04/07/2025
من وحي حالات العيادة
يا نااااس يا هوووووو🛎🛎
الرقم ع الميزان مش هو بس اللي بيحدد نتيجة النظام الغذائي
حضرتك ملتزم في نظامك الغذائي، مركز في أكلك وخطواتك، ورياضتك ماشية تمام
تحس إن لبسك بقى أوسع، وكل حاجة بتقول إنك ماشي صح… لكن تطلع على الميزان، والمفاجأة؟انا زدت فى الوزن 😳
يعني ايه وازاي ولية ؟ أكيد في حاجة غلط؟🙄
استنى بس 😇
اللي بيحصل ده طبيعي جدًا وجزء من الرحلة
مفيش حد بينزل كل أسبوع
الوزن مش خط مستقيم، فيه طلوع ونزول طبيعي، وده مش معناه إنك مش بتتقدم🌬
خطوات صغيرة فى الاتجاه السليم هي الصح🚶🚶
طب هو الميزان بيقيس إيه اصلاً؟ 🤔
قبل ما تحكم على نفسك، لازم تفهم إن الميزان مش بيقيس الدهون بس، لكنه بيقيس كل اللي في جسمك :
- المياه المتخزنة 💧 : أي وجبة فيها ملح كتير، كارب كتير ، أو تمرينة قوية، جسمك حيحبس مياه.
- الأكل اللي لسه في الجهاز الهضمي 🍽 : لو لسه واكل أو عندك إمساك، الميزان هيعكس ده.
- العضلات 🏋️♀️ : جسمك بيخزن الجليكوجين كمصدر طاقة، وكل جرام جليكوجين بيخزن معاه 3 جم مياه، فطبيعي جدًا الوزن يزيد مؤقتًا بعد التمرين
طيب بردو مفهمتش ليه الميزان ممكن يزيد مع اني نازل وحاسس نفسي أخف؟
لو وقفت على الميزان في الحالات دي🫠
* لو أكلت حاجة مالحة : جسمك هيحبس المياه مؤقتًا بسبب الصوديوم
* لو زودت الكارب : الجليكوجين بيتخزن مع المياه، فبيزود الوزن
* وقت البيريود : التغيرات الهرمونية عند السيدات ممكن تسبب احتباس مياة و أملاح طبعا
*لو في إمساك: ممكن يزود الوزن على الميزان
طيب زهقتينا بقى
نعمل اى
إيه الأهم من الميزان؟ إيه اللي نتابعه بدل كده؟
** قياسات الجسم : لو محيط الوسط بينزل، ده أهم من أي رقم!
** شكل اللبس عليك 👗👕 : هل بقى أوسع وأريح؟
** صور قبل وبعد : عشان تشوف التغيير الحقيقي بعيدًا عن الأرقام.
** تقدم فى مستوى صحتك البدنية والنفسية : مستويات السكر، الكوليسترول، صحتك اتحسنت، نفسك،نومك ،مشيتك
بتتوزن كام مرة؟
لما أنا أقولك
لما أنا أقولك
مرة واحدة كل أسبوعين او شهر بنفس الظروف (الصبح، بعد الحمام، قبل الأكل)
خلاصة الكلام خليك فاكر🤩🤩
- الميزان مجرد رقم، مش دليل على نجاح أو فشل
وأوعى تعمل زى الصورة😜😜
