What are the opening hours?

Monday 5pm - 12am Tuesday 5pm - 12am Wednesday 5pm - 12am Thursday 5pm - 12am Saturday 5pm - 12am Sunday 5pm - 12am

https://www.facebook.com/747136278823279/

مركز د. محمد المتولى لجراحة ومناظير الانف والاذن والحنجرة, خلف مول خير بلدنا, Minyat an Nasr (2026)

Q: What is the address?

خلف مول خير بلدنا

28/08/2024

الحقنى يا دكتور
🕳ايه يا ست فى ايه
💧الواد مناخيرة بتجيب دم ومش راضية تبطل ووشه بقى زى الليمونة وابوه اغمى عليه وامه واقفة فى البلكونة تصوت
🕳طب انت مين
💧انا سته ام ابوه
🕳طب هو جاب دم قبل كده
💧اومال ايه يجى مرة الشهر الى فات
🕳طب بتعملى ايه لما يجيب دم
💧بنفضل نصوت ونخليه يرفع راسه فوق وبنمسح مناخيرة بفنلة ابوه الى فى المطبخ دى
🕳طب علشان نوقف النزيف امسكى مناخيرة من عند الفتحتين الى ادام دى واضغطى عليهم وخليه موطى راسه لادام لمدة عشر دقايق الدم هيقف ان شاءلله
💧وهيتنفس اذاى انت عاوز تكتم نفس الولد يا دكتور
🕳يفتح بؤه يا ست وهيتنفس
💧طب عاوزين نكوى بقى ولا انت معندكش مكوة المناخير يا دكتور
🕳تعرفى يا ست الستات ان ٩٠ ٪ من حالات النزيف بيكون سببها ضعف شعيرات المغذية للانف ومع الاهتمام بالاكل الصحى وفيتامينات سى مش بتحتاج كى ومع الوقت بتقف لوحدها مع العمر وموضوع الكى ده نسبه قليلة جدا الى بتحتاج تكوى بدليل فى حالات كتير كانت بتنزف والحمد لله محتجتش وفى حالات كتير كوت وجابت تانى بعد الكى الى مش بيستجيب للعلاج بنعمله كى وفى حالات نادرة بقى زى الى سيوله وعنده ارتفاع بضغط الدم والى عنده مشاكل فى انزيمات الكبد ده بقى بعيد الشر ليه شغلانة تانية
💧يعنى مش هتكوى مناخير الواد
🕳لاه يا غالية ده شوية ضعف صغيرين ومع العلاج وفيتاميانت سى هيبقى احسن منى ان شاءلله
💧طب يلا يا واد نلحق الدكتور بليغ يكويلنا مناخيرك قال بيقول عليك ضعيف وانت قرد القرود 😀

04/05/2024

ابنى فى الثانوية العامة
عاوزة بقى دوا يخليه فايق ومركز وعامل زى الحصان
ابنى بيعيى كتير وعاوزة دوا للمناعة يخليه ميروحش للدكاترة تانى
الاجابة ابنك مش عاوز علاج ابنك عاوز معجزة😀
لو التركيز هيجى بالأدوية مكنش حد غلب وكان أصحاب الشركات والصيدليات اخدوا منها اصلا وكان هيحصل عجز شديد فى الدوا ده من كتر الإقبال عليهم
لما العيان بيجيلى ويقول عاوز حاجة للمناعة أو مكمل غذائي بقوله نفس إلى موجود فى الدوا بيكون عند العطار فى صورة شمر وينسون وكمون وزيت كبد الحوت واميجا 3
التركيز عبارة عن نتيجة مقابل حاجة اتعملت يعنى ايه
يعنى اكون زهن صافى وجسم مرتاح وقلب متعلق بالله وطبعا الحاجات دى مش عاوزة دوا دى عاوزة معجزة 😀
الخلاصة تهيئة البيت لجو مناسب للمزاكرة
شرب مياة كتيرة جدا
فواكة ومكسرات وعسل
الجسم محتاج نوم يعنى لو بتذاكر ونومك مش مظبوط فى عدد ساعات كافية للعقل يفصل فيهم والجسم ياخد راحتة علشان يستعيد نشاطه يبقى المقابل كسل وخمول وقلة تركيز طبعا
اخيرا وليس بأخر قربك من الله والالتزام بالصلاة فى الميعاد والدعاء هما المنجيات
بالتوفيق وربنا يبارك فيهم ويقر أعينكم بأولادكم ويحقق أمانيهم وطموحاتهم أن شاءالله

