Adham Kids Clinic

01/12/2025

أهم تطعيم للمرحله الحاليه ،

تطعيم االانفلونزا . بيحمي من النزلات الشعبيه والالتهابات الرئوية اللي بيسببها فيروس الانفلونزا

لكل للأطفال من بعد ٦ شهور

01/12/2025

الصاحب الجدع ملوش مرتجع🩵💪🏼

01/12/2025

حاله علي السريع بتلف بقالها ٥ شهور علشان عندها كحه رخمه

اتشخصت بسؤال واحد بس ☝🏻

وبكده نعرف اهميه أخد التاريخ المرضي للعيان
ومحدش يقولي ما تكشف وتعرف 😅،

مش انت الدكتور !! 😫

عبدالله ٩ سنين عنده كحه بقاله ٥ شهور
قلت معقول حاله كحه ف كل الفتره دي


كشف كتير عند تخصصات مختلفه
أنف وأذن وصدر وحساسيه وأطفال
وعمل اشاعات وتحاليل كتير.🤥

واتشخص
مره حساسيه انف
مره حساسيه صدر
مره ارتجاع مرئ

واخد علاجات وجلسات وبخاخات
من غير اي تحسن و الكحه زي ما هي

طيب نفحص عبدالله كده
الصدر ميه الميه ودخول وخروج الهوا ممتاز
والانف ومفيش أي علامات للحساسيه

طيب عندكم حد عنده حساسيه ف البيت ؟

👩🏼‍🦰 لا يا دكتور

سألت أم عبدالله

بصي يا ست الكل ،

الواد وهوا نايم بيكح ولا مش بيكح ؟؟🤔🤔

👩🏼‍🦰 لا خالص يا دكتور ، نهائي

قلت بس أبنك مش عنده حساسيه خالص 🤝🤝لأن الحساسيه بتزيد بالليل وبيبقي ف تاريخ مرضي ف العيله للحساسيه

دي نوع من الكحه أسمه كحه نفسيه
‏Psychogenic cough
عامل زي اللزمه كده
مثلا تلاقي طفل كل شويه يغمض عنيه وطفل تاني بيهرش في رأسه وكده

ودي مش حاجه خطيره ولا حاجه
علاجها كله بيعتمد علي العلاج النفسي وسببها ان الطفل بيكون متوتر أو حاجه زعلته ونحاول نصلحها
وبعض الحالات بتحتاج طبيب نفسي للتأهيل
والموضوع بيتحسن جدااا

الحالات دي علي اد ما هيا سهله وعلاجها بسيط ، بس بتلف كتير وبتاخد علاجات كتير
حبيبت اوعي بيها كل الناس ، لعلها ننقذ بيها طفل ونطمئن أم

01/12/2025

أهم ٥ مشروبات بتعالج الكحه وتطرد البلغم في الايام دي . المفروض كلنا نشربها الايام دي حتي من غير تعب لانها بتقوي المناعه كمان 🫵🏻👌🏼

30/11/2025

كبسولات إبيميرافلو ، بتعالج الانفلونزا والنزلات الشعبيه المنتشره هذه الايام

29/11/2025

أكتر سبب لوجع البطن المزمن عند معظم الاطفال هو الإمساك . ازاي نشخص ونعالج المشكله دي بافضل طريقه ؟ هحاول اشرح كل حاجه عن الموضوع ده في الكومنتات ، الموضوع فعلا منتشر جدا

28/11/2025

خدوا بالكم وعرفوا غيركم..

اليومين دول لو أبنك راجع من المدرسة همدان ونشاطه قليل عن الطبيعي بتاعه أو ابتدى يشكي من صداع😇

كده للطفل في مرحلة الغزو فيروسي وجهازه المناعي بيحاول يقاوم 💪🏼

طيب نعمل إيه..!!

- نريحه يوم من المدرسة ويشرب شوربة فراخ فيه بصل، عصير ليمون، يانسون، ورق جوافة ونغسيل أنف وندي مسكن خفيف..

اليوم اللي هيريحه هيساعده يقاوم ويتعافى وهيوفر عليكِ أسبوع غياب وكشف ودكتور وأدوية..

❄️ حاجة واحدة بس تعمليها أول ما تلاقي ابنك بدأ يكح أو مناخيره تجري أو حرارته بتعلى…
الخطوة دي هي اللي هتفرق جدًا ما بين دور برد عادي يعدي على خير 👏 وما بين دور يتطور ويطول ويحتاج أدوية ومضادات حيوية.

✨ الحل: راقبي الترطيب المستمر للأنف + راقبي التنفس من أول دقيقة

يعني إيه؟

أي دور برد بيبدأ بجفاف الأغشية المخاطية (اللي هي بطانة المناخير والحلق).
الجفاف ده بيخلي الفيروسات والبكتيريا تلاقي فرصة إنها تتكاثر أسرع.

أول ما تلحقي الموضوع بالترطيب
(مياه كفاية + محاليل ملح للأنف + سوائل دافية)

بتحافظي على الأغشية رطبة وتمنعي العدوى من إنها تغوص أكتر.

عن طريق محلول الملح للأنف اضعف الايمان
وبخاخات ماء البحر المرطبه زي
CALMARE SPRAY ,

والحاجات العاليه منها زي

PHYSIOMER Spray

تاني حاجة: 😪😪😪

متابعة النفس.
لو لقيتي نفسه بيزيد سرعته أو صدره بيعمل صوت غريب أو بينهج → هنا لازم تتحركي بدري وتعرضيه على دكتور، قبل ما الحالة تتفاقم.

💡 ببساطة: المية والملح أقوى من أي دوا في البداية.

✅ يشرب كباية مية كل شوية.
✅ نقط أو بخاخ محلول ملح للأنف ٣-٤ مرات في اليوم.
✅ مشروبات دافية زي الينسون والنعناع (من غير سكر زيادة).

🙌 النتيجة؟

الدور بيخف أسرع.

الكحة ما بتطولش.

المناعة تشتغل بكفاءة من غير ما نستعجل على المضاد الحيوي.

👩‍⚕️ وأفتكري دايمًا: "الوقاية أول ما الدور يبتدي = نص العلاج" 💙

27/11/2025

27/11/2025

الفيروس التنفسي
المخلوي يضرب بقوه وبالأخص الرضع ،
يا ريت بلاش نبوس الرضع الايام دي

26/11/2025

بوست في حب الزنك 🩵وأهميته
هام جدا للمناعه وزياده الطول وعلاج الإسهال والالتهابات الرئوية وتقويه البشره وتساقط الشعر
اكتبي عمر طفلك ونقولك الجرعه المناسبه ايه 👋🏻

25/11/2025

👨🏻‍⚕️ابنك يا مدام عنده متلازمة اليد والفم والقدمين .
👩🏼‍🦰 بس في حبوب في الهانش كمان يا دكتور 🤔
👨🏻‍⚕️إبنك يا مدام عنده متلازمة اليد والفم والهانش والقدمين🤗😅 ولا تزعلي نفسك