D/Tarek Pharmacy_صيدليه طارق

29/04/2020

البديل الآمن والفعال لحقن B12 لأول مرة فى الشرق الأوسط 👌
#ميثايلتكنو هو عبارة عن عبوة تحتوي على 20 فيلم سريع الذوبان و الإمتصاص بالفم 👌

👈 هتودع كل مشاكل و آلام الحقن ونفس الفاعلية

👈 أفلام على اللسان سهلة الإستخدام

👈 لكبار السن ومرضى السكر و مرضى إلتهاب الأعصاب الطرفي و مرضى الإنزلاق العضروفي و الحوامل

28/03/2020

متوفر كحول 70%
كميه محدوده

26/03/2020

يساعد العرقسوس علي تحسين صحة الجهاز المناعي لأنه يعمل علي رفع مستوي الأنترفيرون و هو عنصر مضاد للفيروسات بالإضافة إلي حمض glycyrrhizinic الذي يحفز من عمل الخلايا المناعية و مكافحة الفيروسات المعدية؛ والالتهابات الفطريه والبكتيريه

أ.د محمد صلاح كامل..رئيس قسم العقاقير وعميد صيدله المنيا سابقا

22/03/2020

عقار البلاكوينيل أو مضاد الملاريا المزعم إستخدامه مؤخرا في العلاج من عدوى فيروس كورونا .. استخدامه بدون اشراف طبي قد يضعف المناعه ويؤدي للعمى ، ف متبلبعوش كإنه كونجستال و متسحبوش من الصيدليات بدون حاجة .

أما التجار ف متروك أمرهم لله ، دول مفيش منهم رجا

منقول..

22/03/2020

20/03/2020

منظمه الصحه انهت الجدل بخصوص الكمامه اللي الناس فاكرها لعبه ونازله تصوير بيها كالآتي :

⛔️ليست للأصحاء وينصح بإرتدائها فقط عند رعايه شخص مشتبه في اصابته بالفيروس مع تجنب لمسها .
⛔️تخلص من الكمامة بمجرد أن تصبح رطبة وارتدي أخرى جديدة لانها تقربيا بعد ٣ ساعات تصبح مصدر عدوي .
‏⛔️لا تعيد ارتداء الكمامة وحيدة الاستعمال.
⛔️انزع الكمامة من الخلف ولا تلمس المقدمة.
‏⛔️تخلص منها في سلة مهملات مغلقة
‏اغسل يديك بالماء والصابون أو افركهما بكحول او مطهر!
يعني اضرارها اكتر من فوايدها او اتباع التعليمات
اما بخصوص #القفازات منظمه الصحه أكدت ان غسل اليدين افضل بكتير للحمايه وبتتلوث لو لمست اسطح ملوثه وعدم لمس الوجه حيا ارتدائها !

19/03/2020

https://www.facebook.com/wkhairywriter/videos/202874580931995/?sfnsn=scwspwa&d=w&vh=e&funlid=1QVzvO6YfXNm37KE

18/03/2020

فيتامين سي نقط ⁦❤️⁩
لتقويه مناعه الاطفال
الجرعه 👇
اقل من 6 شهور...8 نقط مره يوميا
من 6 شهور لسنه...10 نقط مرة يوميا

04/03/2020

🚨⁦

منقول 👇

مصر فيها 8 مليون مريض سكر ، ممكن يكون والداك أو والدتك أو جارك أو صديق عندك ع الفيس المهم البوست دا عاوزين يعرفه كل مريض سكر في مصر
كلمتين هياخدوا من وقتك دقيقه قرآءه بالظبط و إعتبره صدقه جارية ليك لو نشرته يمكن يفيد حد