16/02/2024

الايام الى فاتت لقيت حالات كتير جدا جايالى العيادة تتأكد فى عملية هتتعمل لولادها ولا لاه
الأنف والاذن مفيش عمليات لازم تتعمل حالا الا فى حالات نادرة زى لا قدر الله الأورام
امتى نلجأ للعملية
فى حالة عدم الاستجابة للعلاج وتأزم الحالة
نقول مثال مثلا
بنتك محتاجة للعملية يا ست الكل
عملية ايه يا دكتور
🕳️هنشلها اللوز و اللحمية
🌔إذاى يا دكتور البنت زى الفل عمرها ما اشتكت من حاجة مش بتسخن غير مرة أو مرتين ومش بتشخر وبتنام زى الفل غير لما يجيلها شوية برد نفسها بيكون عالى شوية
🕳️هنعملها هوايات ونركب أنابيب ونشفط المياه
🌔إذاى يا دكتور الولد بيسمع زى الفل بس شوية البرد ده اثر شوية على ودانه ورجع سمع تانى الحمد لله
🕳️هنعمله استعدال حاجز انفى ونصغر جزء من غضاريف ورفوف الأنف
🌔إذاى يادكتور انا بتنفس زى الفل الحمد لله بس مع تغير الفصول مناخيرى بتتكتم شوية وترجع تفك وتبقى عال العال
✋الرد ده إلى بتقوله الام الناصحة الفاهمة الواعية
من الاخر الاب والام هما دكاترة اولادهم يعرفوا يحددوا الصح من الغلط
اذكر نفسى وإياكم بالكلمتين دول
"ليس لك من الأمر شيء"
"لن تموت نفس حتى تستوفي رزقها وأجلها"..
لو مكتوب لك جنية هيجيلك رغم أى حاجة بتحصل
فركز تعمل اللي عليك وربنا هو الرزاق سبحانه

08/02/2023

فجأة كده تلاقى الواد والبنت الصغيرين فى عز نومهم وعز لعبهم ماسكيين ودانهم وهات يا عايط وصويت
دى شكوى الايام دى
اى طفل هيعيط من ودانه الايام دى لازم يكون مسبوق قبلها بدور #برد أو #كحه أو #الاتنين مع بعض وفى لحظه يتجمع ورا الطبله صديد وبيسموه التهاب بالاذن الوسطى
طب نتصرف اذاى ومش عارفين نوصل للطبيب المعالج
#نقط اوتال كمسكن وكملطف للاذن ودى مش هيضر الطفل الا اذا لقينا صديد فى صورة مخاط نازل من الاذن وده نعطيله نقط دكساترول
#مسكن زى بروفين أو كتفلاى الا إذا كان فى كحة ناخد مكانه سيتال
#ماكسليز شراب
#وطبعا لازم أعراض البرد والكحة تتعالج عن طريق طبيب الأطفال
#المضاد الحيوى طبعا لازم يتاخد وده إلى هيحدده الطبيب فيما بعد
💥دمتم جميعا فى احسن صحة وافضل حال
ودامت ضحكة اطفالكم تملأ أرجاء الأرض💥

08/02/2023

معاكى دوا ايه فى البيت
معرفش بس عندى دوا كتير اوى
ده بقى رد اغلبية العيانيين
نصيحة لوجه الله
وانت رايح تكشف عند اى دكتور مش هيحصل حاجه لو كتبت اسامى الدوا أو لو انت مكسل خدله صوره على الموبيل الطفل بيكشف عند دكتورين أو ٣ كمان وتلاقى الروشتة كلها متشابه
سيتال زى باراسيتاتمول زى بارامول
بروفين زى كتفلاى زى سيتافين زى كونتافيفر مع بعض الذيادات البسيطه
نيوكلاف زى اوجمنتين زى ايموكسلاف زى دلتاكلاف
زيلون زى أبيدون زى فينادون زى بيديكورت
الدوا بفلوس مش ببلاش
كلها اسامى لشركات ادويه بنفس المادة الفعالة

