Dr.Mohamed Elbrolisy د.محمد البرلسي

Dr.Mohamed Elbrolisy د.محمد البرلسي ���

تعمل ثدمه للجرثومه 🥹😂
26/06/2025

تعمل ثدمه للجرثومه 🥹😂

بوست طبي لمحبي القهوه 🥹🚨🚨وبردو للي مش بيشرب قهوه 😝خدعوك فقالوا أن القهوه مضره ؟عادي يعني سمعت كلامهم كدا فمشربتش قهوه ؟ط...
22/06/2025

بوست طبي لمحبي القهوه 🥹🚨🚨
وبردو للي مش بيشرب قهوه 😝
خدعوك فقالوا أن القهوه مضره ؟
عادي يعني سمعت كلامهم كدا فمشربتش قهوه ؟
طيب والله عيب مش تشوف الاول هي مضره ولا لأ ؟ 😏
طيب تعرف إن شرب من 2 ل 3 فناجين من القهوه يومياً مفيد ؟
مفاجأه مش كدا ؟ 🥹
ابسط يعم عايزك تاخد كلامي ثقه واللي يقولك القهوه مضره اتخانق معاه
قوله الدكتور محمد قالي الدنيا آمان
طيب ازاي يا دكتور القهوه مفيده ؟
في دراسات كتير اتعملت علي القهوه وجدوا إن شرب 2 ل 3 فناجين قهوة يومياً
ليها فوايد كتيره لمعظم اجهزه الجسم تعالي عد معايا الفوايد

🚨 تقلل من خطر الإصابه بمرض السكر من النوع الثاني يعني لو انت عندك احتماليه الاصابه
بالسكر من النوع التاني ينصح بشرب القهوه هتقلل من حدوث السكر
كمان لو عندك السكر من النوع التاني الأبحاث وجدت إن الانتظام في شرب القهوه يقلل من مستوي السكر ومضاعفات السكر لكن خد بالك دا مش علاج يعني مش هتوقف العلاج لا دا حاجه مساعده بس عشان متروحش توقف علاج السكر 🙂

🚨 القهوه تحتوي علي مضادات اكسده طبيعيه تساعد الجسم في الحفاظ علي صحه الخلايا ونشاط اجهزه الجسم .

🚨 شرب القهوة من 2-3 مرات يومياً يؤدى ٳلى تحسن ملحوظ فى وظائف الكبد وخفض الٳنزيمات و أيضاً يقلل الٳصابة بتليف الكبد وسرطان الكبد بنسبة قد تصل ٳلى 50 %

🚨أبحاث أخرى قالت أنه كلما زاد شرب الأشخاص للقهوه، انخفض خطر الوفاة بسبب أمراض الكبد المزمنة حيث ارتبط شرب كوب واحد من القهوه يوميًا بانخفاض المخاطر بنسبة 15٪، في حين ارتبط شرب أربعة فناجين يوميًا بانخفاض المخاطر بنسبة 71٪

🚨 القهوه تقلل من خطر الاصابه بأمراض القلب وخاصه قصور الشرايين
ليس فقط ذلك وانما شرب القهوه مرتبط أيضا بالعيش فتره اطول بالنسبه لمريض القلب

🚨 القهوه تحسن من الحاله المزاجيه وتقلل الاصابه بالاكتئاب
كما أنها تقلل من خطر الاصابه بالأمراض العصبيه مثل الزهايمر والشلل الرعاش .

🚨 شرب القهوه يساعد في تقليل الوزن وحرق الدهون
بيساعد بس يعم مش القهوه اللي هتخسسك قوم اعمل دايت وتمارين بطل كسل 😏

🚨 شرب القهوه يساعد في الوقايه من السرطان
الابحاث وجدت ان الاشخاص الذين يتناولون اكثر من 60 كوب من القهوه شهرياً او اكثر من اثنين كوب يوميا يتعرضون لخطر أقل للإصابة بسرطان الكبد بنسبة 70٪ وسرطان القولون والثدي بنسبة 50٪ .

🚨 القهوه مفيده للنساء ؟!
وجدت الدراسات الحديثة أن شاربي القهوة أقل عرضة للوفاه بسبب بعض الأسباب الرئيسية للوفاة لدى النساء: أمراض القلب التاجية والسكتة الدماغية والسكري وأمراض الكلى
ابسطي يا ست الكل مش حارمينك من حاجه بس لو موتي يبقا جوزك هو اللي خلص منك 🫶❤️

طبعاً زي ما في فوايد للقهوه ليها اضرار ولذلك في بعض الأشخاص بيحتاجوا إنهم يقللوا القهوه لفنجان واحد يوميا او يمنع القهوه حسب الحاله زي :
🚨 الشخص اللي عنده توتر ومشاكل في النوم دا ممنوع عنه القهوه لإنها بتزود التوتر وبتزود الإنتباه.

