Shaimaa Ahmed - شيماء احمد

Shaimaa Ahmed - شيماء احمد اخصائي نفسي ومعالج سلوكي
سفيره النوايا الحسنه وحقوق الانسان
سفيره السلام الدولي
محاضر دولي ومدرب معتمد
باحثه في علم النفس الإيجابي

د.شيماء أحمد

استشارية صحة نفسية وأخصائية نفسية إكلينيكية
معالجة بالتقبل والالتزام (ACT) والعلاج الجدلي السلوكي (DBT)
ممارِسة لعلم النفس الإيجابي وتعديل السلوك
لايف كوتش علاقات واستشارية أسرية وتربوية
نائب رئيس قسم الصحة النفسية بجريده الهرم وكاتبه

21/03/2026

صباح الجبر واليقين.. الرسالة دي ليك إنت مخصوص النهاردة ❤️
​دعواتك اللي بعتها للسما "في السر" طول الشهر الكريم، ربنا هيمضي قرار استجابتها "في العلن" ويفرحك.. ربك اللي سمع إلحاحك في السجود وطمعك في كرمه، مش ناسي دمعة عينك ولا العشم اللي ملى قلبك إن رمضان ده هو "بوابة جبرك".
​إنت فاكر إن رمضان خلص والأماني لسه بعيدة، وماتعرفش إن ربنا بيجهزلك "عيدية" تليق بجلاله، فرحة تخلي "العيد عيدين" وتنسيك تعب السنين. خلاص، وقت الحصاد جه، وهتشوف بعينك تدبير ربنا اللي هيخلي كل اللي حواليك ينبهروا بعوضه ليك.
​اطمن.. دعواتك المخلصة وصبرك طول الشهر عند ربنا مبيضعش.
​أبشروا 💚
صلِّ على النبي ﷺ

كل سنه وانتم جميعا طيبين ياحبايبي وبالف خير عيدكم مبارك
19/03/2026

كل سنه وانتم جميعا طيبين ياحبايبي وبالف خير
عيدكم مبارك

19/03/2026

إصلاح البيت باصلاح راجل البيت

راجل البيت
معاه القوامة
ومعاه زمام الامور

القوامة تقتضي عليك
اصلاح نفسك
من اجل إصلاح بيتك

وابسط الامور
الصلاة في وقتها
ودعوة ولادك للصلاة
وجهاد نفسك في العادات اليومية
زي ادمان الموبايل قدام الولاد على الاقل
الانفعال امام أطفالك
وقول ما لا يجب قوله

لماذا نبدأ بالرجل وليس المرأه؟
لان سبحان الله المرأه شرعا دائما هناك من يكفلها اولا لتشعر بالامان لتؤدي دورها كبنت او كزوجة او كأم

إصلاح الرجل وتأديته لدوره في القوامة كما يجب ، يشعر المرأه بالأمان مما ينعكس عليها هي ايضا في دورها في تربية أطفالها وعلى البيت ، ولذلك البداية تأتي من إصلاح الرجل وليس العكس

لو عايزين بيت 🏠 متزن وولادك بتصلي وبتذاكر و وهادية
اصلحوا انفسكم اولا

ان الله لا يغير ما بقوم حتى يغيروا ما بانفسهم

أنا اكتشفت إن الحب قبل الجواز ده مختلف كُليًا عن بعد الجواز.. مفيش وجه شبه إطلاقًا!قبل الجواز هتفرحي بكلمة بحبك مثلا، خر...
18/03/2026

أنا اكتشفت إن الحب قبل الجواز ده مختلف كُليًا عن بعد الجواز.. مفيش وجه شبه إطلاقًا!
قبل الجواز هتفرحي بكلمة بحبك مثلا، خروجة حلوة، هدية شيك، شيكولاته، دبدوب..
هتكتشفي إن كل دي حاجات سطحية بحتة مقارنةً بإنك تلاقي بعد الجواز في عز تعبك حد بيطبطب عليكي ويساعدك وواقف جنبك..
إنك تبقي خايفة وقلقانة، فَيطمّنك ويشيل عنك..
إنك تبقي مش طايقة نفسك من الضغط، وهو يحتويكي من غير ما تتكلمي..
عِشرة ومواقف ومسئولية، سبحانه وتعالى وصفها بالمودّة والرحمة وده وصف أعمق بكتييير من الحب!
المودّة فعل قبل ما تكون إحساس،
والرحمة بتظهر وقت الضعف، والتعب، والاختلاف..
الحب ممكن يقل ويزيد، إنما المودّة والرحمة هما اللي بيكمّلوا الطريق. ♥️

