27/10/2025
صدق التحليل 📃 قبل ما تصدق العليل 🤢
سيده جاتلنا تعمل تحليل حمل رقمى 🫄🫄 تعرف فيه حمل ولا مفيش 🤔🤔 .. مكمل ولا لأ 🤔🤔
يطلع معانا الرقم 73
ودا رقم يقول ان فيه حمل بس رقم مش عالى اوى ممكن ميكملش 😑😑 ... ممكن يبقى حمل خارج الرحم 😶😶 ... وممكن فى بعض الحالات القليلة اللى شفناها بأمر الله يكمل حمل طبيعى جدا 🫄 لان ممكن تلقيح البويضة 🥚 حصل متاخر فبنستنى مدة ونعمل تانى نشوف الرقم وصل لفين ممكن يتضاعف 👌👌
بعد 8 أيام تيجى نفس السيدة تعمل حمل رقمى للتأكيد🧑🔬🧑🔬 ... ونلاقى ما شاء الله ربنا يأذن والرقم يتضاعف تضاعف ممتاز 🥳🥳 ماشى مع عدد الأيام ويوصل ل 1969 😎😎
- ألف مبروك 👏👏 ... ما شاء الله ربنا شاء إن الحمل يكمل الرقم ممتاز 👌👌
= حمل إيه يا دكتور ... الدكتورة مش شايفة حاجة على السونار خالص 🤨🤨
- (نظرة اندهاش كدة لمدة دقيقة 😳😳) ... هو ايه اللى مش متشاف 😵😵 .. دا عمر الحمل داخل تقريبا فى الشهر يزيد او ينقص ➕ ➖ ... واحنا واثقين من النتيجة 😎😎
= فعلا الدكتورة مش شايفة حاجة على السونار والمفروض باعتانى على اساس ان اكيد الحمل مش مكمل والرقم نزل 😬😬
- هو بالنسبة للرقم انا متاكد منه ومتاكد ان فيه حمل 🫄... بس الاحتمالية اللى تفسر اللى حاصل والله اعلم ان الحمل دا بيكبر بس مش فى الرحم دا لسة فى الخارج فى قناة فالوب والله اعلم ودا خطر على القناة لو فضل بالشكل دا وبرضه نرجع للدكتورة هى أكيد أدرى .. لكن كحمل فيه حمل 👍👍
يفوت يومين ونلاقيها جاية تانى تعيد نفس التحليل 🤔🤔 ... يا رب ما نتفاجئ المرة دى دا احنا بدانا نشك فى نفسنا 🤭🤭
هوووب الرقم تضاعف 2561 🙄🙄
- تمام ما هو عدى 48 ساعة فطبيعى التضاعف ... أظن كدة مفيش حجة ... ألف مبروك الحمل كدة تمام 🥳🥳
= يا دكتور ... الدكتورة ما زالت مش شايفة حاجة فى السونار 😵💫😵💫
- أيوا حضرتك قلتى الجملة دى المرة اللى فاتت 😅😅 ... عايزين نغير بقى 😂😂
= والله الدكتورة ما شايفة حاجة فى السونار 😫😫
- والله ارجعى بقى للدكتورة بس التحليل احنا متأكدين منه 👌👌 وممكن زى ما قلنا يكون الحمل فى القناة ونحتاج تدخل جراحى والله اعلم 🤔🤔
يفوت أسبوعين تلاتة ونلاقى نفس السيدة جايالنا 🏃🏃
- حمل رقمى تانى ولا ايه 🙄🙄
= لا تحليل بول عشان الحمل 🫄🫄
- حمل 😳😳 ؟؟!! هو كمل ولا ايه ؟🤔🤔
= اه الدكتورة بعد نتايج المعمل 📜📜 قالت ان الحمل كدة فى القناة وهيحتاج تدخل جراحى بس نصبر يومين كدة 🤌🤌وخلال اليومين دول يشاء العلى القدير الحمل ينزل من القناة وينغرس فى الرحم 😃😃 ويكمل حتى فى وجود لولب مانع للحمل 🤩🤩
ويكمل الحمل بإرادة الله ☝️☝️ ويجعلنا سبب 😎😎 ويجعل دكتورة شاطرة 🧑⚕️🩺 تثق في نتايجنا رغم انها مش ماشية مع اللي شايفاه في كشفها ... ولكن ببصيرتها تاخد قرار بالتأني بدل التدخل الجراحي والأمور تكمل علي خير 👌👌 بفضل الله وكرمه
دمتم بصحة وسلامة
معمل بلازما للتحاليل الطبية بمنية النصر ش المستشفي بجوار صيدلية د إبراهيم عوضين الدور الأرضي خلف محمود عوض للاحذية
كلمونا او راسلونا واتس علي رقم
📞01553282155
