http://t.me/pinprik, http://pin-prick.com/

Pinprick - شكة دبوس, 9 El-Nozha Bridge, Masaken Al Mohandesin, Nasr City (2025)

13/12/2025

عمك عزت بينفث عن غضبه😀 بس خد بالك علشان لو طار ملوش قطع غيار.

13/12/2025

تأثير كولدچ 😅 {أديك فـ العشة، والفرخة تتمشى}

مين كولدچ ده الأول؟
ده يا سيدي رئيس الولايات لا مؤاخذة المتحدة للفترة ما بين 1923-1929 كالفين كولدچ، سعات الريس ده بقى كان واخد المدام وبيلفوا في مزرعة فـ.ـراخ في " كنتاكي " الولاية مش محل الفرايد تشيكن.
وهم بيلفوا كده الوليه الأرشانة دي سألت المشرف اللي بيلف معاهم: كم عدد المرات التي يفعلها الدِّيَكة في اليوم الواحد .. بينطوا كم مره؟
الراجل ابتسم ابتسامة لذيذة وقال وهو مش دريان بالفخ اللي بيتنصب: عشرات المرات في اليوم الواحد يا سيدتي..
الولية القرشانة قالت له: قل ذلك لسعات الريس "وقامت مشوحة بإيديها كده"

سعات الريس رجل روش كده وفهمان، بدل ما يعرق وبطنه تكركب وهو متابع الحوار ده بهدوء.. قام قال للمشرف: هل يحصل ذلك مع نفس الدجاجة؟
الراجل المشرف تهللت أساريره وابتسم ابتسامة شبه بتاعت مجدي شطة وراح قايل بعلو صوته: اووووه نو نو يا سيدي الرئيس، ولكن كل مرة مع دجاجة مختلفة.
رد سعات الريس وقال له: قل ذلك للسيدة كولدچ.

أهو بسبب حنيكة الولية الأرشانة دي علماء النفس أطلقوا النظرية دي " تأثير كولدچ "

▪️هي ظاهرة بيلوجية تظهر على الذكور إذا ضهرت أنثى أخرى " قُطة جديدة 😁 " ، وتتمثل في التحفيز الجنسي لديهم، حتى ولو كانوا لسه مخلصين الـ هاها حالا.
▪️جابوا فار ذكر مع مجموعة نِـ.ـتي في قفص واحد، قعد ينط عليهم، وبعدين نشاطه الجنسي قل، وبقى خملان كده ومش عايز، راحوا مدخلين عليه نتايه جديدة، قام اشتغل تاني ابن الجِنِّية 😁
▪️كمان قالوا إنها ظاهرة بيولوجية تسمح لك بتجاوز كسلك الاكتفائي بعد بلوغ النشوة، بس لو حصل تحفيز مختلف.

طيب انت عايز تقولنا إيه يا عم أسيم ‼
طيب ركز معايا واديني قلبك تاني معلش وأنا هنعنشك دلوقتي، وهفهمك نفسك وجسمك بزيادة عن اللزوم بإذن الله.
▪️الاعتماد الرئيس اللي بُنيَ عليه " تأثير كولدج " هو مدير مرقعة جسمك، الفرفوش اللذيذ ابن الـكـ@ #$ اللي بيسوحك " هرمون المرقعة والعلـو@ #$ " هرمون الدوبامين.
▪️لما بيبقى معاك وحش الكون وتشوف واحدة على الله حكايتها بس فردة شبشب، ييجي عزت يقوم وينتفض، طيب له يا عزت كده، ده انا معايا وحش الكون 😂 لا طبعا عقلك ميقدرش يفوت فرصة إنه يفرز دوبامين من اللي بيبسطه ويفرفشه .. مدير قسم المرقعة والله .. وهو ده سبب الخيانة الأعظم.
▪️لما بتستخدم دواء لفترة طويلة، اللي بيحصل إن جسمك بيحتاج يعلي الدوز، ده بالضبط اللي بيحصل مع الدوبامين، لما تبقى مع زوجتك اللي اتعودت عليها، دوائرك بتبقى اتعودت تُفرز كمية محددة من الدوبامين، اللي بالفعل مخك مش مُكتفي بيه.. حالة النمطية.
▪️ده كمان جليّ وواضح جدا في تطورك وانت بتتفرج على الإباحية، ربما لو كنت شوفت بوسه بس في الأول كان يتشقلب كيانك، ممكن دلوقتي تبقى بتقعد تقلب نص ساعه على ما توصل للفيلم اللي يحسسك نسبيا إن في حاجة مختلفة زيادة، وغالبا بيبقى معتمد على ترويج الممنوع بالنسبة لك زي " زنا المحارم " أو اتنين من نفس النوع .. نعوذ بالله من كل ذلك، والمصيبة والطامة إن مخك بيقعد يعليها معاك، كل شوية يكتفي بكمية إفراز عن نوع معين من الأفلام ويطلب أكثر، وانت زي الأهـ.ـبل بتقعد تدور له على جرعة أعلى.
▪️مدير مرقعة جسمك " هرمون الدوبامين " هو نفسه اللي بيحسسك بانبساط زياده في فترة الخطوبة ومسكة الإيد اللي بتيجي خطف، وكلام الحب والهيام والانتقام، وتسهيد الليل.. وده نفسه اللي بيعتمد عليه كل منتجي السينما في افلامهم ومسلسلاتهم تقريبا.. بيبع لك دوبامين في بالونه.. وانت بئـ.ــف وبتشتري 😃