🌹 شفاكم الله وعافاكم وحفظكم لاولادكم وحفظ أولادكم من كل هم وحزن ومرض 🌹

16/03/2022

حاجتين مابينشفوش اليومين دول ،
الغسيل
والمناخير🤭

15/03/2022

سؤال مهم جدا
س سؤال : هو انا لو غسلت ودانى هتعود عليها واجى على طول اغسلها
ج جواب : الحاجة الوحيدة الى ممكن تخليك تتعود على غسيل الأذن لو غسلنا ودانك بمية حشيش او كوكايين او هرويين 😀 مادون ذلك كلة شكليات 😀
الحالة الى محتاجة غسيل تتغسل وتوكل على الله لا تقلق ان شاء الله 😀

15/02/2022

الكورونا واوميكرون فى سؤال وجواب

يا ترى بروتوكول علاج الكورونا اية 🪒
مفيش بروتوكول للكورونا

طب العلاج الى احنا قاعدين نسفة ليل ونهار دة اية 🪒
دة علاج لاعراض الكورونا

يعنى اية علاج لاعراض الكورونا 🪒
يعنى السخونية اديلة خافض حرارة
يعنى الكحة اديلة مهدئ للكحة
يعنى تكسير العظم اديلة مسكن ومقويات

طب اعمل تحاليل واشعات للكورونا 🪒
منعملش الا فى الحالات الشديدة لأنك مش
هتستفيد بحاجة غير دفع فلوس على الفاضى

طب اعمل اية طيب🪒
زى ما قلنا قبل كدة استسلم وارتاح واشرب
سوائل دافئة كتير ومياة كتير وعالج الأعراض
وفيتامين سى بالهبل 😀

🌹وفى الاخر نقول شدة وتزول ان شاءالله 🌹

04/02/2022

الصداع عند الاطفال
فى البوست دة هيكون طويل شوية بس انا شخصيا استفدت منه هنعرض فيه #اسباب و #انواع و #اعراض و #علاج الصداع
صداع الاطفال مرض شائع، ويكون عادة #غير خطير. وقد يعاني الأطفال من أنواع مختلفة من الصداع، مثل البالغين، بما في ذلك الصداع النصفي، والصداع المرتبط بالتوتر، وكذلك قد يعاني الأطفال من صداع يومي مزمن.

#أعراض صداع الاطفال
✋ يتعرض الأطفال لنفس أنواع الصداع التي يتعرض لها البالغين، ولكن قد تختلف أعراضهم، فعلى سبيل المثال يستمر ألم الصداع النصفي عند الأطفال لفترة تقل عن 4 ساعات، بينما عند البالغين يستمر الألم لفترة 4 ساعات على الأقل.
✋الاختلافات في الأعراض تجعل هناك صعوبة لتحديد نوع صداع الاطفال، خاصة بالنسبة للأطفال الأصغر سناً الذين لا يستطيعون وصف أعراضهم.
#الصداع النصفي
يُسبب الصداع النصفي ما يلي:
🕳ألم رأس على هيئة نبضات أو خفقان.
🕳ألم يزيد مع المجهود.
🕳غثيان.
🕳قئ.
🕳ألم في البطن.
🕳 زيادة الحساسية للضوء والصوت.
#صداع التوتر
🕳شدة الضغط في عضلات الرأس، والرقبة.
🕳ألم بسيط أو متوسط وغير نابض على جانبي الرأس.
🕳ألم لا يزيد مع النشاط البدني.
🕳 صداع لا يصاحبه غثيان، أو قئ، كما هو الحال في أغلب حالات الصداع النصفي.
🕳من الممكن أن ينسحب الأطفال الأصغر سناً من الأنشطة المعتادة، ويفضلون النوم للتخلص من تعبهم، ويستمر صداع التوتر لفترة تتراوح من 30 دقيقة إلى عدة أيام.

