06/08/2025
سؤال مهم جدًا بسمعه من سيدات كتير 👩🦰
"يا دكتور أنا باخد منشطات تبويض.. أوقفها امتى؟
وهل لو حملت أكملها ولا لأ؟ 🤷♀️"
خليني أوضحلكم كام نقطة مهمة 👇:
🔹 يعني إيه منشطات؟
المنشطات سواء برشام او حقن 💉بتساعد المبيض يطلع بويضات بشكل أفضل أو أكتر من الطبيعي علشان نزوّد فرصة الحمل
🔹 أوقفها امتى؟
📌 المنشطات ليها جدول معين حسب اليوم من الدورة
في الغالب بناخدها من يوم ٢ لـ ٥ في الدورة ولمدة ٥ أيام
(في حالة الأقراص)
أو نبدأ حقن حسب رؤية الطبيب بداية من أيام محددة
🟢 بعد ما يحصل التبويض (اللي بيتابع بالسونار) خلاص الجسم مش بيحتاج المنشطات في الدورة دي
فإحنا بنوقفها تلقائيًا بعد يوم التبويض أو معاد الإباضة
لكن مهم جدًا المتابعة علشان نعرف التبويض حصل امتى ✨
🔹 طب لو حصل حمل؟ أكمل المنشطات؟ 🤰
لا طبعًا ❌
لو حصل حمل المنشطات بتتوقف فورًا
لكن ساعات بندي مثبتات حسب الحالة
🔹 هل في ضرر من الاستمرار في المنشطات؟
آه لو خدتِ منشطات من غير متابعة أو لفترات طويلة ممكن يحصل
تكيّس أكتر أو خلل في الهرمونات
فرط تنشيط للمبيض (وده ممكن يكون خطر)
ضعف بطانة الرحم لو ما اتظبطتش الجرعة
✅ عشان كده بنقول دايمًا: المنشطات مش
"منشّط وخلاص" دي محتاجة متابعة بالسونار وتحاليل في وقت معين.
📣 ملحوظة مهمة:
لو عدى ٦ شهور وانتي بتخدي منشطات من غير حمل لازم نراجع الخطة ونشوف إذا كنتي محتاجة حقن تفجيرية أو حقن مجمعة أو حتى نلجأ للحقن المجهري حسب الحالة.
في الآخر:
ما تاخديش أي دواء أو منشط من غير إشراف دكتور مختص 👨⚕️وماتوقفيش العلاج من نفسك حتى لو الدورة اتأخرت أو شكّيتي في حمل
🌼 ربنا يكرم كل مشتاق ومشتاقة بالذرية الصالحة يا رب ❤️
تابعي مع د/ محمد عبد الحليم
علشان نطمن مع بعض ❤️
📍 العيادة:المنيا - ميدان المحيطة - برج سافواي - الدور الثاني علوي - أعلى معمل المختبر
📞 خدمة العملاء:
01101990620 📲
01027999930
