Adham Kids Clinic

02/05/2026

28/04/2026

البطيخ او الخوخ حاليًا
=

نزلة معوية 🤮🤮

26/04/2026

دي أهم ٣ تطعيمات إضافيه ممكن تديها لطفلك وتريحي بالك بجد 🩵

الروتا اللي بيحمي من النزلات المعويه
المكورات اللي بيحمي من الالتهابات الرئوية
السحائي اللي بيحمي من الحمي الشوكيه علي المخ

احفظيهم بالترتيب كده وخليكي شطوره 👌🏼🙈

رجاء من الناس قبل ما تسأل أي سؤال 🥹

نقرأ الكومنتات يا جماعه لو سمحتوا . الإجابه موجوده فيها ، إجابه كل الاسئلة بتاعتكم

26/04/2026

شوفوا الحاله دي كده

طفله عمرها ٣ شهور شكوتها عياط هستيري من امبارح بالليل
الام شكت في كل حاجه ، قالت ممكن تكون التهاب في الاذن وحطت نقط للاذن
شكت في مغص وادتها شراب للمغص

البنت للاسف مش بتفصل عياااط 😰😰

فحصت البنت فحص دقيق وفحصت الاذن والحلق . مش لاقي اي سبب يفسر العياط ده

قلت للام قلعي البنت البامبرز بسرعه ودي كانت أهم خطوه في الفحص وكانت مفتاح التشخيص 👌🏼👌🏼

لقيت حاجه صغيره مكلكعه بحجم ليمونه صغيره في منطقه العانه او المنطقه الاربيه ، بسرعه جدا فحصتها بجهاز السونار

وجدت المنظر ده علي جهاز السونار اللي اصابني بالذهول 😳😳، فتق اربي محترم في الناحيه اليمين والفتق ده خانق جواه الامعاء وجزء من المبيض اليمين.

تواصلت مع طبيب جراحه الاطفال وفي اقل من ساعه البنت كان لازم تدخل عمليات لانقاذ الامعاء والمبيض من الانخناق

الحمد لله تم انقاذ الطفله وعملت العمليه بسلام

الدرس المستفاد فحص الطفل اهم شئ في التشخيص ، لازم نقلع البامبرز ونشوف في اي كلاكيع في المنطقه دي اسمها المنطقه الأربيه ، هسيب صوره في اول كومنت عشان الموضوع يبقي واضح

سرعه التشخيص في الحالات دي بالسونار بيوفر وقت ثمين ممكن ننقذ فيه ارواح اطفال كتير .

بكاء الطفل المبالغ فيه بيتطلب فحص من طبيب الاطفال ، ومش بنكتفي باستشارة واتس

الطفله دي لو كانت اتأخرت ساعات قليله علي التشخيص كانت هتبقي كارثه
لان ساعتها هنضطر نستأصل جزء من الأمعاء ونشيل معاه المبيض كمان 🥹

دي كانت درس ليا ، لسه متشخصه حالا في العياده
والدرس مهم جدا ، وللامانه لازم أوصل المعلومه لكل أم ، لانه ممكن تكون السبب في انقاذ حياه طفل

تخيلوا الوقت بيفرق معانا ازاااي 🤔
مش بنخوف حد ، بس بنوعي الناس ، ودي أمانه 😍

25/04/2026

السمسم مفيد جدا للاطفال . لانه غني بالكالسيوم المهم لنمو العظام والأسنان وغني بالدهون لزيادة وزن الطفل ممكن تطحنيه وتضيفي معلقة منه على وجبة طفلك هتزود القيمة الغذائية للوجبة.