👌أسباب الصداع عند الأطفال

هناك مجموعة من العوامل التي يمكن أن تكون السبب وراء معاناة الأطفال من الصداع، ومن أهم هذه الأسباب ما يأتي:

✔العدوى: هناك أنواع مختلفة من العدوى التي قد تؤدي للمعاناة من الصداع كعدوى الأذن، وعدوى الجيوب الأنفية، ونزلات البرد، بالإضافة لالتهاب السحايا الذي يرتبط بأعراض أخرى إلى جانب الصداع كتصلب الرقبة والحمى.
✔ العوامل العاطفية: التوتر أو القلق الذي ينشأ عن حدوث مشاكل مع أحد الوالدين أو المعلمين قد يؤدي للمعاناة من الصداع، كما قد تؤدي إصابة الطفل بالاكتئاب إلى الصداع أيضاً.
✔ القابلية الوراثية: فقد لُوحظت الإصابة بالصداع، والصداع النصفي على وجه الخصوص، لدى الأفراد ضمن العائلة ذاتها.
✔الغذاء: استهلاك بعض أنواع المأكولات والمشروبات قد يؤدي للمعاناة من الصداع، الأطعمة الموجودة في اللحوم المصنعة كالنقانق، والكافيين الموجود في الصودا، والشاي، والقهوة، والشوكولاتة.
✔مشاكل الدماغ: يُعدّ تشكل ورم أو حدوث نزيف في الدماغ أحد الأسباب النادرة للإصابة بالصداع المزمن لدى الأطفال، وذلك نتيجة زيادة الضغط على الدماغ. وفي العادة يواجه المصاب مجموعة من الأعراض الأخرى كالدوار، واضطراب الرؤية، وفقدان التناسق الحركي.
✔إصابة الرأس: من الممكن أن تكون الضربات والكدمات التي يتلقاها الطفل على رأسه سبب إصابته بالصداع، ويتوجب على الأم مراجعة الطبيب في حال تعرض الطفل لضربة شديدة على رأسه.

👌علاج الصداع عند الأطفال
يمكن تجربة هذه العلاجات في حال عدم معاناة الطفل من أعراض أخرى إلى جانب الصداع، ومن هذه العلاجات ما يلي:

فيتامين ب2: (Riboflavin) يُعدّ استخدام هذا الفيتامين من الطرق الآمنة التي يمكن اللجوء إليها للتخفيف أو الوقاية من الصداع، ومن الجدير بالذكر أنَّ هناك مجموعة من الأعراض الجانبية المرتبطة باستخدامه كالإسهال، والتبول بشكل أكثر من المعتاد، وظهور البول بلون أفتح.

المغنيسوم: في العادة يكون مستوى المغنيسيوم عند المراهقين الذين يعانون من الصداع النصفي أقل من غيرهم، وتناوله لأشهر قد يساعد على الوقاية من الإصابة بالصداع، ومن الأغذية الغنية به الخضار الورقية، والفاصولياء، والبذور، والمكسرات.

التوتر: يجب على الأهل معرفة السبب وراء التوتر، ومحاولة التخلص منه أو التحكم فيه. خاصةً في حال معاناة الطفل من الصداع النصفي أو صداع التوتر.

التدليك: من الممكن أن يساعد التدليك على التخفيف من الشد العضلي الذي قد يؤدي للصداع.

الأدوية: من الممكن اللجوء للأدوية التي تُستخدم في علاج الصداع عند البالغين، ولكن بجرع مخففة. وتجدرالإشارة لضرورة تجنب استخدام دواء الاسبيرين ( Aspirin) عند الأطفال تحت عمر التاسعة عشر؛ إذ أنَّه قد يؤدي لحدوث متلازمة راي التي من الممكن أن تكون قاتلة.

