الدكتورة / مريم ميشيل Endocrine & Diabetes Hub

12/05/2026

أنواع مرض السكري مختلفة و بالتالي العلاج ممكن يختلف من مريض لمريض يتفصل العلاج مخصوص لكل واحد حسب نوع السكر و وجود مضاعفات و غيره هنكمل في الجزء دا عن باقي انواع السكري و أسبابه #السكري

27/04/2026

مرض السكري ليه أسباب كتيرة وضروري نعرف إيه أنواع و أسباب السكري عشان دا هيخلي العلاج مش واحد لكل الناس من أشهر أنواع السكري النوع الأول و النوع الثاني لكن في أنواع تاني هنقول عليهم زي سكر الحمل و سكر النوع الثالث و سكر مودي و سكر لادا و سكر ثانوي لأسباب مرضية او سكر نتيجة أدوية بترفع السكر (جزء ١) #السكرى

16/04/2026

كيف احمي نفسي و من أحب من الاكتآب؟❤️❤️

بداية لا يصح إلا الصحيح ⭐️
عند شعورك بفقدان الرغبة بالحياة أو الرغبة بإنهاء حياتك لازم تراجع المختصين من الأطباء النفسيين بدون تردد ولا تأخير.

بعض المشاكل الصحية ممكن تسبب أمراض نفسية مثل القلق أو العصبية أو الاكتآب تستدعي عمل فحوصات ضرورية منها تحليل:
الانيميا🟢
الغدة الدرقية🟢
السكري🟢
الهرمونات زي التستوستيرون عند الرجال🟢
انتظام الدورة الشهرية عند السيدات🟢

بعد عمل جميع الفحوصات الأولية ممكن
اتباع النصائح التالية نتيجة وجود موجة شديدة من ظروف اجتماعية و اقتصادية قاسية و أخبار حروب و أخبار مُتعبة نفسياً على وسائل التواصل الإجتماعي و حتى في المسلسلات اللي مفروض تكون ترفيهية أو تثقيفية أو اجتماعية بصورة صحية
أصبح عدد الأشخاص المصابين بالقلق أو الإكتآب في تزايد مستمر.

بدايةً حاول تفصل نفسك عن مسببات القلق
قلل عدد ساعات السوشال ميديا، لا تتابع
المسلسل المتعب نفسياً

ثانياً غيروا أنفسكم بتغيير أذهانكم
لا تصدق كل فكرة غبية بتيجي في رأسك
مش كل فكرة بتيجي في رأسك تديها مساحة و حجم كبير أفكار كتير بتكون غلط
بدّل الفكرة المزعجة بفكرة مريحة
مثلاً بدل ما تقول أنا فاشل و مش هقدر أنجح قول لنفسك أنا هعمل أحسن حاجة عندي و ربنا كريم و هيفرحني بالنجاح.

و من هنا هنروح لنقطة رقم ٣
امسك في ربنا و علم بيتك عنه وصلي و اطلب ربنا كل الوقت و فكر نفسك بمراحمه و كم هو عظيم و قدوس و قدير و رحيم و معين من ليس له معين

رابعاً في دراسات على عدد من الأشخاص المصابين بالاكتآب و القلق كان هناك نتائج ممتازة و تحسن حالة القلق و الاكتآب هكتب لكم ملخص نتائج بعض الدراسات

١. الرياضة مهمة جدا و قد تعادل قوة بعض مضادات الاكتآب
إمشي مشي سريع كأنك متأخر عن الشغل نصف ساعة كل يوم

٢. استخدام الاوميجا ٣ مهم للمخ و بيحسن المزاج و بيقلل الإكتآب

٣. استخدام الزعفران بيحسن المزاج وبيقلل الاكتآب

٤. لو كل الطرق مش بتعمل تحسن في حالتك النفسية لابد من استخدام ادوية مضادة للإكتآب مع متابعة من المختصين النفسيين

تحياتي لكم مع تمنياتي للجميع بصحة نفسية و جسدية و روحية 🙏

استشاري الغدد الصماء والسكري
جامعة عين شمس
زميل الكلية الملكية البريطانية
تخصص الغدد الصماء و السكري

11/04/2026

عيد فصح مجيد و كل عام و أنتم بألف خير ❤️

نطلب من الله أن يملأ قلوبكم بالسلام والفرح 🙏

وأتمنى لكم عيدًا سعيدًا مليئًا بالفرح والطمأنينة

بإذن الله سنعاود العمل في العيادة يوم الأربعاء ١٥ إبريل لمتابعة المواعيد والخدمة.

