Dr. M. Elnabawy د/ محمد النبوي استشاري أمراض النساء والتوليد

19/01/2026

قريبا في الشروق

19/01/2026

https://www.facebook.com/share/p/1Eyc8wFayG/

ترحب جنيسيس هيلث
بانضمام
دكتور محمد النبوى
استشاري أمراض النساء والتوليد و الأورام النسائية و التجميل النسائي و الحقن المجهري

Dr. M. Elnabawy د/ محمد النبوي استشاري أمراض النساء والتوليد

010 18032306

هدي شعراوي, El Shorouk, Cairo Governorate 11837

28/02/2025

كل سنة وكلنا طيبين

ورمضان كريم علينا كلنا 🌙

وده معاد البوست بتاع رمضان زي كل سنة 😊
بالمناسبة ارد علي سؤال كل سنة

أصوم ولا لأ يا دكتور‼️

بصي يا سيتي مبدئيا كده أي واحدة حامل ليها رخصة انها متصومش

في بعض الستات في الحمل همنعها من الصيام
لكن في بعض الحالات هسمحلها ده مش معناه انها لازم تصوم لان زي ماتفقنا انتي ليكي رخصة
لو هتصومي في شوية حاجات لازم تاخدي بالك منها
✅ اولا نفطر مع اذان المغرب ونتسحر قبل الفجر علي طول
✅ ثانيا نشرب سوايل كتير طول فترة الفطار
✅ ثالثا لو تعبتي اثناء الصيام افطري علي طول متعانديش لان والله العظيم ليكي رخصة 😅
✅ رابعا قللوا من القطايف والكنافة والحاجات اللي من النوعية دي عشان بعد الشر عليكي ممكن يجيلك سكر حمل
✅ خامسا قسمي الفطار علي اكتر من مرة متدبيهاش بعد المغرب 😂
✅ سادسا قللي شرب السوائل والاكل وقت السحور
✅ سابعا اهم حاجة في كل ده قبل مانسي .. الحامل ليها رخصة ماتصومش 😅

كل سنة وكل أم طيبة وسنة سعيدة علينا ورمضان كريم

تشرفنا زيارتكم لينا🌷
عيادة مدينة نصر 🏨
٣ش الدكتور محمد النبوي المهندس - عمارات الفتح - حي السفارات - الحى السابع - م. نصر

للحجز و المزيد من الاستفسارات يرجي الاتصال علي ☎
01015534012
01103153555

12/02/2025

عملتي السونار ال 4D ولا لسه؟

قبل ما تعمليه هتلاقي ان فيه سونار 3D و 4D و 5D

السؤال اللي اي واحدة حامل بتتسأله وهتجنن ايه الفرق بينهم 🤔 وطبعا لازم نعمل لولادنا احسن حاجة فنحتار اكتر طبعا 😅

الخلاصه ان السونار ده صورة ليها أبعاد طول وعرض ده بقي كده السونار ال 2D اللي هو العادي بتاع زمان ده الابيض وأسود

إنما بقي الصورة لو بقت مجسمة يعني زودنا بعد تالت اللي هو العمق بقت 3D دي الملونة الجديدة بقي اللي وش البيبي بيبقي باين فيها كده وواضح 👶

ولو صورة السونار ال3D الحلوة دى بقت فيديو بقت 4D والبعد الرابع هنا هو الزمن⏳ شوفتي المفاجأه 😀

ال 5D هو مجرد أوبشن مش بعد خامس ولا حاجة .. بيخلي التفاصيل بتاعة البيبي تبان أوضح 🙃

طب ليه بقي ممكن دكتور يطلب منك تعملي سونار 4D .. أكيد مش عايز يعرف البيبي شبه مين 😅

هو عايز يتأكد من عدم وجود تشوهات وده محتاج جهاز 4D عشان بيبين أعضاء البيبي الداخلية بشكل أوضح .. فبيقولك عايزك تعملي سونار 4D المقصود بيه فحص تشوهات 😎

احنا بقي بنحتاج نعمل فحص التشوهات ده مرتين أثناء الحمل
في آخر الشهر التالت وفي أخر الشهر الخامس
بنشوف في المرتين حاجات معينه أبقي اقولك عليها بعدين .. سلام 👋👋

