What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Sunday 9am - 5pm

https://m.me/Nerm89?fbclid=IwAR3lOjCs--Q6DOvu8mxqVxS8vv75uMMqQB-N4Eruj65vZbgm43K2ifB4DhI

صحتنا النفسيةبفكره جديده مع نرمين حلمي, Nasr City (2025)

13/08/2025

👦👧 أطفالك بيتخانقوا؟ بيزعقوا ويغلطوا في بعض؟
ما تقلقيش… ده طبيعي جدًا، ومش معناه إن في مشكلة كبيرة.
لكن أوقات، رد فعلنا كأهل هو اللي بيخلي الموقف يعند ويكبر!

تعالي نشوف شوية خطوات بسيطة، ذكية، ومجربة تساعدك ترجعي الهدوء.. وتبني علاقة أقوى بين أطفالك الصغيرين ❤️

⸻

🗣️ 1. جرّبي "الاستماع العكسي"
يعني كل واحد يسمع التاني، ويعيد اللي سمعه بكلماته.
دي طريقة سحرية بتقلل التوتر، وبتخليهم يحسوا إنهم مسموعين ومفهومين.
من أدوات التهذيب الإيجابي، وفعالة جدًا في حل الخلافات.

⸻

⚖️ 2. إنتي مش القاضي!
سيبي فكرة "مين اللي غلطان؟"
لما الخناقة تحصل، قولي بهدوء:
"أنا شايفة في مشكلة، والضرب مش مقبول في بيتنا."
بعدها افصليهم دقايق يهدوا.

⸻

🧘‍♀️ 3. افصلي الأول.. واهدي بعدين اتكلمي.
وقت الزعل مش وقت المحاضرات.
استني شوية، ولما الأمور تهدى، اسألي:
"كنت متضايق من إيه؟ كنت حابب تقول إيه غير إنك تضرب؟"

⸻

🧩 4. علميهم "يعبروا" بدل ما "يتخانقوا"
ادّيهم جمل يتدربوا عليها زي:
"أنا زعلان منك علشان..."
"أنا كنت عايز ألعب بس حسيتك رفضتني"
المهارات دي بتاخد وقت، بس بتفرق فرق جبّار في سلوكهم.

⸻

🚫 5. بلاش مقارنة.. وبلاش لوم
جملة زي: "إنت الكبير، لازم تتحمل" أو "إنت على طول بتعمل مشاكل"
بتكسر نفسية الطفل وبتولّد غيرة وعداوة.
عامليهم بعدل، من غير تصنيف.

⸻

🌟 6. ركزي على اللحظات الحلوة
لما تلاقيهم بيلعبوا سوا، ساعدوا بعض، اتفهموا، قوليها بصوت عالي!
"أنا فرحانة بيكوا قوي وإنتوا بتتعاونوا كده ❤️"

⸻

وفي الآخر…
الخناقة مش معناها إنهم بيكرهوا بعض،
الخناقة معناها إنهم لسه بيتعلموا يعبّروا ويتفاهموا.
وانتي دايمًا المفتاح، وانتي اللي بتغذي علاقتهم كل يوم بتصرفاتك وكلامك. 🗝️💖

#وعي #تربوي #صحة #سلوكيات

01/07/2025

قولنا ان الطفل اللي مبيعرفش يتعامل مع أطفال تانية
عنده مشكلة في الادراك
وعمره العقلي أقل من عمره الزمني
طيب عشان نفهم ازاي نتعامل مع الادراك
لازم نفهم إن الادراك أنواع😁

هاسيب لكم لينك يشرح أنواعه💚

انا هاتكلم هنا عن الادراك السمعي👂
وهو بينقسم لتلات أقسام
✓التمييز السمعي .
يعني اقول لطفلي حاسب الحلة سخنة يفهم ان دا صوتي مش صوت باباه وإنه مينفعش يلمس الحلة😁

✓الذاكرة السمعية المتسلسلة
ازاي احفظ رقم تليفون وارجع اقوله بنفس التسلسل وطبعا دا مهم جدا في حفظ خطوات الحل

✓التحليل السمعي
يعني لما أجي اتملى (ذهب أحمد إلى المدرسة ) اكتبها زي ما هي لاني قسمتها مقاطع وفرقت بين الحروف

🥳🥳🥳دي تمارين تحسن من الإدراك السمعي واتمنى تستخدموها🥰
التمارين تنفع لكل الاعمار

✓لعبة تغطية الصور عند سماع الكلمة
نجيب شوية صور ونطلب من الطفل لو سمع الشكل اللي موجود في الصورة يغطيها بإيده🖼️
ممكن نصعبها بإننا نقول جملة كاملة فيها اسم اللي محتاجين الطفل يغطيها😅