للأسف بقينا نشوف شباب 19 سنه وفقد قدمه وهو عائل أسرة
و بنت عروسة زي القمر بقت مقعدة على كرسى متحرك بسبب إهمال من نفسها أو إن ماحدش قالها الصح
و الكلام دا لأي حد ملوش علاقه بالطب أو طالب أو دكتور سكر ولو واحد بس إستفاد من الكلام دا فدا مكسب كبير لينا وليك عند ربنا لو أفدت حد مش عارفه ماتحرمش نفسك من ثوابه.... بسم الله
- إزاى أمنع مريض سكر إنه يجيله قدم السكرى ولا قدر الله يحصل غرغرينه و بتر ؟!
1- أي مريض سكر لازم يفهم أهمية متابعة السكر سواء بعمل جداول تحاليل بإستخدام جهاز قياس السكر العادى اللى لازم يبقى متوفر مع أى مريض سكر وخصوصا لو بياخد أنسولين ولازم جدول التحاليل يحتوى على 7 تحاليل قبل الوجبات وبعدها بساعتين وقياس قبل النوم كل 3 أسابيع على أقصى تقدير لمدة 3 أيام متتالية و اللى بياخد أقراص للسكر يعمل كل إسبوعين صايم وبعد الوجبة الرئيسية اللى هى بعد الغدا بساعتين.

2- لازم أي مريض سكر يعمل تحليل سكر تراكمى كل 3 شهور و الطبيعي يكون بين( 6.5 الى 7 % ) وممكن نوصل ل 7.5 في المية في بعض الناس زي كبار السن ومرضي القلب.
3- لازم يعمل تحليل دهون كل سنه علي الأقل خصوصا تحليل الكوليسترول والأهم الدهون منخفضة الكثافة LDL والدهون الثلاثية TG
4- كل التوصيات العالمية أجمعت إن أى مريض سكر فوق ال 40 سنة لازم يمشى على دواء مخفض للدهون وخصوصا سكر النوع التانى بجرعة 20 مجم فى دواء ال atorvastatin دا زي ال ator أو 10 مجم فى ال rosuvastatin زي ال crestor.
5- أي مريض سكر لازم يتعلم يفحص بطن رجله قبل النوم بمراية ويشوف أى جرح أو خدش لأنه دا ممكن يبقى بداية آفة القدم السكرى.
6- لازم يخصص فوطة نضيفة لتنشيف بين أصابع القدم بعد الوضوء أو غسل القدم ولو فيه فطريات بينهم لازم يعالجها لانها بتهرى الجلد وبتبقى مدخل للجراثيم وياريت مانستهونش بموضوع الفطر اللي بين أصابع القدم دا لأنه في معظم الأحيان للأسف بيبقي بداية القدم السكري.

7- لازم مريض السكر يرطب رجله بفازلين أو كريم مرطب عشان القدم الناشفة المشققة مدخل للجراثيم.
8- لما يقص ضوافره لازم مقص أطفال ويقص بالطول بلاش يعمل إنحناءات منعاً لاى خدش بسيط ممكن يبقى مدخل للبكتيريا.
9- فقدان الإحساس من أسوء الحاجات لمريض السكر فعشان كدا لو المريض مش حاسس برجله أو الشبشب بيتخلع منه بدون إحساس منه أو حاسس إنه ماشى على قطن لازم يشوف دكتور ماينفعش يستنى حدوث الكارثة.

10- ممنوع منعا باتاً إن المريض يمشى حافى حتى لو داخل البيت لأن دا ممكن يعرضه لأى شوكة أو عضمة أو أى حاجة هايفة تدخل رجله وتكون بداية لآفة القدم السكرى ودكاتره الأوعية الدمويه يحكوليكم عن حاجات لا تتخيلوها لقوها داخل أقدام المرضى فى الأشاعات بتاعتهم .

