https://www.instagram.com/fatma_nasr30?utm_source=qr&r=nametag

Nutritionist _ Fatma nasr, Minyat Samannud (2025)

22/09/2023

👀 طبعاً الكل جاب حلاوة المولد وموجودة ف كل بيت حاليا وكل البيت بياكل منها وهنموت وناكل زيهم 🥲

وعشان الدايت لازم يكون من غير حرمان تعالو اقولكم ازاي نقدر ناكل حلاوة المولد من غير ما نبوظ الدايت بتاعنا 💁

👈الاول لازم تعرف حلاوة المولد عبارة عن ايه؟؟
(مكسرات وسكر وعسل وكلنا عارفين أن المسكرات عبارة عن دهون صحيه ولكن للأسف بتتعرض لدرجات حرارة عالية ف بتفقد جزء كبير من قيمتها الغذائية مع طبعاً السكر المضاف ليها ف بتكون عباره سعرات حرارية عالية)..

📢بس لازم نعرف أن السعرات الحرارية بتختلف من نوع لتاني ف قطع سعراتها ممكن توصل ل ٨٠٠ زي السمسمية والفولية والبندقية 💁قد وجبة غداء مثلا🥲
📌١٠٠ جم من النوجا تقريبا ٤٠٠ سعر حراري
📌١٠٠ جم من اللوزية والبندقية تقريبا ٦٥٠ سعر حراري

🤔طب هناكلها ازاي وامتي من غير ما ناثر ع الدايت ؟؟
ممكن ناخد قطعه كسناك بين الفطار والغدا ونقلل نشويات اليوم داا مع حساب سعراتك اليوميه طبعاً ونتمشي كمان شويه لو نقدر😅 🤷
كمان واحنا بنشتري بلاش العلبه الكبيرة اللي لازم تخلص ف نفس اليوم حتي لو مش بنحبها 😅 خلينا نجيب ٤,٣ قطع بنحبهم ونخصمهم من سعراتنا ف اليوم.

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

14/09/2023

👀 الحقيقة وراء أن فيه اكل بيتخن واكل بيخسس..

🧐 دائما ف سؤال ناكل ايه لو عاوزين نخس أو ناكل ايه لو عاوزين نزيد ف الوزن!!

وهل فعلاً أن فكرة الاكل الصحي هو اللي بيخلينا نخس صحيحة ولا لا؟
_الحقيقة ان مفيش اكل معين هيخسسك أو هيزود وزنك العبره بكميه السعرات اللي بتستكلها💁

🧐 يعني ببساطة لو اكلت اقل من احتياجاتك ف اليوم هتخس والعكس لو اكلت اكتر هتزيد ف الوزن أكيد..

📌يعني لما تبدل الحلويات بالفاكهه
✅الفاكهه اختيار صحي لكن لو اكلت براحتك وبكميات اكتر من احتياجاتك يبقي كانك معملتش حاجه وهتتخن برده.

📌يعني ممكن تخس وانت بتاكل اكل غير صحي؟
✅الاجابه اه طبعاً طالما استهلكت سعرات أقل ف اليوم عن احتياجاتك.
🤔طب ليه دائماً بننصح بالاكل الصحي والابتعاد عن الأكل الغير صحي طالما السعرات هي الأهم ؟؟

💥اكيد مش تعقيد...

_لأن المفروض زي ما بنهتم بالسعرات لازم بردو نهتم بجوده الطعام واحتوائه ع المغذيات الضرورية والفيتامينات والمعادن الضرورية لبناء الجسم و الحفاظ ع صحه أفضل.

_بالاضافه أن الاكل الصحي ف الأغلب سعراته أقل من الأكل الغير صحي وبالتالي هتحصل ع كميات أكل اكبر ف اليوم تشبعك اكتر وتساعدك ع ممارسه يومك بنشاط أفضل.