✓ تسجيل اصوات الحيوانات
واحنا مشغلين سيشوار او غسالة نسمع الطفل صوت الحيوان ومطلوب من الطفل يميز الصوت اللي سمعه🐂🐃🐄🐅🐆

✓البحث عن الكنز
نخبي حاجة عنهم ونقولهم يدوروا عليها لكن منقولش الحاجة باسمها ندي اوصافها يعني حاجة لونها ابيض في اسود
مدورة بنلعب بيها⚽

✓لعبة التسلسل
نقول لطفل تلات حاجات ورا بعض كلب قطة بنت ونطلب يعيدهم بنفس الترتيب وكل شوية نزود كلمة جديدة

✓لعبة الرسم
نطلب منهم يرسمو حاجة نوصفها لهم على جملتين
زي اسم بطة مدورة وليها منقار وبعدين نصعب الموضوع واحدة واحدة او زي ارسم بيت فوق الجبل
ارسم شباكين في البيت وخلي سقف البيت احمر وبعدين ارسم تلات سحابات في السما

✓لعبة السوبر ماركت
هانقول جملة بدايتها انا رحت السوبر ماركت واشتريت جبنة والطفل يضيف حاجة كمان
وبعدين انت تاخد الجملة وتضيف حاجة كمان
والطفل ياخد جملتك ويضيف حاجة كمان وهكذا لحد ماحد ينسى حاجة نعيد من الاول

✓اللعبة دي تنفع مع الولاد في المدرسة او مع القرايب
لو احنا قاعدين في تجمع مثلا نطلب من طفل واحد يروح بعيدونقول لواحد تاني جملة ملهاش معنى زي قول لمحمد يشتري لنا عصير بط
والمطلوب اللي عليه الدور يروح يقول للطفل المستخبي الجملة والطفل المستخبي يرجع يقول الجملة وممكن ميستخباش نعملها بطريقة الوشوشة😁
اوعوا تتلخبطوا🤣

✓القصة المسموعة
اقرا للطفل بصوت عالي قصة واطلب منه يحكي اللي قولته واسأله ليه حصل كدة ؟
وازاي حصل كدة؟
وامتى حصل كدة؟
اتفاجئ يا أخي متعرفش تتفاجيء🥳

9 لعبة الدايرة⭕
نعمل دايرة واول واحد في الدايرة يقول جملة في ودن اللي جنبه والمطلوب ان اللي جنبه ينقل جملته للي بعديه وهكذا لحد اخر واحد يقول الجملة بصوت عالي

23/06/2025

هنتكلم عن الاستدلال الكمي والمهارات التي يقوم عليها الاستدلال الكمي ومظاهر ضعف الاستدلال الكمي عند الأطفال 🔽

🔃الاستدلال الكمي يعني :

قدرة الطفل على استخدام الأرقام والمفاهيم الرياضية لفهم العلاقات بين الكميات وحل المسائل التي تتطلب تفكير عددي. هو ليس فقط حفظ جدول الضرب أو حل المسألة بل هو فهم العلاقة العددية والقدرة عل الاستنتاج والربط المنطقي بين الأعداد .

🔃مظاهر ضعف الاستدلال الكمي عند الأطفال :

1️⃣الطفل لا يستطيع حل مسائل بسيطة حتى لو يعرف العد .
2️⃣يتوقف عند أي مسألة لفظية لأنه لا يعرف كيف يترجمها لأرقام .
3️⃣يستخدم العد بالأصابع حتى في عمليات سهلة.
4️⃣لا يفهم كلمات مثل أكثر و أقل و مضاعف و نصف أقرب .
5️⃣لا يلاحظ النمط العددي (مثل 2، 4، 6، __؟)
6️⃣يخلط بين الأرقام القريبة (يعتقد أن 8 أقرب إلى 10 من 7).

🔃أنواع الاستدلال الكمي :

1️⃣الاستدلال الكمي اللفظي : وهى حل مسائل عددية باستخدام اللغة سواء مقروءة أو مسموعة .
2️⃣الاستدلال الكمي الغير لفظي : وهى حل المشكلات أو المسائل العددية من خلال الصور أو رموز أو أشكال دون استخدام اللغة .