18/03/2026

نستودعك يا الله دعواتٍ علّقناها بين الرجاء واليقين طوال شهرك المبارك، وأحلامًا خبّأناها في صدورنا تنتظر منك أمرًا فيكون، وآمالًا لا يحققها سواك…
نستودعك حياتنا بكل تفاصيلها، أن تكتب فيها الخير حيث كان، وأن تصرف عنها ما لا نعلمه شرًا.

اللهم اجعل آخر ليلة في رمضان ليست ختامًا، بل بداية…
بداية حياةٍ أهدأ، وقلبٍ أطمأن، وروحٍ وجدت طريقها إليك.
واجعلها نهايةً لكل حزنٍ أثقلنا، وكل خيبةٍ كسرتنا، وكل طريقٍ أضلّنا.

اللهم هدايةً لا ضلال بعدها، وعوضًا يليق بصبرنا، وفرحًا يُنسينا ما مضى…❤

رمضان مش مجرد شهر بييجي ويعدّي…رمضان كان فرصة حقيقية إننا نهدى، نسمع نفسنا، ونشوف الحياة من زاوية أهدى وأنقى.في وسط الزح...
18/03/2026

رمضان مش مجرد شهر بييجي ويعدّي…
رمضان كان فرصة حقيقية إننا نهدى، نسمع نفسنا، ونشوف الحياة من زاوية أهدى وأنقى.

في وسط الزحمة، والضغوط، والتفكير اللي ما بيهدأش…
رمضان أخد بإيدنا لحتة تانية:
حتة فيها سكون، فيها رحمة، فيها قرب من ربنا، وفيها قرب حقيقي من نفسنا.

لكن السؤال الأهم…
هل هنسيبه يمشي معاه الإحساس ده؟
ولا نخليه بداية؟

الحقيقة إن رمضان مش نهاية…
رمضان إعادة ترتيب.

إعادة ترتيب لأولوياتك…
لوقتك…
لطاقتك…
ولكل حاجة حواليك.

إعادة ترتيب للأشخاص في حياتك:
مين يستحق القرب؟
ومين وجوده بيستنزفك؟
ومين كان لازم يتحط في مكان أوضح من كده بكتير؟

إعادة ترتيب للمواقف:
مش كل حاجة تستاهل رد فعل…
ومش كل معركة لازم تخشها…
وأحيانًا الانسحاب وراحة البال هو المكسب الحقيقي.

إعادة ترتيب للمواضيع اللي شغلاك:
في حاجات كنا مكبرينها وهي ما تستاهلش،
وحاجات مهمة كنا مأجلينها… ويمكن رمضان بس هو اللي خلانا نواجهها.

رمضان علّمنا إننا نقدر نهدى…
نقدر نسيطر…
نقدر نختار…
مش بس ننجرف.

فـ قبل ما رمضان يودّع…
خلي اللحظات اللي عشتها فيه ما تكونش ذكرى… تكون بداية.

بداية لنسخة أهدى منك…
أنضف من جوا…
أوعى في اختياراتك…
وأرحم بنفسك.

ابدئي ترتيبك…
مش بس لبيتك… لكن لقلبك وحياتك كلها.

لأن اللي عرف يوصل للسكينة في رمضان…
يقدر يعيشها طول السنة… بس لو قرر.


د. شيماء أحمد

18/03/2026

ها هو رمضان علي عتبات الختام يارب صحائِف مليئة بالعفو مليئة بالغفران صحائِف مطهرة من الذنوب.
✍️: 🥀

مش كل حد قالك حبيبي… كان صادق.في ناس بتقرب منك مش علشان بتحبك،لكن علشان تراقبك… تقارن نفسها بيك…وتستكتر عليك أي نعمة ربن...
18/03/2026

مش كل حد قالك حبيبي… كان صادق.

