عيادة الدكتور جمال سكر أخصائي الأنف و الأذن و الحنجرة

01/03/2026

** حالة اليوم طفل عنده عشر سنوات جاي بصداع شديد بقاله خمسة أيام كشف عند أكثر من دكتور تخصصات مختلفة و كلهم كان تشخيصهم أن الصداع ده جيوب انفية و اخد حقن و محاليل و بخاخات و الصداع زي ماهو ...
** بالكشف بالمنظار حالة الانف و الجيوب الأنفية لاتفسر الصداع الشديد و تم طلب أشعة مقطعية على الانف و الجيوب الأنفية و المخ عاجلة ...
** كانت النتيجة أن في نزيف و تجمع دموي على المخ ... و تم تحويله الاستشاري جراحة المخ و الأعصاب لإتخاذ اللازم ...
** الدروس المستفادة ... الصداع الشديد الذي لا يستجيب للعلاج لابد من مراجعة التشخيص و الدرس التاني ماتستبعدش اي تشخيص و خليك سيستيماتيك و دايما راجع تشخيصك و الدرس التالت طالما زميل شخص تشخيص معين وكتب علاج كويس ولم يحدث استجابة ابتدي فكر في أسباب أخرى ...
دمتم في صحة و عافية

17/02/2026

*** كل عام وانتم بخير ...
بإذن الله تعالى مواعيد العيادة ابتداءا من الغد و طوال شهر رمضان يوميا من الساعه ١ ظهرا ل ٤ عصرا ماعدا يومي الاثنين و الجمعة وكل عام و حضراتكم بخير
*** الحجز بالتواجد و الدخول بأسبقية الحضور
*** منيا القمح .. أعلى جيلاتي السعدني

30/09/2025

#الألزهايمر
*** حالة اليوم بنشوفها كتير لكن قصتها فيها رسالة بتمنى توصل للجميع ...
** الفيديو لأذن مريضة كبيرة بالسن تعاني من مرض الألزهايمر و طبعا عارفين المرضى دول بيحتاجوا لرعاية مختلفة عن باقي كبار السن وربنا يعين أقاربهم و يجعلهم بارين بهم والمرضى دول ممكن يزعق لأقل سبب وكمان ممكن يصوت و يتألم لأسباب كتير لحد ما اللي حواليهم بقى متعودين على الشكوى بدون سبب ...
*** المهم المريضة دي فصلت طول الليل تصوت وتتألم من ودنها. والاهل بيعتبروا أن دا عادي من كتر شكوتها و لما لقوها كدة جابوها ليا تاني يوم ...
** بالفحص بالمنظار لقيت زي مافي الفيديو واضح نملة بتتحرك داخل الاذن و من كتر ما النمله عمالة تتحرك و تقرصها لقيت نقط دموية كتير على طبلة الاذن ودا بيبقى مؤلم جدا ... تم استخراج النملة الحمد لله و المريضة هدأت تماما ...
** لو انت متابع الصفحة هتلاقينا استخرجنا اجسام كتيرة من الأذن منها الحشرات زي الصراصير و غيرها و منها المواد زي القطن و الورق و الخرز ...
** البوست ده همسة و دعاء ... دعاء للي له حد قريبه كبير في السن وبيرعاه ... ربنا يقويك و يعينك عليه و يجعل خدمتك له في ميزان حسناتك ... و همسة أن أي شكوى مهما كانت كتيرة و متكررة خدها بعين الاعتبار لعلها تكون صحيحة ....
دمتمفي صحة و عافية
د. جمال سكر

08/09/2025

*** الاسبوع الماضي بفضل الله تم تشخيص والتعامل مع حالات ليست بالشائعة و الغريب أنها كلها في اسبوع واحد ...
--- حالة ورم على العصب السمعي
Rt vestibular schwannoma
--- ورم خبيث بالبلعوم الأنفي
Nasopharyngeal carcinoma
---- ورم خبيث بالحنجرة
Transglottic squamous cell carcinoma
---- التهاب حبيبي بالعدد الليمفاوية بالرقبة
Necrotizing granulomatous lymphadeniditis
---- ضعف سمع نتيجة جلطة و ضمور بفص المخ الصدغي
Rt temporal lobe encephalomalacia

08/09/2025

** الطفل ده بيعاني من تشوه بغضروف الأذن بيخليه عشان يعرف يسمع لازم يشد صوان الأذن للخلف عشان قناة الأذن تتفتح و يدخل الصوت من جواها ...
** تم بفضل الله تقويم غضروف الأذن و إزالة الجزء المتسبب في انسداد قناة الأذن الخارجية ...