🔃المهارات التي يقوم عليها الاستدلال الكمي :

⏏️الفهم العددي :

هي قدرة الطفل على فهم العدد كمفهوم وليس كرمز فقط . تشمل ⬇️

1️⃣معرفة ترتيب الأعداد (1، 2، 3، ...)
2️⃣فهم أن الرقم 4 يعني مجموعة فيها 4 أشياء .
3️⃣إدراك أن 8 أكبر من 6 وأن الفرق بينهما 2.
4️⃣استخدام الأعداد في الحياة اليومية.

⏏️ العمليات الأساسية :

وهى القدرة على إجراء العمليات الحسابية الذهنية البسيطة مثل :الجمع / الطرح /و احيانا الضرب لانه بيستخدم في المرحلة الابتدائية.

تشمل هذه العمليات الحسابية العديد من الاستراتيجيات وهى [ الترتيب التصاعدي والتنازلي _ استخدام الأصابع عند الجمع أو الطرح _ الجمع بالتحميل _ الطرح بالاستلاف _ حل مسائل لفظية ].

🔃 العلاقات العددية:

وهى فهم العلاقة المنطقية بين الأعداد مثل [ الفرق بين عددين _ النصف _ الضعف _ اكثر وأقل _ التقريب ].

🔃تسلسل الأعداد :

وهو القدرة على التغرف على أنماط الأعداد وفهم التتابع العددي مثل [ العد التصاعدي والتنازل _ إكمال النمط _ استنتاج القاعدة في النمط ]

مثل ا الطفل اذا رأى 5 - 10 - 15 يستنتج ا النمط في كل مرة يزيد 5 وتكون الإجابة 20 .

🔃التفكير المنطقي العددي :

وهو استام الأرقام لحل مشكلات تعتمد على التفكير وليس الحفظ مثل [ تحليل مسألة لفظية عادية _ استنتاج رقم مفقود _ ربط معلومات عددية مع بعضها ]

هناخد مثال بسيط :

في أحد الصفوف يجلس 3 طلاب في كل طاولة. إذا كان هناك 5 طاولات كم عدد الطلاب؟

🔃مهارة حل المسائل اللفظية :

وهى فهم النص المكتوب لمسألة رياضية وتحويله إلى عملية حسابية.
مثل [ تمييز الكلمات الدالة زي ⬅️أخذ بقي أعطى كم صار _ ترتيب خطوات الحل ذهنيًا أو كتابيًا]

هناخد مثال بسيط :

أحمد اشترى 3 أقلام ووالده أعطاه 2 أخرى كم معه الآن؟ الإجابة: 5

🔃الذاكرة العاملة العددية :

وهىالقدرة على الاحتفاظ بالمعلومة الرقمية في الذهن أثناء معالجتها مثل [تذكر الأعداد المتتابعة أثناء العد أو الحساب _ تذكر الخطوات التي أجراها الطفل لحل المسألة_حل أكثر من خطوة حسابية في ذهنه .

مثال :

احسب 8 + 4 - 2 ويجب أن يتذكر أولًا الناتج المؤقت 12 ثم يطرحه.

🔃مهارة التقدير الكمي (التخمين أو التقريب ) :

وهى
القدرة على التقريب والتخمين المنطقي للكمية أو النتيجة مثل [ معرفة إذا كانت الإجابة منطقية أم لا_توقع كمية بدون عدّ دقيق ].

مثال:

يرى الطفل مجموعة من الأقلام (10 تقريبًا) ويقول: أعتقد أنهم حوالي 10 .

🔃المفاهيم الرياضية اللفظية :

وهى فهم المصطلحات والكلمات المرتبطة بالرياضيات مثل [ نصف ، ضعف، مجموع، أقل، فرق، يساوي _ فهم "كم يتبقى"، "ما هو العدد الأكبر"، "أقرب عدد إلى…" ].

مثال :ما هو ضعف 6؟ → الطفل يجاوب 12

🔃التنظيم المكاني العددي :

هى القدرة على تنظيم الأرقام بشكل مرتب والتمييز بينها بصريًا مثل [كتابة الأرقام في الأعمدة الصحيحة_ترتيب العددين حسب القيمة_ عدم خلط الأرقام القريبة (6 و9 أو 13 و31)

مثال : يستطيع الطفل التمييز بصريًا بين 14 و41 ويعرف التفريق بينهم .

💡ملحوظة مهمة:

كل هذه المهارات مترابطة ووجود خلل في واحدة منها يمكن أن يؤثر على بقية مكونات الاستدلال الكمي .

