبحث عن كنوز العالم المفقودة 😂

📌 اللعب والشقاوة مش مضيعة وقت... ده الشغل الأساسي للطفل في أول سنين عمره.
ده المختبر بتاعه، والمعمل اللي بيتكون فيه مخه وشخصيته وثقته بنفسه

👈 متضايق إن ابنك ما بيقعدش ساكت؟
خلي بالك، الطفل اللي "بيكتم مشاعره" هو اللي نخاف عليه...
لكن اللي بيجري، ويقع، ويقوم، ويضحك، ويدخل تحت الترابيزة…
ده اللي بيبني مناعة نفسية قوية وعنده فضول صحي

💬 عايز ابنك يطلع عبقري؟
سيبه يتوسخ، يتشقلب، يسأل، يفتح، ويغلط ويتعلم.

الأب والأم الأذكياء مش اللي بيتخانقوا مع ولادهم عشان بيتحركوا كتير،
لكن اللي بيفهموا إن الحركة = تطور
وإن الشقاوة = دماغ بتشتغل
وإن اللعب = مستقبل بيتبني

❤️ إحضنه وقت ما يغلط
واضحك معاه وقت ما "يشبط في حاجة"

12/07/2025

لو الخبر دا صحيح يبقي لسه فيها حاجه حلوه👏

12/07/2025

لا تخافوا ولكن احذروا

الأم العصبيه التي تصـ.ـرخ بصوت عالي
لتعبر عن غضـ.ـبها هي تجعل الطفل يكتسب العديد من الصفات السيئه زي

١. العناد ، العناد و العناد
٢. العنف تجاه اخوته و تجاهك ايضاً 💔
٣. تحطـ.ـيم معنوياته
٤. تحطيـ.ـم ثقة الطفل بنفسه
٥. تدمير العلاقة بينك و بين طفلك........ 👈طيب ايه البديل في التعامل
٠٠٠٠٠٠٠٠٠
١. احرصي علي انك يكون طفلك قائد اختياراته ( فيما لا يتعلق بالخطر علي حياته ) لتشكيل شخصية سوية

٢. اتيحي لطفلك خيارات متنوعة لتجنب الصراعات و المشادات

٣. احرصي علي تقديم مشاعر الحب و المكافأة و الثواب في كل مرة يسعي فيها طفلك للإختيارات الصحيحة و الإيجابية

٤. تجنبي العقـ.ـاب بعد كل خطأ، و ركزي علي التعلم و اكتساب المعلومات الجديدة يوميا

٥. اضبطي شعورك و تحكمي في التوتر و الإحباط بعد ارتكاب طفلك للخطأ

😔“ابني بيزعق زيي… وأنا السبب!”
٠٠٠٠٠٠٠
في لحظة غضب، وانتي بترفعي صوتك…
تفاجئي إن ابنك بيرد عليك بنفس النبرة، نفس العصبية، نفس الجملة!
تحسي كأنك بتكلمي نفسك… بس في شكل طفل صغير، ضعيف، مش فاهم ليه ماما بتحبه وتزعق له في نفس الوقت.

الطفل… مرايتك.
مش بيتعلم اللي بتقولي له عليه، بيتعلم اللي بتعمليه قدّامه.

المشكلة مش في العصبية بس…
المشكلة إن الطفل بيسجّل، بكل حواسه، كل مرة اتزعق له فيها أو اتخضّ،
وبيخزن ده كـ “طريقة حياة” أو “قواعد أمان”.

وعلى رأس الأطفال المتأثرين… الطفل الحساس.

الطفل الحساس مش لازم يكون ساكت أو انطوائي…
لكن هو بيحس بكل حاجة بزيادة:
• نبرة الصوت
• تعبير الوش
• التوتر اللي في الجو
• وأحيانًا حتى مشاعرك اللي مش بتقوليها.

الزعيق بالنسباله مش توبيخ… ده تهـ.ـديد.
بيشعر إنه مرفوض، وده بيوجعه أكتر من أي عقاب.

👈ومع الوقت، ممكن تحصل له أعراض صادمة:
• تبوّل لا إرادي
• دوخة وإغماء من شدة التوتر
• كتم الكلام أو صمت مفاجئ
• كره المدرسة أو الخوف من الناس
• تعلق مرضي بيكي أو رفضك تمامًا

🤷‍♂️وبيفضل جوا الطفل سؤال واحد:
“لو ماما مش أمان… مين أمان؟”

والمشكلة مش بس عند الطفل الحساس…

كل الأطفال بتتأثر، وكل واحد بطريقته:
• اللي شكله قوي بيخزن غضبه وبيطلعه في التنمر.
• اللي بيحاول يرضي، بيكبر وهو فاكر إنه لازم يرضي أي حد عشان يتحب.
• واللي ساكت بيتحول لجوه خالي من الثقة.

🤦‍♂️والكارثة؟
إن الزعيق بيخليه يتعود على الإهـ.ـانة.
يعني لما حد يزعق له بره البيت أو يضربه، هيحس إن ده “عادي”.
ما ماما كانت بتعمل كده
ابدئي بخطوة:
• أول ما تحسي إنك هتزعقي، خدي 30 ثانية بعيد.
• لما يغلط، اختاري بين “أعلمه” أو “أخسره”.
• لما يزعق زيك، افتكري إنك بتزرعي في روحه حاجة هتعيش معاه سنين.

الهدوء مش ضعف… ده قرار.
والاحتواء مش دلع… دي تربية سليمة

05/06/2025

كل عام وانتم بخير 🐏🐏🐏
عيد أضحي سعيد علينا وعليكم وعلي أمة محمد جمعاء

يقول النبيُّ صلى الله عليه وسلم:
"خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ"

22/05/2025

من الخدمات الجميله للاطفال🌹

انا حبيت اقولكم معلومة لسه عارفها امبارح وكانت مفاجأه بالنسبه ليا
امبارح كنا في معمل الفا بعمل لابني تحاليل عشان هيعمل عمليه يوم بكرا ف واحنا بندفع حق التحاليل الراجل ال في الرسيبشن سألني اذا معانا كراسه الصحه بتاعت الولد قولتله معايا بس في البيت ف قالي لو ساكنين قريب نجيبها عليها خصم تقريباً ٤٥ ٪؜
روحت جبتها و رجعنا وفعلا عملنا خصم ٤٥٪؜ و عرفت ان الكراسه بتعملهم خصم في كل المستشفيات الحكوميه كمان لغاية ما يتم ١٦ سنه وان معمل الفا المعمل الخاص البيعمل الخصم دا وان ممكن نروح مكان استخراج شهادة الميلاد ندفع حاجه بسيطه وهناخد نفس الخصم في المستشفيات الخاصه

منقووووول

20/05/2025

بداية من اليوم ان شاء الله نقدر نحجز في العياده عن طريق إرسال رسالة واتس أب علي نفس رقم العيادة ٠١٠٢١٠٠٦٠٢٧