18/09/2025
مساء الخير 🩺♥️
هنتكلم معاكوا النهاردة عن حالات اترددت علينا كتير الفتره دي زي بحر 🐶و سوكا🐱
🐶🐱 حصوات المثانه عند القطط والكلاب
يا جماعه خلي بالكم
حصوات المثانه من الحاجات اللي ممكن تعمل لهم وجع جامد ومشاكل في التبول لو ما اتلحقتش بدري.🐾
💡 أهم الأعراض اللي تاخدوا بالكم منها:
محاولة للتبول كتير على الفاضي أو نقط بسيطه قوي.
تبول مع دم 😿
صعوبة أو وجع وقت التبول.
لحظوا لو الحيوان بيعمل صوت وهو بيحاول يطلع البول.
🎯 أسباب ممكن تؤدي للحصوات:
أكل فيه أملاح كتير أو مش مناسب لنوعهم.
قلة شرب المياه.
بعض الأمراض اللي بتزود نسبة المعادن في البول.
🩺 الحل؟
لو لاحظت أي عرض من دول، متتأخرش! هات القط أو الكلب للعياده فوراً.
بنعمل فحص بول وسونار ونعرف نوع الحصوه، وعليها بنحدد العلاج المناسب سواء أكل علاجي وادوية مناسبة أو تدخل جراحي لو لزم الأمر.
💧 نصيحه مننا:
وفّر لهم ميه نضيفه طول اليوم واهتم بأكلهم يكون متوازن ومناسب لعمرهم وحالتهم الصحيه.
هسيبلكم صور من السونار توضح مدي خطورة الامر
📍- ١٥ ش الجلاء بأرض سلطان بجوار عطارة عبدالجواد.
☎️ - 01126838204 / 01558151588