22/04/2026

في اطفال بيحصل ليها ترجيع مفاجئ كل فتره . بدون سبب واضح . الأطفال دي بيكون عندها حاجه اسمها متلازمه القئ الدوري
Cyclic vomiting syndrome
شفت حاله الأسبوع ده 👇🏻👇🏻

22/04/2026

لو طفلك بيأكل بيضه كل يوم .. هتقوي نمو عضلاته وعظامه وهتحسن التركيز والذاكرة و هتدعم صحة العين و هيقوي الجهاز المناعي و هيحافظ على نشاط الدماغ 👌🏼

20/04/2026

روشته تحسين الشهية
اللي ناس كتير طلبتها مني للأطفال بالتفصيل
اللى مهتمه تقولى وتعرفنى سن طفلها فى الكومنتات 🤨

16/04/2026

خلاص مافيش موجات بارده تاني ، نبدأ نصيف للعيال وبلاش تستني البول يقل 🤭
قوليلي بذمتك ملبسه طفلك كام قطعه دلوقتي 😎

13/04/2026

في وسط حالات الترجيع والإسهال والنزلات المعويه اللي شوفتها في اليوم ده

دخلت عليا العياده طفله عمرها ٦ سنوات متابعه معايا بالعياده

البنت شكوتها ترجيع متكرر بقالها يومين

البنت واضح عليها الإجهاد والتعب والهبوط

ترجيع فقط بدون إسهال

لو في اسهال كنت هبقي مطمئن ان دي غالبا نزله معويه وباذن الله الموضوع يكون بسيط

لكن ترجيع بس ، ده شئ يقلق شويه

بنحط في دماغنا اسباب كتير من اول الجهاز الهضمي والمعده والكبد والبنكرياس والمراره

والجهاز البولي والتهابات مجري البول والتهابات الكليه

وارتفاع السكر بالدم ، وحموضة الدم

والجهاز العصبي والالتهابات المخ وأورام المخ وارتفاع ضغط السائل داخل المخ

كل دي اسباب بتكون في دماغ اي طبيب لو شاف حاله طفل في السن ده بيرجع بدون اسهال

عرفتوا ليه الإسهال بيطمن لو جاي مع الترجيع 😎

المهم نرجع للحاله بتاعتنا

فحصت البنت مش لاقي اي سبب للترجيع واضح امامي

ملمس البطن بالفحص طريه Laxy مش متحجره عشان نستبعد الاسباب الجراحيه وعلي راسها التهاب الزايده الدوديه

البطن مش منفوخه عشان نستبعد الانسداد المعوي

الضغط والنبض والسكر والعلامات الحيويه كلها كويسه

البنت لون عينها مش اصفر ولا في بول غامق

مفيش عندها سخونيه ولا التهابات بالحلق

الخطوه الاخيره اني اعمل اشعه تلفزيونيه واشوف عندها ايه

ببص بالسونار لقيت شئ غريب

التهابات بالغدد الليمفاوية في منطقه الكبد
enlarged porthepatis lymph nodes

زي الصوره دي كده اللي في البوست

ودي علامه مبكره جدا لوجود التهاب كبدي فيروسي

وان الطفله في مرحله ما قبل ظهور الصفراء

طلبت ليها عمل تحاليل إنزيمات كبد وطلعت اعلي من 1500 والطبيعي لحد 40

ونسبه الصفراء في بدايه الارتفاع ٢ ولسه مش ظاهره بالفحص الظاهري

والأجسام المضادة للفيروس الكبدي A طلعت إيجابي + ve

الحمد لله وصلنا للسبب بتاع الترجيع

البعبع بجد ، الترجيع بدون إسهال

ده درس هام لكل طبيب وأب وأم

لازم نعرف سبب الترجيع ونعالجه

مش نكتفي بعلاج الاعراض وإننا ندي علاج او لازقه توقف الترجيع وخلاص

باقي علامات الالتهاب الكبدي A بتظهر علي السونار بعدها بيوم او يومين زي تضخم حجم الكبد وتمدد في جدار المراره ،

الدرس المستفاد علاج السبب هوا الاساس 👌🏼

13/04/2026

معلومات تهم كل أم . والشرح في الكومنتات تحت

دي أهم ٣ تطعيمات إضافيه ممكن تديها لطفلك وتريحي بالك بجد 🩵

الروتا اللي بيحمي من النزلات المعويه
المكورات اللي بيحمي من الالتهابات الرئوية
السحائي اللي بيحمي من الحمي الشوكيه علي المخ

احفظيهم بالترتيب كده وخليكي شطوره 👌🏼🙈

رجاء من الناس قبل ما تسأل أي سؤال 🥹

نقرأ الكومنتات يا جماعه لو سمحتوا . الإجابه موجوده فيها ، إجابه كل الاسئلة بتاعتكم