Dr.Jasmin Tantawy / د. ياسمين طنطاوى

02/11/2025

الكرفس من قديم الأزل بيستخدم ف علاج أمراض كتيرة
لقوا انه موجود من اكتر من 3000 سنه ايام الفراعنة وايضا ف الصين القديمة.. بيستخدم ف الطعام وللاغراض الطبية..
أشهر الدول زراعة وانتاجا ليه هي إنجلترا..
للمنفعه الطبيه... البذور بتاعته افيد من ساق النبات..
تعالوا نشوف فوايده..
مضاد التهاب قوي.. بيستخدم ف حالات الروماتيزم والتهاب المفاصل لانه بيساعد الجسم انه يتخلص من مخلفاته..
مدر للبول وبيساعد الكلى انها تتخلص من املاح اليورات ف بتساعد ف علاج النقرص
بتحسن الدورة الدمويه للعضلات والمفاصل.
مطهر قوي للمثانه ويساعد ف علاج التهاب المثانة
مضاد للتقلصات والانتفاخات..
فيها زيوت عطرية بتهدي الاعصاب
بيحمي الكبد وممكن يساعد ع تقليل كوليسترول الدم.. وتقليل ضغط الدم..
أيضا لقوا انها ليها دور ف علاج حساسيه الصدر..

نستخدمه ازاي.. نقدر نعمله عصير مع جزر او اي نوع فاكهه بنحبها.. بستخدمه كانه ديتوكس للجسم..
ممكن انقع البذور واشربه كمشروب ساخن لعلاج الالتهابات المختلفه..
#حياةصحية #حياةصحية #تغذیه

27/10/2025

الف مبروك يا ام أسامة
هستاذنك تبعتي لي رقم فودافون كاش ع المسنجر..
الف مبروك 🌹

25/10/2025

مسابقة دكتور محمد طنطاوي الحلقة 12

عنوان الحلقة عن ال brain fog
او ضبابية الدماغ
مشكله بنعاني منها كلنا..
ان شاء الله الفيديو يعجبكم

تنويه خاص.... الهدف من المسابقة صدقة جارية لوالدي الحبيب... لا الهدف اجمع كومنتس ولا لايكات... ف ارجوكم هو كومنت واحد فقط لكل اكونت... واي كومنت هيتعاد لنفس الشخص مش هيدخل ف السحب.. مش هبص عليه.. ف اللي عايز يشارك هو كومنت واحد... لكن فرح الاستكرات ده انا مببصش عليه اساسا...عشان محدش يزعل 🙏

المسابقة ان شاء الله هتكون شهرية...
بإذن الله هتنزل كل يوم 25 من كل شهر...
جائزة واحدة شهريا قيمتها 500 جنيه..

هنكتب الأجابة في الكومنتس... هسيب الكومنتس مفتوحه لمدة 24 ساعة.. وبعد كده هقفلها... وهختار الفائز عشوائي..
ارجوكم محدش يقول هنغش من بعض... غشوا... المهم تعرفوا المعلومة الصح.. وان شاء الله كلكم هتفوزوا....
ادعوا لبابا دعوة حلوة...
#حياةصحية

24/10/2025

13/10/2025

وانا قاعده بفطر سندوتشي الشهير... الجبنه بالطماطم..وسط استغراب اللي حواليا.. اللي هو انتي لسه بتاكلي جبنه بالطماطم.. فسالت سؤال.. هي الايام دي الناس بتاكل ايه ف الشغل ؟؟

08/10/2025

صباح الخير.. ليه بطلنا نقول كلام حلو لبعض...
امتى اخر مرة اتقالت لك كلمة حلوة و امتى اخر مرة قلت فيها كلمة حلوة لحد..
صباحكم جميل..