تعالوا نتكلم بعمق أكثر..
▪️إزاي تلحم الثاني والثالث، قبل ما نتكلم عن تفاصيل الموضوع ده لازم تفهم إنك كراجل عمك عزت الكريم بينام منك بعد الواحد الأولاني، وحضرتك كمان بتنام من مـ.ـراتك في نفس الوقت فـ ده لا يعني إنك ليـ.ـفه ومش جامد.. خالص يا حبيبي انت طبيعي .. وكلنا كده، ومتخليش حد يسرح بيك إنه كل يوم بيلضم لإن ده كلام غير حقيقي إلا لو بيضرب حاجات زي الزفـ.ـت عليه وعلى دماغه وجسمه، ومسيره يبقى بطـ.ـة بلدي، وانت تكمل لإنك طبيعي وجميل 🙂
▪️جسمك وقت القذف بيبقى في أوج حالاته من إفراز هرمون الدوبامين والتستوستيرون، .. وفجأة يقوم عامل انسحاب تكتيكي، مخك شبع خلاص، يقوم جايب ورا.. ويبدأ جسمك يفرز هرمون البرولاكتين.. تقوم انت داخل في الخمول الجنسي اللي العلماء بيقولوا عليه Refeactory period إعادة ضبط المصنع 😃 وده بيفضل مستمر معاك من دقيقة لـ 24 ساعة، فـ ركز كده .. لا اللي بيلحم عنتيل ولا انت اختها 😁 انت طبيعي جدا وكلنا زيك.
▪️اللحام ده حاجة بتعتمد على حاجات كتير جدا، أغلب الرجال بيعدوا بالمرحلة دي، إنها يبقوا مبسوطين أوي، ونفسيتهم حلوه، والست قايمه بدورها على أكمل وجه، وهو كمان في أحلى حالاته، فيقوم يلاقي نفسه خلص الأولاني وعزت مكمل وحالف يمين طلاق ما هو نايم وسايب الحفله دي، فـ لذلك الراجل بيلضم، وعلشان انت تبقى في الحالة دي في أمور كثيرة جدا تتعمل، وكمان بعد ما تتعمل انت فعلا متعرفش هتقدر توصل للحالة دي بمزاجك ولا هي بتيجي بمزاجها.. يعني من الآخر انت بترفع الكفاءة الجنسية عندك، كلنا عندنا قدرة جنسية، صحة جنسية عامة، لو حافظت على صحتك الجنسية العامة، يعني مفيش إباحية، ومفيش عادة سرية، ومفيش إطلاق بصر، وفي أكل صحي، وفي هواء صحي، وفي عادات صحية، وفي نوم منضبط، وفي نفسية مبسوطة .. ف انت كده قريب من الكمال في الصحة الجنسية العامة، وكل ما تفقد نقطه من اللي انا قلتهم لك دول كل ما كنت بتبعد خطوة عن الكمال الجنسي 🙂
ندخل بقى على الصحة الجسدية العامة، وبعدها الصحة النفسية العامة .. وحدوته طويلة سعادتك، فلو ربنا رزقك وكنت في يوم حمادة كده وحلو ولحمت.. فـ انت عادي وزي الفل، ومش بالضرورة أبدا تعرف تلحم بكره 🙂 اشطه ‼
▪️آه صحيح، ممكن جدا تمتثل لحض النبي صلى الله عليه وسلم، إنك تقوم تتوضى بعد الأولاني، فإنه أنشط للعود، وده فعلا مساعد قوي جدا إن جسمك يعمل ريفرش ويساعدك إنك تلحم 🙂 جربها هتتبسط.
▪️لو سمحت خليك راجل واعي وفاهم كويس أوي إن مينفعش الدوبامين بتاع المرقعة ده يشتغلك، هو السبب في كل خياناتك يا خاين يا معـ.ـفن، وبمجرد ما تقرب من البـ.ـت الجديدة، وتوصل معاها لمرحلة ما .. انت بتكرهها وبتكرفها وقلبك العلـ.ـ$ بيدور على غيرها .. ولفي بينا يا لمونة، ... اكتفي بحلالك وجدد علاقتك الجنسية معاها، واقتل الفتور اللي ممكن جدا رتابة وروتينية العلاقة تخليه هو الغالب.. مش لازم تنط على ام نفس السرير، بنفس أم الوضعية، بنفس الوقت، بنفس الطريقة.. خالص.. عندك الكنبة، السُفرة، الحمام، المطبخ، البلكونة لو ضامن ان مفيش جار فوقك ولا قدامك هيكشفك .. إياكش تطلعوا مصيف وتاخدوا صف أول عا البحر فيبقى عندكم مساحة تهاهو في البلكونة، أو في العربية لو عندك جراج مقفول تعرف تعمل كده من غير ما حد يكشف سترك... العامل الأهم هو إنك تحفظ ستر بيتك ومحدش يطلع عليكم أبدا أبدا.. التجديد في الجنس هو الدوبامين الحلال الزيادة اللي بيبسطك، هو كولدج اللي ينفع نحققه على نفسنا.
▪️عَدِّد😁 جميل أقسم بالله.. اشتري مني 😁
▪️كنت كلمتك قبل كده إن التخيلات الجنسية علماء النفس قالوا إنها كولدج في المقام الأول، يعني إنك تبقى مع زوجتك بس سرحان في خيال تاني، أما بقى لو فكينا من علماء النفس وشفنا علماء الدين بيقولوا إيه؟ فـ علماء الدين قالوا إن الخيال اللي بيهجم عليك بدون تحضير منك وتجهيز واستدعاء... ده حلال مفيهوش أدنى مشكلة وتحاول تصرفه بقدر ما تستطيع.. ثم انقسم العلماء لفريقين في التخيلات الجنسية اللي انت بتستدعيها بنفسك، فريق قال إن ده حرام .. وفريق قال إن ده حلال، طيب نقرب المسافات بين كل العلماء دول.. إذا التخيلات الجنسية مكروهة، وأنا هانشر بوست عن التخيلات الجنسية فيه كل تفاصيلها.

