Shaimaa Ahmed - شيماء احمد

Shaimaa Ahmed - شيماء احمد اخصائي نفسي ومعالج سلوكي
سفيره النوايا الحسنه وحقوق الانسان
سفيره السلام الدولي
محاضر دولي ومدرب معتمد
باحثه في علم النفس الإيجابي

د.شيماء أحمد

استشارية صحة نفسية وأخصائية نفسية إكلينيكية
معالجة بالتقبل والالتزام (ACT) والعلاج الجدلي السلوكي (DBT)
ممارِسة لعلم النفس الإيجابي وتعديل السلوك
لايف كوتش علاقات واستشارية أسرية وتربوية
نائب رئيس قسم الصحة النفسية بجريدة الهرم المصري نيوز

في انتظاركم غدا ان شاء الله 🥰
22/01/2026

في انتظاركم غدا ان شاء الله 🥰

اللحظه اللي استنيناها حصلت دار الكتابه تجمعنا ( معرض القاهره الدولي للكتاب ) اشوفكم بكره علي خير
22/01/2026

اللحظه اللي استنيناها حصلت
دار الكتابه تجمعنا ( معرض القاهره الدولي للكتاب )
اشوفكم بكره علي خير

بكرة بنحتفل بالحلم اللي شاف النور ✨وبداية رحلة اتكتبت من القلب…حفل توقيع كتابيلحظة مشاركة، وكلام صادق، وفرحة أحب أعيشها ...
22/01/2026

بكرة بنحتفل بالحلم اللي شاف النور ✨
وبداية رحلة اتكتبت من القلب…

حفل توقيع كتابي
لحظة مشاركة، وكلام صادق، وفرحة أحب أعيشها معاكم هكون في انتظاركم اعضاء صفحتي الكرام 🥰

📍 المكان: معرض القاهره الدولي للكتاب دار الكتابه تجمعنا صاله 6 جناح c 61 حفل توقيع كتاب العلاقات حين نلتقي بانفسنا ……
🕰️ الوقت: الساعه ٣ عصرا ……

وموجود كتاب تشوهات الحب في دار قصص صالة 6 جناح c13

وانتظروا هدايا حفله التوقيع هتنوروني حبايبي

مستنياكم بكل حب 🌿

د. شيماء أحمد

في زمن السوشيال ميديا الكل ناصح حين يتحوّل البوست إلى نصيحه في زمن السوشيال ميديابقى سهل جدًا إن أي فكرةتتحوّل لنصيحة،...
21/01/2026

في زمن السوشيال ميديا الكل ناصح
حين يتحوّل البوست إلى نصيحه

في زمن السوشيال ميديا
بقى سهل جدًا إن أي فكرة
تتحوّل لنصيحة،
وأي رأي
يتقدّم للناس على إنه حقيقة.

نكتب… ونشارك… ونعلّق
من غير ما نسأل نفسنا:
هو الكلام ده خارج من معرفة
ولا من شعور مؤقت؟

مش كل اللي بنحسه
لازم يتحوّل لتوجيه.
ومش كل تجربة شخصية
تنفع تبقى خريطة لغيرنا.

في فرق كبير
بين إنك تحكي رأيك
وبين إنك تطلب من الناس تمشي عليه.
الأول مشاركة
والتاني وصاية.

المشكلة مش في النشر
ولا في حرية التعبير،
المشكلة لما الثقة في الكلام
تسبق الوعي بمصدره.

ناس كتير بتاخد النصيحة
مش علشان صاحبها متخصص
لكن علشان صوته عالي
أو أسلوبه حاسم
أو بيشبه وجعهم.

وهنا الخطر الحقيقي:
إن الرأي الشخصي
يتلبس لبس الحكمة،
وإن المشاعر الخاصة
تتحوّل لقوانين عامة.

يمكن الأحسن
إننا نوجّه طاقتنا الأول
لنفسنا.
نختبر أفكارنا
قبل ما نصدّرها.
نعدّل من سلوكنا
قبل ما نطالب غيرنا يتغيّر.