الأدوية الوقائية: هناك مجموعة من الأدوية التي يمكن اللجوء إليها للوقاية من الصداع النصفي مثل حاصرات مستقبل بيتا ( Beta Blockers)، ومضادات الاكتئاب ثلاثية الحلقات (بالإنجليزية: Tricyclic antidepressant)، ومضادات الاختلاج أو الصرع (Anticonvulsants)، وحاصرات قنوات الكالسيوم (Calcium channel blockers)

علاجات أخرى:
يمكن اللجوء لبعض الطرق في علاج صداع التوتر كالاستلقاء مع ابقاء الرأس مرتفعاً قليلاً، والاستحمام بماء ساخن، وتطبيق كمادات دافئة أو باردة على الجبين أو الرقبة.

نسأل الله الشفاء والبعد عن الأمراض
متمنين من الله دوام الصحة والعافية
🤲🤲

04/02/2022

نقص المناعة لدى الأطفال
ناجم عن عدم مقاومة الجهاز المناعي للأمراض، وينقسم إلى نوعين
أولي وثانوي، #الأولي يولد به الطفل
#الثانوي يكتسب الطفل المرض عن طريق الخلل في الجهاز المناعي، أو التعرض لمشكلات في الجهاز المناعي.

نتكلم بقى عن
🔥 أسباب نقص المناعة عند الأطفال

✔التعرض للإرهاق الشديد والتوتر والإجهاد يؤدي إلى التأثير سلباً على الجهاز المناعي بالجسم.
✔سوء التغذية واتباع النمط الغذائي غير الصحي، وتناول الوجبات السريعة المشبعة بالدهون الضارة.
✔الشعور بالجوع لفترات طويلة، حيث يعمل الجوع على تعريض الجسم للإصابة بالأمراض في الجهاز الليمفاوي، مما يعمل على إصابة الجسم بالعدوى ودة بقى مهم للبهوات الى بيعملوا رجيم من غير متابعة 🤨.
✔اضطرابات وصعوبة النوم تعرض الجهاز المناعي للضعف.
✔عدم النظافة الشخصية، والتي من شأنها تقليل كفاءة الجهاز المناعي.
✔تناول نسبة كبيرة من المضادات الحيوية التي تضعف الجهاز المناعي.
🔥أعراض نقص المناعة عند الأطفال

✔الإصابة المتكررة بالتهاب الأذن الوسطى.
✔الشعور بالضعف، والإرهاق الشديد.
✔نزلات البرد المتكررة والمستمرة .
✔ارتفاع درجة حرارة الجسم.
✔الأنيميا أو فقر الدم.
✔انخفاض الصفائح الدموية.
✔لون البشرة الشاحب.
✔فقدان الشهية.
✔الإصابة بالتشنجات.
✔الإصابة بمرض السكري.
✔الدوار والغثيان.
✔الإصابة بالإسهال.
✔الإصابة بالنزلات المعوية.
✔الطفح الجلدي.
✔كثرة الدمامل والحبوب.
✔فقدان التركيز.
✔التهابات الغدد الليمفاوية.
✔تساقط الشعر.
🔥علاج نقص المناعة عند الأطفال والوقاية منها بطرق طبيعية

🕳الرضاعة الطبيعية
الرضاعة الطبيعية مهمة جدا للوقاية من نقص المناعة، بسبب احتواء حليب الأم على خلايا الدم البيضاء، التي تعمل على تقوية جهاز المناعة لدى الأطفال.
🕳التغذية السليمة
تناول الأغذية الصحية مثل
✋ الجوافة والليمون والبرتقال التي تحتوي على فيتامين ج والمواد المضادة للأكسدة المفيدة في أداء خلايا الدم البيضاء، كما يساعد
✋ الجزر والقرع والبابايا على التعزيز من أداء الجهاز المناعي، بسبب احتوائها على البيتا كاروتين المفيدة في تعزيز من المناعة.
إضافة
✋ الكركم إلى الأطعمة، حيث يساعد الكركم على تقوية المناعة، بسبب احتواء الكركم على نسبة كبيرة من مادة الكركمين المضادة للأكسدة.
✋اللوز يساعد على علاج نقص المناعة عند الأطفال، بسبب احتواء اللوز على نسبة كبيرة من فيتامين هـ.
✋الثوم يساعد أيضا على الحماية من الإصابة بالالتهابات البكتيرية الفيروسية، وهو مضاد للالتهابات ويسهم في تعزيز المناعة.
✋بذور الكتان غنية بنسبة كبيرة من مركبات حمض ألفا لينوليك، وأوميجا 3 الدهنية، والتي تعمل على تعزيز المناعة، وتحارب الأمراض.
✋الخضراوات الورقية يساعد على تعزيز المناعة، لاحتوائها على حمض الفوليك