📢 يعني المعادله ببساطة
أكل صحي + سعرات مناسبة لاحتياجاتنا سواء ثبات وزن أو نقصان = حياه صحيه و وزن يرضيك👌🤍

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

02/09/2023

#إدمان السكريات
_كتير مننا بيحب ياكل حلويات لما نكون مخنوقين أو متعصبين أو مودنا وحش بنحس بنهم شديد ناحيه السكريات ليه🤔

👈اول حاجه لازم نعرف اي سبب الإحساس دا؟
_علميا ف مادة اسمها سيروتونين بتحسن المزاج العام عندنا ولما بناكل حلويات المادة دي بتتفرز ف جسمنا وبتخلينا نحس بالسعادة.
📢طب اي العادات الغلط اللي ممكن توصلنا للاحساس دا؟
١.اننا لما نقرر نعمل دايت بنقوم مانعين نشويات خالص ودا طبعاً مش صح الصح هو أننا ناكلها باعتدال وناخد النشويات المعقدة الصحيه.
٢.اهمال عنصر من العناصر الغذائية زي الدهون الصحية لاعتقادنا انها هي اللي بتزود الوزن و اهمالنا للخضروات.
٣.لما بنيجي ناكل بنزود ملح والنتيجة بتكون أننا بندخل ف دايره نحلي ونحدق وهكذا طول اليوم 😅ودا بسبب عدم استقرار مستوي السكر ف الدم.
٤.اخر حاجه أننا بنتجاهل شرب الميه ومش بنشرب غير لما بنحس بعطش شديد.

📌طب نعالج المشكلة دي ازاي؟
✅الحل هو الاعتدال أننا ناخد وجبتنا متكاملة يعني بلاش نمنع نشويات خالص ولكن نزود من النشويات المعقدة زي (الشوفان والرز البني والبطاطا والبطاطس ومخبوزات القمح الكامل) ودا بيكون ع حسب احتياجاتنا لأنها غنيه بالالياف وبتمد الجسم بالطاقة وبتحسسنا بالشبع + انها مش بترفع مستوي الأنسولين فالدم.
✅نشرب ميه كويس جدا ع مدار اليوم مش بس لما نحس بالعطش.
✅نهتم باخد الدهون الصحية ف وجبتنا زي المكسرات والأسماك وآلافوكادو.
✅نهتم بالبروتين عشان بيدينا احساس بالشبع أطول فترة ودا هيساعدنا أن مستوي الأنسولين يكون مستقر فالجسم.
✅نحاول بقدر الإمكان أننا نقلل ملح ف الاكل.
✅بلاش نحرم نفسنا نهائي من حاجه لو نفسك ف حاجه مسكره خد قطعه بعد وجبه كامله كدا هتشبع رغبتك ومش هتحس بلغبطه كتير.
✅نحاول قدر الإمكان ناخد مصادر بديله للسكر من الفاكهة لأنها غنيه بالالياف.

📢 الخلاصة: (الاعتدال) زي ما منع النشويات غلط الزياده بردو من النشويات البسيطه اكتر من احتياجاتنا غلط لأنها بترفع الأنسولين ف الدم بسرعه ويرجع ينزل بسرعه جدااا ونحتاج سكر اكتر🙍

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

28/08/2023

🤔طب ما انا اقلل من اكلي ومش لازم اعمل رياضه..