22/06/2025

عشان تعزز شعور الرضا في قلبك:

✅ فكر في 3 نعم حصلت معاك النهاردة 🦋
✅ فكر في 3 نعم في شخصيتك 💚
✅ اكتبهم أو شاركهم مع حد قريب أو حتى في تعليق هنا 👇💗💜

21/06/2025

في حاجات في الدنيا ماينفعش نغيّرها…

إنما اللي تقدر تسيطر عليه؟ هو أنت…
رد فعلك، أفكارك، وأكلك لما تقول “هبدأ دايت من بكرة” ومتكملش 😅

إنت مش سوبر مان، بس عندك سوبر قوة:
إنك تغيّر في نفسك، وتزبط يومك، وترد على الزعل بـ ضحكة بدل النكد 💪

فـ بدل ما تقعد تعيد وتزيد في اللي مالكش فيه…
ركّز في اللي في إيدك، وخلّي عندك دماغ! 🧠🔥

05/04/2025

كيف تكوني أما ناجحة؟
(1) بناء علاقة قائمة على الحب والثقة
مثال:
1. خصصي وقتاً يومياً للاستماع إليهم دون مقاطعة، مثل الجلوس معهم بعد العشاء لسؤالهم عن يومهم.
2. احتفظي بأسرارهم الصغيرة وشاركيهم مشاعرك لتعزيز الثقة المتبادلة.
3. امدحي جهودهم وليس فقط النتائج، مثل قول: "أنا فخورة بك لأنك بذلت جهداً في دراستك".
4. احتضنيهم وعبري عن حبك بشكل يومي، حتى في الأيام المشغولة.
===================
(2) وضع حدود وقواعد واضحة
مثال:
1. حددي أوقاتاً معينة لاستخدام الأجهزة الإلكترونية، مثل ساعة واحدة يومياً.
2. اتفقي معهم على قواعد المنزل، مثل تنظيف غرفتهم قبل اللعب.
3. اشرحي لهم سبب القواعد، مثل: "النوم مبكراً يساعدك على التركيز في المدرسة".
4. كوني حازمة، ولكن لطيفة عند تطبيق القواعد، مثل إغلاق التلفزيون عند انتهاء الوقت المحدد.
====================
(3) تعزيز الاستقلالية والمسؤولية
مثال:
1. شجعيهم على اختيار ملابسهم بأنفسهم منذ الصغر.
2. اطلبي منهم المساعدة في المهام المنزلية البسيطة، مثل ترتيب الطاولة.
3. علميهم كيفية إدارة مصروفهم الشخصي وتوفير جزء منه.
4. امنحيهم فرصة لحل مشاكلهم بأنفسهم قبل التدخل، مثل حل نزاع مع أخيهم.
======================
(4) توفير الدعم العاطفي والتعليمي
مثال:
1. ساعديهم في واجباتهم المدرسية دون أن تفعليها بدلاً منهم.
2. شجعيهم على ممارسة هواياتهم، مثل الرسم أو الرياضة، وشاركيهم اهتماماتهم.
3. كوني موجودة في الأوقات الصعبة، مثل الامتحانات أو المشاكل مع الأصدقاء.
4. علميهم كيفية التعامل مع الفشل، مثل قول: "الفشل جزء من التعلم، المهم أن تحاول مرة أخرى".
======================
(5) أن تكوني قدوة حسنة
مثال:
1. كوني صادقة في تعاملك مع الآخرين لتعليمهم قيمة الصدق.
2. اظهري التعاطف مع الآخرين أمامهم لتعليمهم التعاطف.
3. حافظي على هدوئك في المواقف الصعبة لتعليمهم كيفية إدارة الغضب.
4. اهتمي بصحتك ومارسي الرياضة لتحفيزهم على اتباع نمط حياة صحي.
=======================
(6) التواصل الفعال
مثال:
1. استخدمي لغة إيجابية عند التوجيه، مثل: "أرجوك رتب غرفتك" بدلاً من "لماذا غرفتك فوضوية؟".
2. استمعي لمشاعرهم دون حكم، مثل قول: "أنا أفهم أنك تشعر بالغضب الآن".
3. شاركيهم قصصاً من طفولتك لتعزيز التواصل العاطفي.
4. استخدمي الأسئلة المفتوحة لتحفيزهم على التحدث، مثل: "ما الذي استمتعت به اليوم؟".
=====================
(7) تشجيع التعلم والنمو
مثال:
1. اقرئي معهم كتباً تناسب أعمارهم وشجعيهم على القراءة.
2. زوروا أماكن تعليمية مثل المتاحف أو المكتبات.
3. شجعيهم على طرح الأسئلة وابحثوا معاً عن إجاباتها.
4. احتفلي بإنجازاتهم الصغيرة، مثل تعلم مهارة جديدة أو تحسين درجاتهم.
=====================
(8) الحفاظ على التوازن بين الحزم والمرونة
مثال:
1. كوني مرنة في بعض القواعد في المناسبات الخاصة، مثل السهر قليلاً في العطلات.
2. اشرحي لهم سبب تغيير القاعدة، مثل: "اليوم عيد ميلادك، لذا يمكنك السهر قليلاً".
3. كوني حازمة في الأمور المهمة، مثل الالتزام بالمواعيد.
4. امنحيهم خيارات ضمن الحدود، مثل: "يمكنك اختيار الوقت الذي تريد فيه الدراسة".
استمتعي بأولادك واعملي أنهم أمانة الله لك.