11- ممنوع لبس الشرابات اللى من ألياف صناعية لأنها بتكتم الرجل وبتعمل عرق وإحتكاكات ممكن تبقى مدخل البكتيريا.
ولما تشترى جذمه لازم تكون أوسع من رجلك نمره عشان رجليك بتورم
12- لازم المريض يقارن رجله ببعض لو لقى شعر رجل فيهم بيقع أو الجلد ناشف أو درجة حرارتها أقل من التانية لازم يشوف دكتور أوعية دموية بسرعة مايتاخرش.
طبيب الاوعية بيفحص النبض فى الشرايين وبيطلب اشعة على الاوعية الدمويه و يتأكد من سريان الدم بصوره طبيعيه في القدم
13- لازم قبل المريض ماياخد شاور وخصوصا لو بمياه سخنة حد يحس حرارة المياه او هو يحسها بكوعه ( الكوع مابيفقدش الاحساس ابدا) عشان نتجنب الحروق اللى بتحصل لكبار السن لفقد الاحساس بحرارة المياه.

14- فى حالة وجود التهابات أعصاب طرفية سواء شكشكة أو تنميل أو كهربا فى الرجل محتاج فيتامين ب المركب بس الأهم منه دواء alpha lipoic acid لأنه بيعيد تكوين غشاء العصب.
15- لو فى ألم أو وجع للرجل الأول نظبط السكر وبعد كدا عنده اختيارات قوية لعلاج الألم بترتيب التوصيات العالمية الاقوى والافضل والاغلى زي ال cymbalta وبدايله المصري وراه pregablin زي ال lyrica ولها بدايل كتيير وبعده gabapentin لمدة شهر أو شهر ونص وبنزود الجرعة تدريجيا.
16- البنات الآنسات بلاش الكعب العالى فى مريضات السكر لأنه بيركز ضغط الساق على كعب القدم وبيحمل عليها ودى الدم الواصل لها قليل أصلا فبيعمل قرح بتبقى مدخل للقدم السكرى neuropathic ulcer..
17- كل مرة تشوف مريض سكر إفحص قدمه وإستحمل ياعم ريحة الشراب وإعمله فحص اعصاب ممكن تبقي سبب في إنقاذ رجله من البتر بفضل الله ، معلش لو الكلام قاسي لكنه فعلا مهم واللي ليه مريض عنده قدم سكري هيدرك المعاناه..

15/02/2020

منقوول...👇

✔✔ بخصوص حملة شلل الاطفال اللى هتبدأ من يوم الاحد غدا وحتى الاربعاء القادم ⬅️⬅️ فى بعض المعلومات لازم نعرفها 🐬🐬

اولا ⁉️⁉️ مين اللى هيأخد التطعيم ده؟؟

✅ الاطفال من عمر يوم الى ٥ سنوات وبيكون نقطتين بالفم

ثانيا ⁉️⁉️ ايه المختلف فيه عن التطعيم اللى الاطفال بيأخدوه ضمن التطعيمات الاجبارية فى وزارة الصحة؟؟

✅ هو هو

🙈🙈 طيب وليه بنطعمهم طالما هو هو ⁉️⁉️

✅ لرفع مناعة الطفل ضد المرض ده .... الطفل ممكن يأخد لحد ١٠ جرعات من التطعيم ده لضمان مستوى المناعة

✔✔ (الطفل بيأخد ٧ جرعات اجبارية فى وزارة الصحة
عند الولادة - شهرين - اربعة - ٦ شهور - ٩ شهور - سنة - سنة ونصف)

ثالثا ⁉️⁉️ ايه الاحتياطات اللى نعملها قبل التطعيم ؟؟

❌❌ بلاش رضاعة قبل التطعيم او بعده بنصف ساعة
علشان نتجنب حدوث ترجيع للطفل
✔ لو الطفل رجع فى خلال ربع ساعة من التطعيم ⬅️⬅️ نعيد الجرعة تانى
✔ لو رجع بعد كدة مافيش مشكلة

رابعا ⁉️⁉️ لو الطفل اخد اى تطعيم اخر هل فيه تعارض بينه وبين تطعيم الحملة ؟؟

✅✅ اى تطعيم الطفل اخده سواء تطعيم ضد التهاب فيروسى او بكتيرى ( مكورات رئوية او ضد الالتهاب السحائى او الالتهاب الكبدى او غيرهم ) 🐬✔ مافيش تعارض بينه وبين تطعيم الحملة
✅✅ولا يشترط اى مدة زمنية بين التطعيمين
✅✅ ونأخد تطعيم الحملة عادى

❌❌ ماعدا التطعيم ضد الروتا ( الخاص بالنزلات المعوية ) لازم اسبوعين فرق بين التطعيمين
طيب ليه⁉️⁉️

مافيش ضرر هيحصل للطفل علشان الناس ماتتخضش
✋✋ولكن علشان نضمن ان الطفل يستفاد منه ونضمن ان مناعة جسم الطفل وصلت للمستوى المطلوب لمقاومة الميكروب

واخيرا ✔✔ لو طفل مريض حساسية سواء انف او صدر وبيأخد بخاخات او جلسات استتشاق بها كورتيزون
🐬 لا يوجد اى مانع اطلاقا من التطعيم

❌ اما لو بيأخد ادوية شراب بالفم تحتوى على كورتيزون ✅ بجرعة عالية مدة اطول من اسبوعين لازم مرور شهر بعد مانوقف الادوية

✔ طفل عنده حساسية لبن ✅ يأخد التطعيم عادى
✔ طفل عنده انيميا الفول ✅ يأخد التطعيم عادى

❌❌ ممنوع اطلاقا اعطاء التطعيم لطفل يعانى من مرض نقص مناعة وتم تشخيصه مسبقا

29/12/2019

طبعا الشتا جاي بتقله وأدوار البرد كتيره وخصوصا مع الاطفال ..وعاوز حاجه طبيعيه وأمنه وفعاله تحمي ابنك او بنتك من دور البرد والانفلونزا 🤧

يبقي لازم تديلهم..اميونفيتا نقط 🙂

اميونفيتا نقط عباره عن اعشاب طبيعيه مهمتها تحسن الجهاز المناعي للجسم واللي بدوره هيقاوم دور البرد والانفلونزا وممكن تستخدمه كوقايه خلال فتره الشتا

الجرعه:من ٥ ل ١٠ نقط بالفم مرتين يوميا

للوقايه:٣ مرات يوميا لمده يومين من كل اسبوع

لا يفضل لعمر اقل من سنتين..

27/12/2019

روشتة لعلاج رائحة الفم والنفس الكريهة 🌬️

(فلاجيل ) 💊💊💊 قرص ٣ مرات يوميا

(اوميت س) سبراى 💦💦صباحا ومساء

اورفكس مضمضة🌟 ٣ مرات يوميا

نصائح هامة جدا :

١- غسيل الفم باستمرار خاصة بعد الاكل 🍽️

٢- غسيل الفم بالفرشاة 😁والمعجون خاصة قبل النوم ( هام جدا ) وتغير الفرشاة كل شهر او اقل🙂 وتحفظها فى مكان معقم

٣- التقليل من التدخين🚬 والشاى والمنبهات☕وشرب عصائر ليمون و برتقان🍊 للحفاظ على عدم جفاف الفم 👄.

٤- الكشف على وجود تسوس⚫ أو اى مشكلة فى الاسنان عن طريق دكتور الاسنان .

٥_علاج الجيوب الأنفية الملتهبة😫 ( قد تكون السبب وعلاجها مهم جدا ) .

٦- اعمل test لنفسك😗 كل يوم مع حد من أهلك عشان لو في مشكلة هتكون كبيرة أبعادها مش ظاهرة احيانا تخلى العلاقات تبعد أو تنقطع مع الناس حواليك 🙄

26/12/2019

ايه ي دكتور ينمي ذكاء ونشاط الاطفال !؟🤔

اي مكمل غذائي فيه اوميجا ٣
(ايفالكس,سانسوكود,موري سيز,اوميجا سيز,هالورانج.....الخ)

ودا بيعمل كدا ازاي !؟

اوميجا٣:محسن لوظائف الدم والدوره الدمويه.مما يؤدي لزياده وصول الأكسجين للأطراف والمخ.ويذيد من ذكاء وذاكره الإنسان..

الجرعه: مره واحده يوميا