البغاشة
جدد علاقتك بزوجتك، ده ضرورة مُلحة علشان تهرب من مرقعة الدوبامين اللي ممكن يُوردك الموارد، الخيانة يا حبيبي سواء القلبية أو الجسدية ما هي إلا مرقعة هرمون مخك محتاج زيادة منه، ومجرد ما يشبع هيرميك انت ذات نفسك، ولا تبقى لك إلا الحسرة والندم، وخراب بيتك، وسوء لقائك بربك وقد فعلت وفعلت.. فـ خليك عاقل كده وفرمل ابن المجنـ،ـونة ده واكتفِ بحلالك.

أنا آسف جدا إني طولت عليكم كده..
أسيم

12/12/2025

▪هل ج**ع زوجتي في الحمَّام جائز‼
جائز لا بأس به، ونقول دعاء دخول الخلاء، ودعاء الجِماع قبل ما ندخل.

▪هل يجوز الرَضاع من زوجتي أثناء مداعبتها ونزول لبن من ثديها في فمي‼
يجوز

▪هل يجوز أن أتعرى أمام زوجتي وتتعرى هي أمامي من كل الملابس، لإني سمعت أن السيدة عائشة قالت عن النبيﷺ {لم ير مني ولم أر منه}‼
هذا الحديث لا يصح، والصحيح أن النبيﷺ كان يغتسل في إناء واحد مع أمنا عائشة رضي الله عنها، وليس هناك مانع أبدا من تعري الزوجين أمام بعضهما، فهو جائز لا بأس به.

▪هل يجوز أن أتخيل امرأة أخرى وأنا أجامع زوجتي‼
أجمع الفقهاء أنه لا يأثم ذلك الشخص الذي تأتيه هذه التخيلات دون أن يستدعيها أو يتكلفها، واستدلوا بقول النبيﷺ {إن الله تجاوز لأمتي ما حدثت به أنفسها مالم يتكلموا أو يعملوا به}
واختلف الفقهاء فيمن استدعى هذه التخيلات وتكلفها، ففريق رآى ذلك حراما وفريق رآه حلالا، والأولى ترك ذلك ما استطعت.

▪هل يجوز جِماع زوجتي أمام المرآة {المرايا}‼
يجوز.

▪هل الجنس الفموي بيني وبين زوجتي حلال‼
حلال ما أمن كل واحدٍٍ منكما أن لا يدخل لجوفه نجس، السائل المذي الذي يأتي قبل سائل المني هو سائل نجس ولا يجوز أن يدخل الجوف، كذلك لا يجوز أن تُرغمَ زوجتك عليه، فإذا كان ذلك محببا لها وباختيارها فلا بأس.

▪ج**ع الدُبر حرام شرعا، لكن هل يجوز لي مداعبة هذه المنطقة سواء بالعضو الذكري أو بالأصابع أو غيرها‼
نعم يجوز ما دمت تأمن على نفسك أن لا تواقعها فيه، فإن خِفت فلا يجوز.

▪واقعتُ زوجتي فترة حيضتها ولم أكن أعلم، فهل علي شيء‼
لا شيء عليكما.

▪واقعت زوجتي في حيضتها عمدًا، ماذا أصنع‼
تتوبان إلى الله، تندمان على فعلتكم، لا تعودان للذنب مرة آخرى، تتصدقان بدينار أو بنصف دينار، والدينار = 4.25 جرام ذهب ونصف الدينار جرامين.

▪هل يجوز استخدام ألفاظ بذيئة أثناء الج**ع‼
نعم يجوز، ولا شيء في ذلك.

▪هل يجوز بعض العنف الذي ترضاه زوجتي ولا يؤلمها‼
نعم يجوز، ولا شيء فيه.

▪قرأت لأحدهم يقول {تعبدوا إلى الله بالجنس} فهل هذا يجوز‼
أحدهم ده اللي هو أسيم 🙂
نعم يجوز أن نتعبد إلى الله بالجنس، لما سُئل النبيﷺ: يا رسول الله آياتي أحدنا شهوته ويكون له فيها أجر؟
قالﷺ: ارايتم لو وضعها في الحرام، أكان عليه وزر؟ فكذلك إذا وضعها في الحلال كان له أجر.
وقالﷺ {وفي بُضع أحدكم صدقة}
وج**ع الزوجة بنية إرضاء الله في كفاية أهل بيتك حاجتهم تعبُّدٌ لله، وأي عمل صالح تكون نيتك فيه أن ترضي الله هو تعبُّدٌ له، ولو لم يكن هذا عملا صالحا ما كان النبيﷺ علمنا أن نقول دعاءا قبل أن نباشرهن {لو أن أحدكم إذا أتى أهله قال اللهم جنبني الشيطان وجنب الشيطان ما رزقتني فإن كان بينهما ولد لم يضره الشيطان ولم يسلط عليه}.

