Dr. Sherif Soliman - د. شريف سليمان

19/07/2025

🫃 يا دكتور أنا عملت التحليل… وطلعت حامل!

👨‍⚕️: ألف مبرووووك يا مدام! يلا نبدأ الحرب!

• لبوس برونتوجيست كل ٦ ساعات
• دوفاستون قرصين في اليوم
• حقن كلكسان كل يوم
• أسبرين أطفال عشان “الدم يوصل للبيبي”
• كورتيزون… عشان الاحتياط… و عشان الناس ما تقولش علينا حاجة
• مغنيسيوم، بوتاسيوم، صوديوم، أوميجا 3، وزيت كبد الحوت
• عسل نحل جبلي + عسل ملكي + رويال جيلي + لبن ناقة لو أمكن
• وراااااحة تاااامة في السرير… ما تتحركيش من مكانك غير للحمام
😶 وبعد أسبوعين تعاليلي نعمل عملية ريط لعنق الرحم … عشان الحمل يثبت أكتر من كده!!

🧠 الكوميديا دي مش هزار… دي حقيقة بنشوفها كل يوم للأسف!
في حالات معينة بتحتاج مثبتات و حقن كلكسان فعلا..... لكن
مش كل حمل محتاج مثبتات
مش كل ست حامل لازم تنام في السرير
مش لازم ناخد أسبرين و حقن كلكسان بدون داعي طبي
لازم تفهمي من الدكتور بتاعك هوا كاتبلك كل دواء ليه....
متابعة الحمل بتبقى كل شهر لغاية السادس ثم كل أسبوعين لغاية التاسع ثم كل أسبوع لغاية الولادة إن شاء الله....
خلال الزيارات دي كلها الدكتور بيبقى عارف ممكن يديكي أدوية معينة إذا كنتي محتاجاها فعلا......
متابعة الحمل بتغنيكي عن مشاكل كتير ممكن تحصلك و أنتي في غنى عنها و في نفس الوقت المتابعة بتطمنك على البيبي بانتظام......



#نساوتوليد

#ولادة

05/07/2025

إحنا مش بنتصور شايلين العيال وكاتبين: “وده البيبي اللي عمل لي قلق طول الليل!” 👶📸
إحنا بنولّد… مش بنمثّل فيلم عن المعاناة البشرية!

⸻

في الولادة، خصوصًا،
بنراعي خصوصية الأم أكتر ما الأم نفسها بتراعيها.
يعني لو طلبت إننا نهدّي النور، نشغل قرآن، أو حتى نولد وهي ماسكة إزازة مية بس مش عايزة تسيبها… بننفذ 💁‍♀️
حتى لو طلبت نولدها على أنغام أم كلثوم…
هنعمل كده....

⸻

بنشتغل على راحة الأم النفسية والجسدية.....
الألم؟ بنقلّله لأقصى درجة.
الخوف؟ بنطمنها ونشرح.
الأمان؟ ده الخط الأحمر اللي ما بنعدهوش حتى لو الدنيا ولّعت حوالينا.

⸻

الولادة عندنا مش بس ولادة بيبي…
دي لحظة بتتولد فيها “أم”، ومهمتنا نخليها تفتكر اللحظة دي بحب… مش برعب

23/06/2025

“ماينفعش تسيبي الحمل يربي نفسه!” 😅

متابعة الحمل مش رفاهية…
دي زي الـ GPS كده، كل زيارة بتحدد إحنا فين ورايحين على فين، ونتفادى أي مطب!
كل مرة بتكشفي فيها بنطمن على البيبي، الضغط، السكر، والمشيمة ماشية صح ولا لا…
يعني بدل ما تقولي “أنا حاسة بحاجة غريبة!”… تعالي نعرف الحاجة الغريبة دي إيه قبل ما تتحول لحاجة مش لذيذة!
🩺 مع المتابعة الصح… الحمل بيعدي بسلام، وانتي والبيبي تمام
في إنتظارك دايما....
للحجز عن طريق الواتس أب : 01007212943
العنوان: ١١٠ ش عمار بن ياسر أمام سور الكلية الحربية مصر الجديدة

17/06/2025

في عيادات داوي هاتلاقي تعاقد مع كبرى شركات التأمين و التعاقدات.....
في انتظاركم

بنرحب بانضمام
د/ شريف سليمان عبد الحميد

-استشاري أمراض النساء والتوليد.
-جراحات المناظير النسائية.

بخبرته المتميزة في كل ما يخص صحة المرأة ومتابعة الحمل والولادة وإجراء جراحات المناظير النسائية.