مش كل فكرة مكانها العلن،
ومش كل رأي
لازم يبقى مؤثر.

الوعي مش إنك تقول للناس تعمل إيه،
الوعي
إنك تعرف إمتى تسكت،
وإمتى تتكلم،
وليه بتتكلم من الأساس.


د. شيماء أحمد

لماذا لا يُبرِّر الوجع الأذى؟الخلط اللي حاصل حوالين شخصية تيا هو خلط شائع جدًا في وعينا الجمعي:خلط بين الفهم النفسي والت...
19/01/2026

لماذا لا يُبرِّر الوجع الأذى؟
الخلط اللي حاصل حوالين شخصية تيا هو خلط شائع جدًا في وعينا الجمعي:
خلط بين الفهم النفسي والتبرير الأخلاقي.
أولًا: الفهم ≠ التبرير
علم النفس دوره الأساسي إنه:
يفسّر كيف نشأ السلوك
ولماذا اتكوَّن
لكن مش مهمته أبدًا إنه يبرر الأذى أو يرفعه عن صاحبه المسؤولية.
كون الإنسان اتعرّض لصدمة، إهمال، انفصال، أو طفولة غير آمنة
→ ده يفسّر بعض أنماط شخصيته
→ لكنه لا يُعفيه من محاسبة أفعاله، ولا يحوّل الأذى إلى حق مكتسب.
ثانيًا: الأذى الواعي أخطر من الألم
في علم النفس بنفرّق بين:
سلوك اندفاعي ناتج عن فقدان سيطرة
وسلوك متكرر، مخطط له، بلا ندم
سلوك تيا ينتمي بوضوح للنوع الثاني:
كذب مقصود
تلاعب ممنهج
استغلال نقاط ضعف الآخرين
انتهاك الخصوصية
إلحاق أذى نفسي مباشر
دون شعور بالذنب أو رغبة في التوقف
وده مش مجرد “تعب نفسي”…
ده نمط أذى واعي.
ثالثًا: غياب الذنب علامة فارقة
واحدة من أهم العلامات الفارقة نفسيًا:
هل الشخص يعاني من سلوكه؟
أم يبرّره؟
المريض النفسي الحقيقي:
بيحس بالذنب
بيكره سلوكه
بيحاول يغيّره
حتى لو فشل مرارًا
لكن المؤذي:
يرى سلوكه طبيعي
يرى الآخرين “مبالغين”
يرى نفسه دائمًا على حق
وهنا الخطر.
رابعًا: الكذب القهري ليس شماعة
الكذب اللاإرادي ليس تشخيصًا مستقلاً في الدليل التشخيصي (DSM).
هو سلوك:
قد يظهر ضمن اضطرابات شخصية
أو كآلية دفاع
لكنه لا يُسقِط المسؤولية
ولا يحوّل صاحبه إلى ضحية تلقائية.
خامسًا: المرض النفسي ≠ المرض العقلي
المريض النفسي:
واعٍ
مدرك
مسؤول
المريض العقلي فقط هو من:
يفقد الإدراك
أو تنعدم قدرته على التحكم والتمييز
والخلط بين الاثنين ظلم للطرفين:
ظلم للضحايا
وظلم للمرضى النفسيين الحقيقيين
سادسًا: أخطر ما في تبرير المؤذي
الدفاع عن المؤذي:
يُعيد إيذاء الضحية مرة أخرى
يخلق بيئة آمنة للأذى
ويعلّم المؤذي إن “كل شيء مسموح طالما أنا متوجّع”
وده أخطر من الأذى نفسه.
الخلاصة النفسية:
الألم يفسّر، لكنه لا يبرّر
الفهم لا يعني الإعفاء
التعاطف لا يكون على حساب الضحايا
والعلاج يبدأ فقط من لحظة الاعتراف بالمسؤولية
المؤذي الذي لا يرى أذاه…
ليس ضحية،
بل صانع ضحايا.