في ناس بتقرب منك مش علشان بتحبك،
لكن علشان تراقبك… تقارن نفسها بيك…
وتستكتر عليك أي نعمة ربنا رزقك بيها.

تلاقيه قدامك يضحك، ويشجعك، ويقولك: ربنا يوفقك
وبمجرد ما تمشي… الكلام يتغير،
تبقى انت موضوعه،
نجاحك يبقى غل،
وفرحتك تبقى مستفزة بالنسبة له!

الغيرة، الحسد، الحقد…
مش بيظهروا مرة واحدة،
بيطلعوا في تفاصيل صغيرة:
كلمة تقليل،
نظرة مش مريحة،
دعوة مش طالعة من القلب،
أو حتى سكوت في وقت المفروض فيه يفرحلك.

وأصعب حاجة؟
إنك تكتشف إن الشخص ده
كان بيمثل عليك دور الحبيب!

علشان كده…
مش أي حد قريب منك يبقى أمان،
ومش كل ضحكة تبقى نية صافية.

اختار اللي يفرحلك بجد،
اللي يشوف نعمتك ويقول “ربنا يزيدك” من قلبه،
مش اللي يعدّها عليك ويتمنى زوالها.

وبلاش تحكي كل حاجة…
مش كل اللي بيسمعك بيتمنالك الخير.

خليك فاكر:
في ناس وجودها في حياتك نعمة…
وفي ناس وجودها اختبار

17/03/2026

لا تتوهم أن الدين هو أن تصلي وتصوم وتقرأ القرآن وتزكي وتحج وتنطق الشهادة… وانتهى الأمر ؟ لا
هذه العبادات (عبادات شعائرية) وهي فرائض ستحاسب عليها لكنك لن تقطف ثمارها ولن تحقق أهدافها إلا إذا صحَّت (عبادتك التعاملية) لن تصح إذا ظلمت وقصرت وآذيت وكذبت وشتمت...
انتمائك الشكلي إلى الدين هو بينك وبين الله .. أن تضع صورة للكعبة علي جدار بيتك لا تكفي ،
وضع مصحف في سيارتك لا يكفي ،
وآية قرآنية على حائط محلك لا يكفي ،
ومسبحة في يدك لا يكفي ،
وأن تذهب للعمرة ثلاثين مرة لا يكفي !
أن تقف على سجادة الصلاة ٧٠ ألف مرة لا يكفي !!
الدين هو: استقامتك
الدين هو : معاملتك
الدين هو: رحمتك
الدين هو: صدقك
الدين هو: التزامك
الدين هو: عدلك
الدين هو: تربيتك لأولادك
الدين هو: برك لوالديك
الدين هو: إحسانك لزوجك/تك
الدين هو: حفظك لسانك
الدين هو: غض بصرك
الدين هو: عملك
الدين هو: سعيك
الدين هو: نظافتك
الدين هو: مافي جوفك
الدين هو : حسن تعاملك مع الآخرين
الدين هو : لسانك
الدين : خُلُق
قال صلى الله عليه وسلم: "إن من أحبكم إليَّ وأقربكم مني مجلسا يوم القيامة أحاسِنَكم أخلاقا"


16/03/2026

ماتصدقش أبداً إن الدنيا هتديك على قد نيتك.. ولا إن ناس الدنيا هيدوك على قد اللي بتتمناه ليهم.. بس صدق جداً إن اللي خلقك هيديك على قد قلبك جوه قلبك.

هتتمنى سلام لغيرك.. هتلاقي سلام يملأك.
هتكون صادق من قلبك.. هتلاقي صادقين لقلبك.
هتتظلم رغم نيتك الحلوة.. هيتردلك رضا وثقة في نيتك الحلوة.

مش كل الهدايا بتيجي بسرعة.. بس هدية قلبك النضيف هتجيلك من اللي خلقك في أكتر وقت مناسب لي ❤️

في نوعين من الستات في الدنيا…نوع لما تدخل حياتك تحس إنك كسبت الدنيا كلها. ست تعرف يعني إيه بيت، وتحافظ على اسم جوزها وكر...
16/03/2026

في نوعين من الستات في الدنيا…
نوع لما تدخل حياتك تحس إنك كسبت الدنيا كلها. ست تعرف يعني إيه بيت، وتحافظ على اسم جوزها وكرامته قبل أي حاجة. وجودها في حياتك أمان… كلامها موزون، وتصرفاتها كلها احترام. لو غبت تصونك، ولو تعبت تقف جنبك، ولو الدنيا ضغطت عليك تكون أول واحدة تشيل معاك الحمل. الست دي مش بس زوجة… دي سند وستر ونعمة كبيرة.