📌اوي تفتكر أن اي حد بينصحك بالرياضة وقت الدايت عشان تحرق سعرات بس... لا دي اقل فائده انت بتاخدها من الرياضة لأن الرياضه عمرها ما بتقلل الوزن الا بنظام غذائي دقيق جداا.
🧑‍⚕️بس تعالي اقولك ع اسباب كتير نعمل عشانها الرياضة:
١-الرياضه المتوسطة بتحرق الدهون مش بس وقت التمرين.
👈فيه دراسات اثبتت أن حرق الدهون بيستمر لحد ٢٤ ساعه بعد التمرين وبالأخص عند الرجال..
٢-لو عملت دايت وخسيت الرياضه هي الضمان الوحيد انك مترجعش تزيد تاني وتقدر تثبت وزنك.
٣-الرياضه بتقوي جهازك المناعي جدا جدا.. دا غير أنها بتحسن صحه القلب والرئه جدا.
٤-الرياضه مهمه جدا بحالتك النفسية ودا لأنها بتعلي هرمونات السعادة عندك (endorphins) وبتحسن مودك وثقتك بنفسك وبتقلل القلق والتوتر عندك.
٥-الرياضه بتحسن الذاكرة والقدرات الذهنية.
👈بل إن ف دراسات وجدت أن الفص الأمامي من المخ frontal lobe بيكون حجمه اكبر عند الأشخاص اللي بتمارس الرياضه عكس الأشخاص اللي مش بتمارس الرياضه.
٦-الرياضه بتقلل فرص الإصابة بالسكر وبالأخص سكر النوع التاني وهشاشة العظام والتهاب المفاصل..
٧-الرياضه بتحسن مستوي الكوليسترول بتخلي HDL يعلي ودا الكوليسترول النافع وبتقلل LDL الكوليسترول الضار.
٨-الرياضه بتحسن جودة النوم جدا بس الافضل انك متتمرنش بعنف قبل النوم ع طول.
🌿ابدا لو ب ١٠ دقائق مشي سريع ف اليوم و زود ٥ دقائق كل ما تقدر ..هتحس بفرق كبير ف حياتك...

📢الخلاصه: (الرياضه)مهمه جدا سواء عاوز تخس أو تتخن.. الرياضه مهمه عشان تعيش حياة صحيه افضل🤍🍏

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

26/08/2023

📢تاني عادة صحيه لازم نكتسبها لفقدان الوزن أو عشان صحتنا عموما هي شرب الميه..
📌الميه بتمثل 60 ٪ من كتله جسمك وطبعا مهمه لجميع العمليات الحيويه اللي بتم في الجسم.

🤔طب انا جسمي بيحتاج اد ايه ميا في اليوم؟
📌 اضرب وزنك ف 33 هيطلعلك احتياجاتك من الميه بالظبط👌
🌿لازم تعرف أن الميه بناخدها كمان من الأكل وخصوصاً الخضار والفاكهه ..زي مثلا البطيخ بيمثل حوالي 98% منه ميه وكمان الخيار والخس مليانين ميه.

🤔طب اعرف ازاي أن جسمي محتاج ميه؟
📌الجسم بيقولك أنه محتاج ميه بكذا طريقه زي: العطش.. لون البول ورائحته النفاذة..همدان والم بالجسم.
🌿ولازم تعرف أن اكتر الناس عرضه للجفاف كبار السن ومرضي السكر والأطفال وخصوصاً لو عندهم اسهال أو قئ أو الناس اللي بتاخد أدوية مدرة للبول.

🤔طب انا مش بعطش؟
📌لو لقيت نفسك مش بتعطش وانت مبتشربش ميه اعرف انك عندك جفاف مزمن .. اتعودت تطنش الاحساس بالعطش ف وسط مشاغلك اليوميه.. أو مثلا مش عاوز تدخل التويلت بره البيت .. لازم تعرف أن الجسم مرة بعد مرة بيبطل يطلب ميه وبيقضي نفسه بالميه اللي بتوفرهاله(اللي هي طبعاً أقل من احتياجاته) وبكدا البول بيتركز جدا عشان يوفر احتياجه من الميه .. (فالجسم بيتعرض لاحتماليه حدوث حصوات الكلى و عدوي مجري البول) دا غير أن شعرك بينشف.. جلدك بينشف.. بيحصلك إمساك مزمن.. صداع غير مبرر... إرهاق عام.