▪انقطع الدم عن زوجتي في فترة النفاس بعد 20 يوما فقط وجامعتها فهل عليَّ شيء‼
لا، ليس عليك شيء، والعبرة أصلا بانقطاع الدم لا بتمام أربعين يومًا، فإن انقطع الدم وطهُرَت فيجوز لك ج**عها ما دامت تحتمله، فإن لم ينقطع الدم بعد الأربعين يوما جاز لها أن تغتسل وتجامعها.

▪والدتي تبيت عندي كثيرًا، فهل يجوز لي مجامعة زوجتي وأمي نائمة لا تسمعنا‼
نعم يجوز لك أن تجامع زوجتك متى شئت في أي مكان ما أمِنت أن لا يكشف أحدهم سر بيتك، ويجوز لك ج**عها على سطح البناية، وبالسيارة، وإذا كان عندك ضيوف فدخلت فجامعتها ثم عُدت إلى ضيوفك.. كل ذلك شرطه الوحيد أن تكون آمنا بنسبة 100٪ ألا يسمع أحدهم شيئا ولا يشعر أحدهم بشيء، وأن لا يُكشف ستر بيتك، فزوجتك جائزة لك بكل حال.

كتبه أسيم
وروجع من علماء دار الافتاء المصرية قبل النشر.

12/12/2025

جائز

12/12/2025

أوَكلما خلوتَ بنفسك أنهكتَ الجُنديَّ في معارك لا طائل منها، ألا تخشى إن استدَعيتَه في معركة حقيقية خيَّب ظنك!..
الإباحية والاستمناء يُفسدان ذائقة الجنس الحقيقية.. انقِذ نفسك☹️

11/12/2025

= يشرفني يا حاج أطلب ايد بنت حضرتك
- طيب انت جاهز يا ابني.
= الحمد لله يا حاج أنا جاهـ..
- طيب مبدايا كده احنا بنشتري راجل،..
لا يا حاج والله أنا مش للبيع، لو حضرتك رأيت مني ومن أهلي خيرا زوجني بنتك بما يرضاه ديننا الحنيف، وأنا مجهز شقتي من الابره للصاروخ ولن أكلف حضرتك ولا بنت حضرتك مليما واحدًا، المعززة المكرمة لا تتكلف شيئا في زواجها.

- طيب عايزين 100 ألف مهر و 100 جرام ذهب‼️
حقك يا حاج، وهي تتاقل بأكثر من كده ربنا يبارك فيها، بس بفكر حضرتك إن ديننا الحنيف أقر لها المهر، وأنا تحت أمر حضرتك في الـ 100 ألف المهر اللي حضرتك طلبتهم بس معايا منهم 25 ألف فقط دلوقتي، ونكتب الباقي مؤخرًا يبقى دين عليا أسده لها وقت ما أستطيع، أما الذهب فـ العرف هو اللي عمله
لكن في ديننا الحنيف مفيش ذهب أصلا
وطبعا علشان نتماشى مع العرف بقدر استطاعتنا
وبما إن العرف بيعتبر الذهب من المهر، فـ أنا معايا 25 ألف ادفعهم مهر، بنت حضرتك تجيب بيهم دهب، تدخرهم، تُنفقهم، تتبرع بيهم لله.. فلها ما تحب فهو مالها، ولو عايزني أنا اشتري بيهم ذهب ومدفعهمش نقدًا لبنتك عيوني .. أوامر؛ لكن لو حضرتك عايز توري بنت خالتها وبنت عمتها انها جابت ذهب كتير
ده شأنكم يا أبويا الحاج..
ربنا يبارك في عمرك وصحتك وعافيتك لو عايز تشتري لبنت حضرتك ذهب هدية منك وهي تحوش الـ 25 ألف المهر بتاعها أنا معنديش مشاكل
لها حرية التصرف في مالها "المهر".

- انت مش شاري بنتنا ولا إيه‼️
لا والله يا حاج لإن بنت حضرتك مش سلعة أصلا.

- طيب اكتبلها قايمة بنص مليون جنيه، وأول ما تفتح القايمة هتلاقيني حاطط لك من أؤتمن على العرض لا يُسأل عن الطول😄، تصورها وتنزلها فيس بوك‼️
والله يا حاج أنا عايز أقول لحضرتك نفس الجملة، من ائتمنته عن عِرض ابنتك لا تسأله عن المال، بل عن دينه ودين أهله وأخلاقهم، والحقيقة زي ما بلغت حضرتك أنا مجهز شقتي من الإبرة للصاروخ وبنت حضرتك هتيجي معززة مكرمة بشنطة هدومها، ولو عايزها تيجي واشتري أنا الهدوم أنا موافق والله.. فـ بالتالي مفيش قائمة منقولات يا أبويا ربنا يرفع قدرك

- أصل بنت خالتها جالها‼️
أنا آسف يا حاج، أنا جاي اتجوزها هي مش جاي أتجوز بنت خالتها.

- طيب وإيه اللي يضمن حقوق بنتنا‼️
ممكن حضرتك توضح لي أي حقوق بالضبط.. الله سبحانه أقر لها الصداق، وده أنا هادفعه زي ما حضرتك طلبته مني 100 ألف جنيه، ونفس الرب الكريم شرع لي إني لو مش معايا كل المهر اللي حضرتك طلبته أدفع اللي جاهز وأكتب الباقي مؤخرا.. يكون دَينا علي لها.، أما بنت حضرتك فستأتي بيتها معززة مكرمة لم تدفع مليما واحدا في الزواج، فما حقها مني إلا ما أحقه الله لها من المودة والرحمة وحسن العشرة وأن أتقي الله فيها.

