صيدلية العزيز Al-Aziz pharmacy

22/11/2025

وصّلنا شكاوى كتير إننا مبننزلش بوستات للرجّالة… وقلنا لازم نصلّح الغلطة دي 🙂

عشان كده حبّينا نعرّفكم إن عندنا في الصيدلية مجموعة محترمة من برفانات الرجّالة، مختارينها بعناية عشان تناسب كل الأذواق وتدي ثبات وجودة ممتازة.

مميزات البرفانات عندنا:

روائح خشبي – شرقي – فريش

ثبات كويس وجودة مضمونة

تنوّع يناسب كل الأعمار

أسعار مناسبة

لو ليك أي استفسار… ابعتلنا في الرسائل أو شرفنا في الصيدلية.
منوّرينا دايمًا.

06/11/2025

🧤 الشتا داخل.. ووقت تقشُّف الإيدين بدأ! ❄️
لو بدأت تحس إن جلد إيدك بينشف أو يتقشّر، متقلقش… الموضوع طبيعي جدًا في البرد، بس محتاج شوية اهتمام 💪

✨ ليه الإيدين بتتعرض للجفاف في الشتا؟

الرطوبة بتبقى قليلة في الجز

استخدام المياه الساخنة كتير

التغير المفاجئ بين البرد والدفا

💧 نصايح بسيطة هتفرق جدًا:

استخدم كريم مرطب مرتين يوميًا (خصوصًا بعد الغسيل)

حاول تقلل المياه الساخنة، وخليها فاترة

البس جوانتي في البرد

اشرب سوائل كفاية على مدار اليوم

🧴 ومن الصيدلية، دور على كريم فيه:

Urea – Glycerin – Lanolin لترطيب عميق

Silicone لحماية إضافية من الجفاف

أو استخدم كريم ليلي مركز قبل النوم

💆‍♂️ وصفة سريعة وسهلة:
قبل ما تنام، حط طبقة سميكة من الكريم، والبس جوانتي لمدة ساعة (أو نام بيه)…

خليك دايمًا فاكر:
الإيدين أول حاجة بتبان، والاهتمام بيها مش رفاهية 🙌

📩 لو مش عارف تختار أنسب كريم ليك، اسألنا على الخاص وهندلك على الأفضل حسب نوع بشرتك.

30/09/2025

💉🩺 مصل الإنفلونزا السنوي مهم ليك ولأسرتك 🩺💉

مع دخول الخريف وقرب الشتاء، الإصابة بالإنفلونزا بتزيد جدًا.
عشان كدة بنوصي كل الناس الي بتقعد نص الشتا في البيت تحت البطانية عشان تعبانة انها تاخد المصل، و حتى لو اتعرضت للعدوى بيخلي الأعراض أخف بكتير!

✅ مين أكتر ناس محتاجينه؟🤔

الكبار والأطفال

مرضى السكر والضغط وأمراض القلب والربو

الستات الحوامل

وأي حد عايز يحافظ على نفسه

🕐 أحسن وقت تاخده:
من بداية شهر ٩ لحد ١١، عشان جسمك يلحق يبني مناعة قبل موسم الإنفلونزا.

💡و افتكر دايما ان الوقاية خير من العلاج.💊

📍 المصل متوفر دلوقتي عندنا في الصيدلية 🔥

06/09/2025

إحنا دايمًا بنؤمن إن اللي يمثلنا لازم يكون إنسان صاحب أخلاق وقيم، ويكون شايل هم بلده وناسه قبل أي حاجة.
وبكل ثقة بنقول إن العمدة أحمد حجازي هو خير من يمثلنا في مجلس النواب

راجل محترم، ذو خلق رفيع، وصوته هيكون صوتنا كلنا
ربنا يوفقه ويسدد خطاه لما فيه الخير لمصر وأهلها

27/08/2025

05/08/2025

يا جماعة الفترة دي بيجيلنا حالات كتير أعراضها

🤢 ترجيع وإسهال
🤕 وجع في البطن ومغص
😵 حرارة خفيفة وحالة تعب

هتقولي دة ايه دة بقى؟
هقولك دة فيروس منتشر الفترة دي بس متخفش ده مش خطير لو اتعملت الإجراءات دي

