10/02/2025
هالو ي أصحابي 🫡
من اكتر المشاكل اللي بتواجهنا طول الوقت مع اطفالنا النورمال والغير نورمال
هي العند !🙃
حبيت اوضحلكم كام نقطة كده مهمين
نلتزم بيهم
وهنلاقي تحسن كبير ..
- أزاي نتعامل مع الطفل العنيد والعصبي ؟🤔
1️⃣📌 الابتعاد عن الاوامر المباشرة :
- يعني مفضلش ادي للطفل الاوامر مباشرة لان دي اكتر طريقة غلط و هتخليه يعند اكتر ممكن نخليها في صيغة طلب مش امر
2️⃣📌 تشجيع الاطفال :
- تشجيعهم هيعزز ثقتهم في نفسهم و مدح أعمالهم إنجازاتهم وتصرفاتهم الصحده هيعزز روح المبادرة انه يعمل سلوكات صح اكتر
3️⃣📌عدم مقارنتهم بغيرهم من الأطفال الآخرون :
-لأن ده هيدفعهم للعناد أكثر و هتقلل ثقة الطفل بنفسه و في قدراته و ممكن تخلقي علاقة كره بينه و بين الي بتقارنيه بيه و انتي مش حاسة
4️⃣📌 الاستماع الى رغباتهم :
لازم نكون مستمعين لاطفالنا جدا ونعرف مشاكلهم سواء جوا البيت او برا او في المدرسة ونساعدوهم في
اي مشكلة تواجهم
5️⃣📌 عدم التوتر عند أتباع الطفل العنيد في موقف محدد :
يعني متعصبش عليه ولا اتوتر ولا اضربه نهائي ، ممكن تبعد عنه دقيقتين تلاتة لحد ما تهدأ وبعدها أقعد معاه وإتناقشوا بهدوء.
في النهاية لازم تكون عارف ان تعديل سلوك ابنك معتمد عليك اعتماد كلي حاول تحتوي ابنك و تحضنه🤍