#تعليم
#منزلى

04/04/2025

عندما يصرخ الطفل أو يضرب نفسه عند عدم تنفيذ طلباته، فهذا يعني أنه لم يتعلم بعد كيفية التعامل مع الإحباط بطريقة صحية. هنا بعض الأساليب الفعالة لمساعدته على ضبط نفسه والتعبير عن مشاعره بشكل أفضل:

1- فهم سبب السلوك

الطفل في هذه الحالة لا يحاول التحدي فقط، بل ربما لا يعرف كيف يعبر عن غضبه.

قد يكون متعبًا، جائعًا، أو يشعر بالإحباط لعدم قدرته على التواصل بوضوح.

2- الحفاظ على الهدوء وعدم الاستجابة بانفعال

إذا كنتِ تردين بالصراخ أو الغضب، سيشعر الطفل أن هذا الأسلوب فعال للحصول على ما يريد.

تحدثي إليه بهدوء، ولكن بحزم، قولي مثلًا: "أعلم أنك غاضب، لكن لا يمكننا الصراخ أو ضرب أنفسنا".

3- تعليمه طرقًا أخرى للتعبير عن مشاعره

علميه استخدام الكلمات لوصف مشاعره، مثل: "أنا غاضب لأنني كنت أريد ذلك".

استخدمي كتبًا أو فيديوهات بسيطة حول كيفية التعبير عن المشاعر.

4- توفير بدائل للتنفيس عن الغضب

يمكن أن يعبر عن غضبه بطريقة أخرى، مثل ضرب وسادة، الضغط على كرة مطاطية، أو التنفس العميق.

بعض الأطفال يستفيدون من الرسم أو التلوين عند الشعور بالغضب.

5- استخدام التجاهل الجزئي مع السلوك السلبي

إذا كان الطفل يصرخ لجذب الانتباه، حاولي عدم إعطائه رد فعل مباشر.

بمجرد أن يهدأ، امنحيه اهتمامًا، وأثني عليه لقدرته على التحكم في نفسه.

6- تعزيز السلوك الإيجابي بالمكافآت والتشجيع

عندما يطلب شيئًا بطريقة هادئة، امدحيه قائلة: "أحب كيف طلبت ذلك بهدوء".

يمكن استخدام نظام النجوم أو المكافآت الصغيرة لتعزيز السلوك الجيد.

7- تجنب الاستسلام لرغباته بسبب صراخه

إذا استسلمتِ وأعطيته ما يريد بعد الصراخ، سيتعلم أن هذا السلوك يجدي نفعًا.

حافظي على موقفكِ، وقولي له إنه يستطيع المحاولة مرة أخرى لاحقًا عندما يهدأ.

8- التأكد من عدم وجود سبب طبي أو نفسي للسلوك

بعض الأطفال لديهم حساسية مفرطة تجاه الإحباط أو يعانون من مشاكل مثل اضطراب فرط الحركة أو التوحد، مما يجعلهم أكثر عرضة لمثل هذه السلوكيات.

إذا استمر السلوك لفترة طويلة وكان شديدًا، قد يكون من المفيد استشارة مختص نفسي للأطفال.

الخلاصة

المفتاح الأساسي هو الثبات والهدوء والتوجيه المستمر. مع الوقت، سيتعلم الطفل أن هناك طرقًا أفضل للتعامل مع مشاعره بدلاً من الصراخ أو إيذاء نفسه.