🛡️ إزاي تتعامل معاه؟

1️⃣ خد بالك من النظافة اغسل إيديك كويس بعد الحمام وقبل الأكل

2️⃣ خليك في البيت لو حسيت بالأعراض عشان متعديش حد

3️⃣ اشرب سوائل كتير عشان ميحصلش جفاف

4️⃣ لو الأعراض زادت روح للدكتور فورًا (خصوصًا لو في أطفال أو كبار السن)

💊 أدوية ممكن تفيد

محلول جفاف زي ORS عشان نعوض الأملاح و السوائل و دي مهمة جداً بالذات لكبار السن و الاطفال

أدوية الإسهال و أدوية الترجيع و دي منستخدمهاش بدون استشارة طبيب أو صيدلي

المسكنات و خوافض الحرارة (زي الباراسيتامول)

📢الفيروس دة مش خطير بس المهم نتعامل معاه من بدري و لو الأعراض مخفتش بعد يومين نشوف دكتور على طول




💬 لو عندك أي سؤال، كلمنا في التعليقات أو على الخاص

أو نورنا في الصيدلية في بلبيس-الجوسق جنب مركز العزيز الطبي على الطريق على طول

ونصيحة أخيرة: متشتريش أدوية من غير ما تسأل الصيدلي او الدكتور بتاعك عشان تطمن انك بتستخدمها بشكل مناسب

14/07/2025

الترطيب أساس العناية بالبشرة، بس مش كل المرطبات مناسبة لكل أنواع البشرة!
هنقولك إزاي تختار نوع المرطب الاحسن لبشرتك

بالظبط زي ما قولنا في البوست الي فات كل نوع بشرة مختلف عن التاني و بيحتاج اهتمام بطريقة خاصة

اول حاجة معانا البشرة الجافة 1️⃣
و دي بتحتاج مرطب فيه زيوت(زي اللي فيه جليسرين) كتير و تقيلة عشان يحافظ على الترطيب لأطول وقت ممكن
يفضل نستخدمه بعد ما ناخد دش على طول عشان نوصل لأعلى نسبة ترطيب ممكنة

2️⃣ اما بقى لو بشرتنا عادية أو مختلطة
بنختار نوع مرطب يكون متوسط الكثافة زي لللوشن مثلا او الكريم المائي

بنختار مرطب فيه مكونات طبيعية عشان يرطب من غير ما يخلي وشنا يلمع

3️⃣ لو بشرتك دهنية أو عندك حبوب
اختار جل مرطب لأنه بيكون خفيف ومش بيسبب انسداد مسام
بلاش كريمات خالص و لو مفيش جل ممكن نجيب لوشن مائي

4️⃣ لو بشرتك حساسة أو لو لطفل صغير
اختار مرطب بدون عطور أو كحول عشان متسببش تهيج

و كمان بمحاولة نجيب حاجة يكون فيها زيوت مهدئة طبيعية زي زيت جوز الهند أو زيت اللوز

طبعا كل دة و اكتر هتلاقيه عندنا في الصيدلية

عنوانا ميتوهش 📍
بلبيس-الجوسق جنب مركز العزيز الطبي على الطريق على طول

06/07/2025

كتير منكوا بيسألونا على نوع غسول كويس للوش!

🔴 طيب نعرف الاول نوع بشرتنا و بعد كدة نشوف هناخد اي غسول

✅ البشرة الجافة
- بتكون مشدودة ومتقشرة بعد الغسل و احسن حاجة ليها غسول كريمي أو زيتي (المرطب مهم جدا في الحالة دي)

