https://www.facebook.com/122094245828016642/

ECD _تنمية الطفولة المبكرة

Home
Egypt
Mutubis
ECD _تنمية الطفولة المبكرة

Contact information, map and directions, contact form, opening hours, services, ratings, photos, videos and announcements from ECD _تنمية الطفولة المبكرة, Disability service, Mutubis.

20/02/2025

▪️مِن أصدق وأصح الجُمل اللي سمعتها في مجال الطب النفسي للأطفال والتربية الخاصة ، دكتور بيقول لأم طفل عنده ADHD " اضطراب نقص الإنتباه المصاحب لفرط الحركة"
: ( قللي جلسات ابنك للنص وميروحش الحضانة، ولا إنك تسيبيه قدام الشاشات )😅

الدراسات أثبتت أن الأطفال من عُمر 5 : 18 سنة مسموح ليهم بمدة لا تزيد عن ساعتين فقط في اليوم أمام الشاشات.
يعني قبل 5 سنوات مفيش شاشات ⁉️ أيوه ، بالظبط كدا

ببساطة شديدة: 👇

مفيش مُبرر يخليك تسيب طفلك قدام الشاشات، ف خلي بالك طفلك مسئول منك ف متستسهلش الأمر وتسكته بالموبايل على سبيل المثال ويكون مُبررك أنه " مش عارفين نشتغل منه وهو مش بيسكت غير كدا "📵

⏳

24/09/2024

انهارده اقتنعت بفكرة إن " الأطفال بيقلدوا اللي بيشوفوه مننا ،
مش اللي احنا بنقوله أو نطلبه منهم " ✨

مالك أكتر طفل لذيذ و رغاي ف الدنيا ❤️
خلص الجلسة بتاعته وكان مستني أخته
ف شافني قومت أصلي الضهر
لاحظت أنه بدأ يستعرض شطارته وقد إيه هو شطور وبيعرف يصلي
حسيته عاوز يثبتلي دا و قالي أنا هصلي معاكي
طلبت منه يروح يتوضى الأول وبالفعل اتوضى
و فضل واقف مستنيني اخلص صلاة عشان يبدأ هو ، و الضحكة من الودن للودن زي مبيقولوا ❤️

بكل بساطة نتعلم من الموقف دا :

👈إننا مينفعش نقول لأطفالنا صلوا ، وهما مش بيشوفونا بنصلي

👈متعليش صوتك ، واحنا صوتنا عالي وكلامنا كله زعيق

👈متكدبش وقول الحقيقة ، واحنا أصلا بنكدب .

⏳

13/08/2024

انقضى عامٌ حاولنا فيه ،
وسيأتي عامٌ آخر لن ننفكَّ فيه عن المحاولةِ..

زي امبارح من سنة كان أول ظهور للبيدچ بتاعتي ")
هى خطوات صغيرة بس أنا مبسوطة إن عملتها ⁦⁦♡

وبإذن الله نحاول دايما أننا نقدم لحضراتكم قدر كبير من الاستفادة ونكبر بيكم ومعاكم ⁦❤️

⏳

25/06/2024

لو مش حابة تكوني تقيلة على قلب أي أم وانتِ بتتعاملي
مع طفلها!

ممنوع تقبيله عشان مناعته ضعيفة
شيليه بحذر خاصة عند منطقة الرقبة

بلاش تعلقي على وزنه أو لونه أو شكله
بلاش تصوريه بدون إذنها

ولو سمحتلك بالتصوير يا ريت تستأذنيها لو حابة توري صورته لحد ؛ لربما هي مش حابة ده

بلاش تهزيه كتير وبحدة لأن ده غلط عليه
بلاش توصفيه إنه شقي أو زنان

ولما يكبر!

بلاش تديله حلويات أو أي أكل بدون إذنها
بلاش تضغطي عليه يسلم عليكي لو مش عايز

بلاش تدخلي بينها وبينه لو بتعاقبه
وبلاش تنظير ومقارنات من فضلك

ولو باركتي لو شوفتي فيه شيء عجبك يبقى جزاك الله خيرا

⏳

27/01/2024

📌طفلك بيعاند وكل متقوله ( عيب ، غلط ، متعملش كدا ...)
مش بيستجيب ل كلامك ويكرر نفس السلوك الغلط ⁉️

▪️أول حاجة ⬅️لازم تكون مدرك أنه بيعمل كدا عشان يلفت انتباهك ويخليك تلبي رغباته

▪️تاني حاجة ودا الحل ⬅️ إنك تجرب تستخدم معاه أسلوب التجاهل ، وهو إنك تتجاهل سلوكه الغلط عشان تطفي السلوك دا لطفلك .