22/01/2025

لو انتي حامل في اول ٣ شهور 🤰 ورقة وقلم واكتبي ورايا يا ست الكل 📝
مش لازم تنامي علي ضهرك طول الوقت 🛌🏻 ممكن علي جنبك اليمين او الشمال او علي بطنك او مش لازم تنامي اصلا 😜

الحركة والرياضة 🏃🏻‍♀ الغير مجهدة 🤏 بتنشط الدورة الدموية اللي رايحه للجنين مش العكس وبتقوى عضلات الحوض 💪

الشاي والنسكافيه والقهوة ☕مش حرام جرعة الكافيين المصرح بيها في الحمل هي ٢٠٠ ملل (يوميا) وده بيعادل ٢٩٥ ملل قهوة تقريبا من عند ستارباكس و اكتر من فنجالين قهوة تركي من عند قهوة كتكوت 😅

الاكل بقي 🥘 😋 قللي الدهون والسمنة والزيت في الاكل ومش هتاكلي ٣ وجبات زينا هتاكلي حاجة بسيطة كده كل ساعتين 🍎

خد بالك ان مراتك في الحمل بيبقي عندها تقلبات مزاجية عنيفة 😡😤 فخليك فاكر ان الاهتمام مبيطلبش 😉

الي منع العلاقة والميك اب والصبغة في الحمل واحد جايب لجوزك عروسة 👰 خدي بالك 😅

والي منع القرفة و الشطة والشوكولاته كريمة مختار في فيلم الحفيد مش دكتور 🥼

السواقة في الحمل مش خطر عالبيبي بس خطر علينا احنا 🤕 فحاولي تستخدمي المرايات لو امكن يعني 😜

مفيش حاجة اسمها مثبتات حمل .. الحمل الكويس بامر الله بيكمل و الحمل الضعيف من رحمة ربنا بينزل وده عشان ميكملش وتجيبي بيبي مشوه .. الادوية 💊 دي ليها استخدامات تانية في حالات الاجهاض المنذر والاجهاض المتكرر ومبتتاخدش من باب الاحتياط في كل حالات الحمل 👍

الدوا الوحيد الموصي به في الفترة دي هو حمض الفوليك وده بيقلل تشوهات الجنين واي دوا تاني ارجعي ليا قبل ما تاخديه بعد اذن حضرتك 🙏

لو مسافره و هتركبي طيارة هنصحك نصيحتين الاولي انك تتمشي في الطيارة و وتشربي سوايل كتير عشان تحافظي علي سيولة الدم ✈ التانية حاولي ماترجعيش مصر تاني 👋

الحمل والولاده حاجة طبيعية ابسط من اننا نحطلها كل الاحتياطات دي 🙆🏻‍♀
كلي واشربي و سافري واسهري زي مانتي عايزة حضرتك حامل مش مريضة 🙂

تشرفنا زيارتكم لينا 🌹
٣ ش الدكتور محمد النبوي المهندس - عمارات الفتح - حي السفارات - الحى السابع - م. نصر
☎️ +201103153555
☎️ +201015534012

16/01/2025

لو الدكتور قالك انك محتاجة تشيلي الرحم 😱 متقلقيش ‼️
ناس كتير ماتعرفش ان واحدة من طرق إستئصال الرحم ان يتم إستئصاله مهبليا 🧐
أيوا زي ماقريتي كده يعني من غير فتح بطن ولا حاجة وبتخرجي من المستشفي في نفس اليوم كأنك والدة طبيعي ده معناه آلم أقل وإستشفاء أسرع 😍
ده غير ان لو عندك سقوط مهبلي سواء في المثانة أو الشرج وده بيكون موجود بنسبة كبيرة مع تقدم العمر ممكن يتعمل إصلاح ليهم مع العملية 🤩
ايوه هي عمليه احسن للمريضه بالنسبه للاستشفاء والالم و بدون جرح في البطن بالمقارنة بالإستئصال عن طريق البطن
بس بتحتاج دكتور بدرجة عالية من الدقه و الخبره و المهاره فلازم تختاري دكتورك بعنايه👌🏻