دمتم فى امان الله وحفظة

13/12/2021

يعني إيه عندك حساسية جيوب أنفية 🤨

-يعني زهقان طول الوقت وروحك في مناخيرك

-يعني مبتحطش بيرفيوم، و مبتصاحبش ناس بيحطوا بيرفيوم، و مبتصاحبش ناس مصاحبين ناس بيحطوا بيرفيوم .

-يعني صداع مستمر طول اليوم

-يعني في عز الحر ممنوع تفتح المروحة.

-يعني الاماكن المغلقه جحيم والدخان وريحة السجاير والهوا والتراب بيقفلك اليوم من قبل مايبدأ

-يعني ريحة البصل واي ريحه نفاذه من المطبخ بتخليك تستغيث مفروض متقربش من المطبخ

-يعني عينك تحرقك وتدمع من غير سبب وفي اي وقت

-يعني بخاخ الانف وادوية الجيوب الانفيه معاك طول اليوم

-مبتعرفش تنام كويس اصلا ولا بتشبع نوم

-يعني في اوقات معينة بيبقى إنك تتنفس من مناخيرك عملية في غاية الصعوبة و بتتنفس من بوقك

#طب اية الحل طيب 👌

-نشرب ماء كتير جدا
-بخاخ ماء ملحي من الصيدليه للانف ٣ مرات يوميا
- بخاخ نازونكس مرتين يوميا
-والبعد عن اي حاجه ممكن تثير مشاكل للجيوب الانفية
زي التراب والهوا الزائد والروائح النفاذه
- نحاول منخرجش برا في اوقات التراب والغبار دول وخصوصا مرضي حساسية الصدر والجيوب الانفية

دمتم فى صحة وعافية ❤🌹

20/07/2021

بمناسبة العيد إعادة الله عليكم وعلينا بالخير واليمن والبركات❤🌹
بيحصل كتير اننا بنسمع ونشوف ان فى طفل حط فى مناخيرة خرزاية ، ترميساية ، فولاية 💣

تعالوا نقول مع بعض الكلمتين دول

استخراج الأجسام الغريبة من الأنف او الاذن ليست حالة ضرورية ولا حالة حياة او موت لا قدر الله إلا فى حالة كون الجسم الغريب عبارة عن بطارية ( ساعة او لعبة )

وعند محاولة اذالة الجسم الغريب بطريقة فاشلة او غير صحيحة تؤدى الى انزلاق الجسم الغريب إلى باقى الجهاز التنفسى أكبر من إحتمالية إنزلاقه من تلقاء نفسه.
بس خلاص 😀
❤️اتمني لكم الصحه والعافيه ورضا الله ❤
🙂 دمتم_سالمين 🙂
------------------------------------------------------

مركز د. محمد المتولى لجراحة ومناظير الانف والاذن والحنجرة

28/08/2024

04/05/2024

16/02/2024

08/02/2023

08/02/2023

16/03/2022

15/03/2022

15/02/2022

04/02/2022

04/02/2022

13/12/2021

20/07/2021

Address

Opening Hours

Telephone

Website

Alerts

Shortcuts

Share

Category

Monday	5pm - 12am
Tuesday	5pm - 12am
Wednesday	5pm - 12am
Thursday	5pm - 12am
Saturday	5pm - 12am
Sunday	5pm - 12am