09/07/2025
للأسف الحقيقه اللي هتزعل ناس كتير بس لازم كل أب و أم يعرفوها 🔥
✅ فيه نسبه لا يستهان بها من الأطفال في الزمن دة عندهم سمنه و دهون عالكبد ، و لو قلتلكم كلمه دهون عالكبد دي من ١٥ ولا ٢٠ سنه من دلوقتي كان هييجي فبالكم صورة شخص عدى ال٤٥ أو ال٥٠ سنه ، و لكن للأسف دلوقتي بقى عادي جدا نشوف أطفال عندها "كبد دهني" 😓
✅ و طبعا السبب الرئيسي في حاجه زي دي هي كميه السكريات و الزيوت النباتيه الضارة اللي عمالين ندخلها لأطفالنا كل يوم في صورة شيبسي و كيك و ايس كريم و بسكويت وحلويات شرقيه و غربيه من غير أي حساب لأي حاجه😭
✅ ممكن أطلب منكم طلبين؟
1️⃣ الطلب الأول : كفايه! ارجوكم كفايه كل حاجه من برة للطفل و نرجع تاني للحياة الصحيه، نرجع تاني لطبق السلطه و الجبنه الطبيعيه و كوب الحليب و الفاكهه ، اعملي لطفلك الحلويات فالبيت بدون سكر باستخدام عسل النحل .
اعملي العصير فالبيت من فاكهه طبيعيه و حليه بعسل النحل ، اعملي الشيبسي فالبيت من بطاطس طبيعيه و اشويه فالفرن.
اتعبوا شويه معاهم والله هتكسبوهم بعدين، بدل ما تستسهلوا دلوقتي و تلفوا بيهم عالمستشفيات بعدين.
2️⃣ الطلب التاني : وصلوا الرساله دي لكل الأباء و الأمهات ، انا حزين جدا على مناعه العيال اللي بقت فالأرض و كل شويه الطفل بيتعب و يكشف ، مش طبيعي ابدا طفلك يتعب كل شهر و اطفال بتتعب بالمرتين و التلاته
حفظ الله أطفالكم
لا تنسوني من صالح دعائكم