- طيب كده يا ابني نصباية الذهب وقفلتها علينا لما طلعت فاهم إن الذهب اللي هو جزء من المهر مش من الدين أصلا، ونصباية القايمة وقفلتها علينا، طيب لما نحب نجرجر أمك في المحاكم أو بنتنا تنشُز ومتسمعش كلامك، وتبقى مُهدد بالقائمة والسجن والتبديد والقرف فـ تعيش معاها مغصوب على أمرك وبكده نبقى اديناها القوامة تؤمر وتنهي وتتحكم فيك.. نعمل إيه، ممكن يا ابني تقول لنا نطلع عين والدة حضرتك ازاي‼️
والله يا ابويا كان على عيني، كان نفسي أقدر أساعدك بس أنا راجل وعايز بيتي أنا وبنت حضرتك يبقى مستقر وقوامتي لا مساس بها علشان ربنا خلق بنت حضرتك منقادة برجل، دي خلقتها وجبلتها، فـ أنا عايز أحافظ على سنة ربنا في الكون، لإن زي ما انت شايف كده نسبة الطلاقة بقت أكثر من نسبة الزواج، وأنا عايز استمر مع بنتك لحد الآخر والله، فسامحني إني مش قادر اساعدك.

- طيب هنعمل فرح فـ الشنازلزيه وهنجيب بوزو وكاراتيه،.. و
يختاااااااي🤦‍♂️

10/12/2025

أرجوك كـ راجل متزن لازم يبقى في حوار بينكم عن الجنس ليس أثناء الجنس..

يعني حوار بره السرير عن السرير وإيه اللي بتحبه منك واللي بتكرهه فيك، لازم تكسر تابوه إن الكلام ده عيب وإنك مكسوف أو إنها مش متعودة يكون في بينكم الحوار ده، وإنكم بتعملوا الجنس الصامت
اللي هو بتمد إيدك تقوم هي محسساك انها معاك تقوم عامل إيلاج والسلام، ده جنس مقرف يا صديقي، ده انت لو حاجزها وردية مش هيبقى كده أعاذنا الله وإياك من الحرام..

طيب لو كان بالفعل ده حالك دلوقتي وعايز تكسر التابوه ده تعمل ايه‼️
البداية من السرير، يعني تبدأ تغير النمط بتاعك معاها في السرير، ونبدأ نتكلم واحنا بنداعب، وبعد شويه نبدأ نتكلم واحنا بنهاها، كلام هي تحبه، كله حب منك وإنك حابب تسعدها، هتكسر الحاجز.

المرحلة الثانية كلام بعد الهاها وهي في حضنك
المرحلة التالته كلام في المطبخ.. آه والله المطبخ ده سحر😄 احضنها انت بس من ورا وهي واقفة بتعمل حاجة خفيفة، يعني متجيش وهي بتعجن أو بتخلَّط مكرونة بشاميل وبتقلب الفراخ البانية اللي بتتعمل عا الجريل بالزبدة والليمون ومتبلة بالطماطم والبصل وصوص الباربكيو والثوم والبهارات والفلفل الحراق.. اسف سرحت..

اختار وضع تكون الدنيا فيه رايقة
تحضن من ورا وتكلمها في ودنها بصوت خفيض، ومره بعد مرة هتبقى كسرت الحاجز وهتتكلموا عن الجنس في كل حتة عادي، وده هيغير شكل حياتكم قولا واحدا.. اسمع من أخوك علشان انا دلوقتي بختصر لك أبحاث وكُتب في مقالة محندقة .. فـ اشتري مني متتعبش قلبي معاك.

▪️أرجوك النظافة، استخدم شامبو وشاور ومزيل عرق ومخمرية ونظف سنانك واستخدم بودي لوشن، واحلق حشائش السافانا اللي تحت، والله هتختصر كتير أوي على نفسك لو عملت كده.
▪️أرجوك داعب ولا تتعجل ولوج الباب قبل قَرعه.
▪️أرجوك حضن ما بعد الجنس يكاد يكون أهم من الجنس لهن.
▪️أرجوك اعمل الجنس كآلة Machine مهمتك إنك تُرضي زوجتك مش إنك تستمتع، ساعتها والله هتستمتع أكثر مما كنت متخيل إنك هتستمتعه لو داخل تحطه وتطلع والسلام.. كفاية بصتها ليك وانت ممتعها وكافيها وماليها وواخد قلبها وعقلها، نظرتها ليك إنك ذو سطوة ومفيش منك في الكوكب اتنين.

ذاكر تنجح، غش من شكة دبوس تجيب مجموع😉.. والسلام

10/12/2025

ليه بيقولوا العريس يلبس البوكسر بالشقلوب ليلة الدخلة😮

"بابٌ في سحر الربط، والتفريق"
الموروث الشعبي والخرافة التي ترتدي ثوب الحقيقة بإثباتات لا تقبل النفي ولا المناقشة، والأُمية المستشرية في الناس.. جعلت رجلا يرتدي الملابس الداخلية مقلوبة ليلة زفافه علَّه ينجو من الربط..

قال له أقرانه لن يقف قضيبك ليلة الزفاف إلا أن تزور الشيخ فلان الفلاني، وتنال بركته وتضع النذور بين يديه، والشيخ يقبل الدفع بالمحافظ الإلكترونية والتحويلات البنكية والعملات الرقمية وإنستاباي.. وطبعا لو مخدتش بركة مولانا ويمين الله لينيمهولك .. وهيبقى منظرك كلوت قدامها، ومش هتعرف..
وعندي ألف قصة حقيقية عن من رفض الذهاب للشيخ وفعلا مقاملوش قومه..