27/03/2025

بتجيلى أسئلة متكررة كتير عن إزاي اعرف ان ابني ماشي كويس ولا متأخر هجاوبلك على معظم اسئلتكم فى البوست ده 👇🏻👇🏻

27/03/2025

شعور الطفل بالأمان من الأب والأم هو أساس نموه النفسي والعاطفي السليم، حيث يؤثر بشكل كبير على شخصيته ومستقبله. عندما يشعر الطفل بالأمان في بيئته العائلية، يكون أكثر قدرة على الاستكشاف والتعلم والتطور دون خوف. وينعكس شعوره بالأمان على مايلي:

1. تنمية الثقة بالنفس: عندما يشعر الطفل بأنه محبوب ومحمي، يكتسب ثقة في نفسه وقدرته على مواجهة التحديات.

2. تعزيز الصحة النفسية: الأمان العاطفي يقلل من مشاعر القلق والتوتر، مما يساعد الطفل على النمو بشكل متوازن.

3. تحفيز التعلم والإبداع: الطفل الذي يشعر بالأمان يكون أكثر قدرة على الاستكشاف والإبداع دون خوف من الفشل أو العقاب.

4. بناء علاقات صحية: عندما يتلقى الطفل الحب والاهتمام، يتعلم كيف يكون عطوفًا ومتزنًا في علاقاته مع الآخرين.

5. تنمية الاستقلالية: الأمان العاطفي يساعد الطفل على اكتساب المهارات اللازمة للاعتماد على نفسه مع مرور الوقت.

دور الأهل في توفير هذا الأمان يتمثل في تقديم الحب غير المشروط، الاستماع لمشاعر الطفل، دعمه في مواجهة مشكلاته، وعدم استخدام العنف أو التخويف كأسلوب تربوي.