لما الحماية الإلهية تشتغل في صمتأكتر حاجة محيّرة في الحياةإنك أحيانًا تتأذيمن ناس كنت فاكرهم أمان.تتخذلتتظلميتقال عليك ك...
19/01/2026

لما الحماية الإلهية تشتغل في صمت

أكتر حاجة محيّرة في الحياة
إنك أحيانًا تتأذي
من ناس كنت فاكرهم أمان.

تتخذل
تتظلم
يتقال عليك كلام مش فيك
وتسأل نفسك:
ليه؟ وليه بالطريقة دي؟

بس الحقيقة اللي ما بتبانش غير بعد وقت
إن في أذى
بيطلعك من مكان
كان هيكسرك لو فضلت فيه.

لما ربنا بيحميك
مش دايمًا بيمنع الأذى
أحيانًا بيسمح له
علشان يكشف
ويبعد
ويغيّر المسار.

في ناس تدخل حياتك
علشان تمشيك منها.
وفي مواقف توجع
علشان تنقذك
مش علشان تدمّرك.

اللي كان عايز يقلّل منك
خلّاك تشوف قيمتك.
واللي حاول يأذيك
عرّفك مين يستاهل القرب
ومين وجوده خسارة.

الحماية الإلهية
مش شرط تبقى واضحة في لحظتها.
ساعات تبقى في شكل خسارة
أو فراق
أو كسر خاطر
لكنها في الحقيقة
إعادة ترتيب.

اللي قصد الأذى
بيخدمك من غير ما يحس.
بيشيلك من طريق
مش مناسب ليك
وبيودّيك لمكان
أقرب لروحك.

ومع الوقت
تكتشف إنك كنت متشال من حاجة
مش محروم منها.
وإن اللي مشي
كان عبء
مش سند.

ربنا لما يحميك
بيعمل كده بهدوء
من غير ضجيج
ومن غير ما يشرح لك الخطة.

بس النتيجة دايمًا واحدة:
أنت بتطلع أخف
أوعى
وأقرب لنفسك.

فلو أنت دلوقتي متلخبط
ومش فاهم اللي حصل
اطمّن.
يمكن دي مش ضربة
يمكن دي حماية
جاية في شكل وجع.


د. شيماء أحمد

مرحلة اكتساب الهوية في مقابل تميّع الدور عند إريكسون هي المرحلة اللي المراهق بيقف فيها لأول مرة قدّام نفسه، ويسأل : أنا ...
19/01/2026

مرحلة اكتساب الهوية في مقابل تميّع الدور عند إريكسون هي المرحلة اللي المراهق بيقف فيها لأول مرة قدّام نفسه، ويسأل : أنا مين؟ وإجابته على السؤال ده هي اللي هتبني شخصيته بعد كده

★ إريكسون كان شايف إن الهوية النفسية هي إحساس داخلي بالثبات والاستمرارية، يعني الشخص يحس إن له شكل واضح لنفسه حتى لو الظروف اتغيرت، والهويةدي بتتكون من القيم اللي مقتنع بيها، الاختيارات اللي مسؤول عنها، الصورة اللي شايف بيها نفسه، والدور اللي حاسس إنه مناسب له في الحياة

★ في المرحلة دي المراهق بيبدأ يختبر أكتر من دور فكري، واجتماعي، ومهني، وكمان عاطفي
هو مش بيلعب أدوار علشان يضحك على الناس، هو بيحاول يكتشف الدور اللي يشبهه فعلًا، كل تجربة بتقربه أكتر من نفسه أو تبعده عنها، حسب وعيه ودعم اللي حواليه
واكتساب الهوية بيظهر في إن الشخص يعرف هو عايز إيه، ورافض إيه، وحدوده فين، ويبقى عنده قدرة يقول ده شبهي وده مش شبهي من غير ما يحس بالذنب، ويبدأ يشوف نفسه ككيان مستقل، مش مجرد امتداد لرغبات أسرته أو توقعات المجتمع

