PT:Harvy Hany

26/12/2023

حالة جلطة دماغية في الجانب الشمال من المخ ادت الي شلل نصفي في الجانب الايمن و بدات شغل مع الحالة و هو بيعتمد إعتماد كامل علي الاهل في التنقل و الجلوس و الوقوف و اي نشاط.... نشكر ربنا بدانا شغل و جاب جلوس ومن بعده وقوف لوحده و بعد كده انتقلنا لمرحلة التحرك بالمشاية داخل الشقة و بعد كده تطورت الحالة للتحرك بالعصاية فقط و نزول و طلوع السلم بيها و مكملين شغل الي ان تعتمد علي نفسها اعتماد كامل
من الحالات الملتزمة جدا في الجلسات و التمارين في البيت و ربنا كمل الشغل ♥️♥️♥️♥️

02/12/2023

🔴التهاب العصب السابع

🔵ببساطة ده مرض بيحصل نتيجة التهاب العصب المسئول عن تعبيرات الوجه زي رفع الحواجب و الابتسام و الغضب و اي حركة في الوجه و بيسبب حالة شلل بعضلات الوجه التي يغذيها العصب

⚪يفقد المريض القدرة على التحكم في عضلات الوجه مما يؤثر فى شكل الوجه ،فنصف الوجه طبيعي يتحرك والنصف الاخر لا يتحرك ويؤثر كذلك على نفسية المريض بسبب الشكل العام للوجه

🟡:اسبابه
1️⃣ لتعرض لتغيرات مناخية مفاجئة او لتيار هواء مباشر 2️⃣علي الوجه وهذا أشهر سبب في هذه الأيام .
3️⃣إصابات الوجه أو الحوادث أو إصابات نتيجة الجراحة
4️⃣إصابات ناتجة عن الخلع الخاطئ للأسنان
5️⃣إصابات الجهاز العصبي مثل حدوث جلطة فى المخ والتعرض للضغوط
6️⃣الالتهاب الفيروسى بسبب نقص فى المناعة

🟢دور العلاج الطبيعي
1️⃣ التنبيه الكهربي للعضلات والعصب
2️⃣ تمارين التقوية الخاصة بالعضلات الوجهية التي يغذيها العصب
3️⃣ وضع البرنامج المنزلي للمريض

🟣المريض هنا لازم يبدا جلسات بعد ظهور الاعراض و بعد الكشف عند طبيب المخ و الاعصاب عشان الحالة متتدهورش

☎️للتواصل:01206391344 او عن طريق رسايل الصفحة

26/11/2023

اصابات الرباط الصليبى 🦵

🔴 ايه هو الرباط الصليبى ؟؟
هو واحد من اهم اربطة الجسم كله و الركبة خصوصا
ليه وظيفة مهمة جدا وهى دعم و ثبات مفصل الركبة اثناء الحركة

🔵 ايه اسباب الاصابة ؟؟
١/ خبطة قوية للركبه من ورا
٢/ دوران قوى لعظمة الفخذ على قصبة الرجل
٣/ تغيير اتجاه الحركة مرة واحدة
٤/ السقوط من ارتفاع عالى و الركبة مفرودة

🟡 ايه هى درجات الاصابة ؟؟
بتقسم اصابة الرباط الصليبى ل٣ درجات
١/ مجرد سترتش فى الرباط الصليبى
٢/ قطع جزئي
٣/ قطع كلى

🟢فيه علامات توضح لك انك مصاب باصابة فى الرباط الصليبى؟؟
١/ طقطقة مستمر فى الركبة
٢/ الم شديد مع الحركة
٣/ تورم مفاجئ فى الركبة
٤/ المدى الحركى بيكون محدود جدا
٥/ ركبتك بتخونك وانت بتتحرك

🟣دور العلاج الطبيعي في حالات الرباط الصليبي
١/تقوية عضلات حول مفصل الركبة
٢/تحكم في التورم
٣/تحكم في الالم
٤/ اعادة المدي الحركي للركية
٥/تاهيل ما قبل العملية للحصول علي افضل نتيجة بعد نجاح العملية