سحر الربط بين الوهم والحقيقة وأكل العيش‼️
الربط هو إعجاز الرجل عن ممارسة الجنس مع زوجته، فهو إذا داعبها فعنترٌ وإذا أراد الدخول فـ سوسنِ 😀 يالبلدي كده مبيعرفش يوجفه..

وأما سحر الربط للزوجة فينقسم إلى عدة أقسام:-
“ربط الانسداد“: يجعل الزوجة “مصمتة” أمام زوجها، فيتعذر عليه فض بكارتها.
"ربط المنع”: يجعل الفتاة تضم ساقيها بقوة تمنع بدء اللقاء الجنسي.
“ربط البرود” أو “التبلد”: تعجز المرأة تماماً عن الاستمتاع بالممارسة الحميمية.
“ربط النزيف”: تنزف الزوجة فور حدوث الج**ع.
“ربط التغوير”: يجعل العذراء تبدو دون غشاء بكارة، فيشك الزوج فيها، وتنتهي زيجتها بفضيحة.

امشي معايا واحدة واحدة بقى وأنا أمسكك لامؤاخذة العصاية من النص.. هل في سحر فعلا اسمه سحر الربط بيمنع الراجل ينام مع مراته؟
آه.. فعلا موجود.
انت كده بتحارب الخرافة ولا بتؤكد وجودها يا أسيم؟
بحاربها وبعترف بوجود نسبة ضئيلة من الحقيقة فيها، قال الله تعالى: فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ {البقرة: 102}

طيب أنا لما بداعب مراتي بتاعي بيبقى حديدة وأول ما أحاول أدخله يبقى قطعة بانيه، أنا كده مربوط؟
لا مش مربوط ولا حاجة، انت كده عندك ضعف انتصاب نفسي.. افهم بقى.
لما بتحصل إثارة دماغية من التخيل مثلا، أو بالحواس {السمع، البصر، الشم} أو بإثارة طرفية زي الاحتكاك المباشر "اللمس" ساعتها الجهاز العصبي السيمبثاوي اللاودي {البارثامباثاتيك نرفيز سيستم} ينشط، نشاطه ده بيستدعي عمنا الـ نايتريك أوكسايد، يقوم موسع الشرايين.. وقلبك الحنين كده خلاص أخد أمر رسمي من الإدارة المركزية العليا "الدماغ" بإنه يبعت الدم للقضيب.. يقوم ينتصب..
طول وقت الانتصاب لازم يفضل في رسايل بين الدماغ والقضيب.. جندي وقائد
الدماغ بيقول للقضيب ها أكمل معاك ولا إيه الكلام!؟
عمك عزت يقول للدماغ على وضعك.. كمل.
تيجي انت يا مجرم تفصل الدماغ، وتشتته.. وتقطع التواصل بين الجندي في أرض المعركة وبين إدارة الحرب المركزية "يا ترى هيكمل ولا هيقع، يا ترى هبقى عنتر ولا عبلة، يا ترى هاجي بسرعة ولا هطول.." كل الـ ياترى دي وغيرها من الهواجس بتُفقد الدماغ تركيزه في استدامة التواصل مع عمك عزت..
وميلاقيش دعم ويقع 🙁
وانت بتفسر ده بإنه ربط وسحر ومحتاج تروح للشيخ لإن النفس بتميل لوضع شماعات تعلق عليها ضعفها، وبيستناك الدجال لإنك زبون سُقع وهيطلع منك بمبلغ وقدره، والحقيقة انك زبون على طبق من فضة.. جاي ولاحدش سمى عليك.
اوعى تروح للدجال، واوعى تسمع كلام حد..

▪انت سليم طالما بتشوف الانتصاب في أوقات مفيهاش ضغط نفسي.
▪متاخدش أي محفزات انتصاب نهائيا نهائيا نهائيا. "انت مش محتاج"
▪انت مش داخل سباق، ومش داخل تثبت حاجة لحد، ومش مُطالب بشيء غير إنك تهدأ.. وتاخد نَفَسَك كده وتستمتع.. وعزة جلالة الله ملهاش حل غير إنك تستمتع، يعني تتبسط، يعني تهاف سكس، يعني تغمض عينك وتدخل في معاميق المتعة، تدي نفسك الثقة؛ مستحيل عضوك الذكري يقع منك وانت بتضرب عشرة، تدري ليش؟ لإن مفيش تارجت غير المتعة، مفيش تقييم لنفسك، انت ساعتها بتبقى عايز تستمتع فقط.. ده اللي انا طالبه منك.. استمتع فقط..
▪حافظ على الصلاة وذِكر الله، والصلاة على رسول اللهﷺ، والهدوء النفسي والراحة الجسدية والنوم الجيد والغذاء الجيد مش الرمرمة، والمشي يوميا نصف ساعة.. ودي مش دروشة.. دي كلها عوامل هدوء نفسي مهمة للغاية، وبالنسبة لأصدقائنا المسيحيين مارس شعائرك واستبعث منها الهدوء النفسي والاتزان أيضا.
▪لو حدثت المشكلة دي فـ طبطب على زوجتك واشرحلها كلامي ده، وفهمها إنها تساعدك إنك تتجاوز الضغط والتوتر والاضطراب النفسي.. والست الأصيلة بنت الناس هتحفظك وهتساعدك.. ولما الموضوع يعدي هيبقى مادة للتندر نضحك عليها لما نفتكرها.. هذه المشكلة لا تدوم أبدا أبدا.
▪قد يكون الإجهاد عاملا مساعدًا لضعف الانتصاب النفسي.. فـ استريح؛ هيقف.
▪ولو دامت المشكلة فزيارة طبيب الذكورة حل ناجع.