02/01/2025

كل سنة وأنتم طيبين بمناسبة العام الجديد
بعتذر أني مكنتش متفاعل معاكم عالصفحة السنة اللى فاتت بس الحقيقة أحداث غزة كانت مأثرة فيا جدا ومكنتش قادر أكتب بوستات واللي للأسف لسه مستمرة لغاية دلوقتي وأتمني أنها تنتهي الفترة اللي جاية
أتمني السنة الجديدة تكون أفضل ومأساة الشعب الفلسطيني تنتهي وربنا ينصرهم ويصبرهم
سنة سعيدة علينا كلنا يارب
وكل سنة وأنتم طيبين
دكتور محمد النبوى

23/05/2023

روشتة أول الحمل بين الواقع والخيال 🧐
الاسم: حالة حامل عادي معندهاش اي مشكلة طبية
التاريخ: من قديم الأزل
R/ حمض الفوليك
قرص مرة يوميا بعد الفطار
R/ مثبت
لبوس مرة يوميا
R/ مثبت
قرص كل ١٢ ساعة
R/ دوا سيولة
قرص يوميا بعد الفطار

طبعا دي الروشتة اللى انتي جاية في بداية الحمل متوقعة اني هكتبهالك ❌😔
احب افاجئك أن في بداية الحمل مفيش غير دوا واحد بس انتي لازم تاخديه اللي هو حمض الفوليك أما بالنسبة للمثبتات وأدوية السيولة فمفيش اي توصيات طبية بيهم في بداية الحمل 👌
يعني مثلا دوا السيولة الجمعية الأمريكية لأطباء النساء والتوليد والزمالة البريطانية لأطباء النساء والتوليد مش عاملين اي توصيات طبية لاعطائهم الا لبعض الحالات المعينة وفي أوقات معينة من الحمل وكذلك المثبتات
أما بقي المثبت اللي بشوفه عامل زي اللبان في الحمل
فده بيتاخد لحالات معينة في الحمل لما يحصل بعض الأعراض الخطيرة وفي بعض الحالات الأخري اللي الدكتور شايف انها محتاجاه
انما أصلي هسافر فالمفروض اخد مثبت أو أصلي بشتغل أو بركب مواصلات فقوم واخده مثبت ده كلام طبعا مش موجود في الطب نهائي
أخيرا بلاش تاخدي معلوماتك من أصدقائك ومن عالنت .. اي دوا الوحيد اللي يكتبهولك هوا الدكتور بعد ما يعرف حالتك ويقيمها كويس

16/03/2023

كل سنة وكلنا طيبين
ورمضان كريم علينا كلنا 🌙
وده معاد البوست بتاع رمضان زي كل سنة 😊
بالمناسبة ارد علي سؤال كل سنة
أصوم ولا لأ يا دكتور‼️
بصي يا سيتي مبدئيا كده أي واحدة حامل ليها رخصة انها متصومش
في بعض الستات في الحمل همنعها من الصيام
لكن في بعض الحالات هسمحلها ده مش معناه انها لازم تصوم لان زي ماتفقنا انتي ليكي رخصة
لو هتصومي في شوية حاجات لازم تاخدي بالك منها
✅ اولا نفطر مع اذان المغرب ونتسحر قبل الفجر علي طول
✅ ثانيا نشرب سوايل كتير طول فترة الفطار
✅ ثالثا لو تعبتي اثناء الصيام افطري علي طول متعانديش لان والله العظيم ليكي رخصة 😅
✅ رابعا قللوا من القطايف والكنافة والحاجات اللي من النوعية دي عشان بعد الشر عليكي ممكن يجيلك سكر حمل
✅ خامسا قسمي الفطار علي اكتر من مرة متدبيهاش بعد المغرب 😂
✅ سادسا اهم حاجة في كل ده قبل مانسي .. الحامل ليها رخصة ماتصومش 😅

كل سنة وكل أم طيبة وسنة سعيدة علينا ورمضان كريم

تشرفنا زيارتكم لينا🌷
عيادة مدينة نصر 🏨
٣ش الدكتور محمد النبوي المهندس - عمارات الفتح - حي السفارات - الحى السابع - م. نصر

عيادة التجمع الخامس🏨
Care and Cure clinic, Al Tabib medical center
٣ ش الطبيب متفرع من ش أخناتون - التجمع الخامس القاهرة الجديدة - خلف محطة بنزين موبيل

للحجز و المزيد من الاستفسارات يرجي الاتصال علي ☎
01015534012
01103153555

13/11/2022

😅😅
احسن makeup artist في مصر
حمد الله علي سلامتك