★ أما تميّع الدور فا هو حالة نفسية بيبقى فيها الشخص مش قادر يثبت على صورة واضحة لنفسه، قيمه متلخبطة، اختياراته متناقضة، وصورته عن ذاته مهزوزة، و بيحس إنه بيتشكل حسب المكان اللي هو فيه والناس اللي حواليه من غير ما يبقى له شكل ثابت من جواه

تميّع الدور كمان بيخلي المراهق يعيش إحساس داخلي بالضياع، يجرب كل حاجة بسرعة، ويزهق بسرعة، ويتحمس ثم ينسحب، مش لأنه سطحي، لكن لأنه مش لاقي نفسه في أي اختيار بشكل كامل

★ إريكسون بقى ربط نجاح المرحلة دي بثلاث عمليات نفسية واضحة، وهي :
• الاستكشاف، بمعني التجربة الواعية لأكتر من مسار
• الالتزام، يعني اختيار مسار والشعور بالمسؤولية تجاهه
• والتكامل، ودا معناه إن الاختيار ده يبقى منسجم مع القيم الداخلية للشخص

وإريكسون وضح إن الهوية الصحية بتخلي الإنسان يحس بقيمة وجوده، حتى وهو لسه بيتعلم يحس إن له مكان في الحياة، وإن صوته له وزن، وإن اختلافه مش عيب

★ إريكسون كمان وضح إن البيئة ليها دور حاسم في المرحلة دي، الأسرة اللي بتسمح بالحوار، والمدرسة اللي بتحترم التفكير، والمجتمع اللي بيقبل التنوع، كل دول بيساعدوا المراهق يبني هوية مستقرة، أما القمع، والسخرية، والتقليل، فبيغذوا تميّع الدور وبيخلوا الشخص يخاف يكون نفسه

19/01/2026

من جلساتي
في واحد لخص الحب في جملتين وقال:
"أنا بحافظ على نفسي نظيف عشانها، عشان هي تستاهل واحد نظيف، وأنا عاوز أكون أنا الشخص اللي هي تستاهله."♥️🫶


كل سنه وانتم طيبين
19/01/2026

كل سنه وانتم طيبين

ليه الألم ساعات يزيد في بداية العلاج النفسي؟أغلب الناس لما تقرر تدخل علاج نفسيبتكون وصلت لمرحلة إنها مش قادرة تكمل أكتر....
19/01/2026

ليه الألم ساعات يزيد في بداية العلاج النفسي؟

أغلب الناس لما تقرر تدخل علاج نفسي
بتكون وصلت لمرحلة إنها مش قادرة تكمل أكتر.
بتدخل الجلسة الأولى وهي متوقعة إن الحمل يخف فورًا…
لكن اللي بيحصل العكس.

تحس بتقل
وجع طالع
ومشاعر كانت نايمة وصحيت مرة واحدة.

وده طبيعي جدًا.

لأنك ما كنتش بتعالج… كنت بتغطي

قبل العلاج
أغلبنا بيعيش وهو متكيّف مع ألمه.
مش لأنه اختفى
لكن لأنه اتدفن.

بنشتغل، نضحك، نكمّل
ونسيب الوجع محطوط على جنب
من غير ما نقرب له.

أول ما تبدأ الجلسات
الغطا يتشال.
مش علشان نزود الألم
لكن علشان نشوفه زي ما هو
لأول مرة من غير هروب.

الوجع اللي بيظهر… كان موجود أصلًا

الإحساس إنك “تعبت أكتر”
مش معناه إن العلاج غلط
معناه إنك بطّلت تهرب.

زي شخص عاش سنين
ما بيضغطش على جرحه
أول ما يلمسه يحس بالألم
مش لأن الجرح جديد
لكن لأنه أخيرًا اتحسّ.

المواجهة الآمنة بتفقد الوجع قوته

العلاج النفسي
مش إجبار على الاسترجاع
ولا غوص فجائي في الذكريات.
هو اقتراب محسوب
في مساحة آمنة
تخليك تشوف اللي حصل
من غير ما يغرقك.

ومع الوقت
العقل يفهم إن اللي فات انتهى
وإنك دلوقتي مش لوحدك
ولا عاجز
ولا مهدد.