وفي نوع تاني خالص…
ست قلبها وعقلها مش ثابتين على حد. العلاقات عندها لعبة، والوفاء كلمة ما تعرفهاش. ممكن تضحك وتوعد، لكن ورا الضحكة دي حكايات كتير ما تتقالش. مع الوقت تكتشف إن الاحترام عندها مجرد كلام، وإن الثقة معاها حاجة صعبة جدًا.

علشان كده…
اختيار شريكة حياتك مش قرار عادي.
لأن الست الصح ممكن تبني بيت كامل من الطمأنينة،
والست الغلط ممكن تهد أكبر بيت في لحظة.

وفي الآخر…
الست الحقيقية مش اللي تقول كلام حلو وبس،
الست الحقيقية هي اللي أفعالها تثبت إنها تستاهل تبقى أمانة في اسمك وبيتك.

مش كل باب يتفتح لك يبقى لازم تدخله…ومش كل لقمة تتقدم لك يبقى لازم تاكلها.في بيوت تدخلها…تخرج منها أخف فلوسًا يمكن،لكن أث...
15/03/2026

مش كل باب يتفتح لك يبقى لازم تدخله…

ومش كل لقمة تتقدم لك يبقى لازم تاكلها.

في بيوت تدخلها…
تخرج منها أخف فلوسًا يمكن،
لكن أثقل نفسًا وراحة.

وفي بيوت تانية
من أول ما تدخلها تحس إن روحك اتسحبت منك من غير ما تفهم ليه.

علشان كده خلّي بالك…
في ٤ بيوت أوعى تدخلهم ولا تأكل من أكلهم.

⸻
1️⃣ البيت الأول: بيت الراديو المفتوح

الكلام فيه شغال طول الوقت.
مين اتجوز… مين اتطلق… مين فشل… ومين خسر.

الضحك عالي،
والقعدة شكلها حلو،
لكن كله على حساب غياب الناس.

البيت ده
تدخل فيه ضيف
وتخرج منه شايل ذنوب مش ذنبك.

⸻

2️⃣ البيت الثاني: بيت المظاهر

كل حاجة فيه معمولة للعرض.

ضحك زيادة،
ترحيب مبالغ فيه،
وسيلفي في كل زاوية في البيت.

لكن أول ما الباب يتقفل…
يتكلموا عنك كأنك عدو
مش كأنك ضيف كان عندهم.

البيت ده
المظاهر فيه أهم من البشر.

⸻

3️⃣ البيت الثالث: بيت الحسد المقنّع

الدعاء فيه شكله طالع من القلب:

ربنا يوفقك…
ربنا يزيدك…
ربنا يفتحها عليك…

لكن الحقيقة اللي مستخبية ورا الكلام:

بس ما تبقاش أحسن مني.
بس ما تبقاش أغنى مني.
بس ما تبقاش أنجح مني.

ده بيت
تخرج منه تعبان…
ومش فاهم ليه.

⸻

4️⃣ البيت الرابع: بيت الطاقة السوداء

بيت كله شكاوي،
كله سخط،
كله كلام عن الضيق والهم وقلة الحيلة.

تدخل فيه متفائل…
تخرج منه حاسس إن الدنيا قافلة في وشك.

ناس ما عندهاش مشكلة تشاركك تعبها…
لكن ما تقدرش تشوفك مرتاح.

⸻

🛑 الخلاصة

مش كل بيت يتزار.
ومش كل ضيافة تتقبل.
ومش كل لقمة تتقدم لنا ناكلها.

في بيوت
لو دخلتها
تخرج منها خسران طاقتك وراحتك ونفسك

Address

Nasr City

Telephone

+201005334517

Website

https://espitaliaa.com/doctor/profile/2267

Alerts

Be the first to know and let us send you an email when Shaimaa Ahmed - شيماء احمد posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Shaimaa Ahmed - شيماء احمد:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category