✅ البشرة الدهنية
فيها لمعان زايد وحبوب و دي بتكون محتاجه غسول مضاد للبكتيريا

✅ البشرة المختلطة
جافة في الخدين ودهنية في الجبهة والأنف و بتحتاج غسول متوازن

✨ طيب حلو اوي عرفنا نوع بشرتنا و جيبنا الغسول المناسب ليها! نستعمله ازاي بقى🤔
1️⃣ نغسل وشنا بماء فاتر (مش ساخن).
2️⃣ نحط الغسول و نفرده و نفركه على وشنا دقيقة كدة لحد ما يرغي ( يفضل نفرده بحركة دائرية على الوش)
3️⃣ نشطف بقى الغسول بماء بارد عشان و تنشف بفوطة ناعمة أو مناديل
4️⃣ و بس كدة خلصنا و نحط المرطب بتاعنا بقى (قولولنا في الكومنتات لو عايزين بوست عن المرطبات كمان👀)

⚠️ بس ناخد بالنا
مانغسلش وشنا أكتر من مرتين في اليوم (عشان متخليش بشرتك جافة).
لو عندنا حبوب خلينا حنينين و احنا بنفرد الغسول مش هنبقى احنا و الحبوب عليه! (هتزيد المشكلة).

💎 تعالوا بقى اقولكوا على شوية حجات زيادة بمعالج بيها مشاكل موجودة عند ناس كتير مننا

🔹غسول بالريتينول
بيقلل التجاعيد و بينظم إفراز الدهون وبيحسن نسيج البشرة مع الاستخدام الطويل

🔹غسول بفيتامين سي
بيفتح البقع الداكنة و بيحفز الكولاجين وبيحمي من التأكسد عشان يحافظ على لون بشرتك

و طبعا متنسوش تسألوا على العروض لما تيجوا عندنا‼️ 😉

📍 اكيد عندنا كل أنواع الغسولات دي في صيدلية الدكتور محمود بلبيس-الجوسق جنب مركز العزيز الطبي على الطريق على طول

03/07/2025

☀️ الصيف جه و الجو نار!

⛱️ اوعا تروح تصيف منغير sun block

الشمس دلوقتي بتكوي، و الsun block مش رفاهية في المصيف و مش مقتصر عليه بس ده هيحمينا لو رايحين الشغل أو الدروس أو اي مكان تاني !

هقولك على أنواعه وإزاي تختار الصح لبشرتك، وطريقة استعماله عشان ما تتحرقش

🌞 أنواع sun block وأحسن نوع لكل بشرة

1️⃣ كريم (Cream)
للبشرة الجافة أو الحساسة البتتقشر من الشمس لأنه دهني شوية وبيحمي البشرة من الجفاف.

2️⃣ الجل (Gel)
للبشرة الدهنية أو الرجالة اللي عندهم لحية لأنه خفيف ومش بيلزق أو يلمع.

3️⃣ لوشن (Lotion)
لكل أنواع البشرة، وخصوصًا اللي بشرتهم عادية أو مختلطة
لأنه سهل يتفرد على الجسم والوجه.

4️⃣ تينتد (Tinted)
و دة لأي حد عايز حماية + لون موحد للبشرة
و على فكرة في منه بينفع مكان الفاونديشن!

‼️تنبيه‼️خلي اللون قريب من لون بشرتك عشان ميظهرش غريب!

5️⃣ للبشرة الحساسة أو الاطفال
- دور على حاجة من غير عطور (Fragrance-Free) أو المكتوب عليه للأطفال (Baby)

طيب يا دكتور استخدمه ازاي 🤔

1. بنحط حبة قد معلقة الشاي للوش و قد نص كف الايد لو هنعمل الجسم كله

2. بنحطه قبل ما نخرج برب ساعة أو ٢٠ دقيقة

3. بيتحط كل ساعتين (ولو في البحر يبقى كل ساعة ونص).

‼️لو عندك حب شباب اختار كريم مكتوب عليه Non-Comedogenic

ال sun block مش بس للمصيف!
لازم نستعمله حتى لو رايحين الشغل أو الجامعة أو الدروس عشان نحمي بشرتنا !

عندنا كل الأنواع في الصيدلية! 😎
لو لسة محتارين و عايزين تعرفوا ايه النوع المناسب لبشرتكوا؟ كلمونا في الكومنتات أو رسالة على الخاص و هنرد على طول
أو زورونا في صيدلية الدكتور محمود ابراهيم في بلبيس-الجوسق جنب مركز العزيز الطبي على الطريق على طول

29/06/2025

🤔 تعرف الفرق بين "Anti-Perspirant" و"Deodorant"؟!