04/10/2025

تعلن الرابطة المصرية العامة لأطباء التغذية العلاجية انضمامها لحملة التوعية الخاصة بأطباء الامراض الجلدية الخاصة بمكافحة الممارسات المخالفة من منتحلي صفة اطباء الجلدية تحت مسميات مختلفة و غير قانونية من غير الاطباء و تثمن الرابطة مجهود الزملاء في نشر الوعي بتخصصهم و دفاعهم عن حق المريض في العلاج الامن من خلال الاطباء المتخصصين.
و نحن في هذا الصدد نعلن إنضمامنا للحملة التي تعلي مصلحة المريض و الطبيب المصري لتشمل اطباء التغذية العلاجية في مختلف انحاء جمهورية مصر العربية.
و نطلب من الزملاء الاطباء نشر المخالفات الخاصة بتخصصي الجلدية و التغذية العلاجية تحت نفس الهاشتاج و الهشتاج الخاص بأطباء التغذية العلاجية في ذات الوقت.




و الرابطة على استعداد للتواصل مع منسقين الحملة لتوحيد الجهود و التعاون ضد الممارسات الخاطئة.

27/09/2025

الف مبروك ياهبة
هستاذنك تبعتي لي رقم فودافون كاش ع المسنجر..
الف مبروك 🌹

25/09/2025

مسابقة دكتور محمد طنطاوي الحلقة 11

تنويه خاص.... الهدف من المسابقة صدقة جارية لوالدي الحبيب... لا الهدف اجمع كومنتس ولا لايكات... ف ارجوكم هو كومنت واحد فقط لكل اكونت... واي كومنت هيتعاد لنفس الشخص مش هيدخل ف السحب.. مش هبص عليه.. ف اللي عايز يشارك هو كومنت واحد... لكن فرح الاستكرات ده انا مببصش عليه اساسا...عشان محدش يزعل 🙏

المسابقة ان شاء الله هتكون شهرية...
بإذن الله هتنزل كل يوم 25 من كل شهر...
جائزة واحدة شهريا قيمتها 500 جنيه..

هنكتب الأجابة في الكومنتس... هسيب الكومنتس مفتوحه لمدة 24 ساعة.. وبعد كده هقفلها... وهختار الفائز عشوائي..
ارجوكم محدش يقول هنغش من بعض... غشوا... المهم تعرفوا المعلومة الصح.. وان شاء الله كلكم هتفوزوا....
ادعوا لبابا دعوة حلوة...
#حياةصحية

25/09/2025

ان شاء الله المسابقه هتنزل النهارده الساعه 11🌹🌹

23/09/2025

اكبر اسباب السترس والضغط العصبي في حياتنا.. سببه واثره... وازاي بسهولة شديدة نتعامل معاه... تعالوا بينا نعرف..
#

#حياةصحية #تغذیه #سترس

22/09/2025

ازيكم عاملين ايه.. يارب تكونوا بخير..
ان شاء الله هنستأنف
واللي مكانش متابع معايا احب اعرفه بالمسابقة.. دي فكرة جات لي صدقة جاريه لوالدي.. والدي كان محب للعلم والتعلم.. ولغاية اخر لحظة كان راجل معطاء.. لم يبخل على اي حد بعلمه... واخر محاضرة اداها للطلبة كانت قبل وفاته باسبوعين... لحد دلوقتي افتكر وهو تعبان ومش قادر ياخد نفسه وكان ينزل الجامعة.. ومع اعتراضي انه ينزل بالحالة دي.. كان يقول لي الطلبة مستنيينه..
وكان بيحب اوي اي معلومه انزلها عندي ويشجعني ويقول لي انتي بتعملي الكلام ده ازاي...
انا كنت منتظمه اني انزل المسابقة دي شهريا... بس نظرا لظروف خاصة عندي.. وظروف خاصة ببعض المتابعين اللي ضايقوني كتير واحبطوني...توقفت..
بس ان شاء الله هرجع انزلها تاني..
المسابقة هتنزل زي مااتعودنا كل يوم 25 ف الشهر.. وجايزة المسابقه هتبقي تاني يوم..
قيمة الجايزة 500 جنيه.. فائز واحد شهريا..
وربنا يتقبل منا ومنكم صالح أعمالكم...ويبعد عن قلوبنا اي نفاق ورياق ويجعله عمل خالص لوجه الله
وشكرا لكل الحب اللي شفته منكم واهتمامكم..
اشوفكم ع خير
#حياةصحية #تغذیه #دايت