24/12/2024

(لماذا يتراجع بعض الرجال تجاه الأنثى بعد مرحلة الإعجاب)😊

- بعد ما الراجل بيعجب بالست وبيقرب منها، وبعد ما مشاعرهم هما الاتنين تتحرك، وبعد ما يتكلموا في كل الخطط المستقبلية اللي تخصهم لما يتجوزوا، الست بتستنى بقى إنه ياخد الخطوة ويتقدم رسمي ويطلبها للجواز، هما خلاص متفاهمين ومتفقين ومفيش حاجة تعطل الدنيا!
- ولكن في اللحظة دي وعند المرحلة دي تحديدًا الراجل بيبدأ يتهرب ومبيتحركش ولا خطوة، والست مش بتبقى فاهمة هو إيه اللي بيحصل بالظبط!
- وهنا بتظهر حجج كتيرة الراجل بيصدرها للست، باعتبار إنها عائق وبسببها هيحتاج يأجل إنه يتقدم رسمي شوية، وهنا لو الست مشاعرها اتحركت للأسف بتصبر وبتكمل وهي كلها أمل إنه يطلع صادق وقد كلمته، ده إذا مكنتش مصدقاه من البداية أصلًا.
- اللي بيحصل بنسبة كبيرة إن الراجل بيفضل يتهرب ويبعد، وفي المقابل الست بتحاول تقرب عشان تفهم إيه اللي مغيره كده ولكنها مبتلاقيش إجابة، لحد ما بتجيب آخرها وتستسلم بعدين تتفاجئ إن نفس الراجل ده خطب بسرعة جدًا واتجوز وعاش حياته، ولحد المرحلة دي هي بتبقى برضه مش فاهمة هو عمل كده ليه!
- في نوعية من الرجالة بيحركهم هواهم وشهواتهم، وبرضه في نوعية من الستات مشاعرهم واحتياجاتهم النفسية هي اللي بتحركهم، ودول النوعين اللي هنلاقيهم داخلين مع بعض في نفس العلاقة، واللي للأسف بنسبة ما قد يحصل فيها بعض التجاوزات في الكلام.
- طيب إيه اللي بيحصل مع الراجل؟
= الراجل هنا قد يكون داخل ونيته كويسة ولكن مع الوقت بيلاقي نفسه اتقفل ومش حاسس بمشاعر وفقد الشغف ومش عاوز يكمل، وده لإن اللي حركه تجاه الست هو إعجاب (والإعجاب): هو حالة استثارة بتحصل تجاه شيء خفي أو مستتر أو مجهول، هو أعجب بالست عشان هي مجهولة بالنسباله فالمحرك هنا كان فضول قوي بتملكها والحصول عليها.
= ودي غريزة فطرية في البشر عمومًا، لكنها مش بتتساب كده ولا بنطلقها بدون حدود أو ضوابط، هي بتحتاج تتهذب، ومش بيهذبها شيء غير التزكية المستمرة ووجود الوازع الديني، ونضيف على ده تبصر الراجل بنفسه ووضوح معاييره في اختيار شريكة حياته.
= الفطرة مش متهذبة و شهواتك سيقاك، بالإضافة لغياب الجانب الشرعي من حياتك؟ هتلاقي نفسك من ست لست، بتروح مع اللي بتعجبك وأول ما الحتة المجهولة اللي عندها بتوضح أو بتتحصل عليها بتزهق منها وبتزهد فيها وتدخل على اللي بعدها، وهكذا بقى.
= وده بيفسر سلوك الراجل النسوانجي أو الضعيف قدام الستات، ونفس الراجل ده هتلاقيه بيتجوز وغالبًا بيتجوز الست اللي قدرت تحافظ على الحتة المجهولة اللي فيها ومخليتهوش يطول منها حاجة، لكنه بعد الجواز بيمتلكها ويبدأ يألفها ويزهق، ويا بيدور على ستات تانية يا بيرجع للي كان واعدها بالجواز وسابها فجأة.
= اللي بيوصّل الراجل للمرحلة دي قولًا واحدًا هو غياب التزكية المستمرة، إنه سايب نفسه للمؤثرات اللي حواليه والعوامل الخارجية سواء أفلام، مسلسلات، اختلاط بسبب وبدون سبب، سوشيال ميديا، وكل دي جوانب مش بتعرض أمامه شيء غير ستات في كامل زينتهم ولامؤاخذه مش لابسين.
= كل دي ملفات جنسية مفتوحة عند الراجل بتخليه مش قادر يشبع من الستات وضعيف أمامهم، وطبعًا بيشوط قدامه (ستات هبلة) بيصدقوه وبيعتقدوا إنه بتاع جواز وكده.
- بالنسبة للست بقى إيه اللي بيحصل عندها؟
= الست طول الوقت مضغوطة من البيت عشان تجيب عريس وتتجوز، بتتابع أفلام رومانسية وقصص حب في مسلسلات وبتسمع أغاني، وبتقرأ روايات، وكل ده بيملى دماغها وبيغذى عقلها بفكرة إنها هتقابل فتى الأحلام في أي مكان وأي وقت، ممكن تقابله في الشغل، المواصلات، في كورس، في دراسة، في مول، هو أي مكان هي معتقدة إن ممكن يكون موجود فيه.
= وعلى هذا الأساس بتخرج تواجه العالم وهي عندها قابلية شديدة للتعامل بسلاسة مع الجنس الآخر (بتبقى فاتحة الباب شوية) لعل وعسى إن فارس الأحلام يدخل أي وقت، وبمشاعر فياضة بتستقبل أي حد بيحاول يقرب منها بود وبحسن نية وبصدق تام، وهي معتقدة إنه هيبادلها نفس المشاعر ونفس الصدق عادي خالص🙆‍♀️
= هنا البنت بتبقى داخلة ونيتها تتجوز وتستقر، هي لا عاوزة تلف ولا تصيع ولا تقضيها، لكن مشاعرها واحتياجتها وغرائزها غير المهذبة بتكعبلها فبتتكفي علي وشها لما بتدخل العلاقة.
= بتلاقي نفسها بتقدم تنازلات بكل ضعف، وفي نفس الوقت بتبقى خايفة تصده فهيرب منها وميرجعش تاني، بتتعلق تعلق مرضي بسهولة، بتقع في الحب بسرعة جدًا وبتصدق الراجل بسرعة جدًا جدًا وبتعمله محور الكون.
= وطبعًا اللي دخلنا في المرحلة دي برضه غياب الوازع الديني، اللي المفروض إنه محدد لينا الحرام من الحلال والخير من الشر، وإنه لازم يكون هو مرجعيتنا الأساسية، مش هوانا ولا شهواتنا ولا احتياجتنا النفسية.
= وزي ما الراجل عنده ملفات جنسية مفتوحة الست عندها ملفات مفتوحة لكنها بتكون عاطفية، مرتبطة أكتر بالحب والدفء والاهتمام والاستقرار، ولكنها بتحاول تتحصل عليهم بالطرق الغلط أو الحرام، واللي بيملي عليها الطرق دي القصص اللي بتتعرضلها بشكل مستمر من الميديا بمختلف اشكالها ومن المجتمع كمان.
= وقد يكون نفس الست دي عندها مشاكل أسرية مخلياها مفتقدة الشعور بالأمان فبتعتقد إنها هتعوضه بمجرد ما يدخل راجل حياتها.
- الستات والرجالة ربنا فطرهم على إنهم ينجذبوا لبعض ويعجبوا ببعض، ولكن كل واحد فينا بيختار إنه يا يسوق نفسه ويلجمها ويروضها بمعايير الشرع، يا هي اللي تسوقه وتتحكم فيه وتحركه حسب الهوى والمزاج.
- في إيدك تهذب شهواتك وتزكي نفسك وتستعين بالله وتفهم نفسك عشان تبقى مالك زمام أمرك، مش بتنهار قدام أي ست تعجبك على طول.
- وإنتي في إيدك تهذبي شهواتك واحتياجاتك النفسية والعاطفية وتزكي نفسك وتستعيني بالله عشان متصدقيش أي واحد يقولك أنا معجب بيكي وهتجوزك بعدين تلاقيه سابك واتجوز بعدها بيومين ده إذا متجوزش وإنتي معاه أساسًا😃

