Dr. Ibrahim Youssef دكتور إبراهيم يوسف

25/01/2024

للأسف من الأحداث المنتشرة هذه الفتره وفاة أسر كامله بسبب الغاز

علشان كده قررنا نعمل توعيه عن مخاطر الغاز وطبعا تحت إشراف دكتور Nehad Gad
مدرس الطب الشرعي والسموم الاكلينيكيه طب الاسكندريه

📌 سخانات الغاز وتسمم اول اكسيد الكربون (القاتل الصامت) 📢
بالنسبه لسخانات الغاز ايه الإحتياطات اللي ناخد بالنا منها لتفادى تسريب الغاز :

-السخان يكون ف مكان جيد التهويه وياريت تكون سخانات تكون سعتها عاليه
۔فصل الغاز عن السخان ف حاله انقطاع المياه
۔عدم رفع مٶشر التسخين الي النهايه عند ضبط السخان وضبط الحراره الي 60%كحد اقصي
۔صيانه السخان والانابيب الناقله للغاز بشكل دوري من قبل فني متخصص
۔فحص المدخنه الخاصه بالسخان بصفه دوريه
-التاكد عند تشغيل السخان من مراقبه لون الشعله اللون الازرق يدل ع الاحتراق الكامل والصحيح بينما اللون الاصفر والخافت يدل ع الاحتراق غير الكامل وتسريب الغاز

📌 بالنسبه للدفايات ممنوع نشغلها ف مكان مغلق لفتره طويله او ننام ونسيبها شغاله لازم يكون ف مكان جيد التهويه وعلي فترات

📌غاز اول اكسيد الكربون 💨

الغاز ده بيتكون نتيجه احتراق المواد العضويه زي الفحم والخشب والكيروسين والبروبان 🔥
اللى بيحصل انه عند تشغيل سخان الغاز وهو في حالة تسريب بينتج منه غاز اول اكسيد الكربون وخاصه لو السخان ف مكان خالي من التهويه

بالنسبه للدفايات في دفايات غاز طريقه عملها انها بتحرق مواد زي الكيروسين والبروبان وغيرها وبالتالي ينتج غاز اول اكسيد الكربون
وممكن يخرج الغاز ده كمان لو تم حرق فحم او خشب فى مكان مغلق
مشكله غاز اول اكسيد الكربون انه ليس له لون ولا ريحه وبالتالي اطلق عليه القاتل الصامت 😷 وده بيساعد علي استنشاق كميه كبيره بدون وعي

📌طيب ايه الاعراض ⚠
الغاز ده بيقلل نسبه الاكسجين في خلايا الجسم ومن اهمها المخ والقلب الإحساس بدوخه وصداع وغثيان وضيق فى التنفس وممكن كمان تشنجات وفقدان الوعي على حسب الكميه الموجوده


طيب لو حصل وتم الاختناق نحاول نقفل محبس الغاز ونخرج الشخص المصاب ف مكان يكون فيه تهويه🏃 ونهوي المكان وحتي لو استرد وعيه لازم نحوله مركز السموم🚑 لاستكمال الفحوصات الازمه لتجنب الاضرار زي ارتشاح المخ وتلف خلايا المخ والقلب وخاصه الاطفال وكبار السن

15/01/2024

عايز يحط ايده في طبق الفاصوليا ويأكل
سيبيه يا هانم ومش مهم البهدله و معلش هتتعبي شويه

رافض ياكل بالمعلقه وعايز يشرب من الطبق مباشرة ماشي اوك

عايز يفضي طبق البطاطس علي الارض ويأكل سيبيه بس اتأكدي ان الارض نضيفه

بيحب الملوخية مع المكرونه تمام خليكي معاه

عايز طبيخ عالصبح ياسلام عنيا

مش عايز يأكل وقت الغدا بعد ما تعبتي وجهزتي الاكل سيبيه وماتزعليش وما تتحيليش عليه

من الاخر
لو ماسبتيش ابنك ياكل في الوقت اللي هو عايزه بالطريقه اللي هو عايزها الانواع اللي هو عايزها
ولو ماعملتيش محاولات كتييير اوي عشان توصلي للوقت والطريقه والنوع اللي هو عايزهم
هيفضل ما بيأكلش ولو عمل الف تحليل واخد مليون فاتح شهيه.