⚪العنوان : المنيا_ مركز الرجاء بشارع الحسيني برج الاطباء بجوار المحمدي الدور الثالث
للتواصل:01206391344

08/11/2023

لا تدع إصابتك تمنعك من ممارسة حياتك بشكل طبيعي..
احصل على جلسات العلاج الطبيعي مع طبيب متخصص لتستعيد قوتك💪🏻🙏

07/11/2023

🦴
⚪ببساطة اي مفصل في جسمنا بيبقا فيه سائل بيسهل حركة العظم لما يحتك ببعضه اسمه السائل الزلالي السائل ده لما بنكبر في السن بيقل و يبدا العضم يحتك ببعضه في يسبب الالم و الطقطقة و تورم في منطقة الركبة ده بالنسبة للسن الكبير

🔴بالنسبة للسن الصغير اهم الاسباب اللي تجيب خشونة السمنة و الوزن الزايد عشان كل ما يزيد وزنك كل ما يزيد الحمل علي ركبك و العكس صحيح

🔵اعراض خشونة الركبة:
1_الالام شديدة في الركبة اثناء الوقوف و ثني الركبة
2_ الالام اثتاء طلوع و نزول السلم
3_تيبس مفصل الركبة و قلة المدي الحركي
4_ طقطقة في الركبة
5_تورم و احمرار في الركبة

🟡خشونة الركبة أسبابها مختلفة زي :
1- التهاب المفاصل الروماتويدي
2- التهاب الأوتار والأربطة في الركبة
3- الإصابة والتمزق في الركبة
4- السمنة: زيادة الوزن
5- عوامل وراثية
6- تقدم العمر
7_تقوس الركبتين
8_ الجنس خاصا السيدات

🟢دور العلاج الطبيعي للخشونة:
١_تقوية عضلات حول مفصل الركبة عشان يقلل الحمل من علي العضم
٢_استرجاع اكبر مدي حركي للركبة
٣_التحكم في الالم عن طريق العلاج الكهربائي و الموجات فوق الصوتية
٤_ التحكم في التورم الموجود في الركبة بالعلاج اليدوي
٥_ اعطاء المريض البرنامج المنزلي ليمارس حياته بشكل طبيعي بعد. انتهاء الجلسات

🟣مع التزام المريض بالجلسات و التمارين بنحقق نتيجة كويسة جدا بدون حقن و بدون تدخل جراحي و ده بيوفر علي المريض فلوووووس كتير اوي💰💸

للتواصل لحجز الجلسات : 01206391344

06/11/2023

♥️♥️

ما هي فوائد جلسات العلاج الطبيعي؟ 👇🏻

06/11/2023

مساء الخير♥️
يا رب تكونوا بخير♥️♥️
انا د. هارفي هاني خريج كلية العلاج الطبيعي جامعة بني سويف و دي الصفحة اللي هينزل عليها كل شغلي و اي حاجة ليها علاقة بالعلاج الطبيعي❤️❤️
حابب اقولكوا ان العلاج الطبيعي له دور مهم جدا في كل اقسام الطب : قسم العظام و الاعصاب و الاطفال و النسا و الباطنة و المسنين و اصابات الملاعب والجلدية و التغذية
يعني نقدر نقول ان العلاج الطببعي بقا جزء اساسي من الرعاية الطبية اللي بتتقدم للناس
علي سبيل المثال: مريض شلل نصفي بعد ما يتم فحصه من الطبيب البشري و يكتبله الادوية المناسبة بيتم تحويله لاخصائي العلاج الطبيعي و يتم تقييمه و وضع برنامج علاجي خاص بيه عشان يقدر يرجع يمارس حياته بشكل طبيعي.
و نقيس علي كده في كل الامراض اللي بنقابلها
و في البوستات اللي جيا انشالله هنزلكوا كل مرض و دورنا معاه ايه♥️♥️