07/08/2025
⛔️بيتاديرم مع الوقت هيبوظ وشك مش هيعالجه...!
-----
دخللي واحده امبارح، وشها فيه شوية التهابات وبثور صغيرة، وقالتلي:
"عايزه بيتاديرم يا دكتور."
سألتها.
"الدكتور كتبهولك؟"
قالتي:
"لأ، بس أنا متعودة عليه وبيريّحني على طول."
هنا بقا كان لازم نستني شوية...
-----
🔍 أولًا: خلينا نكون واضحين
مش أي كريم بيجيب نتيجة يبقى هو الصح!
"بيتاديرم" فيه كورتيزون قوي جدًا اسمه بيتاميثازون،
ومش المفروض نستخدمه مع كل مشكلة جلدية بسيطة.
-----
🧴 طيب نعمل اي؟
قلتلها:
"ليه متجربش حاجة أهدى وأنسب لحالتك؟
فيه كريم اسمه Texacort، وده بيحتوي على Hydrocortisone – وده كورتيزون خفيف وآمن،
مناسب جدًا للي عندك: التهابات بسيطة ناتجة عن الحرارة أو الحساسية."
---
⚖️عايزه تعرفي الفرق بينهم؟ خليني أوضحلك:
Betaderm =
🔹 Betamethasone
🧪 معدل كيميائيًا:
يحتوي على ذرة فلورين في الموضع 9 → تزود الفعالية.
فيه مجموعة ميثيل في الموضع 16 → تقلل من احتباس الملح والمياه.
🔐 يرتبط بقوة بمستقبلات الكورتيزون.
🕒 مدة فعاليته أطول → لا يتحلل بسهولة.
🚀 يخترق الجلد بفعالية أكبر.
⚠️ أكثر عرضة لآثار جانبية زي ترقق الجلد وامتصاصه بالجسم.
⛔ قوي جدًا
⛔ يُستخدم لحالات شديدة (صدفية، أكزيما مزمنة، التهاب عنيف)
⚠️ استخدامه العشوائي يسبب مشاكل:
▪ ترقق الجلد
▪ تصبغات
▪ التهابات فطرية
▪ ظهور شعيرات دموية
▪ مقاومة جلدية
-----
Texacort =
🔹 Hydrocortisone
🔬 التركيب طبيعي: مشابه لهرمون الكورتيزول اللي بيُفرز من الجسم.
❌ مافيش تعديل كيميائي: مفيهوش فلورين ولا ميثيل.
🔓 يرتبط أضعف بمستقبلات الكورتيزون.
🧬 يتم تكسيره بسرعة داخل الجلد → تأثيره قصير المدى.
✅ آمن للأطفال، والوجه، والمناطق الحساسة.
هيدروكورتيزون
✅ مناسب للحالات البسيطة
✅ آمن على الوجه وتحت الإبط وبين الفخذين
✅ نادراً يسبب مضاعفات
---
⚠️ استخدمه إزاي؟
قلتلها:
"لو الدكتور مش كاتبهولك، وده مجرد التهاب خفيف،
ابعد عن الكريمات القوية،
ابدأ بكورتيزون خفيف زيه زي الهيدروكورتيزون،
واستخدمه لمدة قصيرة – ٣ لـ ٥ أيام بالكتير،
ولو مفيش تحسّن أو الأمور زادت؟ ساعتها نرجع للطبيب."
---
وخليكي عارفه دايما...
🚫 مينفعش تستخدم الكورتيزون الموضعي في الحالات دي:
عدوى فطرية (زي التينيا)
عدوى بكتيرية أو دمامل
جروح مفتوحة أو نازفة
الهربس أو الجدري
في الأطفال الصغيرين جدًا بدون متابعة
الاستخدام العشوائي ولفترات طويلة
---
بس كدا نحاول بقا نخلي
✅ "هيدروكورتيزون" أول اختيار في الحالات البسيطة.
❌ و"بيتاديرم" نحتفظ بيه للمواقف اللي تستحقه فعلًا.
-----
فمتنساش تشارك البوست وتعرف صاحبك ولا تعرفي صاحبتك اللي بتتعامل مع البيتاديرم علي انه skincare😂❌️
