https://www.facebook.com/groups/917464496305762/

صيدلية د/عمرو محمد ابوسليم, شارع مكتب الاداره الصحية القديم جانب محل قصر العطور https://maps. app. goo. gl/BwENC1X9uqdSh4NZ8?g

Q: What is the address?

شارع مكتب الاداره الصحية القديم جانب محل قصر العطور Https://maps. App. Goo. Gl/BwENC1X9uqdSh4NZ8?g_st=aw

10/04/2026

إن شاء الله يوم السبت والأحد شحن مجاني لجميع المحافظات❤️

10/04/2026

سبراي ACM للتساقط ❤️

09/04/2026

عرض خاص للعرايس 👰‍♀️✨

لو انتي عروسة وبتجهزي لليوم الكبير 💍
إحنا قررنا نكون معاكي في كل تفاصيلك ❤️

🎁 خصم مميز على كل احتياجات العروسة
من سكين كير – هير كير – عناية شخصية

✔️ منتجات أصلية 100%
✔️ أسعار خاصة لفترة محدودة
✔️ استشارات مجانية عشان تختاري اللي يناسبك

💖 جهزي نفسك وأنتِ مطمنة… وإحنا هنساعدك تبقي في أحلى طلة ليكي

📩 ابعتي لنا على الخاص وهنظبط لك كل اللي محتاجاه بعرض خاص ليكي🌸🌸

09/04/2026

ليه المسام بتبان واسعة رغم كل العناية؟!
وهل فعلًا نقدر نقفلها؟ ولا إللي بنشوفه مجرد انعكاس لحالة البشرة من جوه؟ ✨

في علم الجلد (Dermatology) المسام تركيب طبيعي وأساسي في الجلد
هي جزء من وحدة اسمها Pilosebaceous Unit

بتتكوّن من:
• بصيلة الشعر
• الغدة الدهنية (Sebaceous Gland)
• القناة إللي بتفتح على سطح الجلد (Pore)

- وظيفة المسام مش شكل هي المسؤولة عن:
• إخراج الدهون (Sebum)
• ترطيب البشرة بشكل طبيعي
• تكوين طبقة حماية ضد الجفاف والبكتيريا

يعني ببساطة:
لو مفيش مسام → مفيش توازن في البشرة

🌿 طيب ليه بتبان واسعة؟
المسام نفسها مش بتتفتح وتقفل لكن إللي بيحصل هو تغيير في شكلها بسبب 4 عوامل أساسية

✨ ١- زيادة إفراز الدهون (Sebum Overproduction)

لما الغدة الدهنية بتفرز دهون زيادة:

• الدهون بتتجمع جوه المسام
• المسام بتتمدّد علشان تستوعبها
• شكلها بيكبر

• دراسة في
‏Journal of Investigative Dermatology
أكدت إن زيادة إفراز الدهون من أهم أسباب ظهور المسام بشكل واسع

٢- تراكم الخلايا الميتة (Hyperkeratinization)
الجلد بيجدّد نفسه طبيعي لكن لما العملية دي تبقى غير منتظمة:

خلايا ميتة هتتراكم وهتختلط مع الدهون فتسد المسام بشكل جزئي

🎗️ -النتيجة:
• رؤوس سوداء
• مسام أوسع
• ملمس خشن

٣- فقدان مرونة الجلد (Loss of Elasticity)

هنا السر الحقيقي بقي فمع الوقت أو بسبب:
• الشمس
• التقدم في السن
• نقص الكولاجين الطبيعي إللي بتفرزه البشرة

الجلد بيفقد دعمه حوالين المسام المسام بترتخي فتبان أكبر

• دراسة في Dermatologic Surgery Journal
وضحت إن نقص الكولاجين مرتبط بزيادة وضوح المسام

٤- الجفاف (Dehydration)
معلومة ناس كتير متعرفهاش إن البشرة الجافة ممكن تبان مسامها أوضح!
ليه بقي بيحصل ده ؟
• الجلد بيبقى مشدود
• الملمس خشن
• النور بيظهر المسام أكتر

🎗️- طيب ؟
الإجابة العلمية:
❌ لا
لكن:
✔ ممكن تقل في الشكل جدًا

🎗️- الفرق بين الحجم الحقيقي و الشكل الظاهري
• الحجم = جيني + تركيبة جلد
• الشكل = بيتأثر بالعناية

✨- إزاي نقلل ظهورها فعلاً ؟

🌿 ١- تنضيف للبشرة صح
• غسول مناسب
‏• BHA (Salicylic Acid) بيدخل جوه المسام ويدوب الدهون

• دراسة في
‏International Journal of Cosmetic Sciencs
أثبتت إن الساليسيليك أسيد بيقلل انسداد المسام

🌿 ٢- تنظيم الدهون
‏• Niacinamide
‏• Zinc
بيقللوا إفراز الدهون بشكل لطيف جداً

🌿 ٣- تحفيز الكولاجين
‏• Retinol
‏• Vitamin C
بيضيقوا الجلد حوالين المسام فبيظهرها أضيق في الشكل

🌿 ٤- ترطيب حقيقي
‏• Hyaluronic Acid
‏• Ceramides
بيحسّنوا الملمس بيقللوا شكلها

🌿 ٥- حماية من الشمس
‏SPf مهم جداً للبشرة إللي فيها مسام او مش فيها
الشمس بتكسر الكولاجين وبتوسّع المسام مع الوقت

🍃 - أخطاء بتكبّر المسام بدون ما تاخدي بالك:
• غسيل زيادة → تحفيز دهون أكتر
• منتجات تقيلة → انسداد
• تجاهل الترطيب
• عصر الحبوب
• استخدام كحول بشكل متكرر وزيادة

🍃 العوامل الداخلية:
• هرمونات
• توتر (Cortisol)
• تغذية

التوتر بيرفع إفراز الدهون وبالتالي مسام أوضح ومترتب عليها حبوب أكتر

المسام مش مشكلة هي انعكاس لحالة بشرتك
لما تظبّطي:
• الدهون
• التنضيف
• الكولاجين
• الترطيب

هتلاقيها اختفت بصريًا حتى لو موجودة فعليًا

عرفينا مشكلة بشرتك واحنا نعالجهالك بإذن الله❤️