في فرع داوى بمدينة نصر

المواعيد
السبت: 4 م - 7 م
الاثنين: 7 م - 10 م
الخميس: 4 م - 7م

تقدر تحجز دلوقتي من خلال رقمنا 16850





#العيلة

09/06/2025

� أسعار الولادة القيصرية… وليه بتختلف؟

ناس كتير بتسأل عن تكلفة الولادة القيصرية وسبب تفاوت الأسعار من مستشفى للتانية، وحابب أوضح شوية نقاط مهمة:

🔹 أولًا، الأسعار بتختلف حسب مستوى الإقامة والرعاية في المستشفى، سواء كانت إقامة عادية أو جناح أو VIP.

🔹 ثانيًا، الحالة الصحية للأم بتلعب دور كبير في تحديد التكلفة، لأن في حالات بتحتاج متابعة دقيقة أو تجهيزات إضافية زي:

• وجود مشيمة ساقطة أو ملتصقة
• ارتفاع ضغط الدم أو تسمم حمل
• وجود سكر حمل
• احتمال الحاجة إلى نقل دم أو تدخل طبي إضافي أثناء أو بعد الولادة

كل العوامل دي بتأثر على تكلفة الولادة، مش بس أجر الطبيب أو المستشفى.

🔸 حاليًا، أسعار الولادة القيصرية في المستشفيات الخاصة المعقولة بتتراوح من حوالي ١١٠٠٠ إلى ٢٥٠٠٠جنيه و ساعات أكتر من كده كمان، وده في ظل الزيادة الكبيرة في أسعار المستلزمات الطبية وكل حاجة حوالينا.
الأسعار دي مش مبالغ فيها مقارنة بحجم الرعاية والمسؤولية الطبية المطلوبة علشان الأم والبيبي يخرجوا بأمان وسلامة..... بيشارك في العملية دي بجانب دكتور الولادة ،دكتور التخدير و دكتور الأطفال و المساعدين اللي بيبذلوا مجهود كبير لإتمام الولادة على أكمل وجه .

🔸 من مميزات المستشفيات المحترمة كمان إن بيكون فيها أخصائي نسا مقيم ٢٤ ساعة لمتابعة الحالة لحظة بلحظة والتعامل السريع مع أي طارئ، ودي نقطة أمان مهمة جدًا.

🔸 مهم كمان نعرف إن الولادة في مستشفى بتحترم أبسط معايير السلامة، حتى لو مش فاخرة، بتكون أفضل بكتير من الولادة في عيادة صغيرة تفتقر لأدنى درجات الأمان. سلامة الأم والبيبي مش مجال للمجازفة.

🩺 الهدف دايمًا هو الأمان أولًا، سواء في مستشفى خاص أو حكومي، علشان الأم تطمن وتفرح بولادتها بدون قلق.

📞 لو عندك أي استفسار أو محتاجة حجز أو تقييم لحالتك، ممكن تبعتي رسالة على الصفحة أو تتواصلي معانا على الرقم الموضّح، وهانكون جاهزين نساعدك في أقرب وقت ❤️
هانقدملك حلول كتير و أسعار مختلفة تناسب جميع الظروف إن شاء الله....

06/06/2025

كل سنة و انتوا طيبين جميعا 🌹 🎉 🌹 🎉 🌹 🎉 🌹 🎉

05/06/2025

كل عام و أنتم بخير....
تقبل الله منا ومنكم صالح الأعمال

31/05/2025

🚦💡 جراحات المنظار أثناء الحمل – آمنة ولازم وقت اللزوم!
كتير من السيدات الحوامل بيسألوا: “هل ممكن أعمل جراحة بالمنظار وأنا حامل؟
والإجابة ببساطة: أيوه، الجراحات بالمنظار آمنة أثناء الحمل لما تكون ضرورية، وبتتعمل في التوقيت والطريقة الصح.
🔹 الجراحة ممكن تتعمل في أي وقت من الحمل، بس غالبًا بنفضل الثلث التاني من الحمل (من الأسبوع 14 لـ 27) لو الحالة مش طارئة.
🔹 المنظار أفضل من الجراحة المفتوحة في حالات زي الزايدة أو مشاكل المرارة أو التواء المبيض.
🔹 الجراحة بتتعمل في مكان آمن، بفريق مكوّن من دكاترة النساء، الجراحة، والتخدير، وبيتابعوا الأم والجنين كويس جدًا قبل وبعد العملية.

🔹 بنراعي حاجات مهمة جدًا زي:

•وضعية الأم أثناء الجراحة علشان الدورة الدموية تفضل كويسة.
•ضغط الغاز المستخدم في البطن يكون في حدود آمنة.
•متابعة نبض الجنين قبل وبعد العملية.
🎯 المهم إننا منأجلش الجراحة لو ضرورية، لأن التأخير ممكن يكون خطر على الأم والبيبي.
🩺 لو عندك أي ألم أو مشكلة جراحية أثناء الحمل، متتأخريش و اطلبي النصيحة فورًا







#نساءوتوليد

28/05/2025

كل عام و أنتم بخير 🌹🌹🌹