🤔طب اي الحل ؟
📌لازم ابدا اشرب.. اربط الميه بأحداث يومك ..قسم احتياجك ع مدار اليوم او مع الوجبات.. متستناش تعطش وهتتفاجي انك هتبدا تعطش عادي ودا هيحصل لما تتعود ع شرب الميه.
🧑‍⚕️ونخلي بالنا ساعات الجسم بيترجم العطش لجوع وتحس انك جعان بدل العطش..
🌿يعني لو كنت لسا واكل وحسيت بجوع جرب تشرب واستني ربع ساعة هتلاقي نفسك شبعت..👌

📢 الخلاصة: شرب الميه (الكافي) من أهم العادات اللي لازم تبقي في يومك عشان تعيش حياه صحيه 😌🍏

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

22/08/2023

📢 أول عادة صحيه لازم تبقي ف حياتنا عشان نخس ونعيش بصحه .. وهي تنظيم مواعيد الاكل مع طبعاً التحكم ف كميات الطعام واستخدام البدائل الصحيه 🍏

🤔ليه أنظم مواعيد أكلي ؟
منا اخد سعراتي وخلاص...

🧑‍⚕️تنظيم مواعيد أكلك مهم جدا جدا جدا.... تعالي اقولك ليه..
🌿جهازك الهضمي ومخك مربوطين ببعض... يعني لما بتاكل ف مواعيد محددة جهازك الهضمي بينظم نفسه عليها.. وبيهضم الاكل بكفاءه.. عكس بقي لو بتاكل بشكل عشوائي (بتلقط) فدا بيسببلك عسر هضم وحموضة وانتفاخ بالإضافة انك عمرك ما هتعرف تسيطر ع سعراتك وهتاكل اكتر وانت مش حاسس..

🤔طب انا هنظم اكلي واكل وجبه واحده في اليوم عشان اخس؟
🙍دي أسوأ حاجه بقي
وجبه واحده بعد وقت كبير مبتاكلش.. يعني عسر هضم وانتفاخ وألم وإمساك وعدم امتصاص للفتيامينات والبروتين اللي ف الاكل بصورة كاملة.. دا غير أن حرقك هيقل جدا وكدا هيأثر ع صحتك ومش هتخس بردو🙄

🌿بل إن ف دراسات ربطت بين عدم تنظيم الوجبات وبين السكر والضغط والاكتئاب..

🤔طب انا مبجوعش؟
🙍لازم تعرف أن لخبطه مواعيد الاكل والوزن الزائد بياثر ع هرمونات الجوع وبيخلي الجوع والشبع مش بيحصل بطريقه طبيعه..
ودا بيتم أنك تقعد طول اليوم مش جعان وتيجي باليل يجيلك شراهه ناحيه الحلويات والمخبوزات.. لا أما تحس انك مش بتشبع فتقعد طول اليوم تاكل🙄

🤔طب الحل ايه؟
🧑‍⚕️الحل انك تاكل حتي لو مش حاسس بجوع.. طالما معاد وجبتك جت.. متفوتش وجباتك.
ومتاكلش لو معاد وجبتك لسا مجاش...
خد وجبه كل ٣ ساعات. ( فطار وغدا وعشا ٢ وجبات خفيفه snake ع مدار ال١٢ ساعه من يومك وال١٢ التانين خدهم نوم وصيام.

📢 الخلاصة: تنظيم مواعيد الاكل مع التحكم في كميات الاكل اول عادة صحيه لازم تكتسبها ف حياتك عشان تتحكم في وزنك وتعيش بصحه كويسه😌

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

11/08/2023

خايف يكون عندك مقاومة انسولين؟!🤔
مش لازم خالص يكون التحليل عالي عشان نقول إن عندنا مقاومة انسولين يعني لو ظهر عندنا علامه من العلامات دي زي غمقان حول منطقه الرقبه وزوائد جلديه وزيادة حول محيط البطن ف ده كافي أننا نحافظ علي جسمنا ونغير عاداتنا ونتجنب بعض الاكلات للحفاظ علي نفسنا ♥️

