21/11/2025
من أصعب المعوقات اللي بتقف في طريق تعديل سلوك المراهقين، إحساس الأهل بإن "مفيش فايدة خلاص"، وان التراكمات القديمة من السلوك السيء مش هتتصلح. وأي انتكاسة بسيطة في السلوك يكون رد فعل الأهل "شفتي؟ اهو قلت لك عمرهم ما هيتغيروا".
إحساس الولاد بسوء الظن من الأهل ده محبط جدًا، وبيصعب بجد أي تغيير. احنا بشر مش الات، الآلة بتدوس على زرار فيها فبتنفذ الامر اللي انت عايزه، لكن البشر مش كده. احنا في عوامل كتير اوي بتحدد سلوكياتنا، فعشان ولادنا يجسنوا سلوكهم، محتاجين نعمل "ريستارت" لانطباعاتنا عنهم، ونوقف الكلام السلبي. ببساطة: نفتح معاهم صفحة جديدة!