التحوّلات الكبيرة دايمًا تقيلة في الأول

أي تغيير حقيقي
بيسبقُه ثِقل.
ارتباك.
إحساس بعدم الراحة.

مش علشان الطريق غلط
لكن لأنك بتخرج من شكل قديم
كنت متعوّد عليه
حتى لو كان مؤلم.

الخلاصة

التعب في أول الجلسات
مش علامة فشل
ولا دليل إنك أضعف
ولا إن العلاج مش نافع.

ده غالبًا علامة
إنك أخيرًا قربت من الجرح
مش علشان تعيش فيه
لكن علشان يلتئم صح.

اصبر على مرحلة المواجهة
لأنها اللي بتفتح باب الهدوء الحقيقي.


د. شيماء أحمد
موجوده معاكم في عيادات سما وعيادات تواصل للصحه النفسيه
ومعاكم علي منصه ملهم وفيزيتا
وتقدر تحجز معايا مع فريقي عن طريق الواتس من الساعه ١٠ صباحا لحد الساعه ٥ م علي 010 05334517

18/01/2026

الست مش بتدخل علاقة وهي ناوية تحب وخلاص.
هي بتقرب على قد اللي قدّامها.

لو لقت اهتمام حقيقي
وحضور ثابت
وكلام واضح
هتلاقيها بتفتح قلبها لوحده
من غير ضغط ولا جري.

ولو حسّت لخبطة
مرة قرب ومرة بعد
هتبدأ تهدى
وتسحب نفسها بهدوء
من غير مشاكل ولا عتاب.

الست ما بتحبش المطاردة
ولا تثبت قيمتها
ولا تشيل حد مش عارف يشيل نفسه.

هي بتحب الراجل الواضح
اللي عارف هو عايز إيه
وكلامه قد فعله
وجوده مطمّن.

ولو لقيتها بعيدة
مش دايمًا هي اللي اتغيّرت
يمكن الإحساس اللي وصلها
هو اللي تغيّر.

الخلاصة بسيطة:
الست بتدي
نفس اللي بتحسه.


د. شيماء أحمد

📚 في معرض القاهرة الدولي للكتابتتشرف دار خطوة لحلمك للنشر والتوزيع بتقديمكتاب «تشوهات الحب»لدكتورة شيماء أحمد محمدكتاب ...
17/01/2026

📚 في معرض القاهرة الدولي للكتاب

تتشرف دار خطوة لحلمك للنشر والتوزيع بتقديم
كتاب «تشوهات الحب»
لدكتورة شيماء أحمد محمد

كتاب يقدّم رؤية علمية وأدبية فريدة حول الحب وعلاقاته المعقدة، مستعرضًا المشاعر الإنسانية من منظور نفسي واجتماعي، ويأخذ القارئ في رحلة تأملية لفهم العلاقات العاطفية وكيفية التعامل مع صراعاتها، بأسلوب يمزج بين العمق الفكري والوضوح في التعبير.

📍 المكان: معرض القاهرة الدولي للكتاب
🏛 القاعة: 6
📌 الجناح: C13

كونوا على الموعد مع تجربة قرائية مختلفة، وكتاب يفتح أفقًا للتفكير في طبيعة الحب وعلاقاته، في عالم تتشابك فيه المشاعر والتجارب الإنسانية.

📢 تظركم في معرض القاهرة الدولي للكتاب،
دار خطوة لحلمك للنشر والتوزيع

الكتاب في المعرض من اول يوم باذن الله
يوم الاربعاء ٢١ يناير ٢٠٢٦

وان شاء الله هكون متواجده معاكم بنفسي يوم الجمعه ٢٣ يناير نتقابل ع خير باذن الله

Address

Nasr City

Telephone

+201005334517

Website

https://espitaliaa.com/doctor/profile/2267

Alerts

Be the first to know and let us send you an email when Shaimaa Ahmed - شيماء احمد posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Shaimaa Ahmed - شيماء احمد:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category