🚨 ارتجاع المرئ وأمراض المعده زي التهابات المعده وقرحه المعده والاثني عشر لإن القهوه بتزود حمض المعده وبالتالي بيزود من الالتهابات والحموضه .
ممنوع طبعا شرب القهوه علي الريق لإن دا هيزود حمض المعده وارتجاع المرئ لذلك يفضل إنها تتشرب بعد الأكل عشان تتجنب أضرارها علي الجهاز الهضمي .

🚨 القهوه بترفع ضغط الدم لكن مش بنسبه عاليه لذلك يفضل تقليلها لمريض الضغط لا منعها يعني كفايه فنجان واحد يوميا .

🚨 القهوه مُدِر طبيعي للبول والناس اللي بتشرب قهوه هتعرف دا كويس
لذلك لو في مشاكل زي تضخم البروستاتا أو التهابات المثانه يفضل تقليل شربها .

🚨 بالنسبه للستات الحوامل فالقهوه بتزود نسبه الإجهاض أو الولاده المبكره لذلك يفضل تقليل شربها لفنجان واحد يومياً.

🚨 القهوه بتزود نشاط الأمعاء وحركتها لذلك لو في عيان عنده مشاكل في القولون زي القولون العصبي أو قولون تقرحي أو أي مشاكل أخري يفضل تقليل القهوه بقدر الإمكان .

🚨 خد بالك لو بتاخد ادويه زي الحديد والكالسيوم لازم تفصل شرب القهوه ع الاقل ساعتين من وقت العلاج عشان القهوه بتقلب امتصاص الحديد والكالسيوم .

📌📌ومع ذلك، فإن شرب القهوه باعتدال – حوالي 2 ل 3 فنجان يوميًا – يرتبط بالعديد من الفوائد الصحيه ويعتبر بشكل عام آمنًا لمعظم البالغين.

ودي كانت نهايه كلامنا عن القهوه
اي لسه مش عايز تشرب قهوه ؟
راجع نفسك واشرب القهوه 🥹
ودمتم ❤️

من فترة شوفت البوست دا في جروب من الجروبات واحده بتسأل السؤال دا وواحده تانيه ردت عليها قالتلها اديله ريفو ضروري طبعاً أ...
21/06/2025

من فترة شوفت البوست دا في جروب من الجروبات
واحده بتسأل السؤال دا وواحده تانيه ردت عليها قالتلها اديله ريفو ضروري
طبعاً أنا كطبيب لو شوفت حاله زي دي قدامي استحاله اقدر ادي العيان اي حاجه
لحد ما اعمله اشعه مقطعيه
لإن السكته الدماغيه نوعين
إما سكته نزيفيه اللي هي نزيف المخ
وإما سكته انسداديه واللي هي جلطه المخ
وسواء النوع الأول أو الآخر الاتنين بيعملوا نفس الأعراض
واللي من ضمن الأعراض دي إن الحاله متنطقش
من ضمن الأعراض بردو شلل في عضلات الوجه
شلل نصفي في الجسم
صداع مفاجئ وشديد
اضطراب في الرؤيه بإحدي العينين أو كلتيهما
طيب لي مينفعش ادي عيان زي دا ريفو لإن الريفو بيعمل سيوله وانا في حاله زي دي
معرفش هل سبب عدم النطق نزيف ولا جلطه
ولو كانت نزيف فأنا كدا هزود النزيف للعيان
واللي هيعرفني إذا كان نزيف
او جلطه هي الاشعه المقطعيه ف دورك في اي حاله عندها اعراض زي اللي ذكرتها
انك تطلع بيها علي اقرب طوارئ ليك
ازاي الاشعه المقطعيه هتعرفني إذا كانت نزيف ولا جلطه
النزيف بيبان علي طول في المقطعيه علي عكس الجلطه بتقعد حوالي 24 ساعه علي ما تبان في المقطعيه
ساعتها كطبيب هقدر اتعامل مع الحاله واساعدها
وهسيبلكم في الكومنتات صوره لمقطعيه فيها نزيف
خد بالك عشان متأذيش حد متفتيش في حاجه متعرفهاش
ودمتم ❤️

Address

Cairo

Telephone

+201210365910

Website

Alerts

Be the first to know and let us send you an email when Dr.Mohamed Elbrolisy د.محمد البرلسي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category