كتير مننا بيدخل يسأل على اي مزيل عرق من غير ما يعرف الفرق!
فخليني أسهّلها عليكوا!

1️⃣ مزيل العرق (Anti-Perspirant)
ده بيوقف العرق نفسه (أو يقلله جداً) علشان فيه مواد (زي الألومنيوم) بتسد المسام.

مناسب للناس اللي عرقها كتير أو اللي عايزين يحلوا مشكلة البقعة تحت الإبط في الهدوم.
و دة اكتر حاجة منتشرة في السوق
مش هيناسب كل الناس (فيه ناس جلدهم بيحسّس منه).

2️⃣ مزيل رائحة العرق (Deodorant)
ده مش بيوقف العرق، لكن بيمنع الريحة الوحشة الي بتظهر مع العرق!

بيكون فيه عطور ومواد مطهرة.

مناسب اكتر للناس اللي عرقها مش كتير بس عايزين ريحة حلوة طول اليوم.

🛑 معلومة مهمة:

لو عندك جلد حساس، ممكن تدور على أنواع "خالية من الكحول والألومنيوم".

لو بتتمرن أو بتعرق كتير، الأفضل تستخدم Anti-Perspirant.

📍 عندنا في صيدلية الدكتور محمود هتلاقي كل الأنواع اللي تناسبك!
عنوانا ميتوهش!
بلبيس-الجوسق جنب مركز العزيز الطبي على الطريق على طول

تقدر تتواصل معانا على رسايل الصفحة، واحنا هنرشحلك النوع المناسب ليك على حسب نوعية جسمك! 💙

#صحة

26/06/2025

🔥 اكتشف أسرار جسمك مع ميزان in-body عندنا في صيدلية الدكتور محمود!

-🤔 ايه ده in-body؟
يعني ايه!
يعني مش مجرد ميزان عادي! ده جهاز تحليل جسم متكامل بيقولك كل حاجة عن جسمك بدقة:

نسبة الدهون والعضلات.

كمية السوائل والعظام في جسمك.

معدل الحرق (كمية السعرات اللي جسمك بيحتاجها يومياً).

وبيظهرلك تطور جسمك لو بتتمرن أو بتحاول تخس!

-طيب ما عادي ممكن اوزن نفسي على ميزان عادي و خلاص!

⭐ ليه in-body أحسن من الميزان العادي؟
✅ الميزان العادي بيقولك بس وزنك، لكن in-body بيفضح الدهون المستخبية! (عشان تعرف انت خسرت دهون ولا عضلات!).
✅ مفيد جدا لأي حد عايز يخس أو يبني عضلات.
✅ بيفيد مرضى السكر والضغط واللي بيعملوا رجيم.
✅ النتيجة جاهزة في 30 ثانية وبس!

📍 جربه دلوقتي في صيدلية الدكتور محمود!

-حلو دة!😍
بس فين الصيدلية دي؟

نورنا في اي وقت في قرية الجوسق-بلبيس جنب مركز العزيز الطبي!🏥 العنوان ميتوهش على الطريق الرئيسي على طول

تقدر تكلمنا على الخاص تسأل عن اي حاجة قبل ما تيجي !

#صحة #دايت

23/06/2025

🎉 أهلاً وسهلاً بكم في الصيدلية اللي هتكون رفيقكم لصحة أفضل! 🏥💊

📍 في صيدلية الدكتور محمود ابراهيم بنقدم لكم

✔ استشارات صيدلانية مجانية لضمان الاستخدام الآمن.
✔ كل ما يلزمكم من مستلزمات طبية، ومكملات غذائية.
✔ متابعة ضغط و سكر
✔ يوجد جهاز in-body لقياس الوزن و نسبة الدهون و العضلات في الجسم

💬 تعالوا زورونا

📍 الجوسق-بلبيس

🏥مفاجأة خاصة لأول ٢ عملاء يعملوا شير و مينشن لاتنين صحابهم

دة كله خير العروض و الخصومات الي عندنا على طول !🔥