إستشاري جراحة و مناظير الانف و الاذن و الحنجرة و جراحات الرأس و الرقبة
"""" منيا القمح ... محافظة الشرقية .. أعلى جيلاتي السعدني ... بجوار عصائر ابوفودة
م/ 01005364489

27/07/2025

#جميع أيام الأسبوع ماعدا يومي الاثنين و الجمعة
من الساعة #الثالثة حتى #السادسة مساءا
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منيا القمح أعلى جيلاتي السعدني بجوار عصائر أبو فودة أمام شارع المدارس
الحجز بالتواجد و الدخول بأسبقبة الحضور للعيادة
م/ 01005364489

https://maps.app.goo.gl/7ZxaojtuXgPsDdxL8
...................................................................................

دمتم في صحة و عافية

Find local businesses, view maps and get driving directions in Google Maps.

25/12/2024

08/09/2024

*** انهاردة في عيادة التأمين الصحي واحد جايب معاه ابنه عنده عشر سنوات متحولي عشان يعمل عملية أنابيب تهوية بالاذن عشان عنده ارتشاح خلف طبلة الأذن ومعاه ضغط الأذن و أشعة مقطعية على الجيوب الأنفية ....
*** في السن دي لازم نستبعد وجود لحمية خلف الانف و اي عيوب خلقية بيكون معاها خلل في تهوية الاذن زي سقف الحلق المشوق الخفي وأمراض أخرى زي حساسية الأنف و الجيوب الأنفية ....
*** بصيت بالأشعة مافيش لحمية لكن الأشعة بتبين امتلاء الجيوب الأنفية بافرازات ودا غير مفسر .... (مرفقة في البوست)
*** سألت اب الطفل ابنك بيعاني من اي التهابات بالصدر قالي اه عنده حساسية صدر .... طب ياحاج في مشاكل في القلب وكانت الإجابة لا يادكتور بس كان اتحجز قبل كدة بالتهاب بالصدر وكان عمل فحوصات و اكتشفنا أن القلب ناحية اليمين و الطحال و الكبد معكوس مكانهم في البطن ... كانت الإجابة دي كفيلة بتأكيد شكوكي
*** وجود التهاب مزمن بالجيوب الأنفية و الصدر و ارتشاح خلف طبلة الأذن بيخلينا نستبعد أمراض وراثية معينة بيبقى فيها خلل بجينات معينة مسؤولة عن تكوين الاهداب بالأغشية المخاطية اللي بتدي الجسم خاصية التنظيف الذاتي و عشان كدة الولد ده عنده تراكم المخاط بالانف و الجيوب الأنفية و الاذن الوسطى و الصدر و بالتالي الالتهابات المتكررة بالصدر دي مش نتيجة حساسية صدر ....
# # # تشخيص الولد ده هو متلازمة كارتاجنر


*** طبعا بعد ماكانت حالة بسيطة محتاجة بس أنابيب تهوية بعد توفيق ربنا بمجرد التدقيق في الفحوصات و التاريخ المرضي فتحلنا آفاق لازم المريض و أهله يعرفوها لأن إهمالها قد تؤثر على حياته وربنا يتم شفاؤه على خير يارب ....
**** الدروس المستفادة .... افحص مريضك كويس و حاول توصل لسبب المرض و خد وقتك في التاريخ المرضي ....
*** دمتم في صحة و عافية

22/08/2024

*** حالة اليوم لمريض في الستينيات من عمره جاي بيقول أنه بيتعالج من الجيوب الأنفية و مافيش تحسن وأنه ماشي على علاج ليها بس اليومين دول الأعراض زادت ...
** طب ياحاج ايه الأعراض قالي صداع شديد حولين العين ...
بالكشف عليه بالمنظار مافيش اي علامات التهاب بالجيوب الأنفية .... من هنا ابتديت نستبعد الأسباب الأخرى للآلام بالوجه و بالكشف الدقيق بما فيها فحص العصب الخامس تبين ضعف في احساس بالوجه مقارنة بالجهة الأخرى ودا علامة من علامات تأثر العصب الخامس المسؤل عن الإحساس بالوجه ....
*** أبلغت المريض أن المشكلة مش في الجيوب الأنفية ولازم يكشف مخ و أعصاب في البداية المريض ماكنش مقتنع بالكلام لكن مع تبسيط المعلومة و توصيلها اقتنع وراح كشف مخ و أعصاب اللي طلب له رنين مغناطيسي على المخ و جذع المخ و اللي أظهرت جلطة في جذع المخ ....
*** الدروس المستفادة هي أن مش كل آلام بالوجه يبقى جيوب انفية و أن الصداع له أسباب كتيرة جدا ولازم يتم التعامل معها بدقة و تمعن .... ولازم يكون في تواصل جيد بين أطباء التخصصات المختلفة المعنية بشكوى المريض عشان نوصل للتشخيص الدقيق و نحمي المريض من اللف على الدكاترة الكتير بدون داعي
*** دي صورة الجلطة الموجودة بجذع المخ و تقرير الأشعة
**** الشكر موصولا للدكتور علي البسيوني استشاري امراض المخ و الأعصاب على التعاون ومناقشة الحالة اول بأول لحد ما توصلنا للتشخيص الدقيق ....
**** دمتم في صحة و عافية