⏳

05/10/2023

Please, Be careful 🙏

28/08/2023

🔹تعرفوا إن الضغط أو شدة الضغط على الأطفال تزداد بمقدار درجتين عننا إحنا كبالغين !😅

🔹تخيل بقا يا مؤمن لو كان طفل ذوي احتياجات خاصة 🤷

⏳

18/08/2023

📌تعرفوا إن الأطفال الموهوبين والمتفوقين من ذوي الاحتياجات الخاصة ؟! 🫡

ازاي الكلام دا ؟! 👀
تعالوا نشوف ...💁

▪️سواء كان الطفل موهوب أو متفوق يبقا هو محتاج طرق واستراتيچيات خاصة تتناسب مع قدراته .

▪️وهنا هنفرق بين الموهوبين والمتفوقين لأنهم مش واحد .😅

الموهوبين : عندهم قدرات خاصة في أي مجال سواء كان أكاديمي أو فني أو رياضي أو غيره ...

المتفوقين : مستوى تحصيلهم و ذكائهم مرتفع .

🔺 يعني باختصار شديد 🧐

▪️الأطفال الموهوبين والمتفوقين بيحتاجوا إلى برامج خاصة عشان تُشبع فضولهم ، و لازم تكون برامجهم مختلفة عن برامج فئات التربية الخاصة .

🔺 لأنهم ببساطة ذوي احتياجات خاصة و ليسوا ذوي إعاقة .🤷

⏳

14/08/2023

📌تفتكروا يعني إيه أطفال ذوي احتياجات خاصة و ما هي خصائصهم ؟🤔

◾هم أفراد عندهم قصور في بعض الخصائص وبينحرفوا عن المستوى العادي بتاعنا ، ومش شرط ذوي الاحتياجات الخاصة يكونوا معاقين ؛ زي م هنشوف دلوقت 🤷

◾الأطفال ذوي الاحتياجات الخاصة ممكن بيعانوا من :

1️⃣ اضطراب الإنتباه المصاحب لفرط الحركة (ADHD) :
◽معندوش القدرة على الاتزان والثبات الانفعالي والتركيز ودايما متردد .

2️⃣صعوبات التعلم :
◽متسرعين في إجاباتهم وقابلين للتشتت وأكبر مشاكلهم مادة الرياضيات .🫡

3️⃣إعاقة عقلية :
◽كان المُسمى بتاعها زمان (تخلف عقلي) ، بيكون عندهم مشكلة في الإدراك وتأخر في الكلام .

4️⃣اضطراب طيف التوحد :
◽عنده ضعف في العلاقات الاجتماعية وتطور اللغة عنده بطئ ، دا غير إنه شخص روتيني مش بيحب التغيير .🤐

5️⃣متلازمة داون :
◽ بيحبوا الحياه الاجتماعية وعندهم خصائص جسدية مميزة ، وللأسف بيعانوا من مشاكل صحية .

6️⃣متعدد الإعاقة :
◽ عنده أكثر من إعاقة ، ممكن يكون كفيف ومعاق عقلي في نفس الوقت .😅

7️⃣الشلل الدماغي : ◽أشهر اضطراب حركي في الأطفال .

8️⃣إعاقة سمعية : ◽صمم جزئي أو كلي .

9️⃣إعاقة بصرية : ◽كف جزئي أو كلي .

🔟الموهوبين والمتفوقين .😇

🔺لي قولنا على الموهوبين والمتفوقين من ذوي الاحتياجات الخاصة ؟ وهل الكلام دا فعلا صح ؟🫣

🔺دا اللي هنعرفه البوست الجاي ⏳

12/08/2023

📌تفتكروا يعني إيه طفولة مبكرة (Early childhood) ؟🤔

◽هى مرحلة من مراحل النمو البشري .

◽تبدأ من الولادة حتى سن ٦ سنوات ، وفي دراسات بتقول إنها تمتد حتى ٨ سنوات .

◽ تكاد تكون أهم وأخطر مرحلة لأنها أساسية في تكوين شخصية الطفل .

◽الطفل في المرحلة دي يتأثر بشدة بالبيئة والأشخاص المحيطين به ، بالسلب أو بالايجاب .🤷

◽ الأطفال في المرحلة دي بيشتركوا في شوية خصائص منها :
( كثرة الحركة - كثرة الأسئلة - التقليد - العِناد - حب اللعب ) .

◽ بيتكوّن عند الطفل مهارات أساسية مثل ( المشى - اللعب ) .

🔺طيب لو الطفل كان من ذوي الاحتياجات الخاصة.. هيكون عنده نفس خصائص وصفات ومهارات الطفل العادي ؟!🫣

دا ال هنعرفه البوست الجاي ⏳

Address

Mutubis

Website

facebook.com

Alerts

Be the first to know and let us send you an email when ECD _تنمية الطفولة المبكرة posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Mutubis?