03/04/2026

ضبط جرعة الإنسولين مع عمل تمارين رياضية بتحرق السكر و تسبب الهبوط من اهم الأمور اللي لازم ناخد بالنا منها #سكري

27/03/2026

🤔🤔 عيان ضغطه عالي مع انه بياخد أقراص علاج الضغط اللي ممكن تكون فيها ٣ أدوية في القرص الواحد‼️

لازم تتأكد من كذا نقطة قبل ما تغوص مع المريض في رحلة البحث عن سبب هذا الضغط العالي:
🔹اولاً : اسأل المريض انت ملتزم بالعلاج أو لاء
🔹ثانيا : شيييك على كل الادويه اللي بياخدها بعض منها ممكن تكون السبب في رفع الضغط
زي المسكنات و قابضات الأوعية في أدوية البرد أو هرمونات تنظيم الدورة الشهرية، المنشطات و أدوية الاكتئاب و غيرها…
🔹ثالثاً : خلي المريض يقيس ضغطه في البيت و هو قاعد و رايق
مرات بيكون الضغط عالي عندك في العيادة بس لأن المريض بيكون قلقان و هاي اسمها white coat hypertension

بعد ما تعدي ع هدول الاسئلة✔️✔️✔️
و تتأكد انه ملتزم بالدواء و ما بياخد علاج بيرفع الضغط و طول الوقت بالبيت و برا البيت الضغط عالي
يبقى لازم تدخل على المرحلة الثانية و اللي هي انك تطمن على العيان أحسن ليكون الضغط العالي عمله مشاكل و لسا مش ظاهرة …
🔺أطمن على العين خليه يعمل فحص قاع العين ممكن الضغط العالي يعمل نزيف او انفصال بالشبكية
🔺أطمن على القلب خليه يعمل ايكو ممكن الضغط العالي يعمل تضخم في عضلة القلب
🔺أطمن على الكلى خليه يعمل وظائف الكلى و زلال البول لأن الضغط العالي بيعمل تلف في فلاتر الكلى
🔺خليه يقيس الضغط من الساق و من الدراع و يشوف الفرق بينهم ankle brachial index كل ما قلّ الفرق عن 0.9 معناها حصل تلف في الأوعية الدموية.

🔜 بعد المرور بهذه المرحلة لازم تدخل على تشخيص و معرفة سبب الضغط العالي ✔️✔️✔️
و تخلي في بالك في أسباب أكثر شيوعاً من أسباب تانية
فإبدأ بالبحث على ال what’s common is common
زي
📌انقطاع النَفَس الإنسدادي أثناء النوم OSA اللي بيطّلب منك تعمل دراسة نوم لتشخصه
📌أمراض الكلى اللي بيطلب عمل تحاليل وظائف الكلى و زلال البول
📌أمراض شرايين الكلى زي تضيق شرايين الكلية renovascular disease أو fibrovascular dysplasia
اللي بيطّلب منك تعمل دوبلر على شرايين الكلية
📌أو أمراض الغدد الصماء و دي لعبتنا 😄😄😄
أي خلل في الغدد الصماء ممكن يختر على بالك ممكن يرفع الضغط ما عادا أديسون Addison disease
و بالترتيب كدا من الأشهر للأقل شهرة في الأسباب هنذكرهم

١. أورام الغدة الكظرية المفرزة لهرمون الالدوستيرون 1ry aldosteronism
٢. ⁠أورام الكظرية المفرزة للكورتيزون Cushing syndrome
٣. ⁠أورام الكظرية المفرزة للأدرينالين pheochromocytoma
٤. ⁠نشاط أو خمول الغدة الدرقية
٥. ⁠نشاط جار الدرقية
٦. ⁠أورام النخامية المفرزة لهرمون النمو
٧. ⁠تضخم الغدة الكظرية الخلقي CAH نتيجة خلل في تصنيع هرمون الكورتيزون ممكن يسبب ارتفاع في بعض الهرمونات اللي بترفع الضغط
٨. ⁠عدم قدرة الجسم على تكسير و التخلص من الكورتيزون الطبيعي في الجسم AME
⁠ Apparent mineralocorticoid Excess

⚠️⚠️من الأسباب الأخرى الأقل شيوعاً هو تضيق الشريان الأورطي
Coarctation of Aorta
اللي بيخلي الضغط عالي جدا في الجزء العلوي من الجسم و يعمل صداع شديد و نزيف الأنف
و الجزء اللي بعد التضيق في الشريان بيصير يوصل دم قليل للجزء السفلي من الجسم فبيكون الضغط في الجزء السفلي من الجسم قليل و الأطراف باردة و النبض ضعيف فيها

⚠️⚠️سن المريض بيفرق‼️
لو شخص صغير في السن تفكر اكثر بالعيوب الخلقية و بالأمراض الوراثية
و مهم تسأل عن التاريخ العائلي للضغط العالي و لو في شخص درجة قرابة أولى توفى في سن صغير او حصل له نزيف على المخ نتيجة الضغط العالي فكر بالأمراض الوراثية زي ال GRA
اللي فيه الجسم بيصنع هرمون بيرفع الضغط بنمط غير طبيعي
Aldosterone production under effect of ACTH
هسيبكم مع شوية صور بتلخص الكلام بصورة منظمة و مفيدة ❤️❤️


#الضغط
#السكري

26/03/2026

24/03/2026

ارتفاع هرمون اللبن ممكن يحصل نتيجة ورم موجود في الغدة النخامية في منتصف الرأس و زيادة الهرمون دا ممكن يسبب مشاكل مرتبطة بالخصوبة و الإنجاب مهم نشخص صح عشان نبدأ العلاج الصحيح #السكري #النخامية

19/03/2026

❤️❤️❤️ كل سنة وأنتم طيبين ❤️❤️❤️