#المصححاتي

15/01/2024

تعليمات للاطعام الصحي للعيال 🥣🌮🌯

05/12/2023

نحو الانضباط في حياة الطفل

لا يمكن إنتاج طفل منضبط بدون تدريبنا نحن على الانضباط

سلوك الأبناء نتيجة تقليد أفعال الآباء والأمهات

قدموا في سلوككم قدوة للطفل

07/10/2023

كحة بصوت الديك...Croup

🥸 دي كحة تحصل بسبب عدوى فيروسية للحبال الصوتية والقصبة الهوائية
🥸 الصوت اكتر ميزة ليها صوت رنان وعالية وكأنها صياح ديك أو حاجة بتزمر
🥸 كلام الطفل بيكون بصوت مبحوح شوية
🥸 لو العدوى شديدة ممكن يحصل صعوبة في التنفس
🥸 أغلب الحالات بتحصل بعد دور برد بسبب رشح الأنف ووصول الفيروس الحنجرة والقصبة الهوائية
😎 أهم حاجة سوائل دافئة كتير ونعالج الرشح من الأنف
😎 ممكن نحتاج جلسات بالميكورت ومحاولة ملح...في الحالات الشديدة ادرينالين
😎 قدر الإمكان مندايقش الطفل ولا نخليه يعيط ويبعد عن البرد ويشرب سوائل دافئة كتير
😎🥸 يوصف كورتيزون بمعرفة الطبيب وتقييمه للحالة لحساب مدة العلاج
🔥🔥 الكحة مش هتقف بعد الجلسات وتاخد وقت لغاية ٥ أيام غالباً ..مهم أن الطفل نفسه مرتاح بغض النظر عن الكحة

🥳 شكراً لمتابعتكم🥳

د. إبراهيم يوسف
اخصائي طب الأطفال وحديثي الولادة

واتساب 01015609333

#كل #يوم #معلومة
IYSkidsclinic

02/10/2023

أهم مشاكل الأطفال

في التعليقات 👇

04/04/2023

16/12/2022

https://www.facebook.com/100057312885333/posts/646053637315060/?mibextid=Nif5oz

افتحى التليفزيون خليه يبطل زن 😡
شغلى طيور الجنة يتلهى فيها 😄
بسرعة قبل م يعيط شغلى ماما جابت بيبى 👶
أكليه وهو قدام التليفزيون🥣
مشغولة افتحى التليفزيون أول م يصحى لحد م ينام قدامه 👨💻
ليه أول ما ابنك يبدأ ينطق يتحرك يتفاعل معاكى ليه عاوز توقفى ده😕؟!
وتدورى على حاجة تخليه صنم مش بينطق ومفيش حاجة افضل من التليفزيون هتخليه صنم!
ليه عاوزه تكتمى صوته😢؟!
هو فعلًا هيكتم .. هيتأخر فى النطق والكلام لو عندك آلة ولم تشغليها فترة بعد كده لما تحتاجي تشغيلها هتلاقيها صدت!
الطفل زيها طول اليوم من أوله لأخره قدام التليفزيون بعد كده هتنتبهى إنه مش بيتكلم أو كلامه بصعوبة!
☆ بسبب التليفزيون هيكون عرضه للتوحد وانعزالى غير مشاكل الكلام 🤯🙃
☆ بسبب التليفزيون مش تتلاقى تواصل بصرى بينك وبينه 👀
☆ بسبب التليفزيون مش ينتبه لاسمه لما حد يكلمه 😫
☆ بسبب التليفزيون مش هيلعب ولا هيتواصل مع حد 🏃
☆ بسبب التلفزيون هيكون عنيف وعدواني من ال بيتعرض على التليفزيون أبسط مثال لكده توم وجيرى كمية العنف فيه كبير جدًا 👊🤛
☆ بسبب التليفزيون هتلاقى عنده حصيلة ألفاظ سيئة 😱
☆ بسبب التليفزيون هيكون عنده كسل وخمول وبدانة🥺
☆ بسبب التليفزيون هيكون عنده مشاكل فى الانتباه مش هينتبه لحاجه غير للتليفزيون 📺
☆ بسبب التليفزيون هيكون عنده مشاكل ف حواسه👂👁👅 والموبايل كمان كوارثة اكتر خلي بالك 🤚🤚🤚
طفل يعنى حركة لازم يتحرك يلعب يتكلم يتنطط 😍
الأطفال يبدأ يتفرج على التليفزيون من عمر 4 سنوات مع إنك تراعى المدة الي هيتفرجها مش عشروميت ساعه فى اليوم 😒 + ايه اللي هيتفرج عليه 😎
وهي ربع ساعه حسب السن
يعني ساعة متقطعة
طيب طوال الأربع سنين هيعمل إيه🤔
يلعب الصلصال 🎨 المكعبات البازل التلوين🎨 الدباديب 🐹 الكرة 💪👍
الرسم ❤
العاب المياة والنفخ
التمثيل والخيال بالعرايس ❤❤❤❤
أولادنا يستاهلوا ❤❤❤

26/10/2022

عايزة طفلك يكون مطيع ؟! 😌

- العبي معاه كل يوم و خليه يقود اللعب، اسمعي كلامه اثناء اللعب❤ و خدي الدور اللي يقولك عليه 🥰

- وافقيه اختياراته اكتر ما تقولي له لأ و امدحي تصرفاته الايجابية اكتر ما بتقفي عند كل خطأ يطلع منه 🤗

الاطفال بتستجيب للشخص اللي بيستجيب لها وكل ما هتكونوا اصحاب كل ما هتقربي منه اكتر و هتكسبي ثقته 🤩

ولو كسبتي ثقته هيسمع كلامك 🙂 لأنه مصدقك 💜

& 👩🍼👶