❄️فلازم نكون عارفين أن اول خطوة من خطوات علاج مقاومة الأنسولين💪
١_ الصيام المتقطع والهدف من الصيام أنه بيحافظ علي الأنسولين أنه ينزل لأطول فترة ممكنة فكدا هيعطي فرصه لهرمون الجلوكاجون (هرمون الحرق) انه يحرق السكريات المتزايده والدهون الحشويه المتراكمة حول أعضاء الجسم.
٢_ تنظيم الوجبات لازم اكون عارف بعد الصيام انا باخد اهم وجبه ليا وهي اللي هتخليني اتحكم طول اليوم في سكر الدم بتاعي يعني لو كسرت صيامي علي نشويات هفضل باقي اليوم باكل ومش بشبع فلو هاخد نشويات تكون نشويات معقده.
٣_ نخلي عنصر البروتين هو الأساسي في الوجبه بتاعتنا عشان بيحافظ علي سكر الدم بالاضافه الي الخضار والدهون الصحيه ونقلل كارب قدر الامكان.
٤_ الرياضه ( تمارين الكارديو أو المقاومه) مفيش وقت يبقي نتمشي ساعه او نتحرك حتي لو مش هنلعب رياضه .
٥_ نخلي دائما اي حلويات بعد الوجبه وتكون مرتين في الاسبوع على الاقل.

❄️ طب عشان نتأكد من وجود مقاومة انسولين بجانب الأعراض اللي قولتها فوق⬇️
نقدر نقيس محيط البطن الرجال اكبر من 102🚫 والسيدات اكبر من 88🚫
كمان نقدر نعمل التحاليل دي عشان نتأكد⬇️
Homa IR
HpA 1C
Fbs
C- petide

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

05/08/2023

اعرف يعني ايه مقاومه الأنسولين؟ insulin Resistance
وايه تأثيرها علي وزننا وجسمنا⬇️
_ لما بناكل اي اكل بناكله بيرتفع سكر الدم بتاعنا (اللي هو سكر الجلوكوز) وساعتها البنكرياس بيفرز هرمون الأنسولين اللي وظيفته أنه يدخل الجلوكوز اللي في الدم داخل الخلايا( أو بمعني اصح هوا مفتاح الخليه) ولكن اللي بيحصل أن بعض الخلايا بتمنع دخول الأنسولين جواها ( يعني كدا الخليه بتفضل جعانه)..
_ودا بيفسر حاله الشراهه اللي بتجلينا اللي هو مهما اكلنا سكريات ونشويات بنفضل جعانين وكمان دا بيخلي الأنسولين يكون عالي في الدم..
🤷 ومن هنا تبدأ تظهر علينا اعراض مقاومه الانسولين زي
*زيادة محيط البطن
* الزوائد الجلديه اللي بتظهر ف الجسم
* غمقان حول الرقبه
*الشراهه الشديدة ناحيه السكريات والنشويات
✔️فلازم ناخد بالنا أن مقاومة الأنسولين لو اهملناها ومبدأناش نغير في lifestyle بتاعنا فدا أنظار ليك أن ممكن يجليك سكر من النوع التاني لا قدر الله 💥
أن شاء الله البوست الجاي هنتكلم عن التحاليل اللي تخلينا نتأكد من وجود مقاومة انسولين مع الاكلات الممنوعه لو فيه مقاومة انسولين 😌

#دمتم بصحة 🤍🍏
lifestyle food # diet # diet food # تغذيه صحيه #دايت بدون حرمان

04/08/2023

🤔هو انا لو أكلت ونمت هتخن؟!
كام واحد اول حاجه عملها لم حب ينزل في الوزن أنه ميتعشاش ؟!
✔️ هو فعلا العشا بيتخن أو الاكل قبل النوم بيكون سبب ف زياده الوزن؟
موضوع أن العشا بيتخن دا خرافه من خرافات الدايت لأن مفيش اي دليل علمي بيقول كداا🤷
_ لازم نكون عارفين اللي بيتخن هو أننا ناخد سعرات اكتر من احتياجاتنا سواء خدناها الصبح أو باليل ( الاكل مش بيفرق علي اد ما بيفرق كميه الاكل)
_ ولكن الحاله اللي مينفعش ناكل فيها ونام هي مشاكل الجهاز الهضمي سواء بقي عسر الهضم أو ارتجاع في المرئ وقتها بس بننصح المريض أنه مياكلش وجبه تقيله قبل النوم مباشرة يخلي في فرق ساعتين او ٣ ساعات ولو جاع في النص ممكن ياخد وجبه خفيفه سعراتها قليله زي الخضار أو الفاكهة أو المكسرات 👌

#دمتم بصحه🤍🍏
lifestyle food # diet # diet food # تغذيه صحيه #دايت بدون حرمان

30/07/2023

🙍 مبدأيا لازم اعرف اي هو الحرق وبيشتغل ازاي داخل جسمنا ؟
= الحرق هو قدره جسمك علي انه يبذل الطاقة energy expenditure وهو في حاله سكون..

