02/04/2026
لما اللولب يكون فى مكانه ويحصل حمل عليه 😅😅
قصة قصيرة مرعبة لبعض السيدات 😯😳
طبعا دة بيحصل وبنشوفه كل فترة ودة أمر طبيعي جدااا مفيش منه مشكلة ومش مرعب ولا حاجة 🤌🏻
ودة مش بسبب مشكلة من اللولب ولا الست اللى مركبة اللولب ولا الدكتور اللى ركب اللولب زي ما دكتور تانى ابن حلال ممكن يفهمك 😅
دة أمر طبيعي وارد يحصل بنسبة ١٪ يعني كل 💯ست بتستخدم لولب كوسيلة منع حمل ..فى ☝🏻ست بيحصل معاها حمل على اللولب
طبعا الحل الصح للست اللى يحصل معاها كدة هي زيارة طبيب النسا فورا ومحاولة إزالة اللولب فى بداية الحمل
طب لية يتشال من اول الحمل ؟🤔
عشان لو فضل هيخلى نسبة أن الحمل تكمل هى ٥٠٪ ونسبة نزول الحمل هى ٥٠٪ وكمان ممكن يعرضها طول الحمل لحدوث تنقيط دموى وربما نزيف ودة ممكن يخليها تتعرض لانيميا وربما تحتاج لنقل دم 🩸🩸
يبقي شيله من الاول حتى لو عرض الست الحامل لنزول الحمل فى اوله افضل كتير من تعبها لآخر الحمل وبعدين نزول الحمل والتعرض لانيميا
طب لو دكتورك حاول يشيله بس معرفش لعدم وجود فتل اللولب ؟
كدة يبقي لا يلام وهتكملى الحمل بس هتبقي عارفة أن نسبة يكمل ٥٠٪ ونسبة ينزل ٥٠% وانتى ونصيبك
