DR Mohamed Abood

06/01/2022

10/10/2021

لحظة فوز البيج رامي ببطولة مستر اولمبيا2021 للمرة الثانية علي التوالي الف مبروك ❤️❤️ Big Ramy Elssbiay

09/10/2021

مستر اولمبيا بإسم مصر السنادي ان شاء الله ❤️❤️

23/09/2021

أخطار المالتى فايتمن ❌
طبعا كله دلوقتي بقا عارف فوائد الفايتمينات والمعادن وانها مهمة عشان توصل للجسم او الشيب الي بتحلم بيه ونقصها خطر على الصحه واتكلمنا عن كل فايتمن فوائده وجرعاته فبوست قبل كدا بس محدش اتكلم عن اخطار الجرعات الزائدة منه وبقى الترويج اعمى على المنتجات الخاصه بيه.

_الجرعات الزائدة من فايتمن c والزنك تسبب الغثيان والإسهال وتشنجات المعده
_الجرعات الزائدة من السيلينيوم يؤدي الي تساقط الشعر واضطراب الحهاز الهضمى والتعب وتلف الاعصاب
_الجرعات الزائدة من فايتمن A ممكن ان تتسبب فى تغيرات الرؤية ،غثيان ، دوخه ، صداع نصفى ،الام العظام ، غيبوبه .
الجرعات الزائدة من فايتمنD ممكن ان تتسبب فى مشاكل فالقلب وزيادة خطر كسور العظام وبعض الدراسات اشارت انه يزيد خطر الاصابه بالسرطان☠️.

قلو قررت تشترى مالتي فايتمن فيفضل ان سنك يكون فوق ال 18 و لازم تحسب احتياجك اليومي وتدور على نوع فايتمن كويس و ياريت نبعد عن السنتروم centrum لان معظم عناصر صناعتة رديئة و ليه اعراض جانبيه سيئة مقارنة بسعره فلو عاوزين نتكلم عنه فبوست منفصل اكتبوا فالكومنتات .

19/09/2021

العضلة الى كله سأل عليها لما النجم محمد صلاح قلع التي شيرت اسمها serratus anterior ودي بتظهر لما تكون نسبة دهونك قليله ووظيفتها انها بتثبت عظمة لوح الكتف مكانها وبرضو protraction and upward rotation of the scapulothoracic joint .

05/09/2021

كل شخص لازم يتحاسب بأخطائة اجسام الناس مش لعبه دى امانه ربنا بيحاسب عليها 💔

01/09/2021

ازاي احسب احتياج جسمى من البروتين فاليوم ؟
دا بيختلف حسب هدفك فلو انت شخص كل اهتماماتك تعيش حياة صحية فانت محتاج من 1.1 ل 1.5جرام بروتين لكل كيلو جرام من وزنك.
لو هدفك تزيد عضلات فانت محتاج من 1.7 ل 2.2 جرام بروتين لكل كيلو جرام من من وزنك.
لو هدفك تفقد دهون وتحافظ علي كتلتك العضلية كشخص طبيعى بدون هرمون فانت محتاج نفس النسبة من 1.7 ل 2.2 جرام بروتين لكل كيلو جرام من وزنك ودا بشرط ان عجز السعرات يكون مظبوط مش مبالغ فيه.

27/08/2021

عامل و مُدرب للسومو و الجودو في نادي غزل المحلة مرتبة 140 جنيه جاله دعوة للمشاركة في بطولة العالم المفتوحة للسومو بأمريكا ، طلب من نادي المحلة أجازة و مصاريف للرحلة للمشاركة كا لاعب مصري وعربي وحيد في البطولة و كان رد الإدارة كالآتي مفيش فلوس نديهالك تسافر بيها و اللي هيشتغل هيقبض و اللي ميشتغلش مايقبضش ، وكمان اتحاد اللعبة رفضوا انهم يسافروا على حسابهم، جمع تذكرة الطائرة من أهله و رغم كل الظروف البائسة دي سافر و شارك في البطولة و فاز علي بطل العالم اللي احتل منصة التتويج لمدة تسع سنين ، ولما أتساءل هل انت حزين من تجاهل الدولة و وسائل الإعلام في تكريمك على الانجاز الدولي اللي حققته،كان رده اهم تكريم ليا اني وصلت لمنصة التتويج و رفعت علم بلدي و هتف ورايا عشرات الآلاف مصر مصر ....

تحية للبطل رامي الجزار اللي اتحدى الجهل الرياضي و قِدر إنه يحقق إنجاز عالمي
منقول