والسلام عليكم ورحمة الله وبركاته

21/12/2024

✍️
فيروسات العلاقات 👌

الشك الزايد:
“لما تبقى العلاقة كلها شك وتفتيش وقلق، الثقة بتنهار وبتبقى العلاقة مسمومة.”

التجاهل والإهمال:
“عدم الاهتمام أو إنك تحس إنك مش موجود في حياة الطرف التاني، ده بيعمل فجوة كبيرة.

الكدب
“الكدبة صغيرة كانت أو كبيرة بتوقع حاجات كتير في العلاقة… والثقة لما بتتكسر صعب تتصلّح.”

التحكم والسيطرة
“لما حد يبقى عايز يمسك كل حاجة ويتحكم في حياتك وتفاصيلك، بتحس إنك مخنوق.”

عدم التقدير:
“لما اللي قدامك ياخدك كأنك مضمون ومش بيقدّر وجودك أو تعبك، بتحس إنك مش مهم.”

اللوم المستمر والنقد:
“لما كل حاجة تعملها تتقلب نقد أو هجوم، بتحس إنك مش كفاية ومش مقبول.”

المقارنة:
“لما حد يقعد يقارنك بحد تاني، سواء شريك أو صاحب، بتحس إنك أقل ومش مقدَّر.”

الأنانية:
“لما يبقى كل حاجة بتدور حوالين طرف واحد، والطرف التاني مش في الحسبان.”

عدم الوضوح:
“لما الكلام يبقى كله لف ودوران، وعدم وضوح في النوايا أو المشاعر.”

الغضب والانفعال الزايد:
“كل كلمة تتحول لخناقة وكل موقف يولّع، العلاقة بتبقى كلها توتر.”

📌علشان كده
اتسمّت فيروسات العلاقات لأن الفيروسات كائنات صغيرة جدًا، ممكن ما نشوفهاش،
لكن تأثيرها كبير وبيسبب مشاكل لو ما اتعالجتش

📌
نفس الفكرة مع الحاجات اللي بتبوّظ العلاقات:
ممكن تبان بسيطة أو تتجاهلها في الأول، لكن مع الوقت بتكبر وتسبب انهيار العلاقة، زي الفيروس لما يضعف الجسم.

كمان، الفيروس بينتشر لو ما خدناش بالنا، وده زي السلوكيات السلبية في العلاقة.

لو واحد من الطرفين بيعملها، ممكن التاني يتأثر ويبدأ يرد بنفس الطريقة، فالعلاقة كلها تبقى مسمومة.

الفكرة في التسمية إنها بتوصف التأثير المدمر لحاجات صغيرة لو ما تمش علاجها أو التعامل معاها بدرى

07/12/2024

اللي بيفرق العلاقة المريحة عن العلاقه المرهقة ايه ؟

إن في حد شايفك إنسان طبيعي تصيب و تخطئ و حد تاني عايزك ماشي علي الحبل الغلطه معاه بفوره
حد بيتفهم و يعذر و يطمن ، وحد بارع في سوء الظن و تكسير المقاديف و النقد ،
حد تحس معاه بالامان وتحب روحك فـ قربه ، وحد يكرهك في نفسك و يخليك تلف حوالين روحك .

صحتنا النفسيةبفكره جديده مع نرمين حلمي

13/08/2025

01/07/2025

23/06/2025

22/06/2025

21/06/2025

05/04/2025

04/04/2025

27/03/2025

27/03/2025

24/12/2024

21/12/2024

07/12/2024

Address

Opening Hours

Telephone

Website

Alerts

Contact The Practice

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Sunday	9am - 5pm