🤔 طب اي اللي بيخلينا نستهلك طاقه واحنا مش بنتحرك ولا بنذل اي مجهود؟
- لازم نكون عارفين أن ٦٠٪ من الطاقة اللي بيبذلها جسمنا بتستهلكها الوظائف الحيويه ف جسمك اللي هي الكبد والمخ والكلي والقلب. والباقي الاكل بيستهلكها عشان يتهضم ويولد حراره thermic effect of food وعضلات عشان الجسم يقوم بأي نشاط بدني هو محتاجه .

🤔طب اي هي الأسباب اللي بتخلي حرقي بطئ وضعيف؟
* عاداتك الغذائية الغلط: ودي اهم نقطه زي مثلا انك تكون مزود كربوهيدرات ف يومك ومانع بروتين او العكس لأن دا بياثر ع معدل الحرق.
* قله النشاط البدني: لازم نكون عارفين أن كل اما نتحرك ونزود نشاطنا وحركتنا معدل حرقينا هيزيد.
* قله شرب الماء: لازم نكون عارفين اننا بنشرب مش بس وقت العطش لا لازم نشرب لأن الميه مهمه جدا لكل العمليات الحيويه اللي بتم ف الجسم.. انك تكون عطشان دا معناه انك داخل ع جفاف..
* بعض الأدوية: زي ادويه الضغط والعلاج النفسي ليهم نفس التاثير ف قله الحرق والمفروض د. التغذيه يوجهك لدكتور الباطنه عشان يعدلهم قدر المستطاع.
* النوم عدد ساعات غير كافي: لازم نعرف أن أثناء النوم بتتغير هرمونات وخاصه هرمون الجوع والشبع ومع قله النوم هيقل الهرمون المسئول عن الشبع Leptin ويزيد هرمون الجوع Ghrelin وبالتالي دا هيخلي الجسم ياكل اكتر فالافضل أننا نام عدد ساعات كافي ميقلش عن ٧-٨ ساعات ف اليوم.
* كسل الغده الدرقيه: ودا بيكون عند الستات اكتر من الرجاله وله كذا نوع وبيتحسن الحرق (نوعا ما) مع العلاج.
* عدم انتظام مواعيد الاكل والصيام لفترات طويلة: زي انك تاكل قليل فبتالي جسمك يقلل حرقه عشان يحافظ ع كتلته فتدخل ف مجاعه هيتلغبط معدل الحرق.

# دمتم بصحه🍏🤍
lifestyle food # diet # diet food # تغذيه صحيه #دايت بدون حرمان

29/07/2023

الحياه الصحيه أو Healthy lifestyle
مش معناه انك تعيش ف حرمان من الأكل وتفضل جعان طول الوقت❌
لكن معناه انك تعرف توازن بين مكونات الاكل وطريقة الاكل وتعرف امتي تاكل واي الكميه المناسبه لجسمك
لازم نعرف أن الحياة الصحية عادات بسيطة لو التزمت بيها هتغير حياتك وصحتك كتير للاحسن🍏🤍
استنوا بوستات جايه هنتكلم فيها عن كل حاجه تخص التغذية السليمة.
food lifestyle # nutritionist eating #تغذيه صحيه #دايت صحي # دايت بدون حرمان #

Nutritionist _ Fatma nasr

22/09/2023

14/09/2023

02/09/2023

28/08/2023

26/08/2023

22/08/2023

11/08/2023

05/08/2023

04/08/2023

30/07/2023

29/07/2023

Address

Website

Alerts

Contact The Practice

Shortcuts

Share

Category