طيب الولية قفلت رجلها يا مولانا وكل ما أقرب ترفصني وخايفة وبتعيط، ده كده بقى أكيد سحر ربط زي ما انت قلت فوق، وأروح للشيخ بقى يعالجها؟
لا يا حبة عين أخوك، دي بوادر تشنج مهبلي أو صعوبة ج**ع.. فكك من الشيخ وافهم.. التشنج المهبل: عَرَض نفسي يؤدي لأثر عضوي؛ بسبب الخوف الزائد من الج**ع والفزاعة والأساطير والرُهاب والضغط.. ده بيؤثر على قدرة زوحتك في إتمام الج**ع لإنه بيعمل تقلصات لا إرادية في العضلات المحيطة بالثلث الخارجي للمهبل اللي هي الدائرة المحيطة بفتحة المهبل، تقوم تعمل إغلاق للفتحة، فميحصلش الاتساع اللازم لإتمام الإيلاج، ومبحصلش إيلاج، يعني هي حاجة نفسية في المقام الأول بتستجيب ليها الأعضاء بطريقة لا إرادية، وطبعا لو معاليك سلمت نفسك للدجال هيعمل من فخادك انت وهي بطاطس محمرة..
أولا: هنوقف محاولات الج**ع 3 أيام، هتتفق مع زوجتك إن هيحصل بس احتكاك خارجي لباطن العضو الذكري على العضو الأنثوي فقط بدون محاولة إدخال.
ثانيًا: خلال أسبوع كامل .. الزوجة عليها واجب يومي.
▪تمارين كيجل " يوتيوب واكتب كيجل واتعلموا ونفذوا "
▪إفراغ المثانة تماما قبل عملية الج**ع "بعد أول 3 أيام"
▪هنستخدم المزلقات في عملية الج**ع.
▪تمارين القبض والبسط، زوجتك هـ تُقلص عضلة قاع الحوض لمدة 10 ثواني ثم تُرخي نفس العضلة لمدة 10 ثواني، وتكرر التمارين 10 مرات متتالية. "3 مجموعات فق اليوم الواحد"
▪صدمات السخن والساقع، ودي عبارة عن كمَّادات سخنة وساقعة بتتعمل ورا بعضها من الخارج، بتساعد في إرخاء العضلات، مع مرعاة تجفيف المنطقة.
▪ياريت نخلي الجنس صباحي مش مسائي..

لو فضلت المشكلة باقية هنحتاج نزور طبيب نسا🤍 علشان في احتمال كبير يكون تشنج مهبلي، وفي مراكز في مصر متخصصة لعلاج التشنج المهبلي سواء بجلسات التوسيع المهبلية، والعلاج النفسي، أو بحقن البوتكس في المرحلة المتأخرة..

أرجوك متروحش للشيخ.
متروحش للدجال.
متحكيش مشكلتك غير مع المختص مش لامك ولا لامها ولا ابوك ولا أبوها.
متروحش للمعالج بالقرآن ومتجيبهوش بيتك.
متروحش للدجال ومتجيبش زيت ورك النملة ولا شعراية نموسة سنجل، ولا زب جمل بري، ولا فروة دب قطبي بالله عليك..

العلم عنده تفسير كل شيء تقعان فيه في أول الزواج، أزل جهل نفسك تجد الحل بسيطا سهلا ميسورًا.. أنا شوفت في خمس سنين في المجال ده اللي مشوفتوش في حياتي كلها، أقسم لك بالله إني يوميا أستقبل اتصالات تتجاوز 20 اتصال عندهم نفس اللي انت قرأته فوق ده .. وكلهم بفضل الله -إلا ما ندُر- بفهمهم وامشي معاهم خطوة خطوة والدنيا بتتحل والأمور بتكون زي الفل.

وأخيرا.. نعم السحر موجود وهو قليل قليل قليل نادر جدا {وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ} فإن خُضتَ طريق الطب حتى نهايته فلم يُزل علتك فربما ساعدك القرآن والأوراد من أحاديث رسول الله وأذكار الصباح والمساء والرقية الشرعية.. والأصل أن أوراد الذكر كلها في حياتك الطبيعية..

وأول ما تسمع المعالج بيتمتم بتعاويذ أو كلام غير مفهوم "اهرب"
والسلام عليكم ورحمة الله وبركاته.
أسيم

10/12/2025

أصعب الأوضاع الجنسية على الإطلاق، وتتطلب مرونة شديدة من الطرفين أو أحدهما على الأقل، وهي أوضاع ثورية لا تصلح لجميع الناس، ولا ننصح بتجربتها لصعوبتها وخطورتها.

09/12/2025

طيب الحمدلله

08/12/2025

الـ عَشَرَة - 10 {للرجال فقط}

البوست ده ليك لو كنت بتمارس العادة السرية بإفراط قبل الزواج؛ فلما تزوجت وانت بتجامع زوجتك بقيت مش عارف تقضي وطرك إلا لما تنزع العضو الذكري من المهبل، وتكمل بإيدك علشان تقذف..

بسم الله القدير عليه توكلت وبه أستعين.. محلولة يا صاحبي بإذن الله.
▪️مبدئيا هذه المشكلة مؤقتة بإذن الله وستنتهي.
خلينا نكون واقعيين مع بعض الأول.. أنت أسير إفراطك للعادة السرية "قبحها الله"😓، المخ صار معتادا على طريقة واحدة للإثارة الجنسية، طريقة مُركبة نفسيا وبضغطة معينة من قبضة يدك، مش قادر يستوعب الطريقة الجديدة للإثارة "العلاقة الجنسية الفطرية" ولا قادر يفهم ضغطة المهبل فـ مش عارف يستجيب، ورافض يعطي أوردر بالقذف للعضو الذكري إلا بالطريقة القديمة المعتادة.. وهو يُجرك إلى ما اعتاده، فتلاقي نفسك مضطر تُخرج العضو الذكري وتداعبه بيدك كما كنت تصنع بالسابق حتى تقذف.. وتلك يا صديقي أشنع جناية جَنيتها على نفسك بالعادة السرية؛ بعد احتمال تعرضك لسخط الله الجليل😞

▪️استعن بالله ولا تعجز..
▪️هنعتمد الجنس الصباحي وننسى بتاع بالليل دلوقتي.
▪️تصارح الزوجة بالمشكلة بكل هدوء.. وتعرفها إن الحل إن شاء الله سهل وبسيط لو هي أعانتك عليه..
▪️انت والزوجة تستمروا أسبوع بدون علاقة جنسية مكتملة إلا بالطريقة اللي هكتبهالك دلوقتي..
1️⃣أول يوم في الأسبوع العلاجي حضرتك تداعب الزوجة، ولما يحصل الانتصاب مش هتجامع؛ بل هتُداعب العضو الذكري بيدك أمام زوجتك، وهي مستعدة للج**ع .. وأول ما تشعر باقتراب القذف تعمل إيلاج كامل، وأول ما تعمل الإيلاج هي تضم رجلها لتُضيق المهبل "راجع التعليقات".. حتى يحصل القذف.
2️⃣ثاني يوم نفس الوضع بالضبط بنفس الطريقة بالضبط.
3️⃣ثالث يوم حضرتك هتداعب الزوجة ثم تتركها هي تداعب لك العضو الذكري بيدها حتى يحصل الاستثارة الكاملة.. "أنصح بإضائة خافتة مع إغلاق العيون والاستغراق في المتعة"، أول ما تصل لمرحلة ما قبل القذف مباشرة تعمل إيلاج وتعمل نفس الوضع اللي فيه تضييق.
4️⃣رابع يوم نفس الوضع بالضبط..
5️⃣خامس يوم مختلف شوية.. نبدأ بالمداعبة وأول ما تحصل الإثارة الكافية للإيلاج هنعمل إدخال كامل ونعمل نفس الوضع اللي في التعليقات.. وتغلق عيونك وتدخل في حالة الاستمتاع والاستغراق الكامل في شعورك بمتعة الاحتكاك للعضو الذكري.. ركز واستمتع بس كده مش مطلوب منك حاجة تاني..
لو نجح الأمر خلاص كده .. عيش
لو لم ينجح هنستخدم في اليوم السادس والسابع تكنيك مختلف وهو تكنيك مؤقت ولا يجوز لك أن تستمر عليه.. إذ لا يجوز شرعا أن تستحضر تخيلات جنسية .. لكن هي ضرورة نتخطى بها مشكلة أعمق وهي "هدم بيت"
هتحصل مداعبة ثم إيلاج ثم حضرتك تدخل في أعظم خيالاتك الجنسية "فيلم - منظر - موقف مثير جدا عديت بيه" أي حاجة تدخلك في المتعة الكاملة حتى يحصل القذف..
أكرر أنه لا يجوز أن نتخيل تخيلات جنسية أثناء العلاقة الجنسية على أظهر أقوال أهل العلم .. لكنها حال خاصة.

احنا كده عملنا إيه‼️
احنا بإذن الله الكريم فكينا الارتباط العصبي العضلي بين المخ والعضو الذكري وضغطة اليد.. فكيناها بالتدريج وبدأنا ندرب المخ إن في وسيلة تانية للمتعة والاستثارة والقذف..

لو لم ينجح الأمر هنُكرر نفس الخطوات بنفس الترتيب لمدة شهر..
لو لم ينجح الأمر نراجع الطبيب النفسي..

بفضل الله وكرمه.. الكلام ده الأطباء مش هيعرفوا يقولوهولك، وبفضل الله وكرمه الأطباء بيبعتوا لي الحالات اللي زي كده اتعامل انا معاها علشان قالع برقع الحيا.. وأهم شيء عندي إن البيت يقوم مينهدمش.. وبفضل الله وكرمه الطريقة اللي فوق دي مجربة ونجحت بنسبة تخطت 80%

البوست على الصفحة العامة خد بالك من التعليقات الله يعزك.
أنا خلصت.. شفاك الله وأقام بيتك وغفر ذنبي وذنبك.. السلام عليكم، أسيم.

08/12/2025

هم عايزين يلغوا الرضاعة😮

Pinprick - شكة دبوس

13/12/2025

13/12/2025

12/12/2025

12/12/2025

12/12/2025

11/12/2025

10/12/2025

10/12/2025

10/12/2025

09/12/2025

08/12/2025

08/12/2025

Address

Telephone

Website

Alerts

Contact The Practice

Shortcuts

Share

Category

شكة دبوس؟