11/04/2025
عليكم جميعًا 🙏🙏
وماتنسوش تصلوا كتير كتير وبإستمرار علي الحبيب المصطفى صلى الله عليه وسلم
🌟ايه رأيكم نتعامل مع ربنا بفكرة انه سبحانه وتعالي جابني للدنيا عشان يفرح قلبي ونعيش الدنيا بالفكرة دي⭐️
مش إحنا مسكننا الأصلي هو الجنة وجينا هنا الدنيا لفترة معينة وبعدها هنرجع تاني للأصل وهي الجنة
يبقي ربنا جابنا للدنيا عشان يفرح قلبنا ولا لاء؟
⛔️طيب يابسمة والمعاناة والمشاكل والضغوطات والصدمات والجروح والحروب وكل الهموم اللي بنعيشها في الدنيا دي تبقي إيه؟
دي اسمها تربية ربانية عشان يتم تنقيتك وتطهيرك ثم إرتقائك بعدها إلي فرحة قلبك وهي الجنة والإرتقاء الأكبر رفقة النبي عليه الصلاة والسلام في الفردوس الأعلى من الجنة وفي ظل عرش الرحمن سبحانه وتعالي.
🌠رب العالمين بيربيك تربية دقيقة محكمة بعناية فائقة منه ومحبة خالصة منه سبحانه وتعالي {ولِتُصنَع علي عيني} {واصطنعتُكَ لنفسي } عشان ترجع للفطرة النقية السوية وهي حقيقتك وأصلك وأنقي وأرقي واصدق وأفضل نسخة من ذاتك.
فبيتم تنقيتك وتطهيرك علي مدار حياتك من كل اللي بيشوه الفطرة النقية السوية بداخلك ومن كل مايعيقك عن إنك تعيش حياة متزنة سوية وتنقيتك من كل الأفكار الغير سليمة اللي بتمنع عنك بهجة الحياة بكل مافيها وبتعيقك عن السلام الداخلي..عشان تخرج بإستمرار من الظلمات إلي النور .
🎆ولأن كل ده بيساعدك علي رحلة ارتقائك وتطور روحك وارتقائك في التعرف علي رب العالمين والقرب منه أكثر وأكثر سبحانه وتعالي وعشان مع أحداث حياتك في كل مرة ومع كل درس تتعلمه من موقف تُدرِك أكثر وأكثر إنه هو سبحانه وتعالي السند والدعم مش بشر وإن قوتك بيه هو سبحانه وتعالي مش ببشر وإنه هو سبحانه وتعالي الحب الحقيقي الأول في حياتك وإنه هو سبحانه وتعالي المصدر الحقيقي الخالص لكل جميل في حياتك ..وإن أي حاجة حلوة وجميلة وصلتك من بشر مهما كانت بساطتها فهي وصلتك منه سبحانه وتعالي من خلال البشر ده ..يعني ربنا بيعبرلك عن حبه ليك من خلال الإنسان ده ومن خلال الحاجة دي ..وكل قوة إنت اتقويتها ببشر واستعنت بيه فهي في حقيقتها ربنا قواك بيه سبحانه من خلال عباده وربنا أعانك ودعمك وسندك من خلال عباده .
⭕ ️وبعد كده الحياة مش كلها آلام ومعاناة وجروح وصدمات لأن ألطاف الله الخفية دايماً محيطة بينا وحتي في عز الأزمة .. ودايماً هدايا رب العالمين ونعمه علينا مغرقانا فعلاً ..ودايماً معاناتك وهمومك بتبقي في جوانب محددة مش كل الجوانب يعني الفقد في جانب او اتنين من حياتك مش كلها لكن إحنا اللي اتعودنا نكبر مشاكل حياتنا ونخليها تسيطر علي كل حياتنا وتغلب كل الجوانب ومانشوفش الجوانب الحلوة في حياتنا.
فاتعود تلقط الحلو في حياتك واتعود تمتن لرب العالمين علي أبسط نعم في حياتك وحدد حجم مشاكل حياتك لحجمها الصحيح .
وأظن اللي بيحصل لأهلنا في غزة علمنا فعلاً إننا ناخد بالنا من نِعَم ماكناش شايفينها ولا حاسين بيها ونحمد ربنا علي وجودها ونمتن لرب العالمين علي الموجود أياً كان ومهما كان ونمتن لربنا علي أدق وأبسط حاجة في حياتنا .
🟢 ومهما كانت صعوبة حياتك دايماً هتلاقي ربنا بيعوضك بهدايا غالية جداً منه سبحانه وتعالي في صورة بشر بيعوضوك عن الأجزاء المفقودة في حياتك ويكونوا في حياتك خير تجلي لدعم وسند رب العالمين ليك وخير تجلي للحب الحقيقي النقي الصادق الحب الغير مشروط من رب العالمين ليك 💖💖.
⭐وزي ماربنا جابنا الدنيا عشان يفرح قلوبنا ️وعشان نكون في معيته ونحس دايماً بعنايته وقربه ودعمه وسنده لينا فنحاول إحنا كمان نعمل كده مع غيرنا ومع نفسنا ودايماً نفتكر العبارة دي "من سار بين الناس جابرًا للخواطر أدركتهُ عناية الله وهو في جوف المخاطر "
🌟وكمان دايماً يبقي في ذهننا حديث النبي عليه الصلاة والسلام: [ أَحَبُّ الناسِ إلى اللهِ أنفعُهم للناسِ، وأَحَبُّ الأعمالِ إلى اللهِ عزَّ وجلَّ سرورٌ تُدخِلُه على مسلمٍ....]
لتشافي الصدمات النفسية والجروح العاطفية.
#كوتش في تشافي العلاقات الإنسانية والعلاقات الروحية
#فرحة #سرور #فرح
#الله #النبي
#دعم #سند #قرب #حب #امتنان #نعم #شكر #حمد #ألم #جرح #صدمة #هم